ᐃᓄᖕᓄᑦ ᑭᒃᑯᑐᐃᓐᓇᕐᓄᑦ ᑐᓴᒐᒃᓴᖅ: ᑲᑭᕙᒃᑯᑦ ᐅᐃᒍᒋᐊᖅᓯᔪᑦ $1.5ᒥᓕᔭᓂᑦ ᓄᕙᔾᔪᐊᕐᓇᖅ-19 ᓇᖕᒥᓂᕐᓄᑦ ᐃᑲᔫᑎᖓᓂ & ᐃᑲᕐᕋᑎᒍᑦ ᑮᓇᐅᔾᔭᒃᓵᕈᑎᒃᓴᓄᓪᓗ ᑮᓇᐅᔭᓂᒃ ᑐᓂᔭᐅᔪᓂᑦ ᕿᑭᖅᑕᓃᒃᑯᓐᓂᑦ
ᐅᓪᓗᖓ ᓴᖅᑭᑕᖅ: ᔫᓐ 11, 2020
ᐱᔾᔪᑦ: ᑲᑭᕙᒃᑯᑦ ᐅᐃᒍᒋᐊᖅᓯᔪᑦ $1.5ᒥᓕᔭᓂᑦ ᓄᕙᔾᔪᐊᕐᓇᖅ-19 ᓇᖕᒥᓂᕐᓄᑦ ᐃᑲᔫᑎᖓᓂ & ᐃᑲᕐᕋᑎᒍᑦ ᑮᓇᐅᔾᔭᒃᓵᕈᑎᒃᓴᓄᓪᓗ ᑮᓇᐅᔭᓂᒃ ᑐᓂᔭᐅᔪᓂᑦ ᕿᑭᖅᑕᓃᒃᑯᓐᓂᑦ
ᑲᑭᕙᒃᑯᑦ ᑲᑐᔾᔨᖃᑎᒌᖏᑦ ᐳᕝᕕᕆᓐᓇᖅᑐᖅ ᖃᓂᒪᓇᖅ-19 (ᓄᕙᔾᔪᐊᕐᓇᖅ) ᓇᖕᒥᓂᕐᓄᑦ ᐃᑲᔫᑎᖏᑦ ᐊᒻᒪ ᐅᐸᓗᖓᐃᔭᐅᑎᒋᔭᐅᔪᑦ ᐃᑲᕐᕋᑎᒍᑦ ᑮᓇᐅᔾᔭᒃᓴᕈᑎᒃᓴᖏᓪᓗ ᐃᑲᔫᑎᖏᑦ ᐅᐃᒍᒋᐊᖅᑕᐅᔪᑦ ᓯᑎᐱᕆ 2020ᒧᑦ. ᐱᓕᕆᐊᒃᓴᑦ ᐅᐃᒍᒋᐊᖅᑕᐅᓂᖏᑦ ᐃᓄᐃᑦ ᓇᖕᒥᓂᖏᑦ ᐱᕕᖃᒃᑲᓐᓂᖁᓪᓗᑎᒍ ᐃᑲᔫᑎᑖᕐᓂᕐᒥᒃ ᐊᒻᒪᓗ ᐃᓄᖕᓂᑦ ᐃᖅᑲᓇᐃᔭᖅᑎᓂᒃ ᐃᖅᑲᓇᐃᔭᖅᑎᑦᑏᓐᓇᕈᓐᓇᖁᓪᓗᒋᑦ ᐊᑐᖅᑎᓪᓗᒍ ᓄᕙᔾᔪᐊᕐᓇᖅᑐᖅ19.
ᐃᑲᔪᖅᑕᐅᑎᓪᓗᒋᑦ ᕿᑭᖅᑕᓃᒃᑯᓐᓂᑦ, ᑮᓇᐅᔭᖅᑖᓚᐅᕐᒪᑕ $1.5ᒥᓕᔭᓂᒃ ᑲᑭᕙᒃᑯᑦ ᐊᒻᒪ ᒪᕐᕉᓂ ᓴᖅᑭᑎᑦᑎᔪᓐᓇᖅᓯᓚᐅᕐᒪᑕ ᓄᕙᔾᔪᐊᕐᓇᖅ-19 ᐱᓪᓗᒍ ᑐᒃᓯᕋᕐᕕᐅᒍᓐᓇᖅᑐᓂᒃ ᑖᒃᑯᐊ ᒥᓂᖅᓴᐅᔪᑦ ᐊᒃᑐᖅᑕᐅᓴᕋᐃᑦᑐᓪᓗ ᐃᓄᐃᑦ ᓇᖕᒥᓂᖏᑦ ᕿᑭᖅᑕᓂ ᓄᓇᓕᖕᓂᑦ ᐃᑲᔪᖅᑕᐅᓯᒪᑲᐃᓐᓇᖁᓪᓗᒋᑦ ᐊᒻᒪᓗ ᐃᓄᖕᓂᑦ ᐃᖅᓇᐃᔭᖅᑎᖏᓐᓂᒃ ᐃᖅᑲᓇᐃᔭᖅᑎᑦᑏᓐᓇᕈᓐᓇᖁᓪᓗᒋᑦ.
ᑖᓐᓇ $1ᒥᓕᔭᓐ ᑮᓇᐅᔭᖅ ᕿᑭᖅᑕᓂ ᓄᕙᔾᔪᐊᕐᓇᖅ-19 ᐅᐸᓗᖓᐃᔭᐅᑎᖏᑦ ᐃᑲᕐᕋᑎᒍᑦ ᑮᓇᐅᔾᔭᒃᓴᖅᑐᑦᓄ ᐃᑲᔫᑎᑦ ᓴᖅᑭᑕᐅᓚᐅᖅᑐᖅ ᐄᐳᓪ ᕿᑎᕈᔪᖓᓂ ᑐᕌᖓᔪᑦ ᐃᑲᕐᕋᑎᒍᑦ ᑮᓇᐅᔾᔭᒃᓵᓄᑦ ᐃᑲᔫᑎᐅᓗᑎᒃ ᐊᔪᕐᓂᖅᓴᐅᔪᓄᑦ ᐃᓄᐃᑦ ᓇᖕᒥᓂᖏᓐᓄᑦ ᓄᖅᑲᖅᑎᑦᑎᒋᐊᖃᔾᔮᙱᒻᒪᑕ ᐃᓄᖕᓂᑦ ᐃᖅᑲᓇᐃᔭᖅᑎᓂ ᕿᑭᖅᑕᓂ ᓄᓇᓕᖕᓂᑦ.
ᑖᒃᑯᐊᓕ $500,000 ᑮᓇᐅᔭᐃᑦ ᓄᕙᔾᔪᐊᕐᓇᖅ -19 ᓇᖕᒥᓂᕐᓄᑦ ᐃᑲᔫᑎᐅᔪᑦ ᒥᑭᓐᓂᖅᓴᓄᑦ ᐃᓄᖕᓄᑦ ᓇᖕᒥᓂᕆᔭᐅᔪᓄᑦ ᒪᑭᒪᔾᔪᑎᒋᒃᑲᓐᓂᕈᑎᒋᓂᐊᖅᑕᖏᓐᓂᒃ ᐊᒃᑐᖅᑕᐅᑎᓪᓗᒋᑦ ᓄᕙᔾᔪᐊᕐᓇᕐᒧᑦ.
ᕿᑭᖅᑕᓃᒃᑯᑦ ᓄᕙᔾᔪᐊᕐᓇᖅ-19 ᐅᐸᓗᖓᐃᔭᐅᑎᑦ ᐃᑲᔪᕐᕋᑎᒍᑦ ᑮᓇᐅᔾᔭᒃᓵᓄᑦ ᐃᑲᔫᑏᑦ ᐊᑐᓂ ᐃᖅᑲᓇᐃᔭᖅᑎᒧᑦ ᑮᓇᐅᔾᔭᒃᓵᖏᓐᓄᑦ ᐃᑲᕐᕋᑕᒫᖅᓯᐅᑎᖏᓐᓂ ᐃᓚᒋᐊᕈᑎᐅᓗᓂ ᑎᑭᓪᓗᒍ $20.00ᑖᓚᓄᑦ ᓱᓕᓗ ᐱᑕᖃᕐᒥᔪᖅ $1,500ᓂ ᐊᑐᐃᓐᓇᐅᔪᓄᑦ ᐃᓕᓐᓂᐊᕈᑎᒃᓴᓄᑦ ᐊᑐᓂ ᐃᖅᑲᓇᐃᔭᖅᑎᒧᑦ ᓇᖕᒥᓂᕐᓄᑦ ᑐᒃᓯᕋᖅᑕᐅᔪᓐᓇᖅᑐᓂᒃ ᐃᖅᑲᓇᐃᔭᖅᑎᖏᑦ ᐱᔪᓐᓇᕐᓂᕆᔭᖏᓐᓂᒃ ᖁᕝᕙᒃᓯᒋᐊᒃᑲᓐᓂᕈᓐᓇᖁᓪᓗᒋᑦ.
ᕿᑭᖅᑕᓃᒃᑯᑦ ᓄᕙᔾᔪᐊᕐᓇᖅ-19 ᓇᖕᒥᓂᕐᓄᑦ ᐃᑲᔫᑏᑦ ᐅᑎᖅᑎᑕᐅᒋᐊᖃᙱᓪᓗᑎᒃ ᐃᑲᔫᑎᐅᔪᑦ ᑎᑭᓪᓗᒍ ᑮᓇᐅᔭᓄᑦ $25,000ᓄᑦ ᐊᑐᓂ ᑐᒃᓯᕋᖅᑐᒧᑦ.
ᓇᖕᒥᓃᑦ ᐃᖅᑲᓇᐃᔭᖅᑎᖏᓐᓂᒃ ᓄᖅᑲᖅᑎᑦᑎᒋᐊᖃᓚᐅᖅᑐᑦ, ᒪᑐᓯᒋᐊᖃᓚᐅᖅᑐᓪᓘᓐᓃᑦ ᑮᓇᐅᔭᓕᐅᑦᑎᐊᕈᓐᓃᑦᑐᑦ, ᑮᓇᐅᔭᓂᒃ ᐃᓯᕐᕕᐅᒍᓐᓃᖅᑐᓪᓘᓐᓃᑦ ᑐᒃᓯᕋᕈᓐᓇᖅᑐᑦ ᓇᓕᑐᐃᓐᓇᖓᓂᒃ ᑕᒪᐃᓐᓂᒡᓘᓐᓃᑦ ᑐᒃᓯᕋᕐᓗᑎᑦ ᓇᖕᒥᓃᑦ ᐊᐅᓚᐃᓐᓇᕈᓐᓇᖁᓪᓗᒋᑦ ᐃᖅᑲᓇᐃᔭᖅᑎᖃᐃᓐᓇᖁᓪᓗᒋᓪᓗ ᐱᒋᐊᕐᓗᒍ ᒫᑦᓯ 15ᒥᑦ ᓯᑎᐱᕆ 30ᒧᑦ
ᑐᒃᓯᕋᖅᑐᑦ ᐃᓱᒪᒋᔭᐅᓂᐊᖅᐸᑕ ᓇᓗᓇᐃᔭᐃᒋᐊᓕᒃ ᐃᑲᔪᖅᑕᐅᒋᐊᖃᓪᓚᕆᒃᓯᒪᓂᖓᓄᑦ ᑐᓂᓯᓗᓂ ᓈᒪᔪᓂᒃ ᑐᑭᓯᒋᐊᕈᑎᓂᒃ ᓇᖕᒥᓂᐊᑕ ᐊᐅᓚᔾᔪᑎᒋᔭᖏᓐᓂᒃ , ᓱᕐᓗ ᐅᑯᓂᖓ:
- ᐃᑲᕐᕋᑎᒍᑦ ᑮᓇᐅᔾᔭᒃᓴᕈᑎᑦ
- ᐊᑐᖅᑐᐊᕈᑎᑦ
- ᐅᖁᖅᓴᐅᑎᓄᑦ
- ᐃᑯᒻᒪᓕᐅᕈᑎᓄᑦ
- ᑐᓴᐅᒪᖃᑦᑕᐅᑎᓄᑦ
- ᓚᐃᓴᓐᓯᒥ ᓇᓪᓕᐅᒃᑯᒫᓂᓗ
ᐊᑐᓂ ᑐᒃᓯᕋᖅᑐᖅ ᐱᔭᕇᖅᓯᒪᔪᒥᒃ ᑕᑕᑎᔭᕆᐊᓕᖕᒥᒃ ᑐᓂᓯᓗᓂ ᐊᒻᒪ ᑕᐃᒃᑯᐊ ᐱᖃᓯᐅᔾᔭᐅᔭᕆᐊᓖᑦ ᑐᓂᖃᓯᐅᑎᓗᒋᑦ.
ᑖᒃᑯᐊ ᑮᓇᐅᔭᐃᑦ ᓄᕙᔾᔪᐊᕐᓇᖅ-19 ᐅᐸᓗᖓᐃᔭᐅᑎᒋᔭᐅᓪᓗᑎᒃ ᐃᑲᕐᕋᑎᒍᑦ ᑮᓇᐅᔾᔭᒃᓴᕈᑎᓄᑦ ᐃᑲᔫᑎᑦ ᓴᖅᑭᓯᒪᔪᑦ ᑲᑭᕙᒃᑯᑦ ᓴᖅᑭᔮᖅᑎᓯᒪᓕᕇᖅᑕᖓᓂ ᐃᑲᔫᑎᐅᔪᒥᒃ ᑮᓇᐅᔭᖃᖅᑎᑕᐅᕙᒃᑐᒥᑦ ᓄᓇᖃᖅᑐᑐᖃᓂ ᐃᓕᓐᓂᐊᖅᑎᑦᑎᓂᕐᒥᒃ ᐃᖅᑲᓇᐃᔮᒃᓴᓄᑦ ᐊᖏᕈᑎᑎᒍᑦ.
ᑖᒃᑯᐊ ᑮᓇᐅᔭᐃᑦ ᓄᕙᔾᔪᐊᕐᓇᖅ-19 ᓇᖕᒥᓂᕐᓄᑦ ᐃᑲᔫᑏᑦ ᓴᖅᑭᒍᓐᓇᖅᓯᓚᐅᖅᑐᑦ ᓴᓂᕐᕙᖅᑕᐅᓯᒪᔪᓂᑦ ᑮᓇᐅᔭᓂᑦ ᓯᕗᒻᒧᑦ ᑮᓇᐅᔭᖏᓐᓂᑦ ᑐᓂᔭᐅᔪᓄᑦ ᑲᑭᕙᒃᑯᓐᓄᑦ ᕿᑭᖅᑕᓃᒃᑯᓐᓂᑦ.
ᑐᒃᓯᕋᐅᑎ ᑕᑕᑎᒐᒃᓴᐃᑦ ᐱᔭᐅᔪᓐᓇᖅᑐᑦ ᐅᕙᙵᑦ:
ᕿᑭᖅᑕᓂ ᓄᕙᔾᔪᐊᕐᓇᖅ-19 ᐅᐸᓗᖓᐃᔭᐅᑎᑦ ᐃᑲᔪᕐᕋᑎᒍᑦ ᑮᓇᐅᔭᒃᓴᕈᑎᓄᑦ ᐃᑲᔫᑎᖏᑦ www.kakivak.ca
http://kakivak.ca/Kakivak_Qikiqtani_Covid-19%20Wage_Subsidy_Application%20April_IU.pdf
ᕿᑭᖅᑕᓂ ᓄᕙᔾᔪᐊᕐᓇᖅ-19 ᓇᖕᒥᓂᕐᓄᑦ ᐃᑲᔫᑏᑦ www.kakivak.ca
http://www.kakivak.ca/Kakivak-Qikiqtani_Covid19_Business_Relief_Program_Application_IU.pdf
ᑐᑭᓯᒃᑲᓐᓂᕈᒪᒍᕕᑦ, ᖃᐅᔨᒋᐊᕐᕕᒃᓴᑦ:
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ:
ᓰᒪ ᓴᕼᐋᕐ ᓯᐊᕆᕼᐃ, ᑐᑭᒧᐊᒃᑎᑦᑎᔨ, ᑐᓴᐅᒪᑎᑦᑎᓂᕐᒧᑦ,
Qikiqtani Inuit Association
867.975.8413
1.800.667.2742
ᑲᑭᕙᒃ ᑲᑐᔾᔨᖃᑎᒌᑦ:
867.979-0911
1.800.561.0911