ᐱᔾᔪᑎᖓ ᐱᓕᕆᐊᑉ

ᑐᕌᒐᖓ ᐳᕝᕕᕆᓐᓇᖅᑐᖅ ᖃᓂᒪᓇ -19 ᕿᑭᖅᑕᓃᒃᑯᑦ ᐅᐸᓗᖓᐃᔭᐅᑎᖏᑦ ᓄᒃᑕᖅᑎᓄᑦ ᐱᒋᐊᕈᑎᖏᑦ

ᒫᓐᓇᐅᑲᐃᓐᓇᖅᑐᒥᒃ ᑮᓇᐅᔭᑎᒍᑦ ᐃᑲᔪᖅᑕᐅᖁᓪᓗᒋᑦ ᕿᑭᖅᑖᓗᖕᒥ ᐃᓄᐃᑦ ᑕᒪᓐᓇ ᖃᓂᒪᓐᓇᖅ ᐊᑐᖅᑎᓪᓗᒍ.  ᑐᒃᓯᕋᕐᓂᐊᖅᑐᑦ ᒪᓕᑦᑎᐊᖏᓐᓇᖁᔭᐅᕗᑦ ᐋᓐᓂᐊᖃᕐᓇᙱᑦᑐᓕᕆᔨᒻᒪᕆᐅᑉ ᐅᖃᐅᔾᔪᖅᓯᒪᔭᖏᓐᓂ ᐃᓚᐅᓂᐊᕈᕕᑦ ᑕᒪᑐᒥ ᐱᓕᕆᐊᖑᔪᒥᒃ.  ᑐᒃᓯᕋᐅᑎᑦ ᐱᔭᐅᔪᓐᓇᖅᓯᓂᐊᖅᑐᑦ ᐄᐳᓪ 3ᒥᑦ ᔫᓐ 30, 2020ᒧᑦ, ᑮᓇᐅᔭᐃᕈᑎᙱᑉᐸᑦ ᐊᒻᒪᓗ ᑕᒪᓐᓇ ᐋᓐᓂᐊᖃᕐᓇᙱᑦᑐᓕᕆᓂᖅ ᖃᓄᐃᓕᖓᓂ ᒪᓕᓪᓗᒍ.

ᖃᔅᓯᓂ ᑮᓇᐅᔭᖅᑖᖅᑐᖃᕈᓐᓇᖅᐸ?

ᐊᑕᐅᓯᐊᕐᓗᑎᒃ ᑮᓇᐅᔭᖅᑖᕈᓐᓇᖅᑐᖅ $1,500ᓂ ᐊᑐᓂ ᐃᒡᓗᖃᖅᑎᐅᔪᑦ.

ᑭᓇᒃᑯᑦ ᐱᓇᓱᒍᓐᓇᖅᐸᑦ?

ᐃᓄᐃᑦ ᐃᒡᓗᖃᖅᑏᑦ ᓄᓇᓕᕋᓛᖃᖅᑐᑦ ᐃᒡᓗᕋᓛᖃᖅᑐᓪᓘᓐᓃᑦ ᐊᒻᒪᓗ ᐃᖏᕐᕋᐅᑎᖃᑦᑎᐊᖅᑐᑦ ᐆᑦᑐᕈᓐᓇᖅᑐᑦ.  ᓯᕗᓪᐅᑎᑕᐅᖃᑦᑕᕐᓂᐊᖅᑐᑦ ᐃᓄᐃᑦ ᓅᓯᒪᓂᐊᖅᑐᓂᒃ 14ᓄᑦ ᐅᓪᓗᓄᑦ ᐅᖓᑖᓄᓪᓘᓐᓃᑦ.  ᖃᐅᔨᒪᓂᐊᖅᐳᓯ ᑕᑕᑎᕈᕕᑦ ᑐᑭᖃᙱᑦᑐᖅ ᑮᓇᐅᔭᖅᑖᖅᑎᑕᐅᓂᐊᕐᓂᕐᓄᑦ.

ᑮᓇᐅᔭᐃᑦ ᑭᓱᓄᑦ ᐊᑐᕈᓐᓇᖅᐸᑦ?

ᑮᓇᐅᔭᐃᑦ ᐊᑐᖅᑕᐅᒍᓐᓇᖅᑐᑦ ᐊᔾᔨᒌᙱᑦᑐᓄᑦ ᐊᑐᕆᐊᓕᖕᓄᑦ ᓅᓐᓂᐊᕐᓗᑎ.  ᓱᕐᓗ ᐃᒻᒪᖄ ᐅᖅᓱᓄᑦ, ᑕᖁᐊᓄᑦ, ᓴᒃᑯᓄᑦ, ᐊᓯᖏᓐᓂᓗ ᐱᖁᑎᓂ ᐊᑐᕆᐊᖃᖅᑐᓂ ᓅᓯᒪᓗᑎ.

ᑕᑕᑎᒐᒃᓴᑎᒎᕆᐊᖃᖅᐸᑦ?

ᐅᖄᓚᐅᑎᒃᑯᑦ ᕿᒪᐃᒍᕕᑦ ᐅᖃᐅᓯᕆᔪᒪᔭᕐᓂ ᑎᑎᕋᕈᕕᓪᓘᓐᓃᑦ ᐃᕐᖐᓐᓈᕈᑎᒃᑯᑦ, 5ᓂ ᐅᓪᓗᓂ ᐃᓗᐊᓂᓘᓐᓃᑦ ᖃᐅᔨᒋᐊᖅᑕᐅᓂᐊᖅᑐᑦ ᖃᐅᔨᒪᑎᑕᐅᓗᑎᒃ ᐱᔭᐅᓯᒪᓂᖓᓂ ᑎᑎᕋᓚᐅᖅᑕᐃᑦ ᐅᖄᓚᐅᑎᒃᑯᓘᓐᓃᑦ ᐅᖃᐅᓯᕆᓚᐅᖅᑕᐃᑦ.  ᐊᑏᖓᐃ ᕿᓄᐃᓵᑦᑎᐊᕐᓂᐊᖅᐳᓯ 5−ᑲᓐᓂᕐᓂ ᐅᓪᓗᒃᑲᓐᓂᕐᓂ ᑕᑕᑎᖅᓯᒪᔭᐃᑦ ᑲᒪᒋᔭᐅᓇᓱᐊᕐᓂᖓᓄᑦ.  ᕿᒥᕐᕈᔭᐅᓯᒪᓕᖅᑎᓪᓗᒍ, ᑮᓇᐅᔭᐃᑦ ᑐᓂᔭᐅᔪᓐᓇᖅᓯᓂᐊᖅᑐᑦ ᐱᖓᓱᓂᑦ ᐅᓪᓗᓂ.

ᑐᒃᓯᕋᐅᑎᖃᖅᑐᑦ ᕿᒥᕐᕈᔭᐅᖃᑦᑕᕐᓂᐊᖅᑐᑦ ᐊᔾᔨᒌᒃᑐᒥᒃ ᑐᓂᐅᖅᑲᐃᑦᑎᐊᕈᒪᓪᓗᑕ ᓄᓇᓕᖕᓂ ᕿᑭᖅᑖᓗᖕᒥ.  ᑐᒃᓯᕋᐅᑎᑦ ᐱᓇᓱᐊᕈᓯᑕᒫᑦ ᕿᒥᕐᕈᔭᐅᖃᑦᑕᕐᓂᐊᖅᑐᑦ.  ᐊᒻᒪᓗ ᐃᓱᒪᒋᔭᐅᔭᕆᐊᖃᑐᐃᓐᓇᖅᖢᓂ ᐅᐱᕐᖓᒃᓴᓕᖅᑎᓪᓗᒍ ᓄᓇᓕᖕᓂ ᐱᔾᔪᑎᒋᓪᓗᒍ.  ᑖᓐᓇ ᐱᒋᐊᕈᑎᒋᔭᐅᔪᖅ ᐊᒃᑐᖅᑕᐅᑐᐃᓐᓇᕆᐊᖃᖅᑐᖅ ᐱᔾᔪᑎᒋᓪᓗᒍ ᐱᕙᓪᓕᐊᒍᑎᒋᔭᐅᔪᓂᑦ ᑐᐊᕕᕐᓇᖅᑐᓕᕆᑎᓪᓗᒋᑦ ᐋᓐᓂᐊᖃᕐᓇᙱᑦᑐᓕᕆᓂᕐᒥᒃ.

ᑮᓇᐅᔭᐃᑦ ᖃᓄᖅ ᐊᑭᓕᖅᑕᐅᓂᐊᖅᐸᑦ?

ᑖᒃᑯᐊᓕᒫᑦ ᑮᓇᐅᔭᐃᑦ ᓇᓗᓇᐃᖅᑕᐅᔪᑦ ᐊᑕᐅᓯᐊᖅᑕᐅᓗᑎᒃ ᑐᓂᔭᐅᓂᐊᖅᑐᑦ. ᓯᒃᑭᑦ ᑎᑎᖅᑲᒃᑯᕕᒃᑰᕈᓐᓇᖅᑐᑦ, ᐴᖅᑕᐅᓗᑎᓪᓗᓐᓃᑦ ᑮᓇᐅᔭᒃᑯᕕᒋᔭᕐᓄᑦ ᓇᓪᓕᐊᖕᓄᑦ (ᕈᐃᔪᓪ ᑮᓇᐅᔭᒃᑯᕕᒃ, ᑲᓃᑎᐊᓐ ᑮᓇᐅᔭᒃᑯᕕᒃ, ᐊᓪᓚᐃᑦ ᑮᓇᐅᔭᒃᑯᕕᖓᓄᓘᓐᓃᑦ).

ᐱᓇᓱᒍᒪᒍᕕᑦ

ᐱᓇᓱᒍᒪᒍᕕᑦ, ᐅᖄᓚᕕᐅᑕ, ᐃᕐᖐᓐᓈᕈᑎᑎᒍᓪᓘᓐᓃᑦ ᑎᑎᕋᕐᓗᑎ.

ᐃᕐᖐᓐᓈᕈᑎ: COVID-19@qia.ca                             ᐅᖄᓚᐅᑖ:       1-867-979-8383