ᐱᔾᔪᑎᖓ ᐱᓕᕆᐊᑉ

ᑐᕌᒐᖃᖅᑐᖅ ᑖᓐᓇ ᐱᓕᕆᐊᖅ ᐳᕝᕕᕆᓐᓇᖅᑐᒥᑦ ᖃᓂᒪᓇᖅ19 ᐱᔾᔪᑎᒋᓪᓗᒍ,  ᐅᐸᓗᖓᐃᔭᐅᑎᐅᔪᓂ  ᓂᐅᕕᕈᓐᓇᐅᑎᖅᑖᑦᓯᕐᓂᕐᒥ ᐃᓄᑐᖃᓂ ᒫᓐᓇᐅᑲᐃᓐᓇᖅᑐᒥᒃ ᐃᑲᔫᑎᐅᓂᐊᖅᑐᒥᒃ ᑖᓐᓇ ᐳᕝᕕᕆᓐᓇᖅᑐᖅ ᖃᓂᒪᓇᖅ19 ᐊᑐᖅᑎᓪᓗᒍ.

ᑖᓐᓇ ᐱᓕᕆᐊᖅ ᖃᓄᐃᓕᖓᓂᐊᖅᐸ?

ᐱᓕᕆᐊ.  ᑖᕿᑭᖅᑕᓃᒃᑯᑦ ᑲᑐᔾᔨᖃᑎᖃᖅᓯᒪᔪᑦ ᐅᑭᐅᖅᑕᖅᑐᒥ ᑯᐊᐸᕇᓴᐃᑦ ᐃᓚᒌᓴᒃᑯᓐᓂ ᓴᖅᑭᑎᑕᐅᓂᐊᕐᒪᑦ ᑖᓐᓇ ᐱᓕᕆᐊᖑᔪᖅ ᐱᒋᐊᕐᓂᐊᖅᑐᖅ ᐄᐳᓪ 14ᒥ ᐊᒻᒪᓗ ᐊᐅᓚᑕᐅᓗᓂ 12ᓄᑦ ᐱᓇᓱᐊᕈᓯᓄᑦ.

ᒪᕐᕉᒃ ᐱᓇᓱᐊᕈᓯᑦ ᖄᖏᖅᑎᓪᓗᒋᑦ, ᕿᑭᖅᑖᓗᖕᒥ ᐃᓄᑐᖃᐃᑦ ᓂᐅᕕᕈᓐᓇᐅᑎᑖᖃᑦᑕᕐᓂᐊᖅᑐᑦ ᐊᑭᖃᖅᑐᓂ $250.00ᓂ, ᑯᐊᐸᒃᑯᔅᓯᓐᓂ ᐱᔭᐅᖃᑦᑕᕈᓐᓇᕐᓂᐊᖅᑐᓂ ᓄᓇᓕᔅᓯᓐᓂ..

ᑲᖏᖅᑐᒑᐱᖕᒥ, ᐱᓕᕆᐊᖑᔪᖅ ᐊᔾᔨᐅᙱᑦᑑᓂᐊᖅᑐᖅ. ᕿᑭᖅᑕᓃᒃᑯᑦ ᐃᖅᑲᓇᐃᔭᖃᑎᖃᕐᓂᐊᖅᑐᑦ ᐃᓕᓴᖅᓯᕕᒃᑯᓐᓂᑦ ᐊᒻᒪ ᐅᑭᐅᖅᑕᖅᑐᒥ ᑯᐊᐸᒃᑯᓐᓂ ᐸᔪᖅᓯᖃᑦᑕᕐᓗᑎᒃ ᓂᕿᓂ ᐃᓄᑐᖃᓄᑦ ᓂᐅᕕᕈᓐᓇᐅᑎᑖᙱᓐᓂᖅᓴᐅᓗᑎᒃ, ᑲᖏᖅᑐᒑᐱᖕᒥ ᐃᓄᑐᖃᖏ ᑐᓂᔭᐅᖃᑦᑕᕐᓂᐊᖅᑐᖅ ᓂᕿᓂ (ᐊᑭᖃᖅᑐᓂ $250.00ᓂ) ᒪᕐᕉᒃ ᐱᓇᓱᐊᕈᓰᑦ ᖃᖏᖅᑎᓪᓗᒋᑦ 12ᓄᑦ ᐱᓇᓱᐊᕈᓯᓄᑦ ᐱᓕᕆᐊᖓᓂᐊᖅᑎᓪᓗᒍ.

ᑕᒪᓐᓇ ᑐᐊᕕᕐᓇᖅᑐᓕᕆᔭᐅᖏᓐᓇᖅᑎᓪᓗᒍ ᐋᓐᓂᐊᖃᕐᓇᙱᑦᑐᓕᕆᓂᖅ, ᓴᖅᑭᑕᐅᓂᖓ ᐱᓕᕆᐊᖅ ᐊᓯᔾᔨᖅᑕᐅᑐᐃᓐᓇᕆᐊᖃᖅᑐᖅ ᖃᓄᐃᑉᐸᓪᓕᐊᓂᐅᔪᑦ ᐊᓯᔾᔨᖅᐸᓪᓕᐊᑎᓪᓗᒋᑦ.

ᑭᓇ ᐱᔪᓐᓇᖅᐸ?

ᕿᑭᖅᑖᓗᖕᒥᐅᑦ ᐃᓄᑐᖃᑦ 60ᓂᑦ ᐊᕐᕌᒍᖑᖃᖅᑐᓂ ᐅᖓᑖᓄᓘᓐᓃᑦ ᐃᑲᔫᑎᑖᕈᓐᓇᖅᑐᑦ ᑖᔅᓱᒪᙵᑦ ᐱᓕᕆᐊᖑᔪᒥᑦ.

ᓂᐅᕕᕐᕕᒃ ᖃᓄᖅ ᖃᐅᔨᒪᓂᐊᖅᐸ ᑭᓇ ᐱᔪᓐᓇᕐᓂᐊᕐᒪᖔᑦ?

ᕿᑭᖅᑕᓃᒃᑯᑦ ᑐᓂᓯᓂᐊᖅᑐᑦ ᐃᓄᑐᖃᓂ ᐊᕐᕌᒍᓕᖕᓄᑦ 60ᓂ ᐅᖓᑖᓄᑦ ᓂᐅᕕᕈᓐᓇᐅᑎᓂᑦ ᑯᐊᐸᒃᑯᓐᓂᑦ. ᐊᑎᓕᐅᖅᓯᒪᔪᑦ ᓄᓇᕗᑦ ᑐᙵᕕᒃᑯᑎᒍᑦ ᓇᓗᓇᐃᔭᐅᑎᓂ ᑐᓂᓯᓗᑎ ᑯᐊᐸᒃᑯᓐᓂᓕᒫᖅ, ᐊᒻᒪᓗ ᐊᑐᕐᓂᐊᖅᑐᑦ ᓄᑖᖑᓂᖅᐹᓂᒃ ᒫᑦᓯ 20, 2020ᒨᖅᓯᒪᔪᓄᑦ.

ᐊᑏᑦ ᖃᐅᔨᒋᐊᖅᓯᐅᒃ ᕿᑭᖅᑕᓃᒃᑯᑦ ᐅᕝᕙᓘᓐᓃᑦ ᓄᓇᓕᖕᓂ ᑐᓴᐅᒪᑎᑦᓯᔨᓯ 60ᓂ ᐊᕐᕌᒍᑖᖅᓯᒪᓕᕈᕕᑦ ᒫᑦᓯ 20, 2020−ᑎᒥ ᐊᒻᒪᓗ ᐄᐳᓪ 14, 2020ᒥᓗ, ᐅᕝᕙᓘᓐᓃᑦ 60ᓂ ᐊᕐᕌᒍᑖᕐᓂᐊᕈᕕᑦ ᔫᓐ 30, 2020−ᑎᐅᑉ ᑐᖔᓂ.  ᐃᓄᑐᖃᓕᒫᑦ ᑕᒪᑐᒥ ᐃᑲᔫᑎᒥᒃ ᐱᖁᔭᕗᑦ, ᐊᒻᒪᓗ ᐊᑎᓕᐅᖅᓯᒪᔪᑦ ᐱᔪᓐᓇᖅᑐᓂᒃ ᐋᖅᑭᒋᐊᖅᑕᐅᖃᑦᑕᕐᓂᐊᖅᖢᓂ.

ᖃᔅᓯᖃᖅᑐᒥ ᓂᐅᕕᕈᓐᓇᐅᑎᑖᕐᓂᐊᖅᐳᖓ?

12-ᓄᑦ ᐱᓇᓱᐊᕈᓯᓄᑦ ᐱᓕᕆᐊᖑᓂᐊᖅᑎᓪᓗᒍ, ᐃᓄᑐᖃᓕᒫᑦ ᓂᐅᕕᕈᓐᓇᐅᑎᑖᖃᑦᑕᕐᓂᐊᖅᑐᑦ ᐱᖓᓲᔪᖅᑑᔪᓂ ᓂᐅᕕᕈᓐᓇᐅᑎᓂ ᐊᑭᓕᖕᓂᑦ $250.00ᓂ.  ᑖᒃᑯᐊᓕᒫᑦ ᐊᑐᕋᔭᕈᕕᒋᑦ , ᑲᑎᓕᒫᕐᓗᒋᑦ ᓂᐅᕕᕈᓐᓇᐅᑎᑖᑎᑦ ᐊᑭᖃᓐᖑᐊᕋᔭᖅᑐᑦ $1500.00

ᖃᖓ ᐱᖃᑦᑕᕈᓐᓇᕐᓂᐊᖅᐸᕋ ᓂᐅᕕᕈᓐᓇᐅᑎᒐ?

ᓂᐅᕕᕈᓐᓇᐅᑎᑦ ᑐᓂᔭᐅᖃᑦᑕᕐᓂᐊᖅᑐᑦ ᒪᕐᕉᓂ ᐱᓇᓱᐊᕈᓰᑦ ᖄᖏᖅᑎᓪᓗᒋᑦ, ᐅᑯᓂᖓ ᐅᓪᓗᕐᓂ::

• ᐄᐳᓪ 14, ᐄᐳᓪ 28
• ᒪᐃ 12, ᒪᐃ 26
• ᔫᓐ 9, ᐊᒻᒪ ᔫᓐ  23

ᑭᓱᓄᑦ ᐊᑐᕈᓐᓇᖅᐸ ᓂᐅᕕᕈᓐᓇᐅᑎ?

ᑖᒃᑯᐊ ᓂᐅᕕᕈᓐᓇᐅᑎᑦ ᐊᑐᖅᑕᐅᒍᓐᓇᖅᑐᑦ ᑯᐊᐸᒃᑯᓐᓂ ᓄᓇᓕᖕᓂᑦ ᕿᑭᖅᑖᓗᖕᒥ. ᓂᐅᕕᕈᓐᓇᐅᑎᑦ ᑭᓱᓄ ᐊᑐᕈᓐᓇᕐᓂᖏᑦ ᑭᒡᓕᖃᖅᑎᑕᐅᙱᑦᑐᑦ.

ᓇᖕᒥᓂᖅ ᐊᐃᒃᖠᕈᓐᓇᙱᒃᑯᒪᓕ?

ᑖᒃᑯᐊ ᐅᐸᓗᒍᑕᐅᓯᒪᔪᑦ ᐃᑲᔫᑎᑦ ᐃᓄᑐᖃᓄᑦ,ᑐᕌᖓᔪᑦ, ᑕᐃᒪᐃᒻᒪᑦ ᕿᑭᖅᑕᓃᒃᑯᑦ ᐊᐱᕆᓯᒪᔪᑦ ᓂᐅᕕᕐᕕᖕᓂ ᑐᓂᓯᖃᑦᑕᖁᙱᖦᖢᒋᑦ ᑭᓇᑐᐃᓐᓇᕐᒧᑦ ᐊᑎᓕᐅᖅᓯᒪᙱᑦᑐᓂ ᑐᓂᔭᐅᓯᒪᔪᓄᑦ.

ᑐᑭᓯᔪᒍᑦ ᐃᓄᑐᖃᐃᑦ ᐃᓚᖏᑦ ᓇᖕᒥᓂᖅ ᓂᐅᕕᕐᕕᓕᐊᕈᒪᓗᐊᖅᑐᒃᓴᐅᙱᒻᒪᑕ ᐱᓗᐊᖅᑐᒥᒃ ᑖᓐᓇ ᐳᕝᕕᕆᓐᓇᖅᑐᖅ ᖃᓂᒪᓇᖅ-19 ᐊᑐᖅᑎᓪᓗᒍ, ᐅᕝᕙᓘᓐᓃᑦ ᐱᔭᕆᑐᐊᕐᓂᖓᓂ ᓂᐅᕕᕐᕕᐊᕋᓱᒋᐊᕐᒥ.

ᓇ ᖕᒥᓂᖅ ᐊᐃᒃᖠᕈᓐᓇᙱᒃᑯᕕᑦ ᓂᐅᕕᕈᓐᓇᐅᑎᒥᒃ, ᑎᓕᓯᔪᓐᓇᖅᑐᑎᑦ ᐊᐃᒃᖠᕈᓐᓇᖅᑐᒥᒃ.

ᑎᓕᓯᓂᐊᕈᕕᑦ, ᑐᓴᖅᑎᓪᓗᒍ ᓄᓇᓕᖕᒥ ᑐᓴᐅᒪᑎᑦᓯᔨᓯ ᐅᕝᕙᓘᓐᓃᑦ ᐅᖄᓚᓗᓯ ᕿᑭᖅᑕᓃᒃᑯᓐᓄᑦ ᐅᖄᓚᐅᑎᓄᑦ ᓇᓗᓇᐃᔭᖅᑕᐅᔪᓂ ᐊᑖᓂ.

ᐋᖅᑭᒋᐊᖅᓯᒍᓐᓇᖅᑐᒍᑦ ᐊᓯᔾᔨᖅᓯᓗᑕᓗ ᖃᖓᑐᐃᓐᓇᖅ ᐊᑎᕐᓂ ᓂᐅᕕᕈᓐᓇᐅᑎᑖᕈᓐᓇᖅᑐᓂ, ᑎᓕᔭᐅᖃᑦᑕᕐᓂᐊᖅᑐᕐᓗ ᐊᑎᖏᓐᓂᓗ. ᐅᕙᑦᑎᓐᓄᑦ  ᐊᑲᐅᓂᐊᖅᑐᖅ ᑎᓕᔭᐅᓂᐊᖅᑐᖅ ᐊᑎᖓ ᓇᓗᓇᐃᔭᖅᑕᐅᒍᓐᓇᖅᐸᑦ ᐄᐳᓪ 10ᒥ, ᑭᓯᐊᓂ ᐊᔭᐅᖅᑐᖅᑕᐅᓗᐊᙱᑦᑐᖅ.

ᐊᐱᖅᑯᑎᒃᓴᖃᖅᐲᑦ?

Please call us, or send an email:

EMAIL:           COVID-19@qia.ca                                                      TEL:     1-867-979-8383