ᓄᕙᓐᓇᕐᔪᐊᖅ-19 ᐊᒃᑐᖅᑕᐅᓯᒪᔪᑦ ᓄᓇᓕᖕᓄᑦ ᐃᑲᔫᑎᑦ − ᓴᓂᑭᓗᐊᖅ
$410,000ᓂ ᓂᐅᕕᕈᑎᓂ ᓂᕿᓂᓪᓗ ᕿᑭᖅᑕᓂ ᐃᓄᐃᑦ ᐃᓚᒌᓄᑦ ᓇᔪᖅᑐᓄᑦ ᓴᓂᑭᓗᐊᕐᒥ. $100,000ᓂ ᓴᓂᑭᓗᐊᕐᒥ ᐅᒪᔪᕐᓂᐊᖅᑎᒃᑯᑦ ᑲᑎᒪᔨᓄᑦ ᐃᑲᔪᕐᓂᖏᑦ ᓄᓇᓕᖕᓂ ᓂᕿᒃᓴᖃᖅᑎᑦᑎᓂᕐᒥᒃ.
ᕿᑭᖅᑕᓂ ᐃᓕᓐᓂᐊᕐᕕᖕᓂ ᓂᕿᖃᖅᑎᑦᑎᓂᕐᒧᑦ ᐱᒋᐊᕈᑎ
$300,000ᓂ ᐆᒻᒪᑦᑎᐊᕆᓐᓇᖅᑐᓂᑦ ᓂᕿᓂᑦ ᕿᑭᖅᑕᓂ ᓄᓇᓕᓐᓄᑦ ᐃᓕᓐᓂᐊᖅᑎᓄᑦ. ᕿᑭᖅᑕᓃᒃᑯᑦ ᑮᓇᐅᔭᓂ ᑐᓂᓯᔪᑦ ᕿᑭᖅᑕᓂ ᓄᓇᓕᖕᓂᑦ ᐃᓕᓐᓂᐊᖅᑐᓕᕆᔨᓄᑦ ᐃᓕᓐᓂᐊᕐᕕᖕᓄᓗ. ᑖᒃᑯᐊ ᑮᓇᐅᔭᑦ ᖄᒐᒍᒃᑲᓐᓂᖅ ᑐᓂᔭᐅᓯᒪᔪᑦ ᐱᓕᕆᐊᖑᓕᕇᖅᑐᒥᒃ ᓂᕆᔭᒃᓴᖃᖅᑎᑦᑎᓂᕐᒥᒃ ᕿᑭᖅᑕᓂ ᐃᓕᓐᓂᐊᕐᕕᖕᓂ.
ᕿᑭᖅᑕᓂ ᐃᓚᒌᓄᑦ ᐃᑲᔫᑎᑖᕈᒪᓂᕐᒧᑦ ᑐᒃᓯᕋᐅᑎᓂ
ᕿᑭᖅᑕᓃᒃᑯᑦ ᓴᓂᕐᕙᐃᖅᓯᓯᒪᔪᑦ $2.65 ᒥᓕᔭᓂᒃ ᐃᑲᔫᑕᐅᓂᐊᖅᑐᓂᒃ ᐱᔾᔪᑎᒋᓪᓗᒍ ᓄᕙᓐᓇᕐᔪᐊᖅ-19 ᐊᑐᖅᑎᓪᓗᒍ. ᐊᑐᓂ ᐃᒡᓗᖃᖅᑎ ᑮᓇᐅᔭᖅᑖᕈᓐᓇᖅᑐᖅ ᑭᒡᓕᖃᕐᓗᓂ $1,000ᓂ. ᑲᑎᓪᓗᒋᑦ 2,660ᖑᔪᓂᒃ ᕿᑭᖅᑕᓂ ᐃᓚᒌᓂᑦ ᐃᑲᔪᖅᑕᐅᔭᕆᐊᖃᖅᑐᑦ ᐃᑲᔪᖅᑕᐅᔪᓐᓇᖅᓯᓂᐊᖅᑐᑦ ᑖᔅᓱᒪᙵᑦ ᐱᓕᕆᐊᖑᔪᒥᒃ.
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᑐᐊᕕᕐᓇᖅᑐᒃᑯᑦ ᓂᕿᑖᕈᑎᒃᓴᖏᑦ ᐃᓐᓇᑐᖃᐃᑦ ᐊᑯᓂᐅᓂᖅᓴᖅ ᐊᑐᕋᒃᓴᐅᑎᑕᐅᓕᖅᑐᖅ ᐊᒻᒪᓗ ᓄᓇᕗᑦ ᓯᓚᑖᓂᕐᒥᐅᑕᓄᑦ ᐊᑐᖅᑕᐅᔪᓐᓇᖅᓯᓪᓗᑎᑦ
$3 ᒥᓕᐊᓐ ᑮᓇᐅᔭᑦ ᐃᑲᔫᑕᐅᔪᑦ ᐃᑲᔪᖅᑕᐅᖁᓪᓗᒋᑦ ᕿᑭᖅᑕᓂ ᓄᓇᓖᑦ ᐃᓄᐃᑦ ᐃᓄᑐᖃᐃᑦ ᓂᕿᑖᖃᑦᑕᕈᓐᓇᖁᓪᓗᒋᑦ ᓂᕿᑦᑎᐊᕙᓐᓂᒃ ᐊᒻᒪᓗ ᓂᐅᕕᕆᐊᖃᕐᐸᑦᑕᖏᓐᓂᒃ ᑭᓱᑐᐃᓐᓇᕐᓂᑦ. ᐊᑐᓂ ᓂᕿᑖᕈᓐᓇᐅᑎ ᐊᑭᓕᒃ $250. ᐊᑐᓂ ᕿᑭᖅᑖᓗᒻᒥᐅᖅ ᐃᓐᓇᑐᖃᖅ ᑎᓴᒪᓂᑦ ᓂᕿᑖᕈᓐᓇᐅᑎᒃᑲᓐᓂᕐᓂᒃ ᐱᔪᓐᓇᐅᖅᑐᖅ ᑲᑎᓕᒫᖅᑐᒋᑦ ᑕᒪᒃᑯᐊ $1,000−ᖑᓪᓗᑎᑦ.
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᑐᐊᕕᕐᓇᖅᑐᒃᑯᑦ ᓂᕿᑖᕈᑎᒃᓴᖏᑦ ᐃᓐᓇᑐᖃᐃᑦ ᐊᑯᓂᐅᓂᖅᓴᖅ ᐊᑐᕋᒃᓴᐅᑎᑕᐅᓕᖅᑐᖅ ᐊᒻᒪᓗ ᓄᓇᕗᑦ ᓯᓚᑖᓂᕐᒥᐅᑕᓄᑦ ᐊᑐᖅᑕᐅᔪᓐᓇᖅᓯᓪᓗᑎᑦ
ᑲᑐᔾᔨᖃᑎᒋᔭᐅᓪᓗᑎᒃ ᐅᑭᐅᖅᑕᖅᑐᒥ ᑯᐊᐸᒃᑯᑦ, ᕿᑭᖅᑕᓃᒃᑯᑦ ᓴᓂᕐᕙᐃᖅᓯᓯᒪᔪᑦ ᖄᒐᒍᒃᑲᓐᓂᖅ ᑮᓇᐅᔭᓂᒃ $1.8 ᒥᓕᔭᓂᒃ ᐃᑲᔫᑕᐅᓂᐊᕐᒪᑕ ᐊᒃᑐᐃᑎᓪᓗᒍ ᓄᕙᓐᓇᕐᔪᐊᖅ-19 ᐃᓐᓇᕐᓄᑦ. ᑖᒃᑯᐊ ᑮᓇᐅᔭᐃᑦ ᑐᓂᐅᖅᑲᖅᑕᐅᖃᑦᑕᕐᓂᐊᖅᑐᑦ $250.00ᖑᖃᑦᑕᕐᓗᑎᒃ ᓂᐅᕕᕈᑎᓂᒃ ᐱᓇᓱᐊᕈᓯᐅᑉ ᐊᐃᑉᐸᕆᔭᖓᓂᑦ ᐊᒻᒪᓗ ᑲᑎᓕᒫᕐᓗᒋᑦ ᓂᐅᕕᕈᑎᑦ ᑐᓂᔭᐅᓂᐊᖅᑐᑦ ᐱᖓᓲᔪᖅᑑᔪᓂᒃ ᐅᕝᕙᓘᓐᓃᑦ ᑲᑎᓪᓗᒋᑦ ᐊᑭᖃᖅᑐᓂᒃ $1,500ᓂ/ᐊᑐᓂ ᐃᓐᓇᕐᒧᑦ.
ᕿᑭᖅᑕᓃᒃᑯᑦ ᓄᕙᓐᓇᕐᔪᐊᖅ-19 ᐃᓱᒪᒃᑯᑦ ᖃᓄᐃᑦᑕᐃᓕᒪᓂᕐᒥᒃ ᐱᒋᐊᕈᑎᖓ
ᕿᑭᖅᑕᓂᒃᑯᑦ ᖁᕕᐊᓱᑉᐳᑦ ᓇᓗᓇᐃᕐᓯᔭᕆᐊᔅᓴᖅ ᐃᑲᔫᑎᖃᕐᓂᐊᓕᕐᒥᒻᒪᑕ ᐅᖓᑖᓃᑦᑐᓂᑦ $1.8 ᒥᓕᐊᓐ ᓄᓇᓕᓐᓂᑦ ᖃᑭᒪᒍᑎᔅᓴᓕᐅᕋᓱᐊᖅᑎᐅᖏᑦᑐᓄᑦ ᐊᒻᒪᓗ Hᐊᒪᓚᐅᔪᓄᑦ ᐃᑲᔫᑎᒋᓗᒋᑦ ᐃᓱᒪᓕᕆᓂᕐᒧᑦ ᐃᑲᔫᑎᐅᖃᑦᑕᓂᐊᖅᑐᓂᑦ ᖃᓂᒪᓇᖅᑐᖅᑕᖃᕐᓂᖓᓂ ᓄᓇᕐᔪᐊᓕᒫᒥ. ᑖᒃᑯᐊ ᑮᓇᐅᔭᑦ ᐊᑐᖅᑕᐅᓂᐊᖅᑐᑦ ᐃᑲᔫᑎᒋᓗᒋᑦ ᐃᓕᓴᖅᓯᕕᒃ ᑲᑐᔾᔨᖃᑎᒌᒃᑯᓐᓄᑦ, YWCA ᐊᒡᕕᒃᑯᓐᓄᑦ, ᐅᖂᑕᖅ ᑲᑐᔾᔨᖃᑎᒌᒃᑯᓐᓄᑦ, ᑐᑭᓯᒋᐊᕐᕕᒃ ᑲᑐᔾᔨᖃᑎᒌᒃᑯᓐᓄᑦ, ᕿᑭᖅᑕᓂ Hᐊᒪᓚᒃᑯᑦ ᐱᙳᐊᖅᑐᓕᕆᔨᖏᓐᓄᑦ ᐊᒻᒪᓗᑦᑕᐅᖅ ᕿᑭᖅᑕᓂ ᐃᓚᒌᓄᑦ ᐃᑲᔫᑎᓄᑦ.
ᖃᕋᓴᐅᔭᐃᑦ ᑐᕌᖓᔪᑦ ᐃᓕᓐᓂᐊᖅᑏᑦ ᐱᓇᓱᐊᕈᑎᖏᓐᓄᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᑐᓂᐅᖅᑲᐃᕗᑦ 105−ᓂᑦ ᒎᒍᓪ ᐱᒃᓱᓪᕗᒃ ᒎ ᖃᕋᓴᐅᔭᕋᓛᕐᓂᑦ 13.3 ᐃᓐᓯᔅ ᐊᖏᑎᒋᓂᓖᑦ ᖃᕋᓴᐅᔭᕋᓛᑦ ᐃᑲᔪᖅᑕᐅᖁᓪᓗᒋᑦ ᐱᔪᓐᓇᖅᑐᑦ ᐃᓕᓐᓂᐊᖅᑏᑦ ᐃᓕᓐᓂᐊᕐᓂᖏᑦ ᐸᕝᕕᓴᒃᑕᐅᓯᒪᔪᑦ ᓄᕙᒡᔪᐊᕐᓇᖅ−19 ᐊᐃᑦᑑᑖᓘᖃᑦᑕᑎᓪᓗᒍ. ᑮᓇᐅᔭᑦ ᐃᑲᔫᑕᐅᒋᐊᙵᖅᓯᒪᔪᑦ ᑕᒪᒃᑯᓄᖓ ᐱᔪᓐᓇᕈᑎᒋᒋᐊᙵᐅᑕᐅᓚᐅᖅᓯᒪᕗᑦ 65−ᓂᑦ ᖃᕋᓴᐅᔭᕋᓛᕐᓂᑦ ᐱᔾᔪᔾᔭᐅᓪᓗᑕ ᑕᐃᑲᙵᑦ ᒫᔅᑐᑳᑦ ᑐᙵᕕᖓᑦ ᐊᒻᒪᓗ ᒐᕙᒪᑐᖃᒃᑯᓐᓂᑦ. ᐅᐊᑦᑎᐊᕈᙳᒃᑲᓐᓂᕐᒪᑦ ᐱᓕᕆᐊᖅ ᐊᖏᓪᓕᒋᐊᖅᑕᐅᓚᐅᖅᐳᖅ ᑐᓂᔭᐅᒃᑲᓐᓂᖅᑐᑕ ᐃᒪᓐᓇᒃᑲᓐᓂᕐᓂᑦ 40−ᓂᑦ ᖃᕋᓴᐅᔭᕋᓛᕐᓂᑦ ᐊᒃᑐᐊ−ᒃᑯᓐᓂᑦ. ᓇᓕᐊᑐᐃᓐᓇᖅ ᐃᓄᒃ ᐃᓕᓐᓂᐊᖅᑎᐅᔪᖅ ᐅᑭᐅᓕᒃ 8-ᓂᑦ ᐊᒻᒪᓗ ᑎᑭᑦᑐᒍ 18-ᓄᑦ ᐊᑕᐅᓯᕐᒥᒃ ᐊᕐᕌᒍᒥᒃ ᐃᓚᖏᓐᓂ 13-ᓂᑦ ᕿᑭᖅᑖᓗᒻᒥ ᓄᓇᓕᒻᒥᐅᑕᐅᓯᒪᓕᖅᑐᖅ ᐱᓕᕆᐊᕐᒥᒃ ᐊᑐᕈᓐᓇᓚᐅᖅᐳᖅ ᖃᕋᓴᐅᔭᕋᓛᖅᑖᕋᓱᐊᕈᓐᓇᕐᓗᓂ.
ᓄᓇᕗᑦ ᑐᙵᕕᒃᑯᑦ &ᕿᑭᖅᑕᓃᒃᑯᓪᓗ ᓄᓇᓕᖕᓂ ᐊᖑᓇᓱᒃᑐᓕᕆᓂᕐᒧᑦ ᑮᓇᐅᔭᐃᑦ ᑐᓂᔭᐅᔪᑦ ᐅᒪᔪᕐᓂᐊᖅᑎᒃᑯᑦ ᑎᒥᖁᑎᖏᓐᓄᑦ
ᐃᓄᐃᑦ ᑎᒥᑯᑎᖏᑦ ᐱᑕᖃᖅᑎᑦᑎᓂᐊᕐᑐᑦ $10,000−ᓂᒃ ᐊᖑᓇᓱᒃᑏᑦ ᑲᑐᓱᔾᔨᖃᑎᒌᖏᓐᓄᑦ ᓄᓇᕗᖕᒥ ᐃᑲᔪᕈᑕᐅᓂᐊᕐᓗᑎᒃ ᓄᓇᖅᑲᑎᒥᓄᑦ ᐊᖑᓇᓱᒍᔾᔨᓂᐊᕐᑎᓪᓗᒋᑦ ᐊᒻᒪ ᐃᑲᔪᕐᓯᔪᓐᓇᖁᓪᓗᒍ ᐊᑦᑐᐃᓗᐊᕐᑕᐃᓕᒪᑎᑕᐅᓂᖓᓄᑦ ᓄᕙᒡᔪᐊᕐᓇᖅ-19 ᐃᓄᖕᓂᑦ ᑮᓇᐅᔭᑎᒍᑦ ᐊᒻᒪ ᓂᕿᒃᓴᖃᑦᑎᐊᖏᓐᓂᕐᒧᑦ ᐊᒃᓱᕈᓐᓇᑐᒃᑰᑎᓪᓗᑕ.
ᕿᑭᖅᑕᓂ ᐳᕝᕕᕆᓇᖅᑐᖅ ᐃᓱᒫᓗᓇᕐᓯᓯᒪᑎᓪᓗᒍ ᑮᓈᐅᔾᔭᔅᓵᓄᑦ ᐃᑲᔫᑏᑦ
ᐃᑲᔪᖅᑎᖃᖅᑐᑎᒃ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂᑦ (ᕿᑭᖅᑕᓂᒃᑯᑦ), ᑲᑭᕙᒃ ᑲᑐᔾᔨᖃᑎᒌᖏᑦ ᐋᖅᑭᔅᓯᔪᑦ $1.5 ᒥᓕᐊᓐᓂᑦ ᐋᖅᑭᓯᒪᑎᑦᑎᓂᐊᕐᖓᑕ ᒪᕐᕉᓐᓂᒃ ᐊᑐᖅᑕᐅᑲᐃᓐᓇᓂᐊᖅᑑᓐᓂᒃ ᓄᑖᖑᔫᓐᓂᒃ ᐳᕝᕕᕆᓇᖅᑐᖅ ᐱᔾᔪᑎᒋᓪᓗᒍ ᐃᑲᔫᑎᓐᓂᒃ ᐃᑲᔫᑕᐅᓂᐊᖅᑐᓂᑦ ᐃᑲᔪᖅᑕᐅᔾᔪᑎᒋᒋᐊᓕᖏᓐᓄᑦ ᒥᑭᓛᓄᑦ, ᐃᓱᒫᓗᓇᖅᑐᒦᓴᕋᐃᓐᓂᕐᓴᓄᑦ ᐃᓄᓐᓄᑦ−ᓇᒻᒥᓂᖁᑎᒋᔭᐅᔪᓄᑦ ᐃᖅᑲᓇᐃᔭᕐᕕᖁᑎᒋᔭᐅᔪᓄᑦ ᕿᑭᖅᑕᓂ ᓄᓇᓕᓐᓂᑦ, ᐊᒻᒪᓗ ᖃᐅᔨᒪᑦᑎᐊᕈᒪᓪᓗᑎᒃ ᐃᓄᐃᑦ ᐃᖅᑲᓇᐃᔮᖃᐃᓐᓇᕋᓗᐊᕐᒪᖔᑕ.
$1 ᒥᓕᐊᓐ ᑮᓇᐅᔭᑦ ᕿᑭᖅᑕᓂ ᐳᕝᕕᕆᓂᕐᒧᑦ ᖃᓂᒪᓇᖅᑐᖅ ᐃᓱᒫᓗᓇᕐᓯᓯᒪᑎᓪᓗᒍ ᑮᓇᐅᔾᔭᔅᓵᓄᑦ ᐃᑲᔫᑏᑦ ᑐᐊᕕᕐᓇᖅᑐᒥᒃ ᑮᓇᐅᔾᔭᔅᓵᖑᕙᑦᑐᓄᑦ ᐃᑲᔫᑎᐅᓂᐊᖅᑐᑦ ᐃᑲᔪᕐᓗᑎᒃ ᐊᔅᓱᕈᖅᑐᓂᑦ ᐃᓄᓐᓄᑦ−ᓇᒻᒥᓂᕆᔭᐅᔪᓂᑦ ᐃᖅᑲᓇᐃᔭᕐᕕᓐᓂᑦ ᕿᑭᖅᑕᓂ ᓄᓇᓕᓐᓂᑦ ᓄᖅᑳᑎᑦᑎᑐᐃᓐᓇᖁᓇᒋᑦ−ᐃᖅᑲᓇᐃᔭᖅᑎᓂᑦ ᐃᓄᓐᓂᑦ.
ᑖᒃᑯᐊ $500,000 ᕿᑭᖅᑕᓂ ᐳ−ᕕᕆᓂᕐᒧᑦ ᖃᓂᒪᓇᖅᑐᒧᑦ ᐃᖅᑲᓇᐃᔭᕐᕕᓐᓄᑦ ᐃᑲᔫᑏᑦ ᐃᑲᔫᑎᖃᕐᓂᐊᖅᑐᑦ ᒥᑭᔫᑎᓄᑦ ᐃᓄᓐᓄᑦ−ᓇᒻᒥᓂᕆᔭᐅᔪᓄᑦ ᐃᖅᑲᓇᐃᔭᕐᑯᓐᓄᑦ ᕿᑭᖅᑕᓂ ᐃᑲᔫᑕᐅᓗᑎᒃ ᐊᐅᓚᓂᖏᓄᑦ ᐊᑭᓕᕐᓱᕆᐊᓕᖏᓐᓄᑦ ᒪᑭᑕᔪᓐᓇᖁᓪᓗᒋᑦ ᐊᑑᑎᕕᐅᑲᒻᒪᑎᓪᓗᒋᑦ ᓄᓇᕐᔪᐊᓕᒫᒥ ᖃᓂᒪᓇᖅᑐᒧᑦ.
ᕿᑭᖅᑕᓂ ᐳᕝᕕᕆᓇᖅᑐᖅ ᐱᔾᔪᑎᒋᓪᓗᒍ ᐃᖅᑲᓇᐃᔭᕐᕕᓐᓄᑦ ᐃᑲᔫᑏᑦ
ᑲᑭᕙᒃᑯᑦ ᑲᑐᔾᔨᖃᑎᒌᖏᑦ ᐳᕝᕕᕆᓐᓇᖅᑐᖅ ᖃᓂᒪᓇᖅ-19 (ᓄᕙᔾᔪᐊᕐᓇᖅ) ᓇᖕᒥᓂᕐᓄᑦ ᐃᑲᔫᑎᖏᑦ ᐊᒻᒪ ᐅᐸᓗᖓᐃᔭᐅᑎᒋᔭᐅᔪᑦ ᐃᑲᕐᕋᑎᒍᑦ ᑮᓇᐅᔾᔭᒃᓴᕈᑎᒃᓴᖏᓪᓗ ᐃᑲᔫᑎᖏᑦ ᐅᐃᒍᒋᐊᖅᑕᐅᔪᑦ ᓯᑎᐱᕆ 2020ᒧᑦ. ᐱᓕᕆᐊᒃᓴᑦ ᐅᐃᒍᒋᐊᖅᑕᐅᓂᖏᑦ ᐃᓄᐃᑦ ᓇᖕᒥᓂᖏᑦ ᐱᕕᖃᒃᑲᓐᓂᖁᓪᓗᑎᒍ ᐃᑲᔫᑎᑖᕐᓂᕐᒥᒃ ᐊᒻᒪᓗ ᐃᓄᖕᓂᑦ ᐃᖅᑲᓇᐃᔭᖅᑎᓂᒃ ᐃᖅᑲᓇᐃᔭᖅᑎᑦᑏᓐᓇᕈᓐᓇᖁᓪᓗᒋᑦ ᐊᑐᖅᑎᓪᓗᒍ ᓄᕙᔾᔪᐊᕐᓇᖅᑐᖅ19. ᐃᑲᔪᖅᑕᐅᑎᓪᓗᒋᑦ ᕿᑭᖅᑕᓃᒃᑯᓐᓂᑦ, ᑮᓇᐅᔭᖅᑖᓚᐅᕐᒪᑕ $1.5ᒥᓕᔭᓂᒃ ᑲᑭᕙᒃᑯᑦ ᐊᒻᒪ ᒪᕐᕉᓂ ᓴᖅᑭᑎᑦᑎᔪᓐᓇᖅᓯᓚᐅᕐᒪᑕ ᓄᕙᔾᔪᐊᕐᓇᖅ-19 ᐱᓪᓗᒍ ᑐᒃᓯᕋᕐᕕᐅᒍᓐᓇᖅᑐᓂᒃ ᑖᒃᑯᐊ ᒥᓂᖅᓴᐅᔪᑦ ᐊᒃᑐᖅᑕᐅᓴᕋᐃᑦᑐᓪᓗ ᐃᓄᐃᑦ ᓇᖕᒥᓂᖏᑦ ᕿᑭᖅᑕᓂ ᓄᓇᓕᖕᓂᑦ ᐃᑲᔪᖅᑕᐅᓯᒪᑲᐃᓐᓇᖁᓪᓗᒋᑦ ᐊᒻᒪᓗ ᐃᓄᖕᓂᑦ ᐃᖅᓇᐃᔭᖅᑎᖏᓐᓂᒃ ᐃᖅᑲᓇᐃᔭᖅᑎᑦᑏᓐᓇᕈᓐᓇᖁᓪᓗᒋᑦ.
ᑲᑭᕙᒃᑯᑦ ᐃᓄᐃᑦ ᓯᓚᑦᑐᖅᓴᕐᕕᖕᓄᑦ ᐃᓕᓐᓂᐊᕐᓂᖏᓐᓄᑦ ᐃᓕᓐᓂᐊᖅᑎᓄᑦ ᐃᑲᔫᑎᑦ
ᐃᑲᔪᖅᑐᖅᑕᐅᓪᓗᑎᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᖕᓄᑦ, ᑲᑭᕙᒃ ᑲᑐᔾᔨᖃᑎᒌᖏᑦ ᓴᓂᕐᕙᐃᓯᒪᕗᑦ $263,000−ᓂᑦ ᐋᖅᑮᓪᓗᑎᑦ ᐃᓄᐃᑦ ᐃᓕᓐᓂᐊᖅᑏᑦ ᓯᓚᑦᑐᓴᕐᕕᒻᒥ ᐃᑲᔫᑎᒃᓴᖏᑦ ᐱᓕᕆᐊᕐᒥᒃ. ᐱᓕᕆᐊᖅ ᐋᖅᑭᓱᖅᑕᐅᓯᒪᕗᖅ ᕿᓚᒥᐅᔪᒃᑯᑦ ᑮᓇᐅᔭᖅᑎᒍᑦ ᐃᑲᔫᑕᐅᖁᓪᓗᒋᑦ ᐃᓄᐃᑦ ᐃᓕᓐᓂᐊᖅᑎᓄᑦ ᕿᑭᖅᑖᓗᒻᒥᐅᑦ ᐊᑭᓖᔪᓐᓇᕐᓂᐊᕐᒪᑕ ᐊᑐᖅᑕᐅᔭᕆᐊᖃᓪᓚᕆᑦᑐᑦ ᓄᕙᒡᔪᐊᕐᓇᖅ-19 ᐊᐃᑦᑑᑖᓗᖃᑦᑕᑎᓪᓗᒍ.
