ᑯᕆᔅᑏᓐ ᓈᑕᓇᐃᓐ– ᑐᑭᒧᐊᒃᑎᑦᓯᔨ, ᔮᓂᑦ ᐃᓄᐊᕋᒃ – ᒫᓐᑎᓱᐊᕆᓂ (ᓱᕈᓯᓛᓂ) ᐃᓕᓴᐃᔨ, ᐄᕙ ᑎᒍᓪᓚᒐᖅ – ᓴᓗᒻᒪᖅᓴᐃᔨ, ᐊᐃᓖᓐ ᑲᓪᓗᒃ – ᒫᓐᑎᓱᐊᕆᓂ (ᓱᕈᓯᓛᓂ)  ᐃᓕᓴᐃᔨ, ᓕᕖᓇ ᐋᓯᕙᒃ – ᐅᖃᓕᒫᒐᖃᕐᕕᖕᒥ ᑲᒪᔨ

ᐃᓕᓴᖅᓯᕕᒃᑯᑦ ᐃᖅᑲᓇᐃᔭᖅᑎᖏᑦ ᐊᒻᒪ ᐃᑲᔪᑐᐃᓐᓇᖅᑐᑦ ᓯᕗᓪᓕᖅᐹᖑᔪᒥ ᐊᔾᔭᖅᑐᐃᖅᑲᐅᔪᑦ ᓂᕿᓂ ᐃᓐᓇᕐᓄᑦ ᑲᖏᖅᑐᒑᐱᖕᒥ ᐱᓇᓱᐊᕈᓯᐅᑉ ᐱᒋᐊᕐᓂᖓᓂ ᑲᔪᓯᑦᑎᐊᓚᐅᖅᑐᖅ!

“ᐋᖅᑭᒃᓯᒪᑦᑎᐊᖅᑲᐅᔪᖅ,” ᐅᖃᖅᑐᖅ ᑯᕆᔅᑏᓐ ᓈᑕᓇᐃᓐ, ᑲᒪᔨ ᐃᓕᓴᖅᓯᕕᒃᑯᓐᓂ. “ᐃᓐᓇᐃᑦ ᖁᕕᐊᓱᒃᑐᒻᒪᕆᐅᖅᑲᐅᔪᑦ!”

ᐃᓚᒋᔭᐅᓪᓗᓂ ᕿᑭᖅᑕᓃᒃᑯᑦ ᐳᕕᕆᓐᓇᖅᑐᒥᒃ ᖃᓂᒪᓇᖅ-19 COVID-19 ᑭᐅᔾᔪᑎᖃᕐᓂᕐᒧᑦ ᐸᕐᓇᐅᑎᖓᓄᑦ ᑮᓇᐅᔭᑎᒍᑦ ᐃᑲᔪᕈᑎᒃᓴᐅᑲᐃᓐᓇᕐᓂᐊᖅᑐᓂᒃ ᑕᒪᓐᓇ ᓄᕙᓐᓇᕐᔪᐊᖅ ᐊᑐᖅᑎᓪᓗᒍ.  ᑖᓐᓇ ᐱᓕᕆᐊᖅ ᐋᖅᑭᒃᓯᒪᓂᐊᖅᑐᖅ 12ᓄᑦ ᐱᓇᓱᐊᕈᓯᓄᑦ.

ᑐᓴᐅᑎᑦᑎᖃᑦᑕᐃᓐᓇᕐᓂᐊᖅᐳᒍᑦ ᑖᓐᓇ ᐱᓕᕆᐊᖑᓂᓕᒫᖓᓂ − ᖁᔭᓐᓇᒦᒃ ᐃᓕᓴᖅᓯᕕᒃᑯᑦ ᐃᖅᑲᓇᐃᔭᖅᑎᖏᑦ ᐃᑲᔪᑐᐃᓐᓇᖅᑐᓪᓗ ᑲᖏᖅᑐᒑᐱᖕᒥ, ᐱᔭᕆᐊᑭᓪᓕᑎᑦᓯᓯᒪᒐᔅᓯ ᐃᓐᓇᕐᓂ ᒫᓐᓇᒃᑯᑦ ᐊᒃᓱᕈᕐᓇᖅᑐᓂ  ᐊᑐᖅᑎᓪᓗᑕ.