ᓄᓘᔮᓕᕆᓂᖅ ᐊᕐᕌᒍᑕᒫ ᕿᒥᕐᕈᓂᖃᕐᓂᖅ ᑲᑎᒪᓂᖅ − ᐃᒡᓗᓕᒃ

ᐃᖃᓗᐃᑦ, ᓄᓇᕗᑦ, ᔪᓚᐃ 26, 2024 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓂᒃᑯᑦ) ᐊᒻᒪᓗ ᐹᕕᓐᓛᓐᑦ ᐅᔭᕋᖕᓂᐊᖅᑎᒃᑯᑦ (ᐹᕕᓐᓛᓐᑦ) ᑲᑎᒪᑎᑦᑎᓂᐊᕐᒪᑕ ᓄᓘᔮᓕᕆᓂᖅ ᐊᕐᕌᒍᑕᒫ ᐱᓕᕆᐊᒃᓴᖅ ᕿᒥᕐᕈᓂᖅ ᐃᒡᓗᓕᒃᒥᑦ ᓯᑎᐱᕆᒥᑦ 10, 11, ᐊᒻᒪᓗ 12, 2024. ᑕᒪᓐᓇ ᖃᓄᐃᓕᐅᕐᓂᐅᔪᖅ ᐋᔩᕋᕈᑕᐅᓯᒪᔪᖅ ᐱᕚᓪᓕᕈᑎᓄᑦ ᐃᓄᐃᑦ ᐊᒃᑐᖅᑕᐅᓯᒪᓂᖏᓐᓄᑦ ᐱᕚᓪᓕᕈᑎ ᐊᖏᕈᑎ (ᐊᖏᕈᑎ). ᐊᕐᕌᒍᑕᒫ ᐱᓕᕆᐊ ᕿᒥᕐᕈᓂᖅ ᑲᑎᒪᓂᖅ ᓴᖅᑭᑎᑦᑎᕗᖅ ᐅᖃᓪᓚᖕᓂᕐᒥᑦ ᐱᓕᕆᐊᑦ−ᐱᔾᔪᑎᒋᓪᓗᒋ ᐱᔭᒃᓴᑦ ᓄᓘᔮᓕᕆᓂᖅ ᐱᓕᕆᐊᒃᓴᒥᑦ ᑕᓪᓕᒪᓄ ᐊᒃᑐᖅᑕᐅᔪᓄᑦ ᓄᓇᓕᐅᔪᓄᑦ. ᐃᓂᖃᕐᓂᐅᕗᖅ ᓄᓇᓕᖕᓂ ᑭᒡᒐᖅᑐᐃᔨᓂ ᐱᖃᖅᑎᑦᑎᓗᑎᒃ ᐅᖃᐅᓯᒃᓴᓂᒃ ᕿᑭᖅᑕᓂᒃᑯᓐᓄᑦ ᐊᒻᒪᓗ […]

ᑐᒃᓯᕋᐅᑎᓕᐅᕈᒪᔪᓄᑦ: ᓂᕈᐊᖅᑐᓕᕆᔨᒻᒪᕆᐅᓂᕐᒧᑦ ᕿᑭᖅᑕᓃᒃᑯᑦ ᓂᕈᐊᕐᓂᖓᓄᑦ 2024ᒥ ᐃᖃᓗᐃᑦ, ᓄᓇᕗᑦ, ᔪᓚᐃ 19, 2024 – ᑖᓐᓇ ᑐᒃᓯᕋᐅᑎᓕᐅᕈᒪᔪᓄᑦ ᑐᒃᓯᕋᖅᑕᐅᔪᑦ ᐱᔨᑦᓯᕋᕐᓂᐊᖅᑐᒥᒃ ᐅᕝᕙᓘᓐᓃᑦ ᑳᓐᑐᕌᑎᒍᑦ ᐱᓕᕆᓂᐊᖅᑐᒥᓪᓘᓐᓃᑦ ᕿᓂᕐᒪᑕ ᓂᕈᐊᖅᑐᓕᕆᔨᒻᒪᕆᐳᓂᐊᖅᑐᒧᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᓐᓄᑦ (ᕿᑭᖅᑕᓃᒃᑯᑦ) ᑖᓐᓇ ᑐᒃᓯᕋᖅᑕᐅᔪᖅ ᓴᖅᑭᑎᑕᐅᔪᖅ ᒪᓕᒃᖢᒋᑦ ᕿᑭᖅᑕᓃᒃᑯᑦ ᓂᕈᐊᖅᑐᓕᕆᓂᕐᒧᑦ ᒪᓕᒐᖏᑦ ᓂᕈᐊᕐᓂᕐᒧᑦ ᓂᕈᐊᖅᑐᓕᕆᔨᒻᒪᕆᖕᒥᒃ ᐊᐅᓚᑦᑎᓂᐊᖅᑐᒥᒃ ᑎᓕᐅᕆᕙᓪᓗᓂᓗ ᓂᕈᐊᕐᓂᐅᓂᐊᖅᑐᒧᑦ ᐋᖅᑭᒃᑕᐅᓯᒪᔪᒥᒃ ᑎᓯᐱᕆ 9, 2024ᒥ, ᒪᓕᒃᖢᒍ ᐃᓛᒃᑰᖅᑐᖅ 2.1 ᓂᕈᐊᖅᑐᓕᕆᓂᕐᒧᑦ ᒪᓕᒐᓂᑦ ᕿᑭᖅᑖᓗᖕᒧᑦ. ᑖᓐᓇ 2024ᒥ ᓂᕈᐊᕐᓂᖅ ᓂᕈᐊᓛᕐᒪᑕ ᕿᑭᖅᑕᓃᒃᑯᓐᓄᑦ ᑲᑎᒪᔨᐅᓂᐊᖅᑐᓄᑦ ᓄᓇᓕᖕᓂᑦ ᑲᑎᒪᔨᒃᓴᐅᓂᐊᖅᑐᓂᒃ ᐊᐅᓱᐃᑦᑐᕐᒧᑦ, […]

ᐃᖃᓗᐃᑦ ᓯᒡᔭᖓ ᐃᓄᐃᑦ ᓄᓇᖁᑎᖓ   2024 ᓴᓇᔭᐅᓂᖅ ᐊᒻᒪᓗ ᐱᓕᕆᔭᖃᕐᓂᖅ – ᑐᓴᒐᒃᓴᖅ ᐃᓄᖕᓄᑦ ᐊᑐᖃᑦᑕᖅᑐᓄᑦ ᐱᖁᑎᒃᑯᕕᖕᓂᑦ ᓯᒡᔭᒥᑦ ᐊᒻᒪᓗ ᐅᒥᐊᕐᔪᐊᒃᑰᖅᑐᖅᓯᐅᑎᑦ ᐱᖁᑎᒃᑯᕕᑦ ᐃᖃᓗᐃᑦ, ᓄᓇᕗᑦ ᔪᓚᐃ 4, 2024 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ ᐱᓕᕆᐊᖃᐃᓐᓇᖃᑦᑕᖅᐳᑦ ᑲᔪᓯᑎᑦᑎᓇᓱᒃᖢᑎᒃ ᐱᖃᖅᑎᑦᑎᓂᕐᒥᑦ ᖁᕕᐊᓇᖅᑐᒥᑦ ᐊᒻᒪᓗ ᐅᐸᒃᑕᐅᒐᕐᓂᖅᑐᒥᑦ ᐃᓂᐅᔪᓂ ᐃᓄᐃᑦ ᓄᓇᖁᑎᖏᓐᓂᑦ ᓯᒡᔭᐅᔪᒥ ᐃᖃᓗᖕᓂ. ᐊᐅᔭᐅᓂᐊᖅᑐᒥᑦ, ᕿᑭᖅᑕᓂᒃᑯᑦ ᓴᓗᒪᖅᓴᕐᓂᐊᕐᒪᑕ ᐱᐅᓯᒋᐊᖅᑎᑦᑎᓗᑎᒡᓗ ᐃᓚᖓᓂ ᐃᓄᐃᑦ ᓄᓇᖁᑎᖓᓂ ᓯᒡᔭᒥᑦ. ᐱᓕᕆᐊᖑᓂᖅ ᐱᖃᓯᐅᑎᓂᐊᖅᑐᖅ ᐊᐅᓚᐅᑎᕕᓂᕐᓂ ᓲᕐᓗ ᐅᒥᐊᕕᓂᕐᓂ, ᖃᒧᑕᐅᔭᕕᓂᕐᓂ, ᖃᒧᑎᓂᒡᓗ, ᑕᒪᒃᑯᐊᕈᔪᐃᑦ.   […]

ᐃᖃᓗᐃᑦ, ᓄᓇᕗᑦ, ᔫᓂ 27, 2024 – ᐅᓪᓛᖅ ᓄᓇᕗᑦ ᐃᖅᑲᖅᑐᐃᕕᐊᓂ, ᐱᒃᑯᓇᖅᑐᖅ ᒥᐊ ᒪᓅᑦᓯᐅ ᐃᓱᒪᓕᐅᕈᑎᖃᖅᑲᐅᒻᒪᑦ ᑖᓐᓇ ᐱᔾᔪᑎᒋᓪᓗᒍ ᐊᕐᓇᖅ ᑲᕇᒪ ᒫᓐᔨ ᐱᖓᓱᓄᑦ−ᐊᕐᕌᒍᓄᑦ ᑎᒍᔭᐅᖅᑲᖁᓪᓗᒍ ᐊᒻᒪᓗ ᐊᑭᓖᖁᓪᓗᒍ ᑕᒪᕐᒥᒃ ᑲᑎᑦᑐᒋᑦ ᐊᒥᓲᓂᓕᓐᓂᑦ $28,254.05ᓂᑦ ᑲᑭᕙᒃ ᑲᑐᔾᔨᖃᑎᒌᒃᑯᓐᓄᑦ. ᑖᓐᓇ ᖃᓄᐃᓕᔭᐅᓂᖓ ᑕᐃᒫᒃ ᐱᖁᔭᐅᓯᒪᔪᖅ ᐱᕋᔭᔅᓯᒪᓂᖓᓄᑦ ᓯᓚᐃᕐᕆᑦᑎᓯᒪᓪᓗᓂ ᓄᓇᕗᒻᒥᐅᓂᑦ ᐃᓄᓐᓂᑦ ᓄᓇᖃᖅᑳᖅᑐᓃᙶᕐᓯᒪᓂᕋᐃᓪᓗᓂ ᑎᓪᓕᒐᕈᑎᖃᕐᓯᒪᓂᕐᒧᑦ ᐊᒻᒪᓗ ᓯᕗᓪᓕᕐᐹᖑᓪᓗᓂ ᑕᐃᒫᒃ ᐱᕋᔭᓐᓂᕐᒧᑦ ᖃᓄᐃᓕᔅᓯᒍᑕᐅᒻᒪᑦ ᑲᓇᑕᒥ. ᑎᓴᒪᐅᔪᙱᒐᖅᑐᑦ ᐊᕐᕌᒍᑦ ᐊᓂᒍᕐᖓᑕ ᐱᕋᔭᖃᑦᑕᓚᐅᖅᑎᓪᓗᒍ ᐱᒋᐊᕐᓂᑰᓪᓗᓂ 2016ᖑᑎᓪᓗᒍ ᐊᒻᒪᓗ ᖃᐅᔨᔭᐅᓕᓚᐅᕐᓯᒪᒻᒪᑦ 2023 ᐱᒋᐊᙵᕐᓂᖓᓂ, ᓈᒻᒪᖏᑦᑐᓕᓂᕐᒧᑦ […]

ᕿᑭᖅᑕᓂᒃᑯᑦ ᑲᑎᒪᔩᑦ ᑲᑎᒪᓂᖓ ᐃᓱᓕᒃᐳᖅ ᐅᓪᓗᒥ ᐃᖃᓗᐃᑦ, ᓄᓇᕗᑦ, ᔫᓂ 7, 2024 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓃᒃᑯᑦ) ᐃᓚᐅᔪᖁᑎᖏᑦ ᑲᑎᒪᔨᖏᓪᓗ ᑲᑎᒪᔭᕇᖅᑐᑦ ᐅᓪᓗᒥ, ᖃᑎᒪᑎᑦᑎᓪᓗᑎᑦ ᔫᓂ 4ᒥ − 7ᒧᑦ.  ᐱᖁᔨᕗᖔᕈᑎᓂᒃ ᑲᔪᓯᑎᑦᑎᓚᐅᖅᑐᑦ ᑲᑎᒪᓂᕐᒥᒃ: ᐊᖏᖅᑕᐅᓂᖓ ᐊᖏᖃᑎᖃᖁᓪᓗᒍ ᑖᒃᑯᓄᖓ ᑮᓇᐅᔭᓂᒃ $750,000ᓂᑦ ᑲᑭᕙᒃ ᑲᑐᔾᔨᖃᑎᒌᒃᑯᓐᓂᑦ ᐃᑲᔫᑕᐅᓂᐊᕐᒪᑕ ᐊᒥᒐᖅᓯᒍᑕᐅᔪᓄᑦ ᑮᓇᐅᔭᓂᒃ ᐃᓄᓐᓄᑦ ᓯᓚᑦᑐᖅᓴᕐᕕᖕᓄᑦ ᐃᓕᓐᓂᐊᕆᐊᕐᐸᑦᑐᓄᑦ ᐃᑲᔫᑎᓄᑦ ᐊᕐᕌᒍᒥ 2024−2025ᒥ. ᐊᖏᖅᑕᐅᓂᖓ ᑖᒃᑯᐊ ᑮᓇᐅᔭᐃᑦ $15ᒥᓕᔭᓐ ᓄᓇᖃᖅᑳᖅᑐᑦ ᓄᓇᓕᖏᓐᓄᑦ ᐱᖁᑎᕐᔪᐊᓕᕆᓂᕐᒧᑦ ᑮᓇᐅᔭᖏᓐᓂᙶᖅᑐᑦ” ᐊᑐᖅᑕᐅᓗᑎᒃ ᓴᓇᓂᕐᒧᑦ ᓇᐅᑦᑎᖅᓱᖅᑏᑦ ᑐᖅᑲᖅᑕᕐᕕᒃᓴᖏᓐᓂᒃ […]

ᕿᑭᖅᑕᓃᒃᑯᑦ ᑲᑎᒪᔨᖏᑕ ᑲᑎᒪᓂᖓ ᖃᐅᑉᐸᑦ ᐱᒋᐊᕐᓂᐊᖅᑐᖅ  ᐃᖃᓗᐃᑦ, ᓄᓇᕗᑦ, ᔫᓐ 3, 2024 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᑲᑎᒪᔨᖏᑦ ᑲᑎᒪᓛᖅᑐᑦ ᐊᒻᒪᓗ ᐊᔾᔨᐅᙱᑦᑐᒥᒃ ᑲᑎᒪᓂᖃᕐᓗᑎᒃ ᑲᑎᒪᔩᑦ ᓵᙵᖃᑦᑕᐅᑎᓗᑎᒃ ᑕᕝᕙᓂ ᐱᓇᓱᐊᕈᓯᕐᒥᒃ ᐊᒻᒪᓗ ᖃᕆᓴᐅᔭᒃᑰᕐᓂᐊᖅᖢᑎᒃ ᔫᓐ 4ᒥᑦ 7ᒧᑦ, 2024ᒥ. ᑐᓵᔭᖅᑐᕈᓐᓇᙱᒃᑯᕕᑦ ᑲᑎᒪᓂᕐᒥᒃ ᐊᒻᒪᓗ ᑐᓵᒍᒪᒍᕕᒋᑦ ᑲᑎᒪᓂᐅᔪᑦ, ᐅᓇ ᓇᕿᑐᐃᓐᓇᕆᐊᓕᒃ ᓇᕿᓪᓗᒍ ᐅᕝᕙᓘᓐᓃᑦ ᐅᖄᓚᕕᒋᓗᒍ ᐅᓇ ᓈᓴᐅᑎ ᐊᑖᓃᑦᑐᑦ: ᖃᕆᓴᐅᔭᒃᑯᑦ: https://qia-ca.zoom.us/j/82644355940 ᐅᖄᓚᐅᑦ ᐅᖃᓛᕕᒃᓴᖅ: +1 438 809 7799 ᑲᑎᒪᓂᖓ ᖃᐅᔨᒃᑲᐃᒍᑎᖓ: 826 4435 5940 […]

ᖃᐅᔨᒃᑲᐃᒍᑎ ᑲᑎᒪᓂᕆᓛᖅᑕᖏᑕ ᑲᑎᒪᔩᑦ ᐅᖃᐅᓯᐅᓗᓂ ᓴᓂᕌᒍᑦ ᐱᖁᔨᕗᖓᕈᑎᐅᔪᖅ ᖃᐅᔨᒃᑲᐃᕗᒍᑦ ᒪᓕᑦᑐᒍ ᒪᓕᒐᕋᓛᖅ 5.01.02 ᒪᓕᒐᕋᓛᖏᓐᓃᑦᑐᖅ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑕ ᑲᑎᒪᔨᖏᑦ ᑲᑎᒪᓛᕐᖓᑕ ᐃᖃᓗᓐᓂ ᔫᓐ 5ᒥᑦ, 2024 ᐃᖃᓗᓐᓂ; ᑖᓐᓇ ᐱᖁᔨᕗᖔᕈᑎ ᑲᑎᒪᔨᓄᑦ ᓴᖅᑭᑕᐅᓛᕐᒪᑦ ᓴᓂᕌᒍᑦ ᐱᖁᔨᕗᖔᕈᑎᐅᓗᓂ: 1. ᐊᖏᖅᑕᐅᓂᖏᑦ ᑮᓇᐅᔭᐃᑦ $15 ᒥᓕᔭᓐ ICIFᑯᓐᓂᑦ ᑮᓇᐅᔭᖅᑖᖑᔪᓂᑦ ᑮᓇᐅᔭᖅᑑᑎᒃᓴᓂᒃ ᐊᒥᒐᖅᓯᓂᖏᓐᓂᒃ ᐱᔾᔪᑎᒋᓪᓗᒍ ᑭᓱᑐᐃᓐᓇᐃᑦ ᐊᑭᑦᑐᕐᓂᖏᓐᓄᑦ ᑭᖑᓂᐊᓂ ᓄᕙᓐᓇᕐᔪᐊᑉ ᓴᓇᔾᔪᑕᐅᓂᐊᖅᑐᓄᑦ ᓇᐅᑦᑎᖅᓱᖅᑎᓄᑦ ᐃᓪᓗᒃᓴᓂᒃ ᒥᑦᑎᒪᑕᓕᖕᒥ ᑲᖏᖅᑐᒑᐱᖕᒥᓗ. ᑎᑎᕋᖅᑕᐅᔪᕐᒃ ᒪᐃ 15, 2024 ᐃᖃᓗᓐᓂ, ᓄᓇᕗᒻᒥ. _________________________ ᐅᓛᔪᒃ ᐊᑭᓱᒃ […]

ᕿᑭᖅᑕᓃᒃᑯᑦ ᕿᓂᖅᑐᑦ ᓄᓇᕗᑦ ᐸᐸᑦᑎᔨᒃᑯᓐᓄᑦ ᑲᑎᒪᔨᐅᓂᐊᖅᑐᓂᒃ ᐃᖃᓗᐃᑦ, ᓄᓇᕗᑦ, ᒪᐃ 7, 2024 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓃᒃᑯᑦ) ᕿᓂᕐᒪᑕ ᐃᓄᖕᓂᒃ ᑲᑎᒪᔨᐅᒍᒪᒐᔭᖅᑐᓄᑦ ᓄᓇᕗᑦ ᐸᐸᑦᑎᔨᒃᑯᓐᓄᑦ. ᑐᑭᓯᒃᑲᓐᓂᕈᒪᒍᕕᑦ ᑲᑎᒪᔨᐅᕝᕕᐅᔪᑦ ᒥᒃᓵᓄᑦ, ᖃᐅᔨᒋᐊᕐᕕᒋᔪᓐᓇᖅᑕᐃᑦ ᕿᑭᖅᑕᓃᒃᑯᑦ ᑐᑭᒧᐊᒃᑎᑦᑎᔨ ᑐᓴᐅᒪᖃᑦᑕᐅᑎᓄᑦ ᐅᕗᖓ ᐃᕐᖐᓐᓈᕈᑎᒧᑦ kflaherty@qia.ca ᐅᖄᓚᕕᒋᓗᒍᓘᓐᓃᑦ ᐅᕗᖓ 975-8398. ᓄᓇᕗᑦ ᐸᐸᑦᑎᔨᑦ – ᒪᕐᕉᒃ ᐃᓂᒃᓴᑦ 1) ᐃᓂᒋᔭᐅᔪᖅ ᑭᓪᓕᖃᖅᑐᖅ ᑲᑎᒪᔨᐅᓂᖓ ᔪᓚᐃ 31, 2025ᒥ 2) ᐃᓂᒋᔭᐅᔪᖅ ᑭᓪᓕᖃᖅᑐᖅ ᑲᑎᒪᔨᐅᓂᖓ ᔪᓚᐃ 31, 2027ᒥ ᑭᓇᑐᐃᓐᓇᖅ ᑲᑎᒪᔨᙳᕈᒪᔪᖅ ᐃᓛᒃᑰᖓᔭᕆᐊᓕᒃ […]

ᖃᐅᔨᒃᑲᐃᒍᑎ ᑲᑎᒪᓂᕆᓛᖅᑕᖏᑕ ᑲᑎᒪᔩᑦ ᖃᐅᔨᒃᑲᐃᕗᒍᑦ ᒪᓕᑦᑐᒍ ᒪᓕᒐᕋᓛᖅ 7.03 (c) i. ᒪᓕᒐᕋᓛᖏᓐᓃᑦᑐᖅ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑕ ᑲᑎᒪᔨᖏᑦ ᑲᑎᒪᓂᕆᓂᐊᖅᑕᖓᓂ ᐃᖃᓗᓐᓂ ᔫᓂ 4 – ᒫᑦᓯ 7, 2024ᒥᑦ ᐅᓪᓘᔪᕐᒃ ᒪᐃ 7, 2024 ᐃᖃᓗᓐᓂ, ᓄᓇᕗᒻᒥ                                                    ᔨᐅᕆᒥ ᑑᕐᖔᓗᒃ […]

ᐃᖃᓗᐃᑦ, ᓄᓇᕗᑦ, ᒪᐃ 6, 2024 – ᓄᓇᕗᑦ ᑐᙵᕕᒃ ᑎᒥᖓ (“ᑐᙵᕕᒃᑯᑦ”) ᐊᒻᒪᓗ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (“ᕿᑭᖅᑕᓃᒃᑯᑦ”) ᑐᑭᑖᕈᑎᒋᔭᐅᔪᒥᒃ ᐱᒻᒪᕆᐋᓗᖕᒥ ᖁᕕᐊᓲᑎᖃᖅᐳᑦ ᓴᖅᑭᑕᐅᔪᒧᑦ ᒐᕙᒪᑐᖃᒃᑯᑦ ᐃᖅᑲᖅᑐᐃᕝᕕᖓᒍᑦ ᐄᐳᓪ 6, 2024ᒥ.  2021−ᖑᑎᓪᓗᒍ, ᒥᓂᔅᑕ ᐃᒪᕐᒥᐅᑕᓕᕆᔨᒃᑯᓐᓂᑦ ᑐᑭᑖᕈᑎᖃᓚᐅᖅᓯᒪᖕᒪᑦ ᑐᓂᓯᒃᑲᓐᓂᖅᖢᓂ ᑮᓇᐅᔭᓕᐅᕋᓱᐊᕐᓂᕐᒧᑦ ᐃᖃᓗᓕᕆᓂᕐᒥᒃ ᓚᐃᓴᓐᓯᑖᖅᑎᑦᑎᓪᓗᓂ ᓄᓇᕗᒥ ᐃᒪᕕᖏᓐᓂᑦ ᐃᖃᓗᒐᓱᐊᕐᕕᖕᓂᑦ ᐃᓄᒻᒪᕆᐅᙱᑦᑐᓄᑦ ᐃᖃᓗᓕᕆᔨᐅᔪᓄᑦ ᑲᓇᑕᐅᑉ ᓂᒋᐊᓂᕐᒥᐅᑕᓂᒃ.  ᑕᕝᕙᓂ ᐱᓇᓱᐊᕈᓯᕐᒥ, ᐃᖅᑲᖅᑐᐃᕝᕕᒃ ᖁᔭᓈᖅᓯᓚᐅᕐᒪᑦ ᑐᑭᑖᕈᑎᒋᔭᐅᓚᐅᖅᓯᒪᔪᒥᒃ, ᓇᓗᓇᐃᖅᓯᓪᓗᓂ  ᐱᔾᔪᑎᖓᓂᒃ ᑖᓐᓇᒎᖅ ᒥᓂᔅᑕ ᑲᔪᓯᑎᑦᑎᑦᑎᐊᓚᐅᙱᓐᓂᖓᓄᑦ “ᐱᓕᕆᐊᒃᓴᕆᔭᖏᓐᓂᒃ”ᓄᓇᕗᒥ ᐊᖏᕈᑎᒥᑦ ᑎᓕᐅᕈᑎᒋᔭᐅᓯᒪᔪᓂᒃ:: “[ᒥᓂᔅᑕᐅᑉ] ᑐᑭᑖᕈᑎᖓ ᐱᔾᔪᑎᖃᑦᑎᐊᓚᐅᙱᒻᒪᑦ […]