ᓄᓇᕗᑦ ᕿᒧᒃᓯᐅᒡᔪᐊᕐᓂᖅ 2024 − ᑭᒃᑰᓂᖏᑦ ᓱᑲᓴᖅᑏᑦ ᓄᓇᕗᑦ ᕿᒧᒃᓯᐅᒡᔪᐊᖅᑐᓂ

ᓄᓇᕗᑦ ᕿᒧᒃᓯᐅᒡᔪᐊᕐᓂᖅ 2024 − ᑭᒃᑰᓂᖏᑦ ᓱᑲᓴᖅᑏᑦ ᓄᓇᕗᑦ ᕿᒧᒃᓯᐅᒡᔪᐊᖅᑐᓂ ᒪᒃᑯᒃᑐᑦ ᐃᒡᓗᓕᒃᒥᖔᖅᑐᑦ ᐃᑲᔪᖅᐳᑦ ᐃᒃᐱᐊᕐᔪᖕᒦᑎᓪᓗᒋᑦ ᓂᕆᐅᖕᓂᖃᖅᖢᑎᒃ ᐱᒋᐊᕐᓂᐊᕐᓂᖓᓂ ᓄᓇᕗᑦ ᕿᒧᒃᓯᐅᔾᔪᐊᕐᓂᖅ. ᐊᒡᒋᐸᓪᓕᐊᑎᓪᓗᒍ ᓱᑲᓐᓂᑭᓴᐅᑎᓂᐅᓂᐊᖅᑐᖅ, ᒪᒃᑯᒃᑐᑦ ᐃᑲᔪᖅᑕᐅᓯᒪᓪᓗᑎᒃ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᓐᓂ ᐃᖅᑲᓇᐃᔭᖅᑎᖏᓐᓂᒃ ᐊᐱᖅᓱᕈᓐᓇᖅᓯᓚᐅᕐᒪᑕ ᓱᑲᓴᕐᓂᐊᖅᑐᓂᒃ. #1 ᑕᐃᕕᑎ ᐆᔪᑯᓗᒃ − ᐃᒃᐱᐊᕐᔪᒃ ᑕᐃᕕᑎ ᕿᒧᒃᓯᖃᑦᑕᓕᓚᐅᖅᓯᒪᔪᖅ 2016−ᒥ ᐱᒋᐊᖅᖢᓂ. ᐃᓕᑉᐸᓪᓕᐊᓕᓚᐅᖅᑐᖅ ᐊᑖᑕᖓᓂ ᐃᑲᔪᖅᑎᐅᕙᒃᖢᓂ, ᐃᓚᐅᔪᓐᓇᖃᑦᑕᖅᖢᓂ ᕿᒧᒃᓯᐅᔾᔪᐊᖅᑐᓂ. ᑕᐃᕕᑎ ᐃᓚᐅᖃᑕᐅᖃᑦᑕᖅᓯᒪᔪᖅ 2016ᒥ ᐱᒋᐊᖅᑐᓂ ᐊᒻᒪᓗ ᓵᓚᒃᓴᓚᐅᖅᓯᒪᓪᓗᓂ. ᑕᐃᕕᑎ ᐃᖅᑲᓇᐃᔭᖅᑎᐅᔪᖅ ᐊᖁᑎᐅᓪᓗᓂ ᐹᓯᒧᑦ ᐃᓅᔭ ᐃᓕᓐᓂᐊᕐᕕᖕᒧᑦ. ᕿᒻᒥᖏ ᕿᒧᓕᒻᒪᒃᑎᖏᒃᑯᓂᒋᑦ ᐃᖅᑲᓇᐃᔭᕐᕕᖓᓃᖃᑦᑕᖅᑐᖅ […]

ᐅᓪᓗᒥ ᓄᓇᕐᔪᐊᓕᒫᒥ ᐊᕐᓇᓄᑦ ᐅᓪᓗᕆᔭᐅᒪᑦ. ᕿᑭᕐᒃᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᑯᕕᐊᓱᒍᑎᖃᕐᒪᑕ ᐃᓄᒃᓂ ᐊᕐᓇᓂᒃ ᐅᓪᓗᒥ. ᑕᒫᓂ ᐊᕌᒎᔪᒥ ᑕᑯᒃᓴᐅᑎᐸᕗᑦ ᒪᓚᐃᔭ ᔪᐊᑎᓐ ᒫᒃᒧ ᐸᖕᓂᕐᑑᕐᒥᐅᑕᕐᒃ. ᕼᐊᑭᕐᓂᕐᒃ ᐱᒻᒪᕆᒋᔭᐅᒪᑦ ᑖᑯᓄᖓ ᐃᓛᒋᒃᓄᑦ ᐊᒪᓗ ᔪᐊᑎᓐ ᒥᑭᓐᓂᕐᓴᓂᒃ ᕼᐊᑭᕈᑎᒥᒃ ᐊᓇᐅᑎᒥᒃ ᑎᒍᒥᐊᕐᐸᓕᓚᐅᕐᑐᕐᒃ ᐱᓱᒋᐅᓚᐅᖏᑎᓪᓗᓂᓘᓃᑦ! ᒪᕐᕉᓐᓂᒃ ᐅᑭᐅᖃᕐᓕᕐᑎᑦᓗᓂ ᕼᐊᑭᕐᓯᐅᑎᓂᒃ ᐊᑎᔭᕌᖓᒥ ᐅᖃᕐᐸᓚᐅᕐᓯᒪᔪᕐᒃ ᕼᐊᑭᒋᐊᕐᑐᓂᐊᓕᕌᒥᒎᕐᒃ. ᔪᐊᑎᓐ ᓯᐊᕆᔮᕐᕆᐅᓴᕐᐸᓕᓚᐅᕐᑐᕐᒃ ᐅᑭᐅᖃᑐᐃᓇᕐᑐᓂ ᐱᖓᓱᓂᒃ, ᑕᓪᓕᒪᓂᒃ ᐅᑭᐅᖃᓕᕋᒥ ᐊᔪᕈᕐᓃᕐᐸᓪᓕᐊᓚᕐᕆᓕᓚᐅᕐᑐᕐᒃ ᓱᑲᓐᓂᕐᓴᐅᓕᕐᑐᓂᓗ ᐃᒦᓃᓇᑯᓗᒃ ᐊᔪᕈᓃᕐᐸᓕᐊᓕᕐᑐᓂ. ᐊᔪᕈᓃᕐᐸᓕᐊᓂᖓ ᐃᓐᒥᓃᓇᕐ ᐱᓇᓱᐊᖏᓇᕐᓂᕐᒧᑦ ᐊᒃᓱᕈᕐᓂᕐᒧᑦᓗ, ᑭᓯᐊᓂ ᐊᐳᕐᑕᕈᑎᑕᖃᓚᐅᕐᑐᕐᒃ ᐸᖕᓂᕐᑑᒥ. ᓯᑯᖑᐊᕐᑕᖃᖏᒪᑦ ᐊᒪᓗ ᐊᓐᓂᑭᑦᑐᕐᕕᒃ […]

ᕿᑭᕐᒃᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᓇᐃᑦᑐᓐᓂᒃ ᐅᓂᒃᑳᓕᐅᑲᑕᒃᒪᑕ ᐃᓄᖕᓂᒃ ᐊᔪᖏᓂᖏᓂᒃ ᐊᒻᒪᓗ ᐱᒃᑲᐅᓂᖏᓂᒃ. ᑕᕝᕙ ᑎᐅᕆ ᓄᐊ, ᓇᖕᒥᓂᓕᒃ ᐊᐅᓚᑦᑎᔨ ᐊᐅᓱᐃᑐᕐᒃ ᖃᓄᐃᓕᐅᕐᑎᑦᑎᓂᕐᒃ ᐊᐅᓱᐃᑐᕐᒃᒥ. ᑎᐅᕆ ᐱᒋᐊᕐᑎᑦᑎᓚᐅᕐᓯᒪᔪᕐ ᓇᖕᒥᓂᕆᔭᕐᒥᓂᒃ ᐅᔾᔨᕆᓕᕋᒥ ᐊᒥᓱᑦ ᓂᕿᓪᓚᑖᕐᑐᕈᒪᕙᒃᑐᑦ ᓄᓇᕗᑦᒥ ᖃᕋᓴᐅᔭᑎᒍᑦ ᑕᑯᕙᒃᓱᓂᒋᑦ. ᐱᓪᓗᐊᕐᑐᒥᒃ ᓇᖕᒥᓂᕐᒃ ᐊᖑᓇᓱᒍᓐᓇᖏᑐᑦ ᐋᓐᓂᐊᕐᓂᒧᑦ, ᐃᓚᒥᓂᒃᓘᓃᑦ ᐱᔾᔪᑎᖃᕐᓱᑎᒃ ᐅᕙᓘᓃᑦ ᐊᖑᓇᓱᒍᑎᖃᖏᑐᑦ. ᑎᐅᕆ ᐃᓱᒪᒃᓴᕐᓯᐅᓕᓚᐅᕐᑐᕐᒃ ᖃᓄᕐᒃ ᓂᐅᕕᕐᒃᑕᐅᔪᓇᕐᑐᓂᒃ, ᓴᓗᒪᔪᓂᒃ ᐊᒪᓗ ᐴᖃᕐᒃᑎᐊᕐᓯᒪᔪᓂᒃ ᓂᕿᓚᑖᓂᒃ ᐊᐅᓪᓚᕐᑎᑕᐅᔪᓇᕐᓗᑎᒃ ᖃᖓᑕᓲᑯᑦ ᐃᓄᒃᓄᑦ ᓄᑖᕕᓂᕐᑐᕈᒪᔪᓄᑦ. ᐆᒪᔪᕐᓂᐊᕐᑎᒃᑯᓐᓄᑦ ᑲᒪᔨᐅᑎᑦᓗᓂ, ᑕᑯᕙᓚᐅᕐᓯᒪᒃᒪᑦ ᐊᒥᓱᓂᒃ ᑐᒃᓯᕋᕐᑐᓂᒃ ᐳᓚᕋᕐᑎᓂᒃ ᐊᐅᓪᓚᕐᑎᑦᑎᔨᒃᓴᒥᒃ ᕿᓂᕐᒃᑐᓂᒃ, ᐊᐅᓪᓚᕆᐊᕐᑐᕈᒪᔪᓂᒃᓗ […]

ᕿᑭᕐᒃᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᓇᐃᑦᑐᓐᓂᒃ ᐅᓂᑳᓕᐅᑲᑕᒃᒪᑕ ᐃᓄᖏᓂᒃ ᐊᔪᖏᑐᓐᓂᒃ ᐊᒪᓗ ᐱᒃᑲᐅᓂᖏᓂᒃ. ᑕᕝᕙ ᒪᐃᒃ ᐃᓄᒃᓱᒃ ᖃᖓᑕᓲᕐᑎ ᐃᒡᓗᓕᒃᒥᐅᑕᕐᒃ ᒪᐃᒃ ᑲᖓᑕᓲᕐᑎᖑᕋᓱᓚᐅᖏᑎᓗᒍ ᐱᒋᐊᓚᐅᕐᓯᒪᔪᕐᒃ ᐃᒡᓗᓕᒃ ᒥᑦᑕᕐᕕᖓᓂ ᐃᒃᖠᕐᕕᓂᒃ ᐅᓯᓕᕐᓱᕐᐃᕙᒃᖢᓂ ᖃᖓᑦᑕᐅᑎᓂᒃ ᐊᕿᒃᓱᐃᕙᓕᕆᓗᓂ ᐊᕌᒍᓄᑦ ᒪᕐᕉᓗᐊᓐᓄᑦ. ᑲᖓᑕᓲᕐᑎᓕᕆᔨᓂᒃ ᖃᐅᔨᒪᕙᓕᐊᓕᕐᖢᓂ ᐃᒡᓗᓕᒃᒧᐊᕐᐸᒃᑐᓂᒃ ᐸᖁᓴᒃᐸᒃᖢᓂᒋᑦ ᓇᒥ ᐃᓕᓂᐊᕆᐊᕐᓂᕐᒪᖔᑕ ᖃᖓᑕᓲᕐᑎᖑᕋᓱᒃᑎᓗᒋᑦ. ᐃᓕᓐᓂᐊᕐᕕᓂᒃ ᐊᔨᒌᖏᑐᓂᒃ ᖃᐅᔨᒋᐊᖃᕐᑕᓕᓚᐅᕐᑐᕐᒃ ᐊᒻᒪᓗ ᒪᖕᑕᓐᒥ ᓂᕈᐊᕐᓯᓗᓂ ᐃᓕᓐᓂᐊᕆᐊᕐᕕᒋᓂᐊᕐᓗᓂᐅᒃ. MFC ᒥᒃ ᐅᓪᓗᒥ ᑕᐃᒪᓇ ᑕᐃᔭᐅᕙᓕᕐᒃᑐᕐᒃ. ᐅᑭᐊᒃᓵᒥ 1991ᖑᑎᓪᓗᒍ ᐃᓕᓐᓂᐊᕆᐊᖓᓕᓚᐅᕐᓯᒪᔪᕐᒃ ᐅᑎᕆᓗᓂ 1993ᒥ ᖃᖓᑕᓲᕐᑎᖑᕐᑎᑕᐅᓗᓂ ᒥᑭᓐᓂᕐᓴᓄᑦ ᖃᖓᑕᓲᕐᓄᑦ. ᐊᓯᖏᓂᒃᓗ ᖃᖓᑕᓲᕐᓂᒃ ᐊᖁᑎᐅᕙᓕᕐᖢᓂ […]

ᐱᓇᓱᐊᕈᓯᓂᒃ ᐊᒡᒋᕐᑐᓂᒃ, ᕿᑭᕐᒃᑕᓂ ᐃᓄᐃᑦ ᑲᑐᑦᔨᖃᑎᒌᖏᑦ ᑕᑯᒃᓴᐅᑎᑦᑎᕙᒃᓂᐊᕐᒪᑕ ᐃᓄᐃᑦ ᐊᔪᖏᓂᖏᑦ ᖁᕕᐊᓱᒍᑎᒋᓗᑎᒍᑦ ᐱᔪᓇᕐᓂᖏᓗ ᑕᑯᒃᓴᐅᑎᓗᑎᒍᑦ. ᐅᓇ ᑕᕝᕙ ᓯᕗᓕᕐᒃᐹᕐᒃ. ᒥᐊᓕ ᐸᓂᒃᐸᒃ ᐱᕈᕐᓴᓚᐅᕐᓯᒪᔪᕐᒃ ᓄᓇᓕᕋᓛᕐᒥ ᐸ`ᖕᓂᕐᑑᑉ ᖃᓂᒋᔮᓂ. ᑲᒻᒥᐅᓕᐅᕆᐅᕐᓴᓕᓚᐅᕐᓯᒪᔪᕐᒃ ᐊᖓᔪᒥᓂᒃ ᐃᑲᔪᕐᐸᒃᑐᓂ ᑭᖕᒥᖏᓂᒃ ᒥᕐᓱᕐᐸᒃᑐᓂ ᒪᑯᒃᓱᓂ ᓱᓕ. ᑕᐃᒪᐅᑎᓗᒍ ᐃᓕᐸᓪᓕᐊᓕᓚᐅᕐᑐᕐᒃ. ᐅᐃᖓᑕᓗ ᐊᖑᓇᓱᒍᑎᒋᓂᐊᕐᑕᖏᓂᒃ ᓴᓇᕙᓕᕐᒃᑐᓂ ᐳᐊᓗᓂᒃ ᑲᒥᒃᓂᒃᓗ. ᕿᑐᖓᖃᓕᕋᒥ, ᓇᒥᓂᕐᒃ ᐋᕿᒃᓱᕐᒃᑕᒥᓂᒃ ᑲᒥᖏᓂᒃ ᓴᓇᔾᔪᑎᕙᓕᕐᑐᓂᒋᑦ. “ᓇᓗᖁᑎᓇᕐᑐᕐᒃ ᐃᓕᐸᓕᐊᓗᓂ ᐊᔪᕈᓃᕐᐸᓕᐊᓗᓂᓗ” ᐅᖃᕐᑐᕐᒃ ᒥᐊᓕ. ᑲᔪᖏᕐᓴᐃᔪᕐᒃ ᐅᕕᒃᑲᕐᒃᓂᒃ ᑲᒻᒥᓕᐅᓴᖃᑕᖁᔨᓗᓂ ᐊᑕᐅᓯᐊᖏᓗᑎᒃ” ᒥᐊᓕ ᐊᔪᕈᓐᓃᕐᐸᓕᐊᓗᓂ ᐃᓱᒪᓴᒃᓯᐅᖃᑕᓕᕐᒃᑐᓂ ᖃᓄᕐᒃ ᓴᓇᓂᐊᕐᒪᖔᕐᒥᓂ ᐊᓯᖏᑕᓗ ᑲᒥᓕᐅᕐᓯᒪᔭᖏᓂᒃ […]

ᓄᕕᐱᕆ 28ᒥᑦ – ᑎᓯᐱᕆ 7ᒧᑦ, 2023 70ᓂᑦ ᐊᑎᓕᐅᖅᑐᖃᔪᔪᖅ ᒥᖅᓱᑎᑦᑎᖃᑦᑕᓂᕐᒧᑦ ᐱᓕᕆᐊᕐᒧᑦ. ᐊᒥᓲᓗᐊᕐᓂᖏᓐᓄᑦ ᐃᓚᒋᔭᐅᒍᒪᔪᔪᑦ, ᓵᓐᑎ ᖃᐅᓐᓇᖅ ᐊᒧᓯᒍᒪᓕᔪᔪᖅ 10ᓂᒃ ᐊᑎᕐᓂᑦ. ᓵᓐᑎ ᐅᖃᔪᔪᖅ ᒥᖅᓱᑎᑦᑎᖃᑦᑕᕐᓂᖓᑦ ᐊᐅᓚᓂᖃᑦᑎᐊᓚᐅᕐᖓᑦ, ᐱᔭᕇᕐᓴᕋᐃᓐᓂᐊᕐᕙᓗᑦᑐᑎᓪᓗ ᑕᐃᒫᒃ ᐊᒧᓯᒃᑲᓐᓂᓕᔪᒻᒥᔪᖅ 10ᑲᓂᕐᓂᑦ ᑕᐃᒫᒃ ᐊᓯᖏᑦ ᐱᕕᖃᕐᓂᐊᕐᖓᑕ ᒥᖅᓱᖃᑕᐅᓂᕐᒥᒃ. ᓴᓇᓯᒪᔪᑦ ᐳᐊᓗᓂᑦ, ᖃᕐᓕᐊᓗᓐᓂᒃ, ᖁᓕᑦᑕᐅᔭᓂᓪᓗ 20ᓚᐅᖅᑐᑦ ᑕᒪᕐᒥᒃ ᒥᖅᓱᖃᑕᐅᔪᑦ.

ᑲᓇᑕᒥ ᓄᓇᖃᖅᑳᖅᑐᓄᑦ ᐅᓇᑕᖃᑕᐅᓚᐅᕐᓯᒪᔪᓄᑦ ᐅᓪᓗᖅ ᐃᖅᑲᐅᒪᑦᑎᕕᐅᓲᖑᒻᒪᑦ ᑲᓇᑕᒥ ᖁᔭᒋᓪᓗᒋᑦ ᓄᓇᖃᖅᑳᖅᑐᑦ ᐃᑲᔪᕐᓯᒪᓂᖏᓐᓂᒃ ᐅᓇᑕᖅᑎᓂᑦ, ᐱᓗᐊᖅᑐᒥᑦ ᓯᕗᓪᓕᕐᒥ ᑐᖏᓕᐊᓂᓗ ᓄᓇᕐᔪᐊᓕᒫᒥ ᐅᓇᑕᖅᑐᖃᖅᑎᓪᓗᒍ ᐊᒻᒪᓗ ᑯᕆᐊᓐᒥ ᐅᓇᑕᖅᑎᓪᓗᒋᑦ. Hᐃᐊᓐᓄᓕ ᑰᒪᓐ ᐃᓅᓂᑯ ᐸᓐᓂᖅᑑᒥ ᑭᓯᐊᓂ ᐱᕈᕐᓴᓯᒪᔪᖅ ᐃᓕᓐᓂᐊᕐᓂᑰᓪᓗᓂᓗ ᐃᖃᓗᓐᓂ. ᐃᓚᒋᔭᐅᓕᓚᐅᕐᓯᒪᔪᖅ ᐸᓖᓯᒃᑯᓐᓄᑦ 1993ᖑᑎᓪᓗᒍ ᐊᒻᒪᓗ ᐸᓖᓯᐅᖃᑦᑕᕐᓯᒪᓪᓗᓂ ᓇᒥᑐᐃᓐᓇᖅ ᓄᓇᓕᓐᓂᑦ ᓲᕐᓗ ᐅᑯᓇᓂ ᕿᑭᖅᑕᕐᔪᐊᖅ, ᑲᖏᖅᖠᓂᖅ ᐊᒻᒪᓗ ᔨᐊᓗᓇᐃᕝ ᐃᖅᑲᓇᐃᔮᖃᕐᓂᕐᒧᑦ ᓈᕆᓇᓱᓐᓂᖓᓂ ᐸᓖᓯᒃᑯᓐᓂ 2018ᒥ. ᐊᑖᑕᑦᑎᐊᖓ, ᔪᐊᓇᓯ ᑎᐊᓚ, ᐸᓖᓯᒥᐅᑕᐅᓚᐅᕐᓯᒪᒻᒪᑦ 23ᓂᑦ ᐊᕐᕌᒍᓂᑦ, ᑖᔅᓱᒥᖓ ᐱᔾᔪᑎᖃᖅᑐᓂ ᐸᓖᓯᒃᑯᓐᓂ ᐸᓖᓯᐅᖃᑕᐅᓕᕈᒪᓕᓚᐅᕐᓯᒪᔪᖅ. ᐱᕕᔅᓴᖃᓕᕐᖓᑦ ᐃᖅᑲᓇᐃᔭᕆᐊᕐᓂᕐᒧᑦ […]

ᐱᒋᐊᕈᑎ ᐱᕙᓪᓕᐊᔪᓕᕆᓂᖅ ᐱᒻᒪᕆᐅᔪᒥᒃ ᖃᓄᖅᑑᕈᑎᐅᒋᔭᐅᖕᒪᑦ ᓇᓗᓇᐃᖅᓯᓂᕐᒥᒃ ᐊᒻᒪᓗ ᐊᑐᓕᖅᑎᑦᑎᓂᕐᒥᒃ ᐃᓄᖕᓄᑦ ᐊᑐᕐᓂᐊᖅᑕᖓᓂᒃ ᐊᒻᒪᓗ ᐱᔪᓐᓇᕐᓂᖃᕐᓂᕐᒥᒃ ᐱᕈᖅᑎᑦᑎᕙᓪᓕᐊᓂᐊᕐᓗᓂ ᐃᓄᐃᑦ ᑮᓇᐅᔭᓕᐅᕋᓱᐊᕈᑎᒃᓴᖏᓐᓂᒃ.[1] ᕿᑭᖅᑕ ᓃᒃᑯᑦ ᕿᓂᕐᒪᑕ ᖃᓄᖅᑑᕈᑎᓂᒃ ᖃᓄᖅ ᐊᐅᓚᑦᑎᔪᓐᓇᕐᒪᖔᑖᒃ ᐅᓗᕆᐊᕐᓇᕐᓂᕆᔭᖏᓐᓂᒃ ᓄᓇᕗᙵ ᑮᓇᐅᔭᓕᐅᕋᓱᐊᕐᕕᐅᔪᓂᒃ ᐅᓪᓗᒥ, ᑐᕌᖓᓂᖅᓴᐅᑎᓪᓗᒍ ᒫᓐᓇ ᐱᕈᒃᑲᓐᓂᕈᓐᓇᙱᑦᑐᓂᒃ ᐅᔭᕋᖅᑕᐅᔪᓐᓇᖅᑐᓄᑦ.  ᐃᓚᖓ ᐊᖏᓪᓕᒋᐊᕈᑎᒋᔭᐅᔪᓐᓇᖅᑐᖅ ᐃᓄᐃᑦ ᑮᓇᐅᔭᓕᐅᕋᓱᐊᕐᓂᖏᓐᓄᑦ ᐋᖅᑭᒋᐊᖅᓯᓗᑎᒃ ᐃᓄᐃᑦ ᐊᒃᑐᐊᖓᓂᕆᔭᖓᓂᑦ “ᐃᒫᓂᑦ ᒪᑭᒪᔾᔪᑎᒃᓴᓕᐅᕐᓂᕐᒧᑦ”[2] ᑐᕌᒐᖃᕐᓗᑎᒃ ᒪᑭᑕᐃᓐᓇᕈᓐᓇᕐᓂᐊᕐᓂᖓᓂᒃ, ᐊᑑᑎᖃᕐᓂᐊᖅᑐᓂᒃ ᐃᖅᑲᓇᐃᔮᒃᓴᖃᕐᓂᕐᖅ ᐊᒻᒪᓗ ᐊᓯᖏᑦ ᐊᒃᑐᐊᖓᔪᓂᒃ ᑮᓇᐅᔭᓕᐅᕋᓱᐊᕈᑎᒃᓴᓂᒃ ᐱᐅᓯᓂᐊᕐᒪᑦ ᐃᓄᐃᑦ ᐃᓅᓯᖃᑦᑎᐊᕐᓂᖅᓴᒦᓕᕐᓂᐊᕐᒪᑕ ᐅᓪᓗᒥ ᐊᒻᒪ ᑭᖑᕙᕇᓄᑦ ᓯᕗᓂᑦᑎᓐᓂ. ᕿᑭᖅᑕᓃᒃᑯᑦ ᓇᓗᓇᐃᖅᓯᓯᒪᔪᑦ ᓄᓇᕗᒥ […]

ᕿᑭᖅᑕᓃᒃᑯᑦ ᓴᙱᓕᖅᑎᑦᑎᔪᑦ ᐃᓄᐃᑦ ᒪᑭᒪᔾᔪᑎᒃᓴᖏᓐᓂᒃ ᐊᒻᒪᓗ ᐱᐅᓯᑎᑦᑎᒐᓱᐊᖅᖢᑎᒃ ᐃᓄᐃᑦ ᐃᓅᓯᖃᑦᑎᐊᕐᓂᖅᓴᐅᓂᐊᕐᒪᑕ ᐃᖃᓗᓕᕆᓂᕐᒧᑦ ᐋᖅᑮᖃᑎᖃᕐᓂᒃᑯᑦ ᐊᖏᖃᑎᒌᒍᑎᑦ ᐊᑐᕐᓗᑎᒃ   ᐃᖃᓗᐃᑦ, ᓄᓇᕗᑦ, ᐊᒃᑑᕙ 17, 2023 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓃᒃᑯᑦ) ᐃᖅᑲᖅᑐᐃᕝᕕᒃᑰᖅᑎᑦᑎᔪᑦ ᒐᕙᒪᑐᖃᒃᑯᑦ ᐃᒪᕐᒥᐅᑕᓕᕆᔨᒃᑯᓐᓂᑦ ᑐᑭᑖᕈᑎᒋᓚᐅᖅᑕᖓᓂᑦ ᓅᑦᓯᑎᓪᓗᒍ ᑮᓇᐅᔭᓕᐅᕋᓱᐊᕐᕕᐅᔪᓐᓇᖅᑐᓂᒃ ᓄᓇᕘᑉ ᐊᑭᒋᔭᖏᓐᓃᑦᑐᓂᒃ ᐃᒪᓂᒃ ᓚᐃᓴᓐᓯᐅᔪᓂᒃ ᑐᓂᓯᑎᓪᓗᒍ ᖃᓪᓗᓈᓄᑦ.  ᑖᓐᓇ ᐃᖅᑲᖅᑐᐃᕝᕕᒃᑰᕈᑕᐅᔪᖅ ᐊᐃᕙᔾᔪᑎᖃᕐᒪᑦ ᒪᑭᒪᔾᔪᑎᒃᓴᐅᒐᔭᖅᑐᓄᑦ ᐊᓯᐅᔨᔭᐅᓯᒪᔪᑦ ᐃᓄᖕᓄᑦ, ᐱᖃᓯᐅᑎᓗᒋᑦ ᑐᕌᖅᑐᓂᒃ ᑐᕌᙱᑦᑐᓂᓪᓗ ᐃᑲᔫᓯᐊᖑᒐᔭᖅᑐᓄᑦ ᐃᓄᖕᓄᑦ ᐱᙳᖅᑎᑕᐅᓯᒪᙱᑦᑐᓄᑦ ᑕᐃᒪᙵᓂᑦ ᓄᓇᕘᑖᖅᑎᓪᓗᑕ 1999ᒥᑦ. ᕿᑭᖅᑕᓃᒃᑯᑦ ᐃᑲᔪᖅᑐᑦᑎᐊᖅᑐᑦ ᐱᕙᓪᓕᐊᔪᓕᕆᓂᕐᒥᒃ ᐱᒻᒪᕆᐅᔪᒃᑯᑦ ᓇᓗᓇᐃᔭᕈᑎᒋᔭᐅᔪᓐᓇᕐᒪᑦ […]

ᐱᓇᓱᐊᕈᓯᐅᓚᐅᖅᑐᒥᒃ, ᓯᑎᐱᕆ 4ᒥᑦ – 7ᒧᑦ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓃᒃᑯᑦ) ᐃᖅᑲᓇᐃᔭᕐᕕᖓ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐊᒻᒪ ᐃᓚᐅᑎᑦᑎᓂᕐᒧᓪᓗ ᑐᙵᓱᒃᑎᑦᑎᓚᐅᖅᑐᑦ ᐃᓐᓇᕐᓂᒃ ᓄᓇᓕᖕᓂᙶᖅᑐᓂᑦ ᕿᑭᖅᑖᓗᖕᒥ ᐃᖃᓗᖕᓄᑦ ᑲᑎᒪᔭᖅᑐᖅᖢᑎᒃ ᐃᓄᐃᑦ ᖃᐅᔨᒪᔭᑐᖃᖏᑕ ᒥᒃᓵᓄᑦ ᐊᒻᒪᓗ ᐃᓕᖃᑦᑕᐅᑎᓗᑎᒃ ᐃᓐᓇᐅᖃᑎᒋᔭᒥᓂᑦ.. ᑲᑎᒪᔾᔪᑎᒃᓴᓪᓚᑦᑖᖅᑕᖃᙱᑦᑐᖅ ᑕᒪᑐᒧᖓ ᑲᑎᓐᓂᐅᔪᒥᒃ, ᑭᓯᐊᓂᖔᖅ ᑖᒃᑯᐊ ᕿᑭᖅᑕᓃᒃᑯᑦ ᐃᖅᑲᓇᐃᔭᖅᑎᖏᑦ ᑲᑎᒪᑎᑦᑎᓗᑎᒃ ᐊᒻᒪᓗ ᐊᔾᔨᒌᙱᑦᑐᓂᒃ ᐅᖃᐅᓯᒃᓴᕆᔭᐅᔪᓐᓇᖅᑐᓂᒃ ᐅᖃᐅᓯᖃᖃᑦᑕᕐᓗᑎᒃ ᐊᔾᔨᒌᙱᑦᑑᑎᓂᒃ ᐊᒻᒪᓗ ᐃᓐᓇᐃᑦ ᐅᖃᓪᓚᒍᓐᓇᖅᑎᑕᐅᓪᓗᑎᒃ ᖃᐅᔨᒪᔭᖏᓐᓂᒃ ᐊᒻᒪᓗ ᐅᓂᒃᑳᕈᓘᔭᕈᓐᓇᖅᖢᑎᒃ. ᑖᒃᑯᐊ ᐅᖃᐅᓯᐅᓚᐅᖅᑐᑦ ᐊᔾᔨᒌᙱᑦᑐᑦ: ᖃᔭᓕᐅᕐᓂᕐᒥᒃ ᐃᓄᐃᑦ ᐊᑦᑎᖅᓯᖃᑦᑕᕐᓂᖏᑕ ᒥᒃᓵᓄᑦ, ᐅᒪᔪᐃᑦ ᐊᐅᓚᓂᖏᓐᓂᒃ, ᐊᑐᖅᑕᐅᓂᖏᓐᓂᒃ […]