ᓄᓇᕗᒻᒥ ᐊᖓᔪᖅᑳᖓᑦ ᐃᓄᖕᓂᑦ ᑭᒃᑯᑐᐃᓐᓇᕐᓂᒃ ᐋᓐᓂᐊᖅᑕᐃᓕᒪᓂᕐᒧᑦ ᓇᓗᓇᐃᖅᓯᓯᒪᓕᖅᐳᖅ ᓄᓇᕗᒻᒥ ᐊᐅᓪᓚᕈᓐᓇᕐᓂᐊᓕᕐᒪᑕ ᓄᓇᕗᒻᒥ ᓄᓇᓕᐅᔪᓂᒃ ᐊᑦᑕᓇᙱᑦᑐᒦᑎᑦᑎᒍᓐᓇᖅᑐᓂᒃ. ᑕᐃᒪᐃᓐᓂᖓᓄᑦ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑕ ᐃᓅᒍᓐᓃᖅᑐᖃᓚᐅᖅᑎᓪᓗᒍ ᐊᐅᓪᓚᓂᕐᒧᑦ ᐃᑲᔫᓯᐊᑦ ᐱᓕᕆᐊᖓ ᐊᑐᖅᑕᐅᒃᑲᓐᓂᕈᓐᓇᕐᓂᐊᓕᕐᒥᔪᖅ ᕿᑭᖅᑖᓗᖕᒥ ᐃᓄᖏᖕᓄᑦ ᐱᒋᐊᕐᓗᒍ ᔫᓂ 1 ᐊᐅᓪᓚᕈᓐᓇᕋᔭᖅᑐᑎᑦ ᓄᓇᕗᑉ ᐃᓗᐊᓂ ᐃᓅᒍᓐᓃᖅᑐᖃᓚᐅᖅᑎᓪᓗᒍ ᐃᓚᒥᓂᒃ ᐊᐅᓪᓚᐅᑎᒋᔭᐅᔪᓐᓇᕐᓗᑎᑦ ᐊᒻᒪᓗ ᐃᓅᒍᓐᓃᕐᓂᐊᓕᖅᑐᓄᑦ ᐃᑲᔪᕆᐊᖅᑐᕐᓗᑎᑦ.

ᐊᐅᓪᓚᕐᓗᓂ ᑕᐅᕗᖓ ᐊᒻᒪᓗ ᑕᐅᓇᙵᑦ ᑲᓇᑕᑉ ᓂᒋᐊᓂ ᐱᖃᓯᐅᔾᔭᐅᔾᔮᙱᒻᒪᑦ ᑮᓇᐅᔭᓂᒃ ᑐᓂᓯᔭᐅᓗᑎᑦ ᕿᑭᖅᑖᓗᖕᒥ ᐃᓄᐃᑦ ᑲᑐᔾᔨᖃᑎᒌᖏᑦ ᐃᓚᒥᓂᒃ ᐃᓅᒍᓐᓃᕐᓂᐊᕋᓱᒋᔭᐅᓕᖅᑐᑦ ᐊᒻᒪᓘᓐᓃᑦ ᐃᓅᒍᓐᓃᖅᑐᖃᖅᑎᓪᓗᒍ ᐃᑲᔫᓯᐊᒃ ᐱᓕᕆᐊᖓ ᑭᓯᐊᓂ ᐱᒋᐊᒃᑲᓐᓂᓛᖅᑐᓂ ᑕᒪᓐᓇ ᐱᓕᕆᐊᖅ ᓇᓗᓇᐃᖅᑕᐅᒐᓱᐊᕐᓂᖓᓂᒃ ᐱᒋᐊᒃᑲᓐᓂᕈᓐᓇᕐᓂᖓᓂᒃ.

ᑐᑭᓯᒋᐊᕈᓐᓇᖅᑐᑎᑦ ᐱᓕᕆᐊᑉ ᒥᒃᓵᓄᑦ ᐅᖄᓚᓗᑎᑦ ᐅᕗᖓ 867-222-1992. ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐱᓅᖃᑎᒥᓂᒃ ᓱᓕ ᐅᖓᓯᓐᓂᖃᕋᓱᐊᕐᒪᑕ ᐊᒻᒪᓗ ᐱᓇᓱᐊᕈᑎᓂᒃ ᑲᒪᒍᓐᓇᕋᔭᖅᑐᓂᒃ ᐃᓚᐃᕐᓂᐊᕋᓱᒋᔭᐅᓕᖅᑐᑦ ᐊᒻᒪᓗ ᐃᓚᐃᖅᑐᒥᓃᑦ ᐱᓕᓂᕆᐊᖓᑎᒍᑦ ᐅᖄᓚᓗᑎᑦ.

ᓄᓇᕗᑦ ᑐᙵᕕᒃᑯᓐᓂ ᐱᓕᕆᐊᑦ