ᐅᓂᒃᑳᑦ: ᓄᓇᒦᑎᓪᓗᑎᑦ ᐊᑦᑕᕐᓇᐃᔾᔪᑎᑦ
ᓯᓚ ᑲᔾᔮᕐᓇᖅᓯᑎᓪᓗᒍ ᐊᓃᕈᒪᓕᖃᑦᑕᕐᒪᑕ ᓄᓇᓕᐊᖅᖢᑎᒡᓘᓐᓃᑦ. ᐅᓪᓗᑯᑖᖑᖃᑦᑕᓕᖅᖢᓂ, ᓂᒡᓚᓱᓗᐊᕈᓐᓃᖅᖢᓂ, ᐊᒻᒪᓗ ᓱᓕ ᐃᖏᕐᕋᔪᓐᓇᖅᖢᑎᒃ ᓯᑯᒃᑯᑦ ᐊᐳᑎᒃᑯᓪᓘᓐᓃᑦ.
ᓯᓚ ᐃᒪᐃᓐᓇᓕᖅᑎᓪᓗᒍ ᖃᓄᐃᓐᓂᖓ ᐊᓯᔾᔨᖅᓲᖑᖕᒥᔪᖅ, ᐊᓄᕆᓗ ᓴᕿᖃᑦᑕᖅᖢᓂ ᐊᒻᒪ ᓂᒡᓚᓱᓗᐊᕈᓐᓃᖅᐸᓪᓕᐊᓂᐊᖅᖢᓂ. ᓯᑯᓗ ᐃᓛᓐᓂᒃᑯᑦ ᓇᓗᓇᖃᑦᑕᕐᒪᑦ ᐊᒻᒪᓗ ᒪᑯᐊ ᐃᓂᒋᔭᐅᕙᒃᑐᑦ ᓇᐅᑦᑎᖅᓱᖅᑕᐅᖏᓐᓇᕆᐊᖃᖅᖢᑎᒃ ᐃᖏᕐᕋᕐᕕᐅᖃᑦᑕᖅᑎᓪᓗᒋᑦ.
ᐅᑯᐊ ᐱᔭᕆᐊᑭᑦᑐᑯᓗᐃᑦ ᓇᓗᓇᐃᔭᔾᔪᑎᒋᔪᓐᓇᖅᑕᑎᑦ ᐸᕐᓇᒃᐸᓪᓕᐊᑎᓪᓗᑎᑦ ᐊᒻᒪ ᓅᓯᒪᑎᓪᓗᑎᑦ ᖃᓄᐃᑦᑐᖃᕋᔭᕐᓂᖅᐸᑦ ᖃᓄᐃᓕᐅᕈᑎᓂᒃ.
- ᐅᖅᓱᖃᑦᑎᐊᕐᓗᑎ
- ᐊᑎᒐᒃᓴᒃᑲᓐᓂᕐᓂ ᓇᒃᓴᕐᓗᑎᑦ
- ᐊᑦᑐᓈᓕᔭᕐᓗᑎᑦ
- ᓂᕿᖃᑦᑎᐊᕐᓗᑎᑦ ᐃᒥᓕᔭᕐᓗᑎᓪᓗ
- ᖁᑭᐅᑎᒥᒃ
- ᐋᓐᓂᖅᑐᖃᖅᑎᓪᓗᒍ ᐃᑲᔫᑎᓂᒃ
- ᓴᓇᕐᕈᑎᓂᒃ ᐃᓚᒃᓴᓂᓪᓗ ᓱᕐᓗ ᑕᔅᓯᓂᒃ ᖃᐅᒪᓂᓗ
- ᓄᓇᙳᐊᕐᒥᒃ, ᑕᒻᒪᕇᒃᑯᑎᒥᒡᓗ
- ᐅᕙᓃᑉᐳᖔᕈᑎᒥᒃ ᕚᑐᓖᓕᔭᒃᑲᓐᓂᖅᓯᒪᓗᑎᑦ
- ᑐᐱᕐᒥᒃ, ᓯᓂᒃᑕᖅᑐᖅᓯᐅᒻᒥᒃ ᐴᕐᒥᒃ, ᓯᑦᑎᓱᐃᑦᑐᒥᒃ ᖄᒃᓴᒥᒃ (Tarp), ᓱᐴᔫᕐᒥᒃ
ᖃᐅᔨᒪᑎᑦᑎᖃᑦᑕᕐᓗᓯ ᑭᓇᒥᒃ ᐱᖃᑎᖃᕐᓂᐊᕐᓂᕐᓄᑦ, ᓇᐅᒃᑰᕐᓂᐊᕐᓂᔅᓯᓐᓂᒃ, ᐊᒻᒪ ᖃᖓ ᐅᑎᕐᕕᒃᓴᖃᕐᓂᐊᕐᓂᔅᓯᓐᓂ. ᐃᓄᑑᖃᑦᑕᙱᓪᓗᑎᑦ, ᐊᔪᕐᓇᙱᑉᐸᑦ. ᓯᓚ ᖃᓄᐃᓐᓂᕆᓂᐊᖅᑕᖓᓂᒃ ᖃᐅᔨᓴᕐᓗᓯ ᓅᒋᐊᓚᐅᕐᓇᓯ.
ᐅᕙᓃᑉᐳᖔᕈᑎᑕᖃᙱᒃᑯᕕᑦ, ᐊᑐᖅᑎᑕᐅᔪᓐᓇᖅᑐᑦ ᕼᐊᒻᓚᒃᑯᓐᓂᑦ ᐅᒪᔪᕐᓂᐊᖅᑎᒃᑯᓐᓂ ᐊᒡᓚᕝᕕᐊᓂᑦ − ᐊᑎᓕᐅᒐᒃᓴᐅᓪᓗᑎᒃ ᐊᑐᒐᒃᓴᐅᔪᑦ.
Recent Posts
