ᓇᐃᓈᖅᑐᑦ: ᐃᓄᒃ ᒥᖅᓱᖅᑎ ᒫᓖᓐ ᕙᑦᓴᓐ ᐃᑲᔪᖅᑐᖅ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑕ ᐃᖅᑲᓇᐃᔭᖅᑎᖏᖕᓂᒃ ᐊᑦᑕᓇᖅᑐᒨᖅᑕᐃᓕᑎᑦᑎᓪᓗᓂ ᐃᖅᑲᓇᐃᔭᖅᑎᓪᓗᒋᑦ
ᐅᐱᒋᕙᒌᕈᒪᕙᑦᑎᒋᑦ ᑕᒪᐃᓐᓂ ᒥᖅᓱᖅᑎᓕᒫᑦ ᕿᑭᖅᑖᓗᖕᒥᐅᑕᐅᔪᑦ ᑮᓇᕐᒧᑦ ᒪᑐᐊᓕᐅᖅᐸᑦᑐᑦ ᐃᑲᔪᖅᑐᑎᑦ ᓄᓇᖅᑲᑎᖏᖕᓂᒃ ᐊᑦᑕᓇᖅᑐᒨᖅᑕᐃᓕᖁᓪᓗᒋᑦ ᓄᕙᒡᔪᐊᕐᓇᖅ-19 ᐊᐃᑦᑑᑖᓘᖃᑦᑕᑎᓪᓗᒍ. ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐃᑲᔪᖅᑕᐅᔪᒪᓚᐅᕐᒪᑕ ᐊᔪᙱᑦᑐᒧᑦ ᒥᖅᓱᖅᑎ ᒫᓖ ᕚᑦᓴᓐᒧᑦ ᐃᖃᓗᒻᒥᐅᖅ ᓴᓇᓚᐅᖅᑐᖅ 200−ᓂᒃ ᑮᓇᕐᒧᑦ ᒪᑐᐊᕐᓂᑦ ᐃᖃᓗᖕᓂ ᐃᖅᑲᓇᐃᔭᖅᑎᖁᑎᑦᑎᓐᓄᑦ ᐊᑐᖅᑕᐅᒐᔭᖅᑐᓂᒃ.
ᕚᑦᓴᓐ ᐊᒥᓱᐊᖅᑎᖅᑐᓂ ᒥᖅᓱᒃᑲᐅᓂᖓᓄᑦ ᐃᓕᓴᕆᔭᐅᓯᒪᓕᖅᑐᖅ ᐱᕙᓪᓕᐊᔪᑎᒍᑦ. 2018−ᖑᑎᓪᓗᒍ, ᖁᓕᒃᑕᐅᔭᓕᐅᓚᐅᖅᓯᒪᔪᖅ ᐊᑎᒋᓕᐅᖅᑐᑎᑦ, ᑲᓇᑕ ᒎᔅ ᐃᓅᓯᖅ ᐱᐅᓯᑎᑕᐅᓇᓱᐊᖅᑐᓂ ᑮᓇᐅᔭᓕᐅᖅᑎᑦᑎᓇᓱᐊᖅᑎᓪᓗᒋᑦ ᐱᓕᕆᐊᖓᑦ ᑲᓇᑕᑉ ᐅᑭᐅᖅᑕᖅᑐᖓᓂᒃ ᒥᖅᓱᖅᑎᖏᖕᓄᑦ ᐊᒻᒪᓗ ᓂᐅ ᔪᐊᒃ−ᒨᓚᐅᖅᓯᒪᓪᓗᓂ ᓴᓇᐅᒐᖏᑦ ᑕᑯᒃᓴᐅᑎᒋᐊᖅᑐᖅᑐᓂᒋᑦ ᓄᓇᕐᔪᐊᕐᒧᑦ.
ᖁᓕᒃᑕᐅᔭᓕᐅᓚᐅᖅᓯᒪᒻᒥᔪᕐᓗ ᓂᕈᐊᖅᑕᐅᓯᒪᔪᒻᒪᕆᖕᓄᑦ ᓲᕐᓗᒃ ᑲᓇᑕᑉ ᓯᕗᓕᖅᑎᕐᔪᐊᖓᓄᑦ ᔭᔅᑎᓐ ᑐᕉᑐ, ᐃᐊᓐᑏᐲ ᓯᕗᓕᖅᑎᕐᔪᐊᖓᓄᑦ ᔭᒡᒦᑦ ᓯᖕ’ ᐊᒻᒪᓗ ᓄᓇᕗᒻᒥ ᑭᒡᒐᖅᑐᐃᔪᖅ ᒪᓕᒐᓕᐅᖅᑎᕐᔪᐊᖅ ᒧᒥᓛᖅ ᖃᖅᑲᕐᒧᑦ.
ᖁᕕᐊᓱᒻᒪᕆᑉᐳᒍᑦ ᕚᑦᓴᓐ ᓴᓇᐅᒐᖏᖕᓄᑦ. ᐊᐅᓪᓚᑎᑦᑎᕕᒋᑎᒍᑦ ᐊᔾᔨᙳᐊᓂᒃ ᑮᓇᕐᒧᑦ ᒪᑐᐊᓕᐊᕆᓯᒪᔭᔅᓯᖕᓂᒃ ᓴᐳᑎᓪᓗᒋᑦ ᐃᓚᑎᑦ ᐊᒻᒪᓗ ᓄᓇᖅᑲᑎᑎᑦ.
Recommended Posts
