ᑕᒫᓂ ᐱᓇᓱᐊᕈᓯᕐᒥ ᐱᒋᐊᙵᕐᓂᖓᓂ, ᖃᕋᓴᐅᔭᕐᓂᑦ ᑐᓂᓯᐅᖅᑲᐃᓚᐅᕋᑦᑕ ᐃᓕᓐᓂᐊᖅᑎᓄᑦ ᕿᑭᖅᑕᓂ ᓄᓇᓕᐅᔪᓂᑦ ᐃᑲᔪᕈᒪᓪᓗᒋᑦ ᐱᑖᖃᑕᐅᔪᓐᓇᖅᑐᑦ ᐃᓕᓐᓂᐊᖅᑏᑦ ᐃᓕᓐᓂᐊᖅᑕᖏᑦ ᐅᓚᕕᑕᐅᓯᒪᑎᓪᓗᒋᑦ ᖃᓂᒪᓇᖅᑐᒧᑦ.

ᑖᓐᓇ ᐱᓇᓱᐊᕈᑕᐅᔪᖅ, ᑮᓇᐅᔭᓂᑦ ᑐᓂᓯᔭᐅᓯᒪᓪᓗᑎᒃ ᑖᒃᑯᓇᙵᑦ ᒫᔅᑕᑳᑦ ᑐᙵᕕᐊᓂ (Mastercard Foundation) ᒐᕙᒪᑐᖃᒃᑯᓂᓪᓗ, ᐋᖅᑭᑦᑕᐅᓯᒪᒻᒪᑦ 65ᓂᑦ Google Pixelbook Go ᖃᕋᓴᐅᔭᕋᓛᖅᑖᑎᑦᑎᒍᑕᐅᓂᐊᖅᑐᓂᑦ ᕿᑭᖅᑕᓂ ᓄᓇᓕᐅᔪᓄᑦ ᐃᓕᓐᓂᐊᖅᑎᓄᑦ ᐅᑭᐅᓕᓐᓄᑦ 8ᓂᑦ 18ᓄᑦ.

ᑖᓐᓇ ᓴᖅᑭᖅᑕᐅᓚᐅᖅᑎᓪᓗᒍ ᐱᓇᓱᐊᕈᑕᐅᔪᖅ, ᐋᒃᑐᐊᒃᑯᑦ ᐃᓚᒋᔭᐅᓯᔪᔪᑦ ᐊᒻᒪᓗ ᑮᓇᐅᔭᖅᑖᑎᑦᑎᑲᓐᓂᔪᔪᑦ 40ᑲᓂᕐᓂᑦ ᖃᕋᓴᐅᔭᕋᓛᕐᓂᑦ ᐃᓚᓂᐊᕐᖓᑕ. ᐋᒃᑐᐊ

ᒃᑯᑦ ᑲᓇᑕᒥ ᐃᑲᔪᖅᑎᐅᒻᒪᑕ ᐃᑲᔪᓲᖑᓪᓗᑎᒃ ᐃᓕᓐᓂᐊᖅᑎᓂᑦ ᑐᙵᕕᓕᐅᕐᐸᓪᓕᐊᓂᕐᒥᒃ ᐃᓕᓯᒪᓂᐊᖅᑕᖏᓐᓄᑦ ᒪᑯᓂᖓ ᖃᐅᔨᓴᖅᑐᓕᕆᓂᖅ, ᐃᓱᕐᕆᐅᑎᓕᕆᓂᖅ, ᓴᓇᔪᓕᕆᓂᖅ ᓈᓴᐅᓯᕆᓂᕐᓗ ᐃᓕᓐᓂᐊᖃᑕᐅᖃᑦᑕᓂᒃᑯᑦ ᐊᒻᒪᓗ ᐊᐅᔭᒃᑯᑦ ᐃᓕᓐᓂᐊᖃᑦᑕᓂᒃᑯᑦ.

ᑕᐃᒪ ᐃᓱᒪᓇᕋᓗᐊᖅᑯᖅ ᑖᒃᑯᐊ ᖃᕋᓴᐅᔭᕋᓛᑦ ᐃᑲᔫᑎᖃᕐᓂᐊᕆᐊᖏᑕ ᕿᑭᖅᑕᓂ ᓄᓇᓕᓐᓄᑦ ᐃᓕᓐᓂᐊᖅᑎᓄᑦ ᐃᓕᓐᓂᐊᑦᑎᐊᖁᓪᓗᒋᑦ ᑕᒫᓂ ᐊᕐᕌᒍᒥ ᐊᑐᖃᑦᑕᕐᓗᑎᒃ ᖃᕋᓴᐅᔭᒃᑯᑦ ᐃᓕᓐᓂᐊᕈᑎᔅᓴᓂᑦ ᐊᒻᒪᓗ ᖃᕋᓴᐅᔭᒃᑯᑦ ᐊᑐᖅᑕᐅᔪᓐᓇᐸᑦᑐᓂᑦ ᐊᑐᖃᑦᑕᕐᓗᑎᒃ. ᐃᓚᖏᑦ ᐃᓕᓐᓂᐊᖅᑏᑦ ᐅᕙᑦᑎᓐᓄᑦ ᖁᔭᓕᓪᓗᑎᒃ ᐅᖃᖃᑦᑕᓕᕇᕐᖓᑕ:

ᐊᐃᒥ ᑐᓗᒑᕐᔪᒃ, ᐃᒡᓗᓕᒃ

“ᖁᔭᓐᓇᒦᒃ, ᐃᑲᔫᑎᖃᓪᓚᕆᓐᓂᐊᖅᑐᖅ ᐃᓕᓐᓂᐊᕈᑎᓐᓄᑦ!”

ᓯᑳᑦ ᕿᓚᕝᕙᖅ, ᐸᓐᓂᖅᑑᖅ

“ᖁᔭᓕᓪᓚᕆᑦᑐᖓ ᖃᕋᓴᐅᔭᕋᓛᖅᑖᖅᑎᑕᐅᒐᒪ!”

ᐋᔅᑯ ᐊᑕᒍᑦᑕᖅ, ᒥᑦᑎᒪᑕᓕᒃ

“ᖃᕋᓴᐅᔭᕋᓛᖅᑖᓵᑦᑎᐊᕋᒪ ᖁᕕᐊᓇᓪᓚᑦᑖᖅᑐᖅ, ᐊᑐᖃᑦᑕᕈᒪᔭᕋ ᐃᓕᓐᓂᐊᕈᑎᒋᓗᒍ ᐊᐅᓚᔾᔪᑎᐅᕙᑦᑐᑦ ᒥᑭᔫᑎᑯᓗᐃᑦ ᒥᒃᓵᓄᑦ, ᖁᔭᓐᓇᒦᓪᓚᕆᐊᓗᒃ ᕿᑭᖅᑕᓂᒃᑯᑦ!”