Financial Literacy Workshop

ᑐᓴᕋᔅᓴᕈᖅᑎᑕᖅ

ᐱᔾᔪᑎᒋᓪᓗᒍ: ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐃᓕᓐᓂᐊᑎᑦᑎᔪᑦ ᑮᓇᐅᔭᐃᑦ ᒥᔅᓵᓄᑦ ᑎᑎᖅᑲᓂᑦ ᐅᖃᓕᒫᖃᑦᑕᓂᕐᒥᒃ
ᐅᓪᓗᖓ: ᔮᓐᓄᐊᓕ 7-26, 2018
ᓇᒥ: ᒥᑦᑎᒪᑕᓕᒃ, ᐃᒡᓗᓕᒃ, ᑲᖏᖅᑐᒑᐱᒃ ᐊᒻᒪᓗ ᐸᓐᓂᖅᑑᖅ

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᑲᑐᔾᔨᖃᑎᒌᖏᑦ) ᐃᓕᓐᓂᐊᑎᑦᑎᖃᑦᑕᓂᐊᕐᖓᑕ ᐊᑭᖃᙱᑦᑐᒥᒃ ᑮᓇᐅᔭᓕᕆᔾᔪᑎᓂᑦ ᐅᖃᓕᒫᖃᑦᑕᓂᕐᒧᑦ ᑐᑭᓯᐊᓕᖁᓪᓗᒋᑦ ᑎᓴᒪᓂᑦ ᕿᑭᖅᑕᓂ ᓄᓇᓕᓐᓂᑦ. ᐃᓕᓐᓂᐊᑎᑦᑎᖃᑦᑕᓂᐊᖅᑐᑦ ᒥᑦᑎᒪᑕᓕᒻᒥ, ᐃᒡᓗᓕᒻᒥ, ᑲᖏᖅᑐᒑᐱᒻᒥ ᐸᓐᓂᖅᑑᕐᒥᓗ ᔮᓐᓄᐊᓕᐅᑎᓪᓗᒍ.

ᒪᕐᕈᐊᑎᕐᓗᑎᒃ ᐃᓕᓐᓂᐊᑎᑦᑎᖃᑦᑕᓂᐊᖅᑐᑦ ᐊᑐᓂᑦ ᓄᓇᓕᓐᓂᑦ ᐊᒻᒪᓗ ᐃᓄᓕᒫᑦ ᑐᙵᓱᑦᑐᑦ ᐱᖃᑕᐅᖃᑦᑕᕈᒪᔪᑦ.

ᐃᓕᓐᓂᐊᕐᓂᕐᒥ ᓯᕗᓪᓕᕐᒥ ᑲᒪᒋᔭᖃᖃᑦᑕᓂᐊᖅᑐᑦ:

• ᐊᑐᕐᓂᖅ ᑮᓇᐅᔭᓕᕆᓂᕐᒧᑦ ᐱᔨᑦᑎᕋᐅᑎᓂᑦ ᓄᓇᓕᓐᓂᑦ
• ᕿᒥᕐᕈᓂᖅ ᑮᓇᐅᔭᒃᑯᕕᒻᒥ ᓇᓕᖅᑲᓕᐊᒥᓂᕐᓂᑦ
• ᑮᓇᐅᔾᔭᔅᓴᓂᖅ ᐊᒻᒪᓗ ᐊᑐᕐᓂᖅ ᑭᒃᑯᑐᐃᓐᓇᕐᓄᑦ ᐃᑲᔫᓯᐊᔅᓴᓂᑦ
• ᑖᒃᓰᔭᕈᑏᑦ ᐊᒻᒪᓗ ᐱᓕᕆᖃᑎᖃᖃᑦᑕᕐᓂᖅ ᐊᑭᓕᔅᓴᓕᕆᔨᓂᑦ
• ᐊᐅᓚᑦᑎᓂᖅ ᑮᓇᐅᔭᓕᕆᔾᔪᑎᓂᑦ ᐊᒻᒪᓗ ᑐᑭᓯᐊᓂᖅ ᑮᓇᐅᔭᐃᑦ ᒥᔅᓵᓄᑦ
• ᑮᓇᐅᔭᑦ ᓈᓴᐅᑎᑐᐃᓐᓇᐅᓂᖏᓐᓂᒃ

 ᐃᓕᓐᓂᐊᓂᕐᒥ ᑐᖏᓕᐊᓂ ᑲᒪᒋᔭᖃᖃᑦᑕᓂᐊᖅᑐᑦ:

ᑐᑭᑖᕈᑎᖃᕐᓂᖅ:

• ᖃᓄᖅ ᑮᓇᐅᔭᓂᑦ ᐊᑭᓕᕐᓱᐃᒍᑎᖃᖃᑦᑕᕆᐊᖃᕐᒪᖔᖅ ᐊᒻᒪᓗ ᐊᑐᖃᑦᑕᕆᐊᖃᕐᒪᖔᑦ ᐃᓱᒪᑐᑦᑎᐊᕐᓗᑎᒃ
• ᖃᓄᖅ ᑮᓇᐅᔭᓂᑦ ᐊᑐᙱᓂᕐᓴᐅᒍᓐᓇᕐᒪᖔᑦ ᐊᒻᒪᓗ ᐱᕈᕐᐸᓪᓕᐊᑎᑦᑎᒍᓐᓇᕐᒪᖔᑦ ᓯᓚᑐᔪᒥᒃ
• ᑮᓇᐅᔭᑦ ᖁᕕᐊᓲᑎᒋᓗᒋᑦ ᐊᒻᒪᓗ ᕿᓄᖓᒍᑕᐅᖃᑦᑕᕐᓂᖏᑦ

ᐊᑐᓂᑦ ᐃᓕᓐᓂᐊᕐᓂᐅᔪᓂᑦ ᐊᒥᓱᐊᖅᑎᕐᓗᑎᒃ ᐃᓕᓐᓂᐊᑎᑦᑎᑲᓐᓂᖃᑦᑕᓂᐊᖅᑐᑦ ᐊᑲᐅᓈᕐᓯᒪᑎᑦᑎᒍᒪᓪᓗᑎᒃ ᐃᓕᓐᓂᐊᖃᑕᐅᖃᑦᑕᓂᐊᖅᑐᓂᑦ.

ᐃᓕᓐᓂᐊᓂᕐᒧᑦ ᐋᖅᑭᓯᒪᓂᖏᑦ (ᓇᒥ/ᓯᕿᙳᔭᒃᑯᓪᓗ ᖃᖓᒃᑰᖃᑦᑕᓂᐊᕐᒪᖔᑕ ᓇᓗᓇᐃᖅᑕᐅᖃᑦᑕᓂᐊᖅᑐᑦ ᓄᓇᓕᓐᓂᑦ): 

• ᒥᑦᑎᒪᑕᓕᒃ  –  ᔮᓐᓄᐊᓕ 7-9
• ᐃᒡᓗᓕᒃ  –  ᔮᓐᓄᐊᓕ 10-12
• ᑲᖏᖅᑐᒑᐱᒃ  –  ᔮᓐᓄᐊᓕ 26-28
• ᐸᓐᓂᖅᑑᖅ  –  ᔮᓐᓄᐊᓕ 24-26

ᐱᖃᑕᐅᖃᑦᑕᕈᒪᓂᐊᕈᔅᓯ ᐃᓕᓐᓂᐊᑎᑦᑎᓂᐅᔪᓂᑦ ᐊᑎᓕᐅᕆᐊᖅᑐᖃᑦᑕᓂᐊᖅᑯᓯ ᓄᓇᔅᓯᓐᓂ ᑲᑐᔾᔨᖃᑎᒌᒃᑯᑦ ᑐᓴᐅᒪᑎᑦᑎᔨᖏᑎᒍᑦ.

 ᓄᓇᓕᓐᓂᑦ ᑐᓴᐅᒪᑎᑦᑎᔩᑦ ᐅᖃᕐᕕᐅᖃᑦᑕᕈᓐᓇᖅᑐᑦ:

ᐃᓕᓐᓂᐊᑎᑦᑎᖃᑦᑕᕐᓃᑦ ᑮᓇᐅᔭᖃᖅᑎᑕᐅᓂᐊᖅᑐᑦ ᓄᓇᕗᑦ ᒐᕙᒪᒃᑯᖏᓐᓂ ᐅᔭᕋᓐᓂᐊᕐᓂᕐᒧᑦ ᐃᓕᓐᓂᐊᓂᕐᒧᑦ ᑲᑎᒪᔨᓂᑦ.

ᑐᑭᓯᒋᐊᖃᑦᑕᕈᒪᒍᔅᓯ, ᑐᑭᓯᒋᐊᕐᕕᐅᖃᑦᑕᕐᓕ:

ᓰᒪ ᓴHᐊ ᓯᐅᕋHᐃ, ᐊᖏᔪᖅᑳᖅ ᑐᓴᐅᒪᖃᑦᑕᐅᑎᓂᕐᒧᑦ

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ

szerehi@qia.ca

(867) 975.8413, 1.800.667.2742