ᖃᐅᔨᒃᑲᐃᔾᔪᑎ ᑲᑎᒪᓂᐅᓛᖅᑐᒥᒃ ᐊᕐᕌᒍᑕᒫᕐᓯᐅᒻᒥᑦ ᑲᑎᒪᕕᔾᔪᐊᕐᓂᖃᓛᕐᖓᑕ ᑲᑎᒪᔩᑦ
ᖃᐅᔨᒃᑲᐃᕗᒍᑦ, ᒪᓕᒃᑐᒍᑦ ᐃᓚᖓ 5.01.02 ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑕ ᒪᓕᒐᕋᓛᖏᓐᓃᑦᑐᖅ, ᐊᕐᕌᒍᑕᒫᕐᓯᐅᒻᒥᑦ ᑲᑎᒪᕕᔾᔪᐊᕐᓂᖃᓛᕐᖓᑕ ᑲᑎᒪᔩᑦ ᐊᒃᑐᕝᕙ 8, 2024ᖑᓕᖅᑲᑦ 8:30ᑉᐸᑦ ᐅᓪᓛᒃᑯᑦ ᐱᒋᐊᕐᓗᑎᒃ ᑲᓇᓐᓇᐅᑉ ᓯᕿᙳᔭᖓ ᒪᓕᑦᑐᒍ ᐃᖃᓗᓐᓂ.
ᐃᓚᓕᐅᑎᓯᒪᓛᕐᒥᔪᑦ ᑲᑎᒪᓂᖓᓐᓂ ᑲᑎᒪᔾᔪᑎᒋᓛᖅᑕᖏᓐᓄᑦ ᐃᓱᒪᔅᓴᕐᓯᐅᕈᑕᐅᒋᐊᖃᓛᖅᑑᒃ ᒪᕐᕉᒃ (2) ᐱᒻᒪᕆᐅᔫᒃ ᐱᖁᔨᕗᖔᕈᑏᒃ
- ᓈᒻᒪᒋᔭᐅᓂᖏᑦ ᐋᖅᑭᒋᐊᖅᑕᐅᓯᒪᔪᑦ ᒪᓕᒐᕋᓛᖏᓐᓂᑦ ᑕᓪᓕᒪᒋᓕᖅᑕᖏᓐᓂ (5) ᐊᓯᔾᔨᖅᑐᒍ ᓂᕈᐊᖅᑕᐅᕕᒋᕙᑦᑕᖓ ᐊᖏᔪᖅᑳᕐᒧᑦ−ᑐᖏᓕᐅᓂᕐᒧᑦ ᐃᓂᐅᔫᑉ ᐃᖅᑲᓇᐃᔮᖑᐃᓐᓇᕐᓗᓂ ᐋᖅᑭᓯᒪᖁᓕᖅᑐᒍ: ᐊᒻᒪᓗ
- ᓈᒻᒪᒋᔭᐅᓂᖏᑦ ᐋᖅᑭᒋᐊᕆᐊᖃᙳᓱᓕᖅᑐᑦ ᑖᓐᓇ ᐱᔾᔪᑎᒋᓪᓗᒍ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ ᑮᓇᐅᔭᓕᕆᓂᕐᒧᑦ ᐊᑐᐊᒐᑦ ᐊᒻᒪᓗ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ ᓯᕗᓕᖅᑎᓄᑦ ᐊᑭᓕᕐᓱᐃᔾᔪᑏᑦ ᐊᑐᐊᒐᑦ ᓇᓗᓇᐃᕐᓯᒪᓂᐊᕐᖓᑦ ᐃᖅᑲᓇᐃᔮᖑᐃᓐᓇᖃᑦᑕᕐᓂᐊᓕᕐᓂᖓᓂᒃ ᓂᕈᐊᖅᑕᐅᕕᒋᕙᑦᑕᖓ ᐊᖏᔪᖅᑳᕐᒧᑦ−ᑐᖏᓕᐅᓂᕐᒧᑦ ᐃᓂᐅᔫᑉ.
ᑎᑎᕋᖅᑕᐅᕗᑦ ᑕᕝᕙᓂ 13ᖑᑎᓪᓗᒍ, ᓯᑎᐱᕆᒥ 2024 ᐃᖃᓗᓐᓂ, ᓄᓇᕗᒻᒥ.
ᐅᓛᔪᒃ ᐊᑭᓱᒃ
ᐊᖓᔪᖅᑳᖅ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ
