ᖃᐅᔨᒃᑲᐃᕗᒍᑦ 2021ᒥ ᐊᕐᕌᒍᑕᒫᕐᓯᐅᒻᒥᑦ ᑲᑎᒪᕕᔾᔪᐊᕐᓂᖅ ᐱᒋᐊᓚᐅᕐᓯᒪᔪᖅ ᐅᑐᐱᕆ 5, 2021ᒥ ᑲᔪᓯᓛᕐᖓᑦ ᖃᕋᓴᐅᔭᒃᑯᑦ ᑲᑎᒪᓗᑎᒃ 2:00ᒥ ᐅᓐᓄᓴᒃᑯᑦ ᓄᕕᐱᕆ 30, 2021ᒥ ᐃᓱᒪᔅᓴᕐᓯᐅᕈᑎᖃᓛᕐᖓᑕ ᐅᑯᓂᖓ ᑲᑎᒪᔾᔪᑕᐅᔭᕆᐊᓕᓐᓂᑦ:

1. ᐱᖁᔨᕗᖔᕈᑦ ᓈᒻᒪᒋᔭᐅᖁᓪᓗᒋᑦ ᕿᑭᖅᑕᓂᒃᑯᑦ ᑲᑎᑕᐅᓯᒪᔪᑦ ᑮᓇᐅᔭᓕᕆᔾᔪᑎᒥᓂᖏᑦ 2020-2021 ᑮᓇᐅᔭᓄᑦ ᐊᐅᓚᕕᖓᓐᓂ ᐊᕐᕌᒍᒥ
2. ᐊᔾᔨᐅᖏᑦᑐᒥᒃ ᐱᖁᔨᕗᖔᕈᑦ ᐊᖏᖅᑕᐅᔭᕆᐊᖃᕐᓂᐊᖅᑎᓪᓗᒋᑦ ᐊᑭᓕᕐᓱᐃᔾᔪᑕᐅᓂᐊᖅᑐᓂᑦ ᐱᓕᕆᐊᓄᑦ ᐸᓚᕐᔫᒥᑎᑕᐅᖁᓪᓗᒋᑦ ᐊᑑᑎᓂᕆᔪᓐᓇᖅᑕᖏᑦ ᓄᕙᕐᔪᐊᓇᖅᑑᑉ ᐊᑐᕐᓗᑎᒃ ᑮᓇᐅᔭᓂᑦ ᑲᓇᑕᐅᑉ ᒐᕙᒪᒃᑯᖏᓐᓂᑦ ᓄᓇᖃᖅᑐᑐᖃᕐᓄᑦ ᓄᓇᓕᓐᓄᑦ ᐃᑲᔫᑎᓂᑦ ᑮᓇᐅᔭᓂᑦ.
3. ᐊᔾᔨᐅᖏᑦᑐᒥᒃ ᐱᖁᔨᕗᖔᕈᑦ ᐱᔾᔪᑎᒋᓪᓗᒍ ᐊᒥᓱᕈᕆᐊᕐᓯᒪᓪᓗᑎᒃ ᐃᓚᒋᔭᐅᔪᑦ ᓄᖅᑲᖓᓕᖅᑲᑕ ᐃᑲᔫᓯᐊᔅᓴᓄᑦ ᐸᕐᓇᐅᑎᓄᑦ ᐊᑐᖅᑕᐅᕙᑦᑐᑦ ᕿᑭᖅᑕᓂᒃᑯᑦ ᐃᖅᑲᓇᐃᔭᖅᑎᖏᓐᓄᑦ ᐊᖅᑯᑎᒋᓪᓗᒍ ᐅᑭᐅᖅᑕᖅᑐᒥ ᐃᖅᑲᓇᐃᔮᖅᑎᒍᑦ ᐲᔭᐃᒍᑕᐅᕙᑦᑐᑦ ᓄᖅᑲᖓᓕᖅᑲᑕ ᐃᑲᔫᓯᐊᖅᑖᕈᑎᔅᓴᖏᓐᓄᑦ.

ᑎᑎᕋᖅᑕᐅᕗᑦ 9ᖑᑎᓪᓗᒍ ᓄᕕᐱᕆ, 2021 ᐃᖃᓗᓐᓂ, ᓄᓇᕗᒥ.

ᐅᓛᔪᒃ ᐊᑭᓱᒃ
ᐊᖓᔪᖅᑳᖅ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ