ᖃᐅᔨᒃᑲᐃᔾᔪᑎ ᐃᓚᒋᔭᐅᔪᑦ ᑲᑎᒪᓂᐊᕐᓂᖏᓐᓄᑦ ᐃᓱᒪᒃᓯᐅᕈᑎᒋᔭᐅᓂᐊᕐᒪᑦ ᑕᒪᐅᓇᑐᐃᓐᓇᖅ ᐱᖁᔨᕗᖔᕈᑎᓂᒃ

ᖃᐅᔨᒃᑲᐃᕗᒍᑦ ᐃᓚᒋᔭᐅᔪᑦ ᑲᑎᒪᓂᐊᕐᓂᖏᓐᓄᑦ ᔭᓐᓄᐊᓕ 20, 2023ᒥ 8:30ᒥ ᐅᓪᓛᒃᑯᑦ ᐱᒋᐊᕐᓗᓂ ᑲᓇᖕᓇᐅᑉ ᓯᕿᙳᔭᖓ ᒪᓕᓪᓗᒍ ᐃᖃᓗᓐᓂ.  .

ᑎᓴᒪᓂᒃ ᐱᖁᔨᕗᖔᕈᑎᓂᒃ ᓴᖅᑭᑎᑦᑎᔪᖃᕐᓂᐊᖅᑐᖅ ᐃᓚᒋᔭᐅᔪᑦ ᑲᑎᒪᓂᖓᓂᒃ ᑕᒪᐅᓇᑐᐃᓐᓇᖅ ᐱᖁᔨᕗᖔᕈᑎᐅᔪᓂᒃ, ᐅᑯᓂᖓ ᐱᔾᔪᑎᓕᖕᓂᑦ:

1. ᑮᓇᐅᔭᐃᑦ ᐊᖏᖅᑕᐅᒋᐊᖃᕐᓂᖏᑦ ᒐᕙᒪᑐᖃᒃᑯᓐᓂᙶᖅᓯᒪᔪᓂᑦ ᑲᓇᑕᒥ ᐱᓕᒻᒪᒃᓴᐃᓂᕐᒧᑦ ᐊᒻᒪ ᑲᑐᔾᔨᖃᑎᖃᕐᓂᕐᒥᓗ ᑮᓇᐅᔭᓂᑦ ᐊᐅᓚᑦᑎᔾᔪᑎᒋᔭᐅᓂᐊᖅᑐᓄᑦ ᕿᑭᖅᑕᓂ ᐃᓕᓐᓂᐊᖅᑎᑦᑎᓂᕐᒥᒃ ᐱᓕᒻᒪᒃᓴᖅᑎᑦᑎᓂᕐᒥᓗ ᐃᖅᑲᓇᐃᔮᒃᓴᓄᑦ ᑲᑐᔾᔨᒍᑕᐅᔪᒥᒃ (QSTEP) ᐊᑐᕐᓂᐊᖅᑐᓂᒃ ᐊᕐᕌᒍᓂ 2023ᒥᑦ – 2028ᒧᑦ. .
2. ᐊᖏᕐᓗᒋᑦ ᑮᓇᐅᔭᐃᑦ ᒐᕙᒪᑐᖃᒃᑯᓐᓂᙶᖅᑐᑦ ᓄᓇᖃᖅᑐᑐᖃᓄᑦ ᐊᑭᑐᔫᑎᓕᕆᓂᕐᒧᑦ ᑮᓇᐅᔭᓂᑦ ᐊᑐᕐᓂᐊᖅᖢᑎᒃ ᕿᑭᖅᑕᓃᒃᑯᑦ ᐱᓕᕆᐊᒃᓴᖏᓐᓂᒃ ᐊᑭᑐᔫᑎᓄᑦ.
3. ᐊᖏᕐᓗᒋᑦ ᑮᓇᐅᔭᐃᑦ ᑕᕆᐅᓕᕆᔨᒃᑯᓐᓂᑦ ᑲᓇᑕᒥ ᕿᑭᖅᑕᓃᒃᑯᓐᓄᑦ ᐊᑐᖅᑕᐅᓂᐊᖅᖢᑎᒃ ᖃᐅᔨᓴᕐᓗᑎᒃ ᑕᕆᐅᕐᒥ ᓴᐳᔾᔨᓂᕐᒥ ᓇᓖᕌᕈᑎᒃᓴᖏᓐᓄᑦ ᕿᑭᖅᑖᓘᖕᒥ ᐊᒻᒪᓗ ᐱᖃᓯᐅᑎᓗᒋᑦ ᕿᑭᖅᑕᓃᒃᑯᑦ ᓴᐳᔾᔨᓂᕐᒧᑦ ᑐᕌᒐᕋᔭᖏᓐᓄᑦ ᑐᒃᓯᕋᐅᑎᒧᑦ.
4. ᐊᖏᕐᓗᒋᑦ ᑮᓇᐅᔭᐃᑦ ᐊᖑᓇᓱᒃᑎᓄᑦ ᐃᑲᔫᑎᓂᙶᖅᑐᓂᒃ ᐊᑐᕐᓂᐊᖅᑐᓄᑦ ᓇᐅᑦᑎᖅᓱᖅᑏᑦ ᐱᓕᕆᐊᖓᓐᓄᑦ ᐊᒻᒪᓗ ᐊᐅᓚᑕᐅᓂᖓ ᓂᕿᖃᑦᑎᐊᕆᐊᖃᕐᓂᕐᒥᒃ ᑕᓪᓗᕈᑎᐅᑉ ᐃᒪᖓᓂᑦ ᑭᓪᓕᖃᖅᑐᓄᑦ ᓄᓇᓕᖕᓄᑦ..

ᐊᑎᓕᐅᖅᑕ ᐅᓪᓗᕐᒥ ᑎᓯᐱᕆ 16ᒥ, 2022ᒥ ᐃᖃᓗᓐᓂ, ᓄᓇᕘᒥ.

ᐅᓛᔪᒃ ᐊᑭᓱᒃ

ᐊᖓᔪᖅᑳᖅ