ᐃᖃᓗᐃᑦ, ᓄᓇᕗᑦ, ᐊᒃᑑᕙ 13, 2022 ᑐᓴᖅᑎᑦᑎᕗᒍᑦ ᐃᓚᓕᐅᕈᑎᓕᖕᓂᒃ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᓐᓂ ᓂᕈᐊᕐᓂᖃᓕᓛᕐᒪᑦ ᑎᓯᐱᕆ 12, 2022−ᒥ.
2022 ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᓐᓄᑦ ᓂᕈᐊᕐᓂᖅ ᑐᕌᖓᔪᖅ 9−ᓄᑦ ᑲᑎᒪᔨᒃᓴᖏᓐᓄᑦ:
ᐊᖓᔪᖅᑳᖅ – ᕿᑭᖅᑕᓂ
ᓄᓇᓕᖕᒧᑦ ᑲᑎᒪᔨ – ᑲᖏᖅᑐᒑᐱᒃ
ᓄᓇᓕᖕᒧᑦ ᑲᑎᒪᔨ – ᐃᒡᓗᓕᒃ
ᓄᓇᓕᖕᒧᑦ ᑲᑎᒪᔨ – ᐃᖃᓗᐃᑦ
ᓄᓇᓕᖕᒧᑦ ᑲᑎᒪᔨ – ᑭᒻᒥᕈᑦ
ᓄᓇᓕᖕᒧᑦ ᑲᑎᒪᔨ – ᒥᑦᑎᒪᑕᓕᒃ
ᓄᓇᓕᖕᒧᑦ ᑲᑎᒪᔨ – ᓴᓂᑭᓗᐊᖅ
ᓄᓇᓕᖕᒧᑦ ᑲᑎᒪᔨ – ᓴᓂᕋᔭᒃ
ᓄᓇᓕᖕᒧᑦ ᑲᑎᒪᔨ – ᑭᙵᐃᑦ (ᐃᓂᒋᔭᐅᓚᐅᖅᑐᒧᑦ ᓂᕈᐊᕐᓂᖅ)
ᑕᒪᐃᑕ ᓂᕈᐊᖅᑕᐅᕕᒃᓴᑦ ᐃᓂᖏᑦ ᑎᓴᒪᓄᑦ ᐊᕐᕌᒍᓄᑦ ᓂᕈᐊᖅᑕᐅᓯᒪᕝᕕᒃᓴᓖᑦ, ᑭᓯᐊᓂᓕ ᓄᓇᓕᖕᒧᑦ ᑲᑎᒪᔨ ᑭᙵᕐᓄᑦ ᒪᕐᕉᖕᓄᒃ ᐊᕐᕌᒍᓄ ᓂᕈᐊᖅᑕᐅᓯᒪᕕᒃᓴᓕᒃ ᐃᓇᖏᖅᓯᓂᐅᓛᕐᒪᑦ.
ᓂᕈᐊᕈᖕᓇᖅᑐᑦ ᐃᓄᐃᑦ ᐃᓚᓕᐅᕈᑎᓖᑦ ᓄᓇᕗᑦ ᐊᖏᖃᑎᒌᒍᑎᖓᓄ, 16 ᐅᖓᑖᓂᓗ ᐊᕐᕌᒍᖃᓛᖅᑐᑦ ᑎᓯᐱᕆ 12, 2022-ᒥ ᐊᒻᒪᓗ ᕿᑭᖅᑕᓂᒥᐅᑕᐅᓯᒪᓗᓂ ᐊᕐᕌᒍᑦ ᐊᑕᐅᓯᕐᒥᒃ ᐅᖓᑖᓂᓗ.
ᓂᕈᐊᖅᑕᐅᔪᒃᓴᖑᕐᕕᒃ ᒪᑐᐃᓛᖅᑐᖅ ᓇᒡᒐᔾᔭᒥ, ᐅᑐᐱᕆ 24 ᐊᒻᒪᓗ ᒪᑐᔭᐅᓗᓂ ᓄᕕᐱᕆ 4, 2022 5pm ᐅᓐᓄᒃᓴᒃᑯᑦ ᓄᓇᓕᐅᑉ ᓯᕿᙳᔭᖓ ᒪᓕᒡᓗᒍ.
ᓂᕈᐊᒐᒃᓴᖑᖃᑕᐅᔪᒪᒍᕕᑦ, ᑐᓂᓯᔭᕆᐊᖃᖅᑐᑎᑦ ᐱᕋᔭᒃᓯᒪᙱᒃᑲᓗᐊᕐᒪᖔᖅᐲᑦ ᑕᖅᑮᑦ ᐱᖓᓱᑦ ᖄᖏᖅᑐᓂ ᓇᓗᓇᐃᒃᑯᑕᕐᒥᒃ. ᑕᒪᓐᓇ ᐃᓚᒋᔭᐅᒋᐊᖃᖅᑐᖅ ᓂᕈᐊᒐᒃᓴᖑᕐᓂᕐᒧᑦ ᑎᑎᖅᑲᖁᑎᖕᓂᑦ. ᓂᕈᐊᒐᒃᓴᖑᕐᓂᕐᒧᑦ ᐆᒃᑐᕈᒪᔪᑦ ᐱᐅᓂᖅᓴᖅ ᒫᓐᓇ ᐸᓖᓯᒃᑯᓐᓄᑦ ᑐᒃᓯᕋᕆᐊᓕᕈᑎᒃ ᓇᓗᓇᐃᒃᑯᑕᕐᒥᒃ. ᓂᕈᐊᒐᒃᓴᖑᖕᓂᕐᒧᑦ ᑕᑕᑎᕆᐊᓖᑦ ᓂᕈᐊᒐᒃᓴᖑᕈᒪᔪᓄᑦ ᐱᔭᐅᔪᖕᓇᖅᑐᑦ ᓂᕈᐊᖅᑐᓕᕆᔨᒻᒪᕆᖕᒥᑦ, ᒪᓂᑲ ᐃᐅᓪ-ᑲᓇᔪᖅ, ᓄᓇᓕᖕᓂᑦ ᕿᑭᖅᑕᓂᒃᑯᑦ ᐃᖅᑲᓇᐃᔭᖅᑎᖏᓐᓂᒃ, ᐊᔮᔭ ᐱᔫᒥᓵᕐᓂᓕᕆᔨᑦ ᑐᓴᐅᒪᖃᑦᑕᐅᑎᓕᕆᔨᒃᑯᓐᓂᑦ, ᐅᕝᕙᓘᓐᓃᑦ ᕿᑭᖅᑕᓂᑦ ᐃᓄᐃᑦ ᑲᑐᔾᔨᖃᑎᒌᒃᑯᑦ ᐃᑭᐊᖅᑭᕕᖓᓂ ᐱᒋᐊᕐᓗᒍ ᐅᑐᐱᕆ 24-ᒥ.
ᓂᕈᐊᒐᒃᓴᖑᕈᒪᔪᑦ ᒪᓕᒋᐊᖃᖅᑐᑦ ᒪᑯᓂᖓ: ᐃᓄᐃᑦ, 16−ᓂᒃ ᐅᖓᑖᓂᓗ ᐊᕐᕌᒍᓖᑦ, ᕿᑭᖅᑕᓂᕐᒥᐅᑕᐅᓯᒪᔪᑦ ᐊᕐᕌᒍᑦ ᐊᑕᐅᓯᕐᒥᒃ ᐅᖓᑖᓂᓗ, ᐊᒻᒪᓗ ᓄᓇᓕᖕᒥᐅᑕᐅᓗᑎᒃ ᓂᕈᐊᖅᑕᐅᕕᒋᔪᒪᔭᖏᓐ ᐊᒻᒪᓗ ᓇᓗᓇᐃᒃᑯᑕᖃᕐᓗᑎᒃ ᐱᖓᓱᑦ ᑕᖅᑮᑦ ᖄᖏᖅᑐᓂᒃ ᐱᕋᔭᒃᓴᒪᙱᒃᑲᓗᐊᕐᒪᖔᑕ.
ᑐᑭᓯᒋᐊᒃᑲᓐᓂᕈᒪᒍᕕᑦ, ᖃᐅᔨᒋᐊᕐᕕᒋᓗᒍ:
ᒪᓂᑲ ᐃᐅᓪ-ᑲᓇᔪᖅ
ᓂᕈᐊᖅᑐᓕᕆᔨᒻᒪᕆ
ᐊᑭᖃᙱᑦᑐᖅ: 867-222-5549
ᐃᕐᖐᓇᖅᑕᐅᑦ: qiacro@ayaya.ca
ᓈᑎᐊ ᓯᑰᓂ
ᓂᕈᐊᖅᑐᓕᕆᔨᒻᒪᕆᐅᑉ ᐊᓪᓚᒡᕕᖓ,
ᐊᔭᔭ ᑎᑎᕋᕐᑏᑦ ᑐᓴᕐᑎᑦᑎᔩᓪᓗ
ᐊᑭᖃᙱᑦᑐᖅ: 867-979-1484
ᐃᕐᖐᓇᖅᑕᐅᑦ: nadiac@ayaya.ca
