ᐃᖃᓗᐃᑦ, ᓄᓇᕗᑦ ᔭᓄᐊᕆ 19, 2023 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓃᒃᑯᑦ) ᐃᓚᒋᔭᐅᔪᓂᒃ ᑲᑎᒪᔨᓂᓪᓗ ᑲᑎᒪᑎᑦᑎᓂᐊᕐᒪᑕ ᖃᐅᑉᐸᑦ, ᔭᓄᐊᕆ 20, 2023ᒥ. ᑖᒃᑯᐊ ᑕᒪᕐᒥᒃ ᑲᑎᒪᓂᒃᓴᐃᑦ ᒪᑐᐃᖓᓂᐊᖅᑐᑦ ᑭᓇᒃᑯᑐᐃᓐᓇᕐᓄᑦ ᐊᒻᒪᓗ ᐊᑐᐃᓐᓇᐅᓂᐊᖅᖢᑎᒃ ᖃᕆᓴᐅᔭᒃᑯᑦ ᕙᐃᔅᐳᒃᑯᑦ.
ᑐᓵᔭᖅᑐᕈᒪᒍᕕᑦ ᑲᑎᒪᓂᕐᒥᒃ, ᑲᑎᒪᓂᖅ ᐱᒋᐊᕐᓂᐊᖅᑐᖅ 8:30ᒥ ᐅᓪᓛᒃᑯᑦ ᐊᖅᓴᕐᓃᑦ ᑐᔪᕐᒥᕕᐊᑕ ᑲᑎᒪᕕᐊᓂ.
ᑲᑎᒪᔾᔪᑎᖃᕐᓂᐊᖅᑐᖅ ᐃᓕᓐᓂᐊᖅᑎᑦᑎᓗᑎᓪᓗ ᓄᑖᓂᒃ ᑲᑎᒪᔨᑖᓵᓂᒃ, ᓂᕈᐊᖅᖠᕐᓗᑎᑦ ᓯᕗᓕᖅᑏᑦ ᑲᑎᒪᔨᒃᓴᓂᒃ ᐊᒻᒪᓗ ᑎᓕᓯᒋᐊᖃᕐᓂᐊᖅᖢᑎᒃ ᐊᖓᔪᖅᑳᑉ ᑐᖏᓕᒃᓴᖓᓂᒃ ᐱᔨᑦᓯᕐᓂᐊᖅᑐᒥᒃ 2024ᒧᑦ ᓂᕈᐊᕐᓂᕐᒧᑦ.
ᐊᔾᔨᒌᙱᑦᑐᓂᒃ ᑲᑎᒪᔾᔪᑎᒃᓴᖃᕐᓂᐊᖅᑐᑦ ᐅᖃᐅᓯᐅᓂᐊᖅᑐᓂᒃ, ᐱᖃᓯᐅᑎᓗᒋᑦ ᕿᑭᖅᑕᓂ ᑲᑐᔾᔨᒍᑕᐅᔪᒥᒃ ᐃᓕᓐᓂᐊᖅᑎᑦᑎᓂᕐᒥᒃ ᐱᓕᒻᒪᒃᓴᐃᓂᕐᒥᓗ ᐱᓕᕆᐊᖓᑕ ᐊᒥᓱᓄᑦ ᐊᕐᕌᒍᓄᑦ ᑮᓇᐅᔭᓄᑦ ᐊᖏᕈᑎᖓ, ᕿᒥᕐᕈᓂᕐᒥᒃ ᓄᓇᖃᖅᑐᑐᖃᐃᑦ ᓄᓇᓕᖏᓐᓄᑦ ᐊᑭᑐᔫᑎᓕᕆᓂᕐᒧᑦ ᑮᓇᐅᔭᖏᑦ ᐊᑐᖅᑕᐅᓂᖏᓐᓄᑦ, ᐊᖑᓇᓱᒃᑏᑦ ᐃᑲᔫᓯᐊᒃᓴᖏᓐᓂᒃ ᕿᒥᕐᕈᔭᐅᓂᖓ ᐊᒻᒪᓗ ᑖᔅᓱᒥᖓ ᐅᑭᐅᖅᑕᖅᑐᒥ ᐱᓕᕆᐊᖑᔪᒥᒃ ᐊᑯᓂᐅᓂᐊᖅᑐᒧᑦ ᑲᑐᔾᔨᖃᑎᒋᔭᐅᓪᓗᑎᒃ ᑕᕆᐅᓕᕆᔨᒃᑯᑦ ᐅᑭᐅᖅᑕᖅᑐᒥ ᑲᓇᑕᒥ.
ᑲᑎᒪᔾᔪᑎᒃᓴᑦ ᐊᑐᐃᓐᓇᐅᑎᑕᐅᓂᐊᖅᑐᑦ ᕿᑭᖅᑕᓃᒃᑯᑦ ᐃᑭᐊᖅᑭᕕᖓᓂᑦ ᓴᖅᑭᑕᐅᓯᒪᓕᖅᑎᓪᓗᒋᑦ ᐊᖏᖅᑕᐅᓯᒪᓕᖅᑎᓪᓗᒋᓪᓗ: qia.flywheelsites.com
ᑐᓴᒐᒃᓴᐅᑉ ᒥᒃᓵᓄᑦ ᑐᑭᓯᒃᑲᓐᓂᕈᒪᔪᖃᖅᐸᑦ, ᖃᐅᔨᒋᐊᕐᕕᐅᔪᓐᓇᖅᑐᖅ:
ᑭᐊᕋᓐ ᕙᓚᕋᑎ
ᑐᑭᒧᐊᒃᑎᑦᑎᔨ, ᑐᑭᒧᐊᒍᑎᒃᓴᓂ ᑐᓴᐅᒪᑎᑦᑎᔾᔪᑎᓂᒃ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ
(P) 867.975.8398 ᐅᕝᕙᓘᓐᓃᑦ
ᐊᑭᖃᙱᑦᑐᒧᑦ ᐅᖄᓚᓗᑎᑦ 1.800.667.2742
kflaherty@qia.flywheelsites.com
