ᐃᖃᓗᐃᑦ, ᓄᓇᕗᑦ, ᒫᔾ 11, 2024 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐃᓄᖕᓂᒃ ᐃᓚᐅᖁᔨᒐᓗᐊᖅᐳᑦ ᕿᓄᕐᖓᓲᑎᑖᕋᓲᑎᓂᒃ ᑐᑭᓯᕋᐅᑎᑖᖁᔨᓪᓗᑕ ᕿᑭᖅᑕᓂ ᐱᖅᑯᓯᓕᕆᓂᕐᒧᑦ ᐱᓕᕆᐊᒃᓴᙳᖅᑎᑕᐅᔪᓂᒃ ᐊᕐᕌᒍ 2024-2025ᒧᑦ ᐅᐱᕐᖓᒃᓵᖅ/ᐊᐅᔭᖅ ᑐᕌᖓᓗᓂ.
ᑭᒃᑯᑐᐃᓐᓇᑦ ᐃᓄᐃᑦ ᑮᓇᐅᔭᓕᐅᕈᑎᖃᖏᑦᑐᑦ ᓄᓇᓕᖕᓂ ᐱᓕᕆᖃᑎᒌᑦ ᕿᑭᖅᑖᓘᑉ ᓄᓇᓕᖏᓐᓂᒃ ᕿᓄᕐᖑᓱᖃᑕᐅᖁᔭᐅᒐᓗᐊᖅᐳᑦ ᑐᒃᓯᕋᐅᑎᒃᑯᑦ ᐱᓕᕆᐊᒃᓴᓕᖓᖏᓐᓂᒃ ᒪᐃ 1, 2024ᒥ ᓯᑎᐱᕆ 30, 2024ᒧᑦ.
ᕿᑭᖅᑕᓂᒃ ᐱᖅᑯᓯᓕᕆᓂᕐᒧᑦ ᐱᓕᕆᐊᒃᓴᓕᐊᖑᔪᓄᑦ ᑮᓇᐅᔭᖅ ᓄᓇᓕᖕᓃᓪᓗᑎᒃ ᓄᓇᖅᑲᑎᒌᑦ ᐱᓕᕆᖃᑎᒌᓕᕈᓐᓇᕐᓂᐊᕐᒪᑕ ᐃᓕᖃᑎᒌᒡᓗᑎᒡᓗ, ᒥᖅᓱᕐᓂᕐᒥᒃ, ᐊᖑᓇᓱᖕᓂᕐᒥᒃ, ᐊᐅᓪᓛᖅᓯᒪᖃᑦᑕᕐᓂᕐᒥᓪᓗ.
ᕿᑭᖅᑕᓃᒃᑯᑦ ᐱᖅᑯᓯᓕᕆᓂᕐᒧᑦ ᐱᓕᕆᐊᒃᓴᖅ ᑮᓇᐅᔭᖃᖅᑎᑕᐅᔪᖅ ᕿᑭᖅᑕᓃᒃᑯᑦ ᐃᑲᔫᓯᐊᖅᑖᕐᕕᖏᑎᒍᑦ, ᓄᓇᕗᑖᕐᓂᕐᒥᖔᖅᑐᑦ. ᓄᓇᕗᑖᕐᓂᕐᒧᑦ ᑮᓇᐅᔭᖅ ᐱᕈᖅᐸᓪᓕᐊᑎᓪᓗᒍ, ᐃᕐᓂᐅᕈᑎᖏᑦ ᐃᑲᔫᓯᐊᓄᐊᖃᖅᑕᕐᒪᑕ ᐅᓄᕐᓂᖅᓴᓂᒃ ᐱᓕᕆᔭᒃᓴᖅᑖᕋᑕᐅᓪᓗᓂ ᐃᓄᖕᓄᑦ.
ᕿᓄᕐᖓᓲᑏᑦ ᐱᔭᕇᕈᓐᓇᖅᑕᑦ ᐃᑭᐊᖅᑭᕕᒃᑯᑦ ᐅᕙᓂ https://www.qia.ca/qcap-application/, ᓄᓇᓕᖕᓂᓪᓘᓐᓃᑦ ᑭᒡᒐᖅᑐᖅᑎ ᐃᑲᔪᖅᑕᐅᔪᒪᒍᕕᑦ ᐃᑲᔪᕈᓐᓇᕐᒥᔪᖅ.
ᑕᒪᑐᒥᖓ ᑐᓴᒃᑲᓐᓂᕈᒪᒍᕕᑦ, ᐃᑲᔪᖅᑕᐅᔪᒪᒍᕕᓪᓘᓐᓃᑦ ᑎᑎᕋᕆᐊᓕᒃ ᐱᔭᕇᕆᐊᖃᕐᓂᖓᒍᑦ, ᑐᓴᕆᐊᕐᕕᒋᔪᓐᓇᖅᑕᑦ ᑏᕙᐃ ᕿᐊᑦᓱᒃ ᐅᕙᓂ 867-975-8446 ᐃᕐᖐᓐᓈᖅᑕᐅᑎᖓᒍᓪᓘᓐᓃᑦ ᐅᕙᓂ qcap@qia.ca.
ᕿᓄᕐᖓᓲᑎᑖᕋᓲᑏᑦ ᐃᓱᓕᕝᕕᖃᖅᑐᖅ ᐊᐃᕐᕆᓕ 5, 2024 12:00ᒥ ᕿᑭᑖᓘᑉ ᐅᐊᓯᖓ ᒪᓕᒡᓗᒍ.
ᐱᕙᓪᓕᐊᔪᒃᑰᖅᑎᑕᐅᔪᓂᒃ ᑐᓴᒃᑲᓐᓂᕈᒪᒍᕕᑦ, ᑐᓴᕆᐊᕐᕕᒋᒍᒃ:
ᑭᐅᕋᓐ ᕙᓪᓕᐅᕋᑎ
ᑐᑭᒧᐊᒃᑎᑦᑎᔨ, ᑐᓴᐅᒪᔾᔪᑎᓕᕆᓂᕐᒧᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ
(ᐅ) 867.975.8398 ᐊᑭᖃᖏᑦᑐᒃᑯᓪᓘᓐᓃᑦ 1.800.667.2742
kflaherty@qia.ca
