ᕿᑭᖅᑕᓃᒃᑯᑦ ᑐᒃᓯᕋᐅᑎᖓ ᓄᑖᖑᓪᓗᓂ ᓯᕗᓂᒃᓴᓕᐅᕈᑎᓪᓚᕆᐊᓇᓱᖕᓂᐊᕐᓗᓂ ᐱᓕᕆᖃᑎᒌᒍᑎᐅᖕᒪᑦ ᑲᓇᑕᒥ ᕿᑭᖅᑕᓂ ᓄᓇ ᐊᖏᓂᖃᖅᖢᓂ 989,879 ᑭᓛᒥᑕᓂᒃ2 . ᒐᕙᒪᒃᑯᓕᒫᖅ ᑐᕌᒐᖃᖃᑎᒋᓗᒋᑦ, ᕿᑭᖅᑕᓂ ᐃᓄᐃᑦ, ᑲᓇᑕᓗ, ᓴᖅᑭᑦᑏᔪᒪᑦᑎᐊᕐᒪᑕ ᑲᑎᙵᖃᑎᒌᒃᑐᓂᒃ ᑕᕆᐊᕐᒥᐅᑕᓂᒃ ᓄᓇᐃᓪᓗ ᓴᐳᔾᔭᐅᓯᒪᔪᑦ ᐱᒻᒪᕆᕐᔪᐊᖑᖕᒪᑕ ᖃᓄᐃᖏᑦᑎᐊᕐᓂᒃᓴᖓ ᐃᓄᐃᓪᓗ ᖃᓄᐃᖏᑦᑐᒦᑦᑎᐊᕆᐊᖃᕐᓂᖓ, ᑲᓇᑕᒥᐅᓄᑦ ᓄᓇᕐᒥᐊᕐᒥᐅᓄᓪᓗ.
ᑐᙵᕕᖃᖅᖢᓂ ᐃᓄᖕᓄᑦ ᒥᐊᓂᕆᔭᐅᓂᐊᖅᖢᓂ ᐊᒻᒪᓗ ᓯᕗᓕᖅᑕᐅᓗᓂ ᓄᓇᓕᖕᓂᑦ ᕿᑭᖅᑖᓗᖕᒥ ᑖᓐᓇ ᕿᑭᖅᑕᓂ ᒪᑭᒪᔾᔪᑎᒃᓴᓕᕆᓂᕐᒧᑦ ᐱᓕᕆᐊᖓ ᐱᒻᒪᕆᐅᓪᓗᓂ ᐱᓕᕆᐊᖑᖕᒪᑦ ᓯᕗᒧᐊᖅᑎᑦᑎᓂᐊᖅᑐᒥᒃ ᐊᖏᔪᒻᒪᕆᒃᑯᑦ ᓴᐳᔾᔨᕕᕆᓂᕐᒥᒃ ᐅᒪᔪᖃᐅᑦᑎᐊᖅᑐᒥᒃ ᐊᒃᑐᖅᑕᐅᓴᕋᐃᑦᑐᒥᓪᓗ ᓄᓇᓂᒃ ᐃᒪᓂᓗ ᐊᒻᒪᓗ ᓴᖅᑭᑎᑦᑎᓂᐊᖅᖢᓂ ᐱᕕᒃᓴᓂᒃ ᐃᓄᖕᓄᑦ, ᓇᖕᒥᓂᖅᓱᓕᕈᓐᓇᖅᓯᓗᑎᒃ, ᐊᒻᒪᓗ ᓴᐃᒻᒪᖃᑎᒌᒍᓐᓇᖅᓯᓗᑎᒃ ᑲᓇᑕᒥ.
ᑮᓇᐅᔭᖃᖅᑎᑦᑎᓂᖅ ᕿᑭᖅᑖᓗᖕᒥ ᓴᐳᔾᔨᕕᖕᓂ ᓴᐳᔾᔨᓯᒪᓂᐊᖅᑐᑦ ᐊᓐᓇᐅᒪᖃᑎᒌᖕᓂᐅᔪᓂᒃ, ᐅᒪᔪᓂᒃ ᐊᒻᒪᓗ ᐃᓄᐃᑦ ᐃᓕᖅᑯᓯᖓᓂᒃ, ᐊᑕᐅᑦᓯᒃᑯᓪᓗ ᐃᑲᔪᖅᑐᓯᓐᓈᕐᓗᓂ ᐃᖅᑲᓇᐃᔮᒃᓴᖃᖅᑎᑦᑎᓂᕐᒥᒃ, ᐱᕙᓪᓕᐊᔾᔪᑎᒃᓴᓂᒃ, ᓇᑉᐸᐃᓂᕐᒥᒃ ᐱᒻᒪᕆᖕᓂᒃ ᐊᑭᑐᔫᑎᓂᒃ ᐊᒻᒪᓗ ᑮᓇᐅᔭᖃᖅᑎᑕᐅᑦᑎᐊᕐᓗᓂ ᖃᓄᐃᙱᑦᑎᐊᖅᑐᓂᒃ ᓄᓇᓕᖃᕈᓐᓇᖅᓯᓗᑎᒃ ᒪᓕᓪᓗᒋᑦ ᐱᔪᓐᓇᐅᑎᒋᔭᐅᔪᑦ ᐃᓄᖕᓄᑦ ᓇᖕᒥᓂᖅᓱᓕᕈᓐᓇᕐᓗᑎᒃ ᓇᓗᓇᐃᔭᖅᓯᒪᑎᓪᓗᒋᑦ ᐃᓗᓕᖏᓐᓂᑦ UNDRIPᒥ ᐊᒻᒪᓗ ᐊᑐᓕᖁᔨᔾᔪᑎᐅᔪᓂᑦ ᕿᑭᖅᑕᓂ ᓱᓕᔪᒥᒃ ᑭᓪᓕᓯᓂᐊᖅᑎᒃᑯᓐᓂᑦ.
ᐱᕕᓴᑦᑎᐊᕙᐅᓕᖅᐳᖅ ᓯᕗᒧᐊᖅᑎᑦᑎᓂᕐᒥᒃ ᐃᓄᐃᑦ ᕿᑭᖅᑕᓂᒥᐅᑦ ᑕᑯᓐᓇᙳᐊᖅᑕᖏᓐᓂᒃ ᐱᐅᓯᑎᑦᑎᓗᑎᒃ ᓄᓇᓕᐅᑉ ᖃᓄᐃᓐᓂᕆᔭᖓᓂᒃ, ᑮᓇᐅᔭᓕᐅᕐᕕᐅᔪᓐᓇᕐᓗᑎᒃ ᐊᒻᒪᓗ ᓄᓇᐅᑉ, ᐃᒪᐅᑉ, ᐅᒪᔪᐃᓪᓗ ᖃᓄᐃᓐᓂᕆᔭᖏᓐᓂᒃ ᖃᓄᐃᖁᓇᒋᑦ ᐊᑐᕐᓗᑎᒃ ᐃᓄᖕᓄᑦ ᐊᐅᓚᑕᐅᔪᒥᒃ ᓴᐳᔾᔨᕕᖕᓂᑦ ᒪᑭᒪᔾᔪᑎᒃᓴᓕᐅᕈᓐᓇᕐᓂᕐᒧᑦ.
ᑎᑭᓯᒃᑲᓐᓂᕈᒪᒍᔅᓯ:
- ᕿᑭᖅᑕᓃᒃᑯᑦ ᑐᑭᓯᒋᐊᕈᑎᖏᑦ
- ᐃᖃᓗᓕᕆᓂᕐᒧᑦ ᐃᖅᑲᖅᑐᐃᕝᕕᒃᑯᑦ ᕿᒥᕐᕈᔭᐅᔪᖅ
- ᐅᖃᐅᔾᔨᔩᑦ ᑲᑎᒪᔨᖏᑦ ᓴᖅᑭᑕᐅᔪᑦ ᐃᑲᔪᕐᓂᐊᖅᖢᑎᒃ ᕿᑭᖅᑕᓃᑯᑦ ᒪᑭᒪᔾᔪᑎᒃᓴᓕᕆᓂᕐᒧᑦ ᐱᓕᕆᐊᖓᓂᒃ
- ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐊᑎᓕᐅᖅᐳᑦ ᓯᕗᓪᓕᐹᖅᓯᐅᑎᒥᑦ ᐊᖏᖃᑎᒌᒍᑎᒥᒃ ᑐᑭᒧᐊᑦᑎᑦᑎᓂᐊᕋᒥᒃ ᕿᑭᖅᑕᓂ-ᐱᓕᕆᐊᖑᔪᒧᑦ ᑖᕗᖓᓕᒫᖅ ᑮᓇᐅᔭᖃᖅᑎᑦᑎᓂᕐᒧᑦ ᐱᓕᕆᓂᐅᔪᒥᑦ
- ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ ᐅᐱᒍᓱᑉᐳᑦ ᐃᓄᐃᑦ ᓯᓚᕐᔪᐊᕐᒥ ᑲᑎᒪᔨᑕ ᑲᓛᖡᑦ ᓄᓈᑦ ᓵᓚᖃᕐᓂᖏᓐᓄᑦ ᓄᓇᕐᔪᐊᒥ ᑲᑐᔾᔨᖃᑎᒌᑦ ᐱᕙᓪᓕᐊᑎᑦᓯᓂᕐᒧᑦ ᐱᓕᕆᐊᖓᑕ 2023 ᓄᓇᕐᔪᐊᒥ ᓵᓚᖃᐅᓯᐊᖓᓂᒃ
- ᕿᑭᖅᑕᓂᒃᑯᑦ ᐅᓂᒃᑳᖏᑦ ᑲᑐᔾᔨᖃᑎᒌᓄᑦ ᓄᓇᓕᒐᓴᖁᑎᓕᓐᓄᑦ ᐱᕙᓪᓕᐊᑎᑦᑎᑎᐊᕐᓂᕐᒨᖓᔪᓂᑦ ᐱᔾᔪᑎᒋᓪᓗᒋᑦ ᐱᔪᓐᓇᐅᑎᖏᑦ ᓄᓇᖃᖅᑳᖅᑐᑦ
- ᐱᒻᒪᕆᐊᓗᒻᒥᒃ ᑲᒪᒋᔭᖃᖅᑐᑎᒃ ᑎᑭᐅᑎᕗᑦ ᕿᑭᖅᑕᓂ ᐃᓄᓐᓄᑦ ᓴᐳᔾᔨᕕᐅᓂᐊᖅᑐᒥᒃ
- COP-15 ᒥᒃᓵᓄᑦ ᑐᓴᒐᒃᓴᑦ