ᐃᖃᓗᐃᑦ, ᓄᓇᕗᑦ, ᐄᐳᓪ 17, 2023 − ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᖐᖏᑦ (ᕿᑭᖅᑕᓃᒃᑯᑦ) ᕿᓂᕐᒪᑕ ᐃᓄᖕᒥᒃ ᑭᖑᕝᕕᖅᑎᒃᓴᒥᒃ ᑲᑎᒪᔨᙳᕈᒪᒐᔭᖅᑐᒥᒃ ᐃᒃᐱᐊᕐᔪᖕᒧᑦ ᑲᑎᒪᔨᐅᓂᐊᖅᑐᒥᒃ. ᑭᓪᓕᖃᖅᑐᖅ ᑐᓂᓯᓗᓂ ᑐᒃᓯᕋᐅᑎᒥᒃ ᒪᐃ 12, 2023ᒥ.

ᒪᓐᓇᓵᖑᓚᐅᖅᑐᖅ ᕿᑭᖅᑕᓃᒃᑯᑦ ᑲᑎᒪᔨᖏᑦ ᑲᑎᒪᑎᓪᓗᒋᑦ ᔭᓐᓄᐊᕆᒥ ᓂᕈᐊᓚᐅᕐᒪᑕ ᔨᐊᕆᒥ ᑑᕐᖔᓗᖕᒥ ᑎᑎᕋᖅᑎ−ᑮᓇᐅᔭᓕᕆᔨᐅᓂᕐᒧᑦ, ᑕᐃᒪᐃᒻᒪᓪᓗ ᐃᓄᖃᕈᓃᓚᐅᕐᒪᑦ ᐃᒃᐱᐊᕐᔪᖕᒧᑦ ᑲᑎᒪᔨᖓᑦ. ᒪᓕᒃᖢᒋᑦ ᕿᑭᖅᑕᓃᒃᑯᑦ ᒪᓕᒐᕋᓛᖓ #5 s6.01.4 (b) (2) ᑖᓐᓇ ᐃᓂᒃ ᒪᕐᕉᓂ ᐊᕐᕌᒍᓂ ᑐᖔᓃᑉᐸᑦ, ᓂᕈᐊᖅᑎᑦᑎᒋᐊᑐᙱᑦᑐᑦ.

ᐱᓇᓱᖃᑕᐅᔪᒪᓂᐊᕈᕕᑦ ᐃᓂᒃᓴᒧᑦ, ᐃᓄᒃ ᐃᒪᐃᑦᑑᒋᐊᖃᖅᐳᖅ:
– ᐃᓅᓗᓂ ᐃᓕᑕᕆᔭᐅᓯᒪᓗᓂ ᓄᓇᕗᒥ ᐊᖏᕈᑎᖓᓂ;
– ᐃᒃᐱᐊᕐᔪᖕᒥᐅᑕᐅᓯᒪᓗᓂ 12ᓂᒃ ᑕᖅᑭᓂ;
– 16ᓂ ᐊᕐᕌᒍᖃᕐᓗᓂ ᐅᖓᑖᓂᓘᓐᓃᑦ ᒪᐃ 1, 2023ᒥ;
– ᑐᓂᓯᓗᓂ ᐱᔭᕋᒃᓯᒪᙱᒃᑲᓗᐊᕐᒪᖔᑦ ᐸᓖᓯᒃᑲᓐᓂᑦ ᖃᐅᔨᓴᖅᑕᐅᓯᒪᓗᓂ ᐱᖓᓲᔪᖅᑑᔪᓂᑦ ᑕᖅᑭᐅᔪᓂᒃ ᓇᓗᓇᐃᔭᐅᑎᓂᒃ.

ᑐᑭᓯᒃᑲᓐᓂᕈᒪᒍᕕᑦ ᑲᑎᒪᔨᐅᑉ ᐱᓕᕆᐊᒃᓴᕆᔭᖏᓐᓂᒃ, ᐅᕝᕙᓘᓐᓃᑦ ᑐᓂᓯᒍᒪᒍᕕᑦ ᐱᓇᓱᖃᑕᐅᒍᒪᓗᑎᑦ ᐃᓂᒃᓴᒧᑦ, ᑐᑭᓯᒋᐊᕐᓗᑎᑦ ᑭᐊᕋᓐ ᕙᓚᕋᑎᒧᑦ ᓯᕙᓂᕐᕕᒋᓗᒍ ᐅᕗᖓ 975-8398, ᐃᕐᖐᓐᓈᖅᑕᐅᑎᒃᑯᓪᓕ ᐅᕗᖓ ᓇᒃᓯᐅᑎᓗᒍ kflaherty@qia.flywheelsites.com ᐅᕝᕙᓘᓐᓃᑦ ᐊᑭᖃᙱᑦᑐᒃᑯᑦ ᐅᖄᓚᓗᑎᑦ ᐅᕗᖓ 1.800.667.2742.

ᖃᕆᓴᐅᔭᖃᙱᒃᑯᕕᑦ, ᐊᒥᓱᓕᐅᕈᑎᖃᙱᒃᑯᕕᑦ ᐅᕝᕙᓘᓐᓃᑦ ᑕᑕᑎᒐᒃᓴᒥᒃ, ᐊᐃᒃᖠᕈᓐᓇᖅᑐᑎᑦ ᑕᑕᑎᒐᒃᓴᒥᒃ ᑕᑕᑎᕐᓗᒍ ᑐᓂᓗᒍ ᕿᑭᖅᑕᓃᒃᑯᑦ ᑐᓴᐅᒪᑎᑦᑎᔨᖓᓄᑦ ᐃᒃᐱᐊᕐᔪᒥ, ᔮᒃ ᕕᓕᒧᑦ, ᐃᒡᓗᖓ 113..
ᓂᕈᐊᕐᖠᕐᓂᖅ ᓄᓇᓕᖕᒧᑦ ᑲᑎᒪᔨᒃᓴᒥᒃ ᑎᒃᑯᐊᖅᓯᒐᔭᖅᑐᑦ ᐱᓇᓱᐊᕈᓯᖓᓂ ᒪᐃ 30, 2024ᒥ ᕿᑭᖅᑕᓃᒃᑯᑦ ᑲᑎᒪᔨᖏᑦ ᑲᑎᒪᓕᖅᐸᑦ ᖃᐅᓱᐃᑦᑐᕐᒥ.
ᑲᑎᒪᔨᒃᓴᒥᒃ ᐃᒃᐱᐊᕐᔪᖕᒧᑦ ᓂᕈᐊᕐᓂᖃᓛᖅᑐᖅ ᑎᓯᐱᕆ 2024ᒥ.

ᑐᑭᓯᒃᑲᓐᓂᕈᒪᔪᑦ, ᖃᐅᔨᒋᐊᕈᓐᓇᖅᑐᑦ ᐆᒧᖓ:

ᑭᐊᕋᓐ ᕙᓚᕋᑎ ᑐᑭᒧᐊᒃᑎᑦᑎᔨ,

ᑐᑭᒧᐊᒍᑎᒃᓴᓄᑦ ᑐᓴᐅᒪᖃᑦᑕᐅᑎᓂᕐᒥ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ

(P) 867.975.8398 ᐊᑭᖃᙱᑦᑐᒧᓪᓘᓐᓃᑦ ᐅᖄᓚᓗᑎᑦ 1.800.667.2742
kflaherty@qia.

2023-04-17-application-form-cd-arctic-bay-inuktitut-fillable

Back to Blog