ᐃᖃᓗᐃᑦ, ᔫᓐ 3, 2022 – ᕿᑭᖅᑕᓃᒃᑯᑦ ᐃᓄᐃᑦ ᑲᑐᔾᔨᖃᑐᑎᒌᖏᑦ (ᕿᑭᖅᑕᓃᒃᑯᑦ) ᑐᒃᓯᕋᐅᑎᓂᒃ ᐱᔪᒪᓕᕆᕗᑦ ᓄᕙᖕᓇᕐᔪᐊᖅ-19 ᓄᓇᓕᖕᓂ ᐊᖑᓇᓱᒃᑐᓕᕆᓂᕐᒧᑦ. ᐱᖓᔪᒋᔭᐅᓕᖅᑐᖅ ᑮᓇᐅᔭᖅᑖᕈᑕᐅᔪᓐᓇᖅᖢᓂ ᐃᑲᔫᓯᐊᖅᑖᖅᑎᑦᑎᓯᒪᓪᓗᑎᒃ ᑲᓇᑕᐅᑉ ᓄᓇᖃᖅᑳᖅᑐᑦ ᓄᓇᓕᖏᓐᓄᑦ ᐃᑲᔫᓯᐊᖅᑖᕈᑎᒃᓴᓂᒃ.

ᐊᑕᐅᓯᐊᕐᓗᓂ $2,000ᓂᒃ ᐃᑲᔫᓯᐊᖅᑖᕈᑎᒃ ᐊᑐᓂ ᑐᒃᓯᕋᖅᑐᓄᑦ, ᐊᑐᕐᓗᒍ ᑕᒪᓐᓇ ᑲᓇᑕᒥ ᓄᓇᖅᑳᖅᑐᑦ ᓄᓇᓕᖏᑦ ᐃᑲᔫᓯᐊᖅᑖᕈᑎ. ᐊᖑᓇᓱᒍᓐᓇᖁᓪᓗᒋᑦ ᕿᑭᖅᑕᓂᕐᒥᐅᑦ ᓂᕆᔭᒃᓴᖃᕈᓐᓇᑦᑎᐊᖁᓪᓗᒋᑦ ᐃᓄᐃᓪᓗ ᐊᖑᓇᓱᖅᑲᑦᑕᐃᓐᓇᕐᓂᖏᑦ ᑲᔪᓯᔪᓐᓇᖁᓪᓗᒋᑦ. ᐃᑲᔫᓯᐊᖅᑖᕈᑎ ᐊᑐᖅᑕᐅᔪᓐᓇᖅᑐᑦ ᒑᓯᑖᕈᑎᒃᓴᓄᑦ, ᓂᕆᔭᒃᓴᓄᑦ, ᐊᓯᖏᓐᓄᓪᓘᓐᓃᑦ ᐊᐅᓪᓚᕋᓱᖕᓂᐊᖅᑎᓪᓗᒋᑦ ᐊᖑᓇᓱᖕᓂᕐᒧᑦ ᐱᔭᕆᐊᓕᖏᓐᓄᑦ.

ᑐᒃᓯᕋᐅᑎᐅᓚᐅᖅᓯᒪᔪᓄᑦ ᓄᕙᖕᓇᕐᔪᐊᖅ-19 ᑮᓇᐅᔭᖅᑖᕈᑕᐅᖃᑦᑕᖅᑎᓪᓗᒍ ᓄᓇᓕᖕᒥᐅᑦ ᐊᖑᓇᓱᒍᓐᓇᐅᑎᒃᓴᖏᓐᓂᒃ ᒪᕐᕈᐃᖅᓱᖅᑕᐅᓯᒪᓕᖅᑐᖅ ᐱᖃᑕᐅᓯᒪᒍᕕᑦ, ᐱᖃᑕᐅᓇᓱᒍᓐᓇᖅᓯᖕᒥᔪᑦ ᐃᑲᔫᓯᐊᖅᑖᕈᑎᐅᓚᐅᖅᑐᓄᑦ ᐅᓂᒃᑳᓕᐊᕆᔭᕆᐊᓖᑦ ᑎᑎᕋᕇᖅᓯᒪᓕᓱᖓᖅᐸᑕ ᕿᑭᖅᑕᓃᒃᑯᓐᓄᑦ.

ᐃᑲᔫᓯᐊᖅᑖᖅᑎᑕᐅᔪᑦ ᓂᐅᕕᖅᑕᖏᑕ ᓇᓕᖅᑲᖏᓐᓂᒃ ᑐᓐᓂᓯᔭᕆᐊᖃᕐᓂᐊᖅᑐᑦ, ᐅᓂᒃᑳᓕᐅᕐᓗᑎᒡᓗ ᐊᖑᓇᓱᖕᓂᕆᓚᐅᖅᑕᖏᓐᓂᒃ ᓄᓇᓕᖕᓄᓪᓗ ᑐᓐᓂᖅᓴᐃᔾᔪᑎᒋᓚᐅᖅᑕᖏᓐᓂᒃ, ᖃᓄᑎᒋᓗ ᓄᓇᓕᖕᓄᑦ ᐃᑲᔪᕈᑎᐅᓚᐅᕐᒪᖔᑦ ᐊᖑᓂᒃᑕᖏᓐᓂᒃ. ᐊᖑᓇᓱᒃᑏᑦ ᓂᕐᔪᑎᑦᑕᖏᓐᓂᒃ ᐊᕕᒃᓯᔭᕆᐊᖃᕋᔭᖅᑐᑦ ᓄᓇᓕᖕᒥᐅᑦ ᐃᓄᖏᓐᓄᑦ ᐊᑭᖃᖏᓪᓗᓂ.

ᑐᒃᓯᕋᖃᑕᐅᔪᒪᒍᕕᑦ ᑕᑯᒋᐊᕈᒃ ᐃᑭᐊᖅᑭᕕᕗᑦ ᐅᕙᓂ https://www.qia.ca/covid-community-hunt-program/. ᑐᒃᓯᕋᐅᑎᒃᓴᓄᑦ ᐃᑲᔪᖅᑕᐅᔭᕆᐊᖃᕈᕕᑦ ᓄᓇᓕᖕᓂ ᑭᒡᒐᖅᑐᖅᑎ ᑐᓴᕆᐊᕐᕕᒋᔪᓐᓇᑦᑕ ᕿᑭᖅᑕᓃᒃᑯᓪᓘᓐᓃᑦ ᐱᓕᕆᔨᖓ ᑕᒪᑐᒧᖓ, ᑲᐃᓕ ᑰᐳ  ᐅᖄᓚᕕᒋᓗᒍ ᐅᕙᓂ 867.975.8382.

ᑐᓴᕆᐊᒃᑲᓐᓂᕈᒪᒍᕕᑦ, ᑐᓴᕆᐊᕐᕕᒋᔪᓐᓇᖅᑕᑦ:

ᑭᐅᕋᓐ ᕕᓕᐅᕋᑎ
ᑐᑭᒧᐊᒃᑎᑦᑎᔨ, ᖃᓄᖅᑑᕈᑎᓕᕆᓂᕐᒧᑦ ᑐᓴᐅᒪᔾᔪᑎᓂᒃ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ
(ᐅ) 867.975.8398 ᐊᑭᖃᖏᑦᑐᒃᑯᓪᓘᓐᓃᑦ 1.800.667.2742
kflaherty@qia.ca