ᐃᖃᓗᐃᑦ, ᓄᓇᕗᑦ – ᓄᕖᕝᕙ  1, 2021 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᒪᑐᐃᖅᓯᒃᑲᓐᓂᖅᑐᑦ ᐱᔪᒐᖅᓴᐅᑎᓕᐅᕈᒪᔪᓄᑦ 2021-2022ᒧᓪᓗ ᐃᓕᓐᓂᐊᕆᐊᒃᑲᓐᓂᕈᑎᒃᓴᓂ.  ᐃᓕᓐᓂᐊᖅᑎᑦ ᖃᕆᓴᐅᔭᒦᑦᑐᒥᒃ ᑐᒃᓯᕋᐅᑎᓕᐅᕈᓐᓇᖅᑐᑦ ᑕᑕᑎᕆᐊᖃᖅᑐᒥᒃ.  .

ᑖᓐᓇ ᐱᓕᕆᐊᖅ ᑕᓪᓕᒪᒋᓕᖅᑕᖓᓂᒃ ᐱᓇᓱᒍᒪᔪᓄᑦ ᕿᑭᖅᑕᓃᒃᑯᑦ $200,000ᓂ ᑲᑎᓪᓗᒋᑦ ᐃᓕᓐᓂᐊᕆᐊᒃᑲᓐᓂᕈᑎᒃᓴᖃᖅᑎᑦᑎᓂᐊᖅᑐᑦ ᐃᓕᓐᓂᐊᖅᑎᓄᑦ ᕿᑭᖅᑕᓂᒥᐅᓄᑦ.  ᒫᓐᓇ 19ᖑᔪᑦ ᐃᓕᓐᓂᐊᕆᐊᒃᑲᓐᓂᕈᑎᒃᓴᑦ ᐱᓇᓱᒃᑕᐅᔪᓐᓇᖅᑐᑦ ᐊᑭᖃᖅᑐᒥᒃ ᐊᑐᓂ $2500. ᑖᒃᑯᐊ ᐃᓕᓐᓂᐊᕆᐊᒃᑲᓐᓂᕈᑎᒃᓴᓂ ᑕᑕᑎᖅᓯᖅᑳᖃᑦᑕᖅᑐᑦ ᓯᕗᓪᓕᐅᑎᑕᐅᖃᑦᑕᕐᓂᐊᖅᑐᑦ.  .

ᓱᓕ, ᔮᓐ ᐊᒪᕈᐊᓕᒃ ᐃᓕᓐᓂᐊᕆᐊᒃᑲᓐᓂᕈᑎᒃᓴᖓ $5000 ᑐᓂᔭᐅᓚᐅᙱᑦᑐᖅ.  ᑖᓐᓇ ᐃᓕᓐᓂᐊᕆᐊᒃᑲᓐᓂᕈᑎᒃᓴᖅ ᓴᖅᑭᓯᒪᔪᖅ ᐃᖅᑲᐅᒪᔭᐅᓪᓗᓂ ᔮᓐ ᐊᒪᕈᐊᓕᒃ ᐱᕚᓪᓕᖅᑎᑦᑎᓂᖓᓄᑦ ᐃᓄᖕᓂ ᓄᓇᕗᒥᐅᓂᒃ.  ᕿᑭᖅᑕᓃᒃᑯᑦ ᓯᕗᓪᓕᐅᑎᑦᑎᓂᐊᖅᑐᑦ ᐃᓕᓐᓂᐊᖅᑐᓄᑦ ᓯᓚᑦᑐᖅᓴᕐᕕᖕᓂᑦ ᑲᔪᓯᑎᑦᑎᔪᓄᑦ ᐃᓄᐃᑦ ᐅᖃᐅᓯᖓᓂᒃ ᐃᓕᖅᑯᓯᖓᓂᓗ..

ᑐᒃᓯᕋᐅᑎᓕᐅᕐᓂᖅ ᑭᒡᓕᖃᖅᑐᖅ ᐊᐃᑉᐱᕐᒥ, ᓄᕖᕝᕙ 30, 2021ᒥ.

ᕿᑭᖅᑕᓃᒃᑯᑦ ᐊᑐᖁᔨᕗᑦ ᖃᕆᓴᐅᔭᒃᑯᑦ ᑕᑕᑎᖅᓯᓗᑎᒃ ᐃᓕᓐᓂᐊᖅᑎᑦ ᐃᓕᓐᓂᐊᕆᐊᒃᑲᓐᓂᕈᑎᒃᓴᖅᑖᕋᓱᒍᒪᔪᓄᑦ ᓇᓪᓕᑐᐃᓐᓇᖓᓂᒃ ᐅᕝᕙᓘᓐᓃᑦ ᑖᒃᑯᓄᖓ ᒪᕐᕉᓄ ᐱᔪᒐᖅᓴᖅᑕᐅᓯᒪᔪᓂᒃ.  ᖃᐅᔨᒪᓂᐊᖅᐳᑎᑦ, ᐱᔪᒐᖅᓴᐅᑎᑦ ᐅᑯᓂᖓ ᐸᐃᑉᐹᓂᒃ ᐱᖃᓯᐅᑎᓯᒪᒋᐊᓕᒃ.

ᒪᓕᒐᒃᓴᑦ ᐃᓕᓐᓂᐊᕆᐊᒃᑲᓐᓂᕈᑎᒃᓴᖅᑖᕐᓂᕐᒥᒃ:

• ᑐᒃᓯᕋᖅᑐᑦ ᓄᓇᕗᑦ ᑐᙵᕕᒃᑯᓐᓂᑦ ᓇᓗᓇᐃᒃᑯᑕᖃᕐᓗᓂ ᐊᒻᒪᓗ ᐃᓅᓗᓂ ᒪᓕᒡᓗᒍ ᓄᓇᑖᕐᓂᕐᒧᑦ ᐊᖏᕈᑎᓂᖓ ᕿᑭᖅᑕᓂ
• ᐃᓕᓐᓂᐊᖅᑎᑦ ᓄᓇᖃᕆᐊᖃᖅᐳᖅ ᓇᔪᕐᓗᓂᐅᒃ ᓄᓇᓕᒃ ᕿᑭᖅᑕᓂ − ᐊᓯᐊᒍᑦ ᐃᓱᒪᒋᔭᐅᓲᑦ ᐃᓕᓐᓂᐊᖅᑐᑦ ᐊᓯᖏᓐᓂᑦ ᓄᓇᓕᖕᓂ ᓇᔪᖅᑐᓂᒃ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᖅᑎᓪᓗᒋᑦ be
• ᓇᓗᓇᐃᒃᑯᑕᒥᒃ ᓯᓚᑦᑐᖅᓴᕐᕕᖕᒥᑦ ᐃᓕᓐᓂᐊᕐᓂᐊᕐᓂᕐᓄᑦ
• ᐃᖅᑲᓇᐃᔭᕈᓐᓇᖅᑐᖅᓯᐅᒻᒥᒃ ᓈᓴᐅᑎᐊᓂ

ᔮᓐ ᐊᒪᕈᐊᓕᒃ ᐃᓕᓐᓂᐊᕆᐊᒃᑲᓐᓂᕈᑎᒃᓴᖓᓄᑦ ᒪᓕᒐᒃᓴᒃᑲᓐᓃᑦ:

• ᐃᓕᓐᓂᐊᖅᑎ ᐃᓕᓐᓂᐊᕆᐊᓕᒃ ᓯᓚᑦᑐᖅᓴᕐᕕᖕᒥ, ᐱᓗᐊᖅᑐᒥᒃ ᐃᓕᓐᓂᐊᕐᓂᕐᒥᒃ ᐃᓄᐃᑦ ᐅᖃᐅᓯᖓᓂᒃ ᐃᓕᖅᑯᓯᕐᒥᓗ ᐊᑐᖅᑐᓂᒃ ᐃᓕᓐᓂᐊᕐᓂᖅ ᐱᒋᐊᖅᑐᒥᒃ ᓯᑎᐱᕆᒥ ᐊᒻᒪ ᔭᓐᓄᐊᓕᒥ
• 500ᓂ ᐅᖃᐅᓯᓕᖕᒥᒃ ᑐᑭᓯᑎᑦᑎᒋᐊᕈᑎᓂᒃ ᖃᓄᖅ ᐃᒃᐱᒋᔭᖃᕐᒪᖔᖅᐲᑦ ᐱᔪᒪᔭᑎᑦ ᑲᔪᓯᓯᒪᖕᒪᖔᑖᒃ ᔮᓐ ᐊᒪᕈᐊᓕᒃ ᐱᔾᔪᑎᒋᓪᓗᒎ ᐊᒻᒪ ᓄᓇᕗᑦ ᐊᖏᕈᑎᖓᓘ
• ᐃᖅᑲᓇᐃᔮᕆᓯᒪᔭᑎᑦ ᓇᓕᖅᑲᓂᒃ
• ᓄᑖᖑᓂᖅᐹᖑᓯᒪᔪᓂᒃ ᐃᓕᓐᓂᐊᕐᓂᕐᒧᑦ ᓇᓗᓇᐃᔭᐅᑎᓂᒃ
• ᒪᕐᕉᓂᒃ ᑎᑎᖅᑲᓂᑦ ᐃᓕᓴᐃᔨᒥᙶᖅᑐᒥᒡᓘᓐᓃᑦ, ᐃᖅᑲᓇᐃᔭᕐᕕᒋᓚᐅᖅᑕᕐᓂᓘᓐᓃᑦ
• ᐃᓕᓐᓂᐊᖅᑎᑦ ᖃᐅᑕᒫᒃᑯᑦ ᐅᓪᓗᓕᒫᖅ ᐃᓕᓐᓂᐊᕆᐊᖃᕐᓂᐊᖅᖢᓂ ᐃᓕᓐᓂᐊᖅᑕᖏᓐᓂᓗ ᖄᖏᖅᑎᑦᑎᑦᑎᐊᖅᐸᓪᓗᓂ ᐃᓕᓐᓂᐊᕆᐊᒃᑲᓐᓂᕈᑎᒃᓴᖅᑖᕐᓂᐊᕈᕕᑦ

ᖃᕆᓴᐅᔭᒦᑦᑐᖅ ᑕᑕᑎᒐᒃᓴᑦ ᐅᕙᙵᑦ ᐱᔭᐅᔪᓐᓇᖅᑐᖅ: https://www.qia.ca/scholarship-application/

ᐃᓕᓐᓂᐊᖅᑎᑦ ᐃᑲᔪᖅᑕᐅᒋᐊᖃᖅᐸᑕ ᑕᑕᑎᖅᓯᓕᖅᑎᓪᓗᒋᑦ ᐃᓕᓐᓂᐊᕆᐊᒃᑲᓐᓂᕈᑎᒃᓴᓂ, ᓄᓇᓕᔅᓯᓐᓂᑦ ᕿᑭᖅᑕᓃᒃᑯᑦ ᓄᓇᓕᖕᓂ ᑐᓴᐅᒪᑎᑦᑎᔨᖓ ᖃᐅᔨᒋᐊᕐᕕᐅᖃᑦᑕᕈᓐᓇᖅᑐᖅ

ᑐᑭᓯᒃᑲᓐᓂᕈᒪᒍᕕᑦ, ᖃᐅᔨᒋᐊᕐᕕᒃᓴᖅ:

ᕕᐅᓪ ᕼᐋᑉᑭᓐᔅ,
ᑐᑭᒧᐊᒃᑎᑦᑎᔨᐅᑲᐃᓐᓇᖅᑐᖅ ᑐᓴᐅᒪᖃᑦᑕᐅᑎᓄᑦ,
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ
whopkins@qia.ca
867.975.8413 or
1.800.667.2742