ᐃᖃᓗᐃᑦ, ᓄᓇᕗᑦ, ᐊᒃᑑᕙ 6, 2023 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓃᒃᑯᑦ) ᑲᑎᒪᔨᖏᑕ ᐊᕐᕌᒍᑕᒫᖅᓯᐅᒻᒥᒃ ᑲᑎᒪᓂᖓ ᐱᔭᕇᖅᑐᖅ ᐅᓪᓗᒥ. ᐊᔾᔨᒌᙱᑦᑐᓂᓪᓗ ᐱᖁᔨᕗᖔᕈᑎᓂᒃ ᐊᖏᖅᖢᑎᒃ ᑲᔪᓯᑎᑦᑎᓚᐅᖅᑐᑦ, ᐱᖃᓯᐅᑎᓪᓗᒋᑦ ᐅᑯᐊ:
ᐊᖏᖅᑕᐅᓂᖏᑦ ᐅᐃᒍᒋᐊᖅᑕᐅᖁᓪᓗᒍ ᕿᑭᖅᑕᓃᒃᑯᑦ ᕿᒧᒃᓯᖅᑏᑦ ᐱᓕᕆᐊᖓ ᐱᓕᕆᐊᒃᓴᓪᓚᑦᑖᙳᓕᕐᓗᓂ ᐃᑲᔫᑎᖃᖅᑎᑦᑎᖃᑦᑕᕐᓂᕆᔭᖏᑦ ᕿᒧᒃᓯᖅᑎᓂᒃ ᕿᑭᖅᑖᓗᖕᒥ, ᐃᑲᔫᓯᐊᕙᑦᑐ ᐊᒥᓱᕈᕐᒃᑎᑕᐅᒋᐊᕐᒃᑎᑕᐅᓪᓗᓂ $3000ᓂᒃ $3500ᓄᑦ
ᐊᖏᖅᑕᐅᓂᖏᑦ ᐊᖏᖅᑕᐅᖁᓪᓗᒋᑦ ᓄᓇᕗᑦ ᓯᕗᒧᑦ ᑮᓇᐅᔭᖏᑦ $852, 151 ᑲᑭᕙᒃ ᑲᑐᔾᔨᖃᑎᒌᒃᑯᓐᓅᕐᓂᐊᖅᑐᓄᑦ ᐃᑲᔫᑕᐅᓂᐊᖅᖢᑎᒃ ᐃᓄᖕᓄᑦ ᓇᖕᒥᓂᖃᖅᑐᓄᑦ ᐊᒻᒪᓗ ᐅᓄᖅᓯᒋᐊᕋᓱᓪᓗᒋᑦ ᐱᕙᓪᓕᐊᔪᓕᕆᓂᕐᒧᑦ ᐱᓕᕆᐊᒃᓴᓂᒃ ᐃᑲᔪᖅᑐᓄᑦ ᐃᓄᖕᓂ ᕿᑭᖅᑕᓂᒥᐅᓂ.
ᐊᖏᖅᑕᐅᓂᖏᑦ ᑐᓂᐅᖅᑲᖅᑕᐅᕙᓪᓕᐊᓗᑎᒃ ᑖᒃᑯᐊ ᑮᓇᐅᔭᐃᑦ $152 ᒥᓕᔭᓐ ᓴᓇᔾᔪᑎᒋᔭᐅᓂᐊᖅᑐᓄᑦ ᐊᑭᑭᓐᓂᖅᓴᐅᔪᓂᒃ ᐃᓪᓗᒃᓴᓂ ᓄᓇᓕᖕᓂ ᕿᑭᖅᑖᓗᖕᒥ
ᐊᖏᖅᑕᐅᓂᖏᑦ ᑲᔪᓯᑎᑕᐅᓗᑎᒃ ᐱᓕᕆᐊᒃᓴᑦ ᐃᓕᖅᑯᓯᓕᕆᓂᕐᒨᖓᔪᓂᒃ, ᓱᕈᓯᓛᑦ ᐃᓕᓐᓂᐊᖅᑎᑕᐅᓂᖏᑦ, ᐱᒻᒪᕆᐅᔪᓂᒃ ᐃᓕᓐᓂᐊᕐᓂᖅ ᐊᒻᒪᓗ ᐃᓄᐃᑦ ᖃᓄᐃᓕᖓᑦᑕᐃᓕᓂᖏᑦ
ᓯᕗᓕᖅᐹᖅᓯᐅᑎᒥᒃ ᐊᖏᖃᑎᒌᒍᑎᒥᒃ ᐊᑎᓕᐅᖅᑐᖃᓚᐅᕐᒥᔪᖅ ᒐᕙᒪᑐᖃᒃᑯᓪᓗ ᐊᒻᒪ ᑮᓇᐅᔭᓕᔾᔪᐊᑦ ᑐᓂᓯᔨᐅᕙᒃᑐᓂᓗ ᑎᓴᒻᒥᕐᒥᒃ ᐱᒻᒪᕆᐅᓪᓗᓂ ᐃᓛᒃᑰᖅᑐᒥᒃ ᑕᒪᒃᑮᖅᓯᒪᔪᒥᒃ ᑕᒪᐃᓐᓄᑦ ᐊᖏᕈᑎᒋᔭᐅᓯᒪᔪᓄᑦ ᒪᑐᓯᓂᕐᒧᑦ ᒪᓕᒐᒃᓴᐅᓂᐊᖅᑐᓂᒃ ᑲᔪᓯᑎᑕᐅᒋᐊᖃᖅᑐᓄᑦ ᑭᖑᓪᓕᖅᐹᖅᓯᐅᑎᓂᒃ ᐊᑎᓕᐅᖅᑕᐅᓚᐅᙱᑎᓪᓗᒍ ᕿᑭᖅᑕᓂ ᒪᑭᒪᔾᔪᑎᒃᓴᓕᕆᓂᕐᒧᑦ ᐱᓕᕆᐊᖓᑕ ᐊᖏᖃᑎᒌᒍᑎᖓᓂᒃ.
ᕿᑭᖅᑕᓃᒃᑯᑦ ᑲᑎᒪᔨᖏᑦ ᑎᓕᓯᓚᐅᖅᑐᑦ ᒫᑎᐅ ᐊᓚᐃᙵ ᐋᓐ ᑰᓕᓗ ᑲᑎᒪᔨᐅᓂᐊᖅᖢᓂ ᕿᑭᖅᑖᓗᒃ ᑯᐊᐸᕇᓴᒃᑯᑦ ᑲᑎᒪᔨᖏᓐᓄᑦ ᐱᖓᓱᓄᑦ ᐊᕐᕌᒍᓄᑦ, ᐊᒻᒪᓗᑦᑕᐅᖅ ᒪᐃᑯ ᖄᐱᒃ ᑎᓕᔭᐅᓚᐅᖅᑐᖅ ᑲᑎᒪᔨᐅᓂᐊᖅᖢᓂ ᑲᑭᕙᒃ ᑲᑐᔾᔨᖃᑎᒌᒃᑯᑦ ᑲᑎᒪᔨᖏᓐᓄᑦ, ᐸᓂᒐ ᐊᕿᐊᕈᕐᒃ ᑎᒃᑯᐊᔾᔪᑎᖓ ᑲᑭᕙᒃᑯᓐᓄ ᑭᖑᕙᕆᐊᕐᒃᑕᐅᓯᒪᓪᓗᓂ ᔫᓂ 2025ᒧ. ᓴᖅᑭᔮᖅᑎᑦᑎᒃᑲᓐᓂᕆᐊᖃᖅᓯᒪᔪᑦ ᑲᑎᒪᔨᐅᒐᔭᖅᑐᓄᑦ ᖃᐅᓱᐃᑦᑐᕐᒥ ᑲᓇᑕᒥ ᒥᕐᖑᐃᖅᓯᕝᕕᖕᒥ ᑲᑐᔾᔭᐅᔪᒥᒃ ᐊᐅᓚᑦᑎᔩᑦ ᑲᑎᒪᔨᕋᓛᖏᓐᓄᑦ, ᐊᑏᖓᐃ ᖃᐅᔨᒋᐊᖃᑦᑕᕐᓂᐊᖅᐸᓯᐅᒃ ᐃᑭᐊᖅᑭᕕᕗᑦ ᐅᕝᕙᓘᓐᓃᑦ ᖃᕆᓴᐅᔭᒃᑯᑦ ᑎᑎᕋᖅᑕᐅᕙᒃᑐᓂᒃ ᓄᑖᓂ ᑐᓴᒐᒃᓴᐅᓛᖅᑐᓄᑦ.
ᑐᑭᓯᒃᑲᓐᓂᕆᐊᖃᕈᕕᑦ, ᖃᐅᔨᒋᐊᕐᕕᒃᓴᖅ:
ᑭᐊᕋᓐ ᕙᓚᕋᑎ
ᑐᑭᒧᐊᒃᑎᑦᑎᔨ, ᑐᑭᒧᐊᒍᑎᒃᓴᓄᑦ ᑐᓴᐅᒪᖃᑦᑕᐅᑎᓂ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ
(P) 867.975.8398 ᐅᕝᕙᓘᓐᓃᑦ ᐊᑭᖃᙱᑦᑐᒧᑦ 1.800.667.2742
kflaherty@qia.flywheelsites.com
