ᐃᖃᓗᐃᑦ, ᓄᓇᕗᑦ, ᔭᓐᓄᐊᓕ 13, 2023 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᕿᓂᕐᒪᑕ ᐃᓄᖕᓂᒃ ᐱᓇᓱᖃᑕᐅᒍᒪᓂᐊᖅᑐᓂᒃ ᑲᑎᒪᔨᐅᒍᒪᒐᔭᖅᑐᓄᑦ 7ᕙᐅᔪᓂᑦ ᑲᑎᒪᔨᐅᕝᕕᐅᒍᓐᓇᖅᑐᓂᒃ ᓇᓗᓇᐃᔭᖅᓯᒪᔪᓄᑦ ᐊᑖᓂ:

• ᐃᓄᐃᑦ ᑕᑯᓐᓈᒐᒃᓴᓕᕆᔨᒃᑯᑦ, ᐊᑕᐅᓯᖅ ᐃᓂᒃᓴᖅ, 3ᓄᑦ ᐊᕐᕌᒍᓄᑦ ᑲᑎᒪᔨᐅᓗᓂ
• ᑲᑭᕙᒃᑯᑦ ᐃᑲᔫᓯᐊᒃᓴᖏᑦᓐᓂᒃ ᐊᑐᒐᒃᓴᖏᓐᓂᒃ ᕿᐱᓗᖕᓂᕐᒧᑦ ᑲᑎᒪᔨᕋᓛᖏᓐᓄᑦ, ᐊᑕᐅᓯᖅ ᐃᓂᒃᓴᖅ, 3ᓄᑦ ᐊᕐᕌᒍᓄᑦ ᑲᑎᒪᔨᐅᓗᓂ
• ᓯᕐᒥᓕᒃ ᑲᓇᑕᒥ ᒥᕐᖑᐃᖅᓯᕝᕕᖕᒥ ᑲᑐᔾᔭᐅᔪᒥᒃ ᐸᕐᓇᐃᓂᕐᒧᑦ ᐊᐅᓚᑦᑎᓂᕐᒥᓪᓗ ᑲᑎᒪᔨᕋᓛᖏᑦ, ᒪᕐᕉᒃ ᐃᓂᒃᓴᑦ, ᒪᑐᐃᖓᓂᐊᖅᑐᑦ ᐱᔭᕇᖅᑕᐅᓂᖓᓄᑦ ᐱᓕᕆᐊᖑᔪᖅ
• ᖃᐅᓱᐃᑦᑐᖅ ᑲᓇᑕᒥ ᒥᕐᖑᐃᖅᓯᕝᕕᖕᒥ ᑲᑐᔾᔭᐅᔪᒥᒃ ᐸᕐᓇᐃᓂᕐᒧᑦ ᐊᐅᓚᑦᑎᓂᕐᒥᓪᓗ ᑲᑎᒪᔨᕋᓛᖏᑦ, ᐊᑕᐅᓯᖅ ᐃᓂᒃᓴᖅ, ᒪᑐᐃᖓᓂᐊᖅᑐᖅ ᐱᔭᕇᖅᑕᐅᓂᖓᓄᑦ ᐱᓕᕆᐊᖑᔪᖅ
• ᐃᖃᓗᓐᓂ ᑲᑐᔾᔭᐅᔪᒥᒃ ᐸᕐᓇᐃᓂᕐᒧᑦ ᐊᐅᓚᑦᑎᓂᕐᒥᓪᓗ ᑲᑎᒪᔨᕋᓛᖏᑦ, ᐃᖃᓗᐃᑦ ᑰᖓᓄᑦ ᖃᐅᒻᒫᕐᕕᖕᒧᓪᓗ ᓄᓇᕗᒥ ᒥᕐᖑᐃᖅᓯᕝᕕᖏᑦ, ᐊᑕᐅᓯᖅ ᐃᓂᒃᓴᖅ, 3ᓄᑦ ᐊᕐᕌᒍᓄᑦ ᑲᑎᒪᔨᐅᓗᓂ.
• ᓴᓂᑭᓕᐊᕐᒥ  ᑲᑐᔾᔭᐅᔪᒥᒃ ᐸᕐᓇᐃᓂᕐᒧᑦ ᐊᐅᓚᑦᑎᓂᕐᒥᓪᓗ ᑲᑎᒪᔨᕋᓛᖏᑦ, ᑭᙶᓗᒃ ᓄᓇᕗᒥ ᒥᕐᖑᐃᖅᓯᕝᕕᖓᓄᑦ, ᐊᑕᐅᓯᖅ ᐃᓂᒃᓴᖅ, 3ᓄᑦ ᐊᕐᕌᒍᓄᑦ ᑲᑎᒪᔨᐅᓗᓂ.
• ᐊᐅᓱᐃᑦᑐᕐᒥ  ᑲᑐᔾᔭᐅᔪᒥᒃ ᐸᕐᓇᐃᓂᕐᒧᑦ ᐊᐅᓚᑦᑎᓂᕐᒥᓪᓗ ᑲᑎᒪᔨᕋᓛᖏᑦ, – ᓇᐹᖅᑐᓕᒃ ᓄᓇᕗᒥ ᒥᕐᖑᐃᖅᓯᕝᕕᖓᓄᑦ, ᒪᕐᕉᒃ ᐃᓂᒃᓴᑦ, 3ᓄᑦ ᐊᕐᕌᒍᓄᑦ ᑲᑎᒪᔨᐅᓗᑎᒃ.

ᑖᒃᑯᐊ ᑲᑎᒪᔨᐅᕝᕕᐅᔪᑦ ᒥᒃᓵᓄᑦ ᑐᑭᓯᒃᑲᓐᓂᕈᒪᒍᕕᑦ, ᕿᑭᖅᑕᓃᒃᑯᑦ ᐊᐅᓚᑦᑎᔾᔪᑎᓄᑦ ᐊᐅᓚᑦᑎᔨᖓ ᖃᐅᔨᒋᐊᖅᑕᐅᔪᓐᓇᖅᑐᖅ ᐅᕗᖓ ᐃᕐᖐᓐᓈᖅᑕᐅᑎᒃᑯᑦ ᑎᑎᕋᕐᕕᒋᓗᒍ nominations@qia.ca ᐅᕝᕙᓘᓐᓃᑦ ᐅᖄᓚᕕᒋᓗᒍ 975-8417ᒧᓪᓘᓐᓃᑦ.

ᐱᔪᒐᖅᓴᐅᑎᖕᓂᑦ ᓇᒃᓯᐅᑎᒍᒪᒍᕕᑦ ᑐᓂᓯᒍᒪᒍᕕᓪᓘᓐᓃᑦ ᐅᕝᕙᓘᓐᓃᑦ ᖃᕆᓴᐅᔭᒃᑯᑦ ᑕᑕᑎᕆᒍᒪᒍᕕᑦ ᑕᑕᑎᖅᓯᒍᓐᓇᖅᑐᑎᑦ ᐅᕗᖓ ᑐᕌᕈᑎᒨᕐᓗᑎᑦ: https://www.qia.ca/application-for-board-or-committees/, ᖃᐅᔨᒋᐊᕐᕕᒋᓗᒍᓘᓐᓃᑦ ᓄᓇᓕᖕᓂᑦ ᑐᓴᐅᒪᑎᑦᑎᔨᓯ ᐅᕝᕙᓘᓐᓃᑦ ᑐᓂᓯᒍᒪᒍᕕᑦ ᐱᔪᒐᖅᓴᐅᑎᖕᓂᑦ ᑐᓂᒍᓐᓇᖅᑕᐃᑦ ᕿᑭᖅᑕᓃᒃᑯᑦ ᑐᓴᐅᒪᑎᑦᑎᔨᖏᑕ ᐊᒡᓚᕝᕕᖏᓐᓄᑦ.

ᐱᓇᓱᒍᒪᓂᐊᕈᕕᑦ ᑐᓂᓯᓯᒪᒋᐊᖃᖅᐳᑎᑦ ᑕᑕᑎᖅᓯᒪᔭᕐᓂᑦ ᐱᔪᒐᖅᓴᐅᑎᖕᓂᓘᓐᓃᑦ ᕖᕝᕗᐊᓕ 3, 2023ᒥ

ᑐᓴᒐᒃᓴᐅᑉ ᒥᒃᓵᓄᑦ ᑐᑭᓯᒃᑲᓐᓂᕈᒪᔪᖃᖅᐸᑦ, ᖃᐅᔨᒋᐊᕐᕕᐅᔪᓐᓇᖅᑐᖅ:
ᑭᐊᕋᓐ ᕙᓚᕋᑎ
ᑐᑭᒧᐊᒃᑎᑦᑎᔨ, ᑐᑭᒧᐊᒍᑎᒃᓴᓂ ᑐᓴᐅᒪᑎᑦᑎᔾᔪᑎᓂᒃ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ
(P) 867.975.8398 ᐅᕝᕙᓘᓐᓃᑦ ᐊᑭᖃᙱᑦᑐᒧᑦ ᐅᖄᓚᓗᑎᑦ 1.800.667.2742

kflaherty@qia.ca

Application Form for Appointment or Nomination to Board or Committees