ᕿᑭᖅᑕᓃᒃᑯᑦ ᑮᓇᐅᔭᐃᑦ ᐃᓯᖅᑐᓄᑦ

ᑖᓐᓇ ᖃᐅᔨᒃᑲᐃᔾᔪᑎᐅᕗᖅ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐃᓚᒋᔭᐅᔪᑦ ᑲᑎᒪᓂᐊᕐᓂᖏᑦ ᐃᖃᓗᓐᓂ, ᓄᓇᕗᒥ ᐊᖅᓴᕐᓃᑦ ᑐᕐᔪᕐᒥᕕᖕᒥ ᐊᐃᑉᐱᕐᒥ ᐅᑑᕙ 4, 2022ᒥ, 9:30ᕈᔪᖕᒥ ᑭᖑᓂᑦᑎᐊᖓᓂ ᕿᑭᖅᑕᓃᒃᑯᑦ 2022ᒥ ᐊᕐᕌᒍᑕᒫᕐᒧᑦ ᑲᑎᒪᓂᖓᑦ..

ᐃᓚᒋᔭᐅᔪᑦ ᑲᑎᒪᓂᖓᑦ ᑲᔪᓯᒋᐊᖃᖅᑐᖅ ᒪᓕᒃᑐᒍ ᐃᓛᒃᑯᑦ 2.3 ᕿᑭᖅᑕᓃᒃᑯᑦ ᒪᓕᒐᕋᓛᖓ #6 − ᕿᑭᖅᑕᓃᒃᑯᑦ ᑮᓇᐅᔭᐃᑦ ᐃᓯᖅᑐᓄᑦ ᐊᑐᐊᒐᖓᓄᑦ ᒪᓕᒐᕋᓛᖅ ᐱᔾᔪᑎᖃᖅᖢᑎᒃ ᐋᖅᑭᒋᐊᖅᓯᖁᔨᕗᑦ ᒪᓕᒐᕋᓛᕐᒥᒃ ᐊᑐᐊᒐᕐᒥᓗ.

ᐊᑕᓃᑦᑐᑦ ᓇᓗᓇᐃᔭᖅᓯᒪᕗᑦ ᑭᓲᓂᖏᑦ ᐋᖅᑭᒋᐊᕈᑎᒋᔭᐅᔪᒪᔪᑦ: ᐊᑐᐊᒐᕐᒥ ᕿᒥᕐᕈᓚᐅᖅᑎᓪᓗᒋᑦ ᕿᒥᕐᕈᔭᐅᒋᐊᖃᖅᑎᓪᓗᒋᑦ ᒪᓕᒃᑐᒍ ᐃᓛᒃᑯᑦ 15 ᐊᑐᐊᒐᕐᒥ, ᐊᑐᓕᖁᔨᕗᑦ ᐱᒻᒪᕆᐅᔪᑦ ᐋᖅᑭᒋᐊᕈᑎᐅᒋᐊᖃᖅᑐᑦ ᐊᖏᖅᑕᐅᖁᓪᓗᒋᑦ ᒪᓕᒃᑐᒋᑦ ᒪᓕᒐᕋᓛᖅ #6ᒥ ᖃᓄᐃᓕᐅᖁᔭᐅᓯᒪᔪᓂᒃ ᐊᒻᒪᓗ ᐱᓕᕆᐊᖑᓗᓂ ᐊᑐᐊᒐᖅ ᑐᕌᖓᔪᒧᑦ ᑐᖅᑯᖅᓯᒪᔪᓂ ᑮᓇᐅᔭᓄᑦ ᐊᒻᒪᓗ ᐊᑦᑎᖅᑕᐅᒃᑲᓐᓂᕐᓗᓂ ᐊᑐᐊᒐᖅ (ᐊᒻᒪᓗ ᒪᓕᒐᕋᓛᖅ #6) ᐆᒧᖓ “ᕿᑭᖅᑕᓃᒃᑯᑦ ᑐᖅᑯᖅᓯᒪᔪᑦ ᑮᓇᐅᔭᓄᑦ ᐊᑐᐊᒐᖓ”. ᒃᑯᐊ ᐋᖅᑭᒋᐊᕈᑎᑦ ᑭᒡᓕᖃᖅᑎᑦᑎᓂᐊᖅᑐᑦ ᐊᑐᓕᖅᑎᑕᐅᒃᑲᓐᓂᖅᑐᒥᒃ ᐊᑐᐊᒐᕐᒥ ᕿᑭᖅᑕᓃᒃᑯᑦ ᑐᖅᑯᖅᓯᒪᔪᓂ ᑮᓇᐅᔭᓄᑦ ᐊᒻᒪᓗ ᒪᓕᒐᖏᑦ ᐊᐅᓚᑦᑎᔾᔪᑎᒋᔭᐅᔪᓄᑦ ᓄᐊᑉᐸᓪᓕᐊᔪᓂᒃ ᐊᒻᒪᓗ ᓴᐳᔾᔭᐅᓯᒪᓂᖏᑦ ᕿᑭᖅᑕᓃᒃᑯᑦ ᑮᓇᐅᔭᖏᑦ ᐃᓯᖅᑐᑦ ᐃᓕᔭᐅᑲᐅᑎᒋᓗᒋᑦ ᑐᖅᑯᓯᒪᔪᓂ ᑮᓇᐅᔭᓄᑦ.

ᐊᑦᑎᖅᑕᐅᒃᑲᓐᓂᖅᑐᖅ ᐊᒻᒪᓗ ᐊᑐᓕᖅᑎᑕᐅᒃᑲᓐᓂᖅᑐᖅ ᐊᑐᐊᒐᖅ ᐊᐅᓚᑦᑎᔾᔪᑎᒋᔭᐅᔾᔮᕈᓐᓃᖅᑐᖅ ᐊᔾᔨᒌᙱᑦᑐᓂᒃ ᑮᓇᐅᔭᓂᒃ ᐊᒻᒪ ᐊᑐᐊᒐᕐᒥ ᑐᕌᖓᔪᓄᑦ ᕿᑭᖅᑕᓃᒃᑯᑦ ᑮᓇᐅᔭᐃᑦ ᐃᓯᖅᑐᑦ ᓇᒧᙵᖅᑕᐅᒋᐊᖃᕐᓂᖏᓐᓄᑦ ᐊᒻᒪ ᑭᓱᓄᑦ ᐊᑐᖅᑕᐅᒋᐊᖃᕐᓂᖏᓐᓄᓗ, ᐊᐅᓚᑕᐅᖔᓕᕐᓗᑎᒃ ᐃᓛᒃᑰᖓᔪᒥᑦ ᑲᑎᒪᔨᓄᑦ ᐊᖏᖅᑕᐅᓯᒪᔪᒥᑦ ᕿᑭᖅᑕᓃᒃᑯᑦ ᑮᓇᐅᔭᖏᑦ ᐃᓯᖅᑐᓂᑦ ᓴᓂᕐᕙᖅᑕᐅᓂᖏᓐᓄᑦ ᐊᑐᐊᒐᕐᒥ. ᑐᖅᑯᖅᓯᒪᔪᑦ ᑮᓇᐅᔭᖏᑦ ᓱᓕ ᐴᖅᓯᕕᐅᖏᓐᓇᕐᓂᐊᖅᑐᖅ ᐊᔾᔨᒌᙱᑦᑐᓂᑦ ᑮᓇᐅᔭᓂ ᐃᓯᖅᑐᓂᑦ ᐊᒻᒪᓗ ᐃᓕᔭᐅᓯᒪᓗᑎᒃ ᐊᑯᓂᐅᓂᐊᖅᑐᒧᑦ ᐱᕈᖅᑎᑦᑎᔪᓐᓇᕐᓂᐊᕐᒪᑕ ᑐᖅᑯᖅᓯᒪᔪᓂ ᑮᓇᐅᔭᓂᒃ ᐊᒻᒪᓗ ᐱᕕᖃᖅᑎᑦᑎᓗᓂ ᐊᓯᖏᑦ ᕿᑭᖅᑕᓃᒃᑯᓐᓄᑦ ᑮᓇᐅᔭᐃᑦ ᐃᓯᖅᑐᑦ ᐊᓯᐊᓄᑦ ᐃᓕᔭᐅᔪᓐᓇᖅᑐᑦ ᒪᓕᒡᓗᒍ ᕿᑭᖅᑕᓃᒃᑯᑦ ᑮᓇᐅᔭᐃᑦ ᓴᓂᕐᕙᖅᓯᓂᕐᒧᑦ, ᐊᒻᒪᓗ ᐃᓯᖏᑦ ᑕᐃᒃᑯᐊ ᕿᑭᖅᑕᓃᒃᑯᓐᓄᑦ ᐃᓯᖅᑐᑦ ᐊᑐᖅᑕᐅᔪᓐᓇᕐᓗᑎᒃ ᒪᓕᒡᓗᒍ ᕿᑭᖅᑕᓃᒃᑯᑦ ᑮᓇᐅᔭᓂ ᓴᓂᕐᕙᖅᓯᒪᔪᓂᒃ ᐊᑐᐊᒐᖓ. ᐋᖅᑭᒋᐊᕈᑎᑦ ᓱᑲᑎᖅᓯᒪᑎᑦᑎᑦᑕᐃᓕᓗᐊᕋᓱᒃᑐᑦ ᑮᓇᐅᔭᐃᑦ ᐃᓯᖅᑐᑦ ᐃᓕᔭᐅᖃᑦᑕᕈᓐᓇᖅᖢᑎᒃ ᐊᑐᖅᑕᐅᓗᑎᓪᓘᓐᓃᑦ ᓄᓇᓕᖕᓂ ᐃᑲᔫᑎᒋᔭᐅᓂᐊᖅᑐᓄᑦ ᐊᒻᒪᓗ ᐱᕕᒃᓴᓄᑦ, ᕿᑭᖅᑕᓃᒃᑯᑦ ᐱᔨᑦᓯᕋᕈᑎᖏᓐᓄᑦ, ᒪᑭᒪᔾᔪᑎᓕᕆᓂᕐᒧᑦ ᐊᒻᒪᓗ ᐊᓯᖏᓐᓄᑦ ᑮᓇᐅᔭᐃᑦ ᐊᑐᖅᑕᐅᔪᒪᔪᓄᑦ.

ᕿᒥᕐᕈᔭᐅᓯᒪᓕᖅᑎᓪᓗᒍ ᐊᖅᑭᒋᐊᖅᓯᒪᔪᖅ ᐊᑐᐊᒐᖅ ᑲᑎᒪᓂᕐᒥᑦ, ᐅᓇ ᐊᔾᔨᐅᙱᑦᑐᖅ ᐱᖁᔨᕗᖔᕈᑎ ᓴᖅᑭᑕᐅᓂᐊᖅᑐᖅ ᑲᑎᒪᔨᓄᑦ ᓂᕈᐊᕈᑕᐅᒋᐊᖃᕐᓂᐊᕐᒪᑦ ᐊᖏᖅᑕᐅᓗᓂᓗ:

ᐋᖅᑭᒋᐊᕈᑎᑦ ᐊᒻᒪ ᐊᑐᓕᖅᑎᑕᐅᒃᑲᓐᓂᕐᓂᖓ ᕿᑭᖅᑕᓃᒃᑯᑦ ᒪᓕᒐᕋᓛᖓ #6 − ᕿᑭᖅᑕᓃᒃᑯᑦ ᑐᖅᑯᖅᓯᒪᔪᑦ ᑮᓇᐅᔭᓄᑦ ᐊᑐᐊᒐᖓ
ᐃᒪᐃᒻᒪᑦ ᒪᓕᒃᑐᒍ ᐃᓛᒃᑯᑦ 2.3 ᕿᑭᖅᑕᓃᒃᑯᑦ ᒪᓕᒐᕋᓛᖓ #6, ᐅᖃᖅᓯᒪᔪᖅ 75%ᓂ ᐅᖓᑖᓂᓗ ᕿᑭᖅᑕᓃᒃᑯᑦ ᑲᑎᒪᔨᖏᑦ ᐊᖏᕆᐊᖃᕐᒪᑕ ᑲᔪᓯᑎᑦᑎᓗᑎᒃ ᐱᖁᔨᕗᖔᕈᑎᒥᒃ ᐊᖏᖅᑕᐅᓂᐊᖅᐸᑕ ᐋᖅᑭᒋᐊᕈᑎᐅᔪᑦ ᕿᑭᖅᑕᓃᒃᑯᑦ ᑮᓇᐅᔭᐃᑦ ᐃᓯᖅᑐᓄᑦ ᐊᑐᐊᒐᕐᒥ, ᐱᖃᓯᐅᑎᓗᒍ ᐊᑎᖅᑕᐅᒃᑲᓐᓂᖅᑐᒥᑦ “ᕿᑭᖅᑕᓃᒃᑯᑦ ᑐᖅᑯᓯᒪᔪᓂ ᑮᓇᐅᔭᓄᑦ ᐊᑐᐊᒐᕐᒥ”, ᐊᒻᒪᓗ ᐃᓚᒋᔭᐅᔪᑦ ᐊᖏᕆᐊᖃᕐᒪᒋᑦ ᑲᔪᓯᑎᑦᑎᓗᑎᒃ ᐊᑐᐊᒐᐅᑉ ᐋᖅᑭᒋᐊᕈᑎᖏᓐᓂᑦ ᒪᓕᒐᕋᓛᖅ #6ᒥ;

ᑕᐃᒪᐃᒻᒪᑦ ᐋᖅᑭᓕᕐᓕ ᑖᓐᓇ ᐊᔾᔨᐅᙱᑦᑐᖅ ᐱᖁᔨᕗᖔᕈᑎ:

1. ᒪᓕᒐᕋᓛᖅ #6 ᐅᓪᓗᓕᒃ ᐅᑑᕙ 5, 2016 ᐊᑎᓕᐅᖅᑕᐅᓯᒪᔪᒥᒃ ᒪᓕᒃᑐᒍ ᑲᑐᔾᔨᖃᑎᒌᓄᑦ ᐱᖁᔭᖓ ᓄᕖᕝᕙ 4, 2016ᒥᑦ, ᐊᑐᓕᖅᑎᑕᐅᒃᑲᓐᓂᖅᑐᖅ ᐋᖅᑭᒋᐊᕈᑎᖃᖅᖢᓂ ᑕᐃᔭᐅᓗᓂ ᐊᑐᓕᖅᑎᑕᐅᒃᑲᓐᓂᖅᑐᖅ ᒪᓕᒐᕋᓛᖅ #6 ᐱᖃᓯᐅᑎᔭᐅᓯᒪᔪᒥᒃ ᑐᑭᓯᒍᑎᓂᑦ ᐄ-ᒥ, ᐱᖃᓯᐅᑎᓗᒋᑦ ᐋᖅᑭᒋᐊᖅᑕᐅᔫᑉ ᐊᑐᐊᒐᐅᑉ ᐊᑎᖓ ᐊᓯᔾᔨᑕᐅᓂᖓ ᑕᐃᔭᐅᓗᓂ ᕿᑭᖅᑕᓃᒃᑯᑦ ᑐᖅᑯᖅᓯᒪᔪᑦ ᑮᓇᐅᔭᓄᑦ ᐊᑐᐊᒐᕐᒥ.
2. ᓯᕗᓕᖅᑎᑦ ᑲᑐᔾᔨᖃᑎᒌᓂᑦ ᐊᖏᖅᑕᐅᓯᒪᕗᑦ ᐊᒻᒪ ᑎᓕᔭᐅᓯᒪᓪᓗᑎᓪᓗ ᐊᑎᓕᐅᖅᓯᒪᔪᒥᒃ ᐱᖁᔨᕗᖔᕈᑎᐅᑉ ᐊᔾᔨᖓᓂ ᐊᒻᒪ ᐊᑐᓕᖅᑎᑕᐅᒃᑲᓐᓂᖅᑐᒥᒃ ᒪᓕᒐᕋᓛᖅ #6, ᐊᑎᓕᐅᕐᕕᖕᒧᑦ ᑐᓂᓯᓗᑎ ᒪᓕᒃᑐᒍ ᑲᑐᔾᔨᖃᑎᒌᓄᑦ ᐱᖁᔭᖓ, ᐊᑐᓕᕐᓂᐊᖅᖢᓂ ᐊᑎᓕᐅᕐᕕᖕᒧᑦ ᓇᓗᓇᐃᔭᖅᑕᐅᓯᒪᓕᑐᐊᖅᐸᑦ.

ᖃᐅᔨᒃᑲᐃᕗᑦ ᒪᓕᒃᖢᒋᑦ ᐃᓛᒃᑯᑦ 2.3 ᐊᒻᒪᓗ 24 ᕿᑭᖅᑕᓃᒃᑯᑦ ᒪᓕᒐᕋᓛᖓᓂᑦ.