ᐃᖃᓗᐃᑦ, ᓄᓇᕗᑦ – ᐄᐳᓪ 25, 2025- ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓃᒃᑯᑦ) ᐅᐱᒍᓱᑦᑎᐊᖅᖢᑎᒃ ᑮᓇᐅᔭᖃᖅᑎᑦᑎᔨᐅᖃᑕᐅᔪᑦ 2025ᒥ ᓄᓇᕗᒥ ᕿᒧᒃᓯᐅᔾᔪᐊᖅᑐᓂᒃ, ᑖᓐᓇ ᐊᕐᕌᒍ ᐊᑐᖅᑕᕗᑦ 26ᓂ ᐊᕐᕌᒍᓂ ᐊᐅᓚᑕᐅᓕᖅᑐᖅ ᕿᒧᒃᓯᐅᔾᔪᐊᖅᑎᑦᑎᓂᖅ. ᕿᒧᒃᓯᖅᑏᑦ ᐃᑲᔪᖅᑎᖏᓪᓗ ᐃᖏᕐᕋᓚᐅᖅᑐᑦ ᑲᑎᓕᒫᕐᓗᒋᑦ 513ᓂᑦ ᑭᓚᒦᑕᓂᒃ ᐊᐅᓪᓚᖅᖢᑎᑦ ᒥᑦᑎᒪᑕᓕᖕᒥᑦ ᐄᐳᓪ 15, 2025ᒥ ᐊᒻᒪᓗ ᓯᕗᒧᒃᖢᑎᒃ ᐃᒡᓗᓕᖕᒧᑦ ᐄᐳᓪ 23, 2025ᒥ.
ᐅᕝᕙᐅᑯᐊ ᖃᓄᐃᓐᓂᐅᓚᐅᖅᑐᑦ ᐊᑐᓂ ᕿᒧᒃᓯᐅᔾᔪᐊᖅᑐᓂᑦ:
ᓯᕗᓕᖅᐹᖅ – ᔨᓂᐅᓪ ᓇᓄᕋᖅ ᐅᑕᒃ – 40:53:33
ᑐᒡᓕᐊ – ᔫᓱᐊ ᕿᓕᖅᑎ ᐃᕙᓗ – 41:45:35
ᐱᖓᔪᖓ – ᓖ ᐃᓄᐊᕋᖅ – 42:55:07
ᑎᓴᒪᖓᑦ – ᑖᓄᕙᓐ ᖃᐅᓐᓇᖅ – 43:34:44
ᑕᓪᓕᒪᖓᑦ – ᐊᐃᓴᒃ ᐃᕐᖓᐅᑦ – 46:55:05
ᐱᖓᓲᔪᖅᑑᔪᖅ – ᑖᒻ ᓇᕿᑕᕐᕕᒃ– 51:14:58
7ᕙᒋᔭᐅᔪᖅ – ᑖᓂᐊᓕ ᐃᓄᐊᕋᖅ – 51:51:32
ᑎᓴᒪᐅᔪᖅᑐᒋᔭᐅᔪᖅ – ᐄᑎᓐ ᖃᐅᓐᓇᖅ – 57:49:11
ᕿᑭᖅᑕᓃᒃᑯᑦ ᑮᓇᐅᔭᑎᒍᑦ ᐃᑲᔪᕐᓂᖓ ᑕᒪᑐᒪᓂᑦ ᐊᕐᕌᒍᒥ ᓄᓇᕗᒥ ᕿᒧᒃᓯᐅᔾᔪᐊᖅᑐᓂ ᐱᖃᓯᐅᑎᓚᐅᖅᑐᑦ ᓵᓚᖃᐅᓯᐊᒃᓴᓂᒃ, ᒑᓯᑖᕈᑎᒃᓴᓂᒃ ᐅᖅᓯᖅᑎᕈᑎᒃᓴᓂᓪᓗ ᖃᒧᑕᐅᔭᓄᑦ, ᓂᕿᒃᓴᓂᒃ ᑕᒻᒫᖅᑎᓪᓗᒋᑦ ᐊᒻᒪᓗ ᕿᒻᒦᑦ ᓂᕆᔭᒃᓴᖏᑦ, ᐊᒻᒪᓗ ᑮᓇᐅᔭᓂᒃ ᖁᕕᐊᓲᑎᒋᔭᐅᓂᐊᖅᑐᓂᒃ ᒥᑦᑎᒪᑕᓕᖕᒥ ᐃᒡᓗᓕᖕᒥᓗ.
ᖁᔭᓐᓇᒦᒃ ᓄᓇᕗᒥ ᕿᒧᒃᓯᐅᔾᔪᐊᖅᑐᓕᕆᓂᕐᒧᑦ ᑲᑎᒪᔨᕋᓛᖏᑦ, ᐃᑲᔪᖅᑐᓪᓗ, ᐃᓚᐅᔪᑦ ᓄᓇᓕᖕᒥᐅᓪᓗ ᑲᔪᓯᑎᑦᑎᓯᒪᑦᑎᐊᕐᒪᑕ ᓄᓇᕗᒥ ᕿᒧᒃᓯᐅᔾᔪᕐᓂᐅᖃᑦᑕᖅᑐᒥᒃ. ᑲᔪᓯᑎᑕᐅᓂᖓ ᕿᒧᒃᓯᖃᑦᑕᕐᓂᖅ ᕿᑭᖅᑖᓗᖕᒥ ᐆᒪᑎᑦᑎᕗᖅ ᕿᒧᒃᓯᐅᔾᔪᐊᕐᓂᕐᒥᒃ ᐊᒻᒪᓗ ᓂᕆᐅᒋᔭᖃᖅᖢᑕ ᒪᓕᒃᑲᓐᓂᓛᕈᒪᓪᓗᑕ ᐊᕐᕌᒎᓛᖅᑐᒥᒃ ᐊᐅᓪᓚᓛᖅᑎᓪᓗᒋᑦ ᐃᒡᓗᓕᖕᒥᑦ ᒥᑦᑎᒪᑕᓕᖕᒧ.
ᑐᑭᓯᒃᑲᓐᓂᕆᐊᖃᕈᕕᑦ, ᖃᐅᔨᒋᐊᕐᕕᒃᓴᖅ:
ᑭᐊᕋᓐ ᕙᓚᕋᑎ
ᑐᑭᒧᐊᒃᑎᑦᑎᔨ, ᑐᑭᒧᐊᒍᑎᒃᓴᓄᑦ ᑐᓴᐅᒪᖃᑦᑕᐅᑎᓂᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ
(ᐅᖄᓚᐅᑖ) 867.975.8398 ᐊᑭᖃᙱᑦᑐᒧᓪᓘᓐᓃᑦ 1.800.667.2742
