ᐃᖃᓗᐃᑦ, ᓄᓇᕗᑦ – ᐅᑑᕝᕙ 19, 2020 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓃᒃᑯᑦ) ᖁᕕᐊᓱᒃᖢᑎᒃ ᑐᓴᖅᑎᑦᑎᕗᑦ ᑐᓂᓯᓂᐊᖅᖢᑎᒃ 2020-2021ᒧᑦ ᔮᓐ ᐊᒪᕈᐊᓕᒃ ᐃᓕᓐᓂᐊᕐᓂᕐᒧᑦ ᐃᑲᔫᓯᐊᒃᓴᖓᓂ ᔨᓇ ᕿᓚᕝᕙᕐᒧᑦ.

ᑖᓐᓇ ᐃᑲᔫᓯᐊᖅ  $5,000ᓂ ᐊᑭᓕᒃ ᑐᓂᔭᐅᕙᒃᑐᑦ ᐃᓕᓐᓂᐊᕐᓂᕐᒧᑦ ᐃᑲᔫᓯᐊᖓ ᓄᓇᕗᒥ ᐃᓄᖕᓄᑦ ᐃᑲᔪᕈᒪᔪᓄᑦ.  ᕿᑭᖅᑕᓃᒃᑯᑦ ᓂᕈᐊᖅᖠᖃᑦᑕᖅᑐᑦ ᑐᒃᓯᕋᐅᑎᓂᑦ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᕐᓂᐊᖅᑐᓂᒃ ᖃᑭᒪᑎᑦᑎᓂᐊᖅᑐᓂᒃ ᐃᓄᐃᑦ ᐅᖃᐅᓯᖓᓂ ᐃᓕᖅᑯᓯᖓᓂᓗ.

ᐸᓐᓂᖅᑑᕐᒥᐅᑦᓴᔭᐅᓪᓗᓂ, ᕿᓚᕝᕙᖅ ᑐᒡᓕᕆᔭᖓᓂᒃ ᐊᕐᕌᒍᒥ ᐃᓕᓐᓂᐊᓕᖅᑐᑦ ᓯᑕᒪᓄᑦ ᐊᕐᕌᒍᓄᑦ ᐃᓕᓐᓂᐊᕐᓂᖓᓂ  ᓄᓇᕗᒥ ᐃᓕᓴᐃᔨᐅᒋᐅᖅᓴᓂᕐᒧᑦ ᐅᑭᐅᖅᑕᖅᑐᒥ ᓯᓚᑦᑐᖅᓴᕐᕕᖕᒥ.  ᑐᒃᓯᕋᐅᑎᒋᔭᖓᓂᒃ ᐅᓂᒃᑳᖅᓯᒪᓚᐅᖅᑐᖅ ᓂᕆᐅᒋᔭᖃᕐᓂᕋᖅᖢᓂᒃ ᑲᔪᓯᑎᑦᑎᔪᓐᓇᕐᓗᓂ ᔮᓐ ᐊᒪᕈᐊᓕᒃ ᐱᓕᕆᐊᕆᖃᑦᑕᖅᓯᒪᔭᖏᓐᓂᒃ ᐱᔨᑦᓯᕐᓂᕐᒥᒃ ᐃᓄᖕᓂᑦ ᐊᒻᒪᓗ ᐊᑐᕐᓂᕐᒥᒃ ᐃᓄᐃᑦ ᐅᖃᐅᓯᖓᓂᒃ ᐃᓕᖅᑯᓯᕐᒥᓗ ᐃᓕᓴᐃᔨᐅᓕᖅᐸᑦ.

“ᐅᐱᒍᓱᒃᑐᖓ ᓂᕈᐊᖅᑕᐅᒐᒪ  ᔮᓐ ᐊᒪᕈᐊᓕᒃ ᐃᓕᓐᓂᐊᕐᓂᕐᒧᑦ ᐃᑲᔫᓯᐊᖓᓄᑦ,” ᕿᓚᕝᕙᖅ ᐅᖃᖅᑐᖅ, “ᖃᐅᔨᒪᔪᖓ ᔮᓐ ᖃᓄᐃᓕᐅᕈᑎᒋᓚᐅᖅᓯᒪᔭᖏᑦ ᐊᑐᖅᓯᒪᔭᖏᓪᓗ ᐱᒻᒪᕆᐋᓗᒃᑯᑦ ᐃᑲᔪᓚᐅᕐᓂᖏᓐᓂ ᐃᓕᒃᑲᓐᓂᕈᒪᒐᔭᖅᑐᓂᒃ ᓱᕐᓗ ᐅᕙᖓᑎᑐᑦ.  ᖁᔭᓐᓇᒦᕈᒪᕙᒃᑲ ᕿᑭᖅᑕᓃᒃᑯᑦ ᐱᕕᖃᖅᑎᑦᑎᕙᖕᒪᑕ ᐃᓄᖕᓂᒃ ᐃᓕᓐᓂᐊᖅᑎᓂᒃ ᐃᓕᓐᓂᐊᕆᐊᒃᑲᓐᓂᕈᒪᖃᑦᑕᖅᑐᓄᑦ ᐃᓄᖕᓂᑦ ᐃᑲᔪᒃᑲᓐᓂᕈᒪᓪᓗᑎᒃ. ᖁᔭᓐᓇᒦᒃ!”

ᒪᓕᒐᒃᓴᑦ ᐱᓇᓱᒍᒪᓗᓂ ᔮᓐ ᐊᒪᕈᐊᓕᒃ ᐃᓕᓐᓂᐊᕐᓂᕐᒧᑦ ᐃᑲᔫᓯᐊᖓᓐᓂ:

• ᐃᓕᓐᓂᐊᖅᑎᑦ ᐊᑎᓕᐅᖅᓯᒪᔭᕆᐊᓖᑦ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᕐᕕᒋᓂᐊᖅᑕᒥᓂᒃ, ᐃᓕᓐᓂᐊᕐᓂᐊᕐᓗᑎᒃ ᖃᑭᑎᑦᑎᓂᐊᖅᑐᒥᒃ ᐃᓄᐃᑦ ᐅᖃᓯᖓᓂ ᐃᓕᖅᑯᓯᖓᓂᓗ ᐃᓕᓐᓂᐊᕐᓗᑎᑦ ᓯᑎᐱᕆᒥᑦ ᔮᓐᓄᐊᓕᒧᑦ
• 500ᓂ-ᐅᖃᐅᓯᓕᖕᒥᒃ ᐅᓂᒃᑳᓕᐅᕐᓗᑎᑦ ᖃᓄᖅ ᐱᔪᒪᔭᑎᑦ ᓴᖅᑭᓯᒪᓂᖏᓐᓂᑦ ᔮᓐ ᐊᒪᕈᐊᓕᒃ ᐱᓕᕆᐊᕆᓯᒪᔭᖏᓐᓂᑦ ᐊᒻᒪᓗ ᓄᓇᕗᒥ ᐊᖏᕈᑎᖓ
• ᐱᔪᒐᖅᓴᐅᑎᓕᐅᕐᓂᖅ ᐅᓪᓗᒥᓂᓴᐅᔪᒥᒃ
• ᐃᓕᓐᓂᐊᕐᓂᕐᒧᑦ ᓈᓴᐅᑎᑦ ᐃᓕᓐᓂᐊᕋᓗᐊᕐᒪᖔᑦ ᖃᐅᔨᓴᐅᑎᒃᓴᓂ
• ᒪᕐᕉᓂᒃ ᑎᑎᖅᑲᓂᑦ ᐱᐅᒐᔭᖅᑐᖅ ᐃᓕᓴᐃᔨᒥᙶᖅᐸᑕ, ᐃᖅᑲᓇᐃᔭᕐᕕᖕᒥᙶᖅᐸᑕᓘᓐᓃᑦ ᐃᓕᖕᓂ ᐃᖅᑲᓇᐃᔭᖃᑎᖃᖅᓯᒪᔪᒥᒃ
• ᐃᓕᓐᓂᐊᖅᑎᑦ ᖃᐅᑕᒫᖅᓯᐅᑎᓂᒃ ᐃᓕᓐᓂᐊᕆᐊᓖᑦ ᐊᒻᒪᓗ ᑲᔪᓯᑎᑦᑎᑦᑎᐊᖃᑦᑕᕐᓗᒋᑦ ᐃᓕᓐᓂᐊᕈᑎᖏᓐᓂ ᐃᓱᒪᒋᔭᐅᓂᐊᖅᐸᑕ ᐃᑲᔫᓯᐊᖅᑖᕐᓂᕐᒧᑦ

ᑐᑭᓯᒃᑲᓐᓂᕈᒪᒍᕕᑦ, ᖃᐅᔨᒋᐊᕐᕕᒃᓴᖅ:

ᓰᒪ ᓴᕼᐋᕐ ᓯᐊᕋᕼᐃ,

ᑐᓴᐅᒪᖃᑦᑕᐅᑎᓄᑦ ᑐᑭᒧᐊᒃᑎᑦᑎᔨ

szerehi@qia.ca

867.975.8413

1.800.667.2742