ᕿᑭᖅᑕᓃᒃᑯᑦ ᑐᓂᓯᔪᑦ ᐃᓕᓐᓂᐊᕆᐊᒃᑲᓐᓂᕈᑎᒃᓴᓂ ᐃᓄᖕᓂᒃ ᕿᑭᖅᑕᓂᒥᐅᓄᑦ
ᕿᑭᖅᑕᓃᒃᑯᑦ ᑐᓂᓯᔪᑦ ᐃᓕᓐᓂᐊᕆᐊᒃᑲᓐᓂᕈᑎᒃᓴᓂ ᐃᓄᖕᓂᒃ ᕿᑭᖅᑕᓂᒥᐅᓄᑦ
ᐃᖃᓗᐃᑦ, ᓄᓇᕗᑦ, ᐊᒃᑑᕙ 16, 2023 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓃᒃᑯᑦ) ᖁᕕᐊᓱᒃᑐᑦ ᑐᓴᖅᑎᑦᑎᒍᒪᓪᓗᑎᒃ ᑖᒃᑯᐊ ᑐᒃᓯᕋᐅᑎᓕᐅᖅᓯᒪᔪᑦ ᐃᓕᓐᓂᐊᕆᐊᒃᑲᓐᓂᕈᑎᒃᓴᖅᑖᕋᓱᒃᖢᑎᒃ ᑕᕝᕙᓂ ᐊᕐᕌᒍᒥ ᑐᓴᖅᑎᑕᐅᓯᒪᓕᖅᑐᑦ ᐊᒻᒪ ᑐᓂᔭᐅᓪᓗᑎᒃ 2023-2024ᒧᓪᓗ ᐃᓕᓐᓂᐊᕐᓇᐅᑉ ᐊᕐᕌᒍᖓᓂ. 2016ᒥᓂᑦ, ᕿᑭᖅᑕᓃᒃᑯᑦ ᑐᓂᓯᓯᒪᓕᖅᑐᑦ 1.4 ᒥᓕᔭᓂᒃ ᑮᓇᐅᔭᓂᒃ ᐊᕐᕌᒍᑕᒫᑦ ᐃᓕᓐᓂᐊᕆᐊᒃᑲᓐᓂᕈᑎᒃᓴᓂ.
ᐊᕐᕌᒍᑕᒫᑦ, ᕿᑭᖅᑕᓃᒃᑯᑦ ᐃᓕᓐᓂᐊᕆᐊᒃᑲᓐᓂᕈᑎᒃᓴᖃᖅᑎᑦᑎᕙᒃᑐᑦ $205, 000ᓂ ᐃᓄᖕᓄᑦ ᕿᑭᖅᑕᓂᒥᐅᓄᑦ. ᑖᒃᑯᓇᙵᑦ ᑮᓇᐅᔭᓂᑦ,$200, 000ᑖᓚ ᐊᑐᖅᑕᐅᔭᕆᐊᖃᖅᑐᑦ 80ᓄᑦ ᐃᓕᓐᓂᐊᕆᐊᒃᑲᓐᓂᕈᑎᒃᓴᓄᑦ ᐊᑐᓂᓗ ᐊᑭᖃᖅᖢᑎᒃ $2,500ᓂ ᑐᓂᔭᐅᕙᒃᑐᑦ ᑕᐃᒃᑯᓂᖓ ᓯᕗᓪᓕᐅᔪᓄᑦ ᑕᑕᖅᓯᖅᑳᖅᓯᒪᔪᓄᑦ. ᑖᒃᑯᐊ ᐃᓕᓐᓂᐊᕆᐊᒃᑲᓐᓂᕈᑎᒃᓴᑦ ᐃᓄᖕᓄᑦ ᕿᑭᖅᑕᓂᒥᐅᓄᑦ ᑐᓂᔭᐅᕙᒃᑐᑦ ᓯᓚᑦᑐᖅᓴᕐᕕᖕᓄᑦ ᐃᓕᓐᓂᐊᕐᓂᐊᖅᑐᓄᑦ.
ᓱᓕ ᕿᑭᖅᑕᓃᒃᑯᑦ ᐃᓕᓐᓂᐊᕆᐊᒃᑲᓐᓂᕈᑎᒃᓴᖃᕐᒥᔪᑦ, ᔮᓐ ᐊᒪᕈᐊᓕᒃ ᐃᓕᓐᓂᐊᕆᐊᒃᑲᓐᓂᕈᑎᒃᓴᖓ, ᑐᓂᔭᐅᕙᒃᖢᓂ ᐊᑕᐅᓯᕐᒧᑦ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᖅᑐᒥᒃ ᒪᑭᑕᑎᑦᑎᔪᓂᒃ ᐃᓄᐃᑦ ᐅᖃᐅᓯᖓᓂᒃ ᐃᓕᖅᑯᓯᖓᓂᓪᓗ. ᑖᓐᓇ ᐊᑭᖃᖅᑐᖅ $5, 000ᒥ ᑖᓐᓇ ᐃᓕᓐᓂᐊᕆᐊᒃᑲᓐᓂᕈᑎᒃᓴᖅ ᓴᖅᑭᑕᐅᓯᒪᔪᖅ ᐅᐱᒋᓱᒃᖢᑎᒃ ᔮᓐ ᐊᒪᕈᐊᓕᖕᒥᒃ ᐱᓕᕆᖃᑦᑕᓚᐅᖅᑎᓪᓗᒍ ᒪᑭᑎᑦᑎᒃᑲᓐᓂᕋᓱᐊᖅᖢᒋᑦ ᐃᓄᐃᑦ ᓄᓇᕗᒥ ᐊᒻᒪᓗ ᐱᓗᐊᖅᑐᒥᒃ ᐃᓄᖕᓂ ᕿᑭᖅᑖᓗᖕᒥ.
ᑕᕝᕙᓂ ᐊᕐᕌᒍᒥ, ᔮᓐ ᐊᒪᕈᐊᓕᒃ ᐃᓕᓐᓂᐊᕆᐊᒃᑲᓐᓂᕈᑎᒃᓴᖓ ᑐᓂᐅᔭᔪᖅ ᑯᕆᔅᑎ ᑲᓇᔪᕐᒧ, ᐃᖃᓗᒻᒥᐅᑕᐅᓪᓗᓂ. ᑯᕆᔅᑎ ᒫᓐᓇ ᐃᓕᓐᓂᐊᖅᑐᖅ ᓯᕗᓪᓕᖅᐹᒋᓕᖅᑕᖓ ᐊᕐᕌᒍᒋᓕᖅᑕᖓᓂᒃ ᓄᓇᕗᑦ ᓯᕗᓂᒃᓴᕗᑦ ᐃᓕᓐᓂᐊᕐᕕᐊᓂ.
ᕿᑭᖅᑕᓃᒃᑯᑦ ᑲᔪᓯᑦᑎᐊᖁᔨᕗᑦ 2023-2024ᒥᓗ ᐃᓕᓐᓂᐊᕆᐊᒃᑲᓐᓂᕈᑎᒃᓴᖅᑖᖅᓯᒪᔪᓂᒃ ᓯᓚᑦᑐᖅᓴᕐᕕᖕᒥ ᐃᓕᓐᓂᐊᖅᑎᓪᓗᒋᑦ.
ᑐᑭᓯᒃᑲᓐᓂᕆᐊᖃᕈᕕᑦ, ᖃᐅᔨᒋᐊᕐᕕᒃᓴᖅ:
ᑭᐊᕋᓐ ᕙᓚᕋᑎ
ᑐᑭᒧᐊᒃᑎᑦᑎᔨ, ᑐᑭᒧᐊᒍᑎᒃᓴᓄᑦ ᑐᓴᐅᒪᖃᑦᑕᐅᑎᓂ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ
(P) 867.975.8398 ᐅᕝᕙᓘᓐᓃᑦ ᐊᑭᖃᙱᑦᑐᒧᑦ 1.800.667.2742
