ᐅᓪᓗᖓ ᓴᖅᑭᑕᖅ: ᓄᕖᕝᕙ 7, 2018

ᖃᓄᐃᓕᐅᕐᓂᐅᔪᖅ: ᕿᑭᖅᑕᓃᒃᑯᑦ ᐳᓚᕋᕐᓂᐊᖅᑐᑦ ᑕᓪᓕᒪᓄᑦ  ᓄᓇᓕᖕᓄᑦ ᐊᒃᑐᖅᑕᐅᓯᒪᔪᓄᑦ ᑕᓪᓗᕈᑎᐅᑉ ᐃᒪᖓᓄᑦ ᐃᓄᐃᑦ ᐊᒃᑐᖅᑕᐅᓂᐊᕐᓂᖏᓐᓂᒃ ᐃᑲᔫᓯᐊᒃᓴᖏᓐᓄᑦ ᐊᖏᕈᑎ ᐱᔾᔪᑎᒋᓗᒍ

ᖃᖓ: ᓄᕖᕝᕙ 8ᒥᑦ ᑎᓯᐱᕆ 5ᒧᑦ, 2018

ᓄᓇᓖᑦ: ᑲᖏᖅᑐᒑᐱᒃ, ᐃᒃᐱᐊᕐᔪᒃ, ᒥᑦᑎᒪᑕᓕᒃ, ᖃᐅᓱᐃᑦᑐᖅ, ᐊᐅᓱᐃᑦᑐᕐᓗ

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᓄᓇᓕᖕᓄᑦ ᐳᓚᕋᕐᓂᐊᕐᒪᑕ ᑕᓪᓕᒪᓄᑦ ᕼᐊᒻᓚᐅᔪᓄᑦ ᐊᒃᑐᖅᑕᐅᓯᒪᔪᓄᑦ ᑕᓪᓗᕈᑎᐅᑉ ᐃᒪᖓᓄᑦ ᐃᓄᐃᑦ ᐊᒃᑐᖅᑕᐅᓂᐊᕐᓂᖏᓐᓂᒃ ᐃᑲᔫᓯᐊᒃᓴᖏᓐᓄᑦ ᐊᖏᕈᑎ ᐱᔾᔪᑎᒋᓗᒍ ᑐᓴᖅᑎᑦᑎᔭᖅᑐᕐᓗᑎᑦ ᐋᔩᕋᕈᑎᒋᔭᐅᔪᒥᒃ  ᑲᓇᑕᐅᑉ ᒐᕙᒪᒃᑯᖏᓐᓂᑦ.

ᐊᒡᒌᓯ  2017ᒥ, ᑲᓇᑕᐅᑉ ᒐᕙᒪᒃᑯᖏᑦ ᐊᒻᒪᓗ ᕿᑭᖅᑕᓃᒃᑯᑦ, ᐃᓚᒋᓪᓗᒋᑦ ᓄᓇᕗᑦ ᒐᕙᒪᒃᑯᑦ ᑐᓴᖅᑎᑦᑎᓚᐅᖅᓯᒪᔪᑦ ᑭᖑᓪᓕᖅᐹᖑᓂᐊᖅᑐᓂᒃ ᑭᓪᓕᒋᔭᐅᓂᐊᖅᑐᓄᑦ ᑕᓪᓗᕈᑎᐅᑉ ᐃᒪᖓᓄᑦ ᑲᓇᑕᒥ ᐃᒪᕐᒥᐅᑕᓂ ᓴᐳᔾᔨᕕᖕᒥ ᓄᓇᕘᑦ ᖁᑦᑎᒃᑐᖓᓂ − ᐱᓐᖑᖅᑎᑕᐅᓯᒪᓕᖅᑲᑦ, ᐊᖏᓂᖅᐹᖑᓂᐊᖅᑐᖅ ᓴᐳᔾᒡᕕᐅᓗᓂ ᑲᓇᑕᒥ ᐊᖏᓂᖃᖅᑐᒥ 109,000 ᑭᑉᐹᕆᒃᑐᓂ ᑭᓛᒥᑕᓂ.

ᐅᓪᓗᒥᒧᑦ ᐊᒥᓱᓂᒃ ᐱᒻᒪᕆᐅᔪᓂᒃ ᑲᔪᓯᑎᑦᑎᓯᒪᔪᑦ ᓴᖅᑭᑕᐅᕙᓪᓕᐊᓂᖓᓂᒃ ᑕᓪᓗᕈᑎᐅᑉ ᐃᒪᖓᓂ ᓴᐳᔾᔨᕕᒃᓴᖓ.  ᓯᕗᓂᐊᒍᑦ ᐃᑲᔫᓯᐊᖅᑖᖑᔪᑦ ᐊᖏᕈᑎᓂᑦ ᐱᔪᓐᓇᓚᐅᖅᑐᑦ, ᑖᒃᑯᓂᖓ ᐅᐊᑦᑎᔨᐅᓂᐊᖅᑐᓄᑦ ᐆᑦᑐᕋᖅᑕᐅᔪᒥᒃ ᐱᒋᐊᖅᑕᐅᓚᐅᖅᑐᑦ ᐃᒃᐱᐊᕐᔪᖕᒥ ᕿᑭᖅᑕᓃᒃᑯᓐᓄᑦ ᑮᓇᐅᔭᖃᖅᑎᑕᐅᓪᓗᑎᒃ ᑲᓇᑕᒥ ᒥᕐᖑᐃᖅᓯᕝᕕᓕᕆᔨᒃᑯᓐᓂᑦ.  ᑖᓐᓇ ᐱᓕᕆᐊᒃ ᑕᓪᓕᒪᓂ ᐅᐊᑦᑎᔨᓂᒃ ᐃᖅᑲᓇᐃᔭᖅᑎᖃᕐᓂᐊᖅᑐᑦ ᐃᓅᓗᑎᒃ ᓇᐅᑦᓯᖅᑐᖃᑦᑕᕐᓂᐊᖅᑐᓄᑦ ᑕᓪᓗᕈᑎᐅᑉ ᐃᒪᖓᓂ ᐃᒃᐱᐊᕐᔫᑉ ᖃᓂᒋᔭᖓᓂᑦ.

ᑖᓐᓇ ᐃᓄᐃᑦ ᐊᒃᑐᖅᑕᐅᓂᐊᕐᓂᖏᓐᓂᒃ ᐃᑲᔫᓯᐊᖅᑖᕐᓂᖏᓐᓄᑦ ᐊᖏᕈᑎᖓ ᐱᔭᕇᖅᓯᒪᓕᖅᑲᑦ ᐊᒻᒪᓗ ᐊᐅᓚᑦᑎᔾᔪᑎᒋᔭᐅᑲᐃᓐᓇᕐᓂᐊᖅᑐᒥᓪᓗ ᐸᕐᓇᐅᑎᖓ, ᑕᓪᓗᕈᑎᐅᑉ ᐃᒪᖓᓂ ᑲᓇᑕᒥ ᐃᒪᕐᒥᐅᑕᓂ ᓴᐳᔾᔨᕕᖓ ᑭᒡᒐᖅᑐᐃᓯᒪᓂᐊᖅᑐᖅ  1.9%−ᓗᐊᕐᒥ ᑲᓇᑕᒥ ᐃᒪᓂᒃ ᓴᐳᒻᒥᓂᖏᓐᓂᒃ ᐊᒻᒪᓗ ᐱᒻᒪᕆᐅᔪᒃᑯᑦ ᐃᑲᔪᕐᓂᖃᕐᓂᐊᖅᑐᖅ ᑖᒃᑯᐊ ᑲᓇᑕᐅᑉ ᒐᕙᒪᒃᑯᖏᑦ ᓄᓇᕐᔪᐊᕐᒥ ᓇᓗᓇᐃᖅᓯᒪᔭᖏᓐᓂᒃ ᓴᐳᒻᒥᒍᒪᓂᐊᕐᓂᖏᓐᓂᒃ ᐃᒪᓂᒃ ᓯᔾᔭᕆᔭᖏᓐᓂᓗ 2020ᖑᓕᖅᐸᑦ.

ᖃᖓ ᓄᓇᓕᓐᓃᓛᕐᓂᖏᑦ  (ᓯᓚ ᖃᓄᐃᓐᖏᑉᐸᑦ ᐊᒻᒪ ᐊᓯᖏᑦ ᖃᓄᐃᓐᖏᑦᑎᐊᖅᐸᑕ):

ᓄᕖᕝᕙ  8, 2018: ᑲᖏᖅᑐᒑᐱᒃ

ᓄᕖᕝᕙ  20, 2018: ᐃᒃᐱᐊᕐᔪᒃ

ᑎᓯᐱᕆ  3, 2018: ᖃᐅᓱᐃᑦᑐᖅ

ᑎᓯᐱᕆ  4, 2018: ᐊᐅᓱᐃᑦᑐᖅ

ᑎᓯᐱᕆ  6, 2018: ᒥᑦᑎᒪᑕᓕᒃ

ᑐᑭᓯᒋᐊᕐᕕᒃᓴᖅ, ᖃᐅᔨᒋᐊᕐᕕᐅᔪᓐᓇᖅᑐᖅ:

ᓰᒪ ᓴᕼᐋᕐ ᓯᐊᕋᕼᐄ, ᑐᑭᒧᐊᖅᑎᑦᑎᔨ, ᑐᓴᐅᒪᖃᑦᑕᐅᑎᓂᕐᒧᑦ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ

szerehi@qia.ca

867.975.8413

1.800.667.2742