ᕿᑭᖅᑕᓃᒃᑯᑦ ᐊᕆᔪᑦ ᓄᓇᓕᓐᓂᑦ ᑭᓱᓂᒃ ᐱᔭᒃᓴᓂᒃ ᐱᔭᕆᐊᖃᕐᒪᖔᑖᒃ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᑐᑭᓯᒋᐊᕆᐊᕐᓛᕐᒪᑕ 13ᓄᑦ ᓄᓇᓕᓐᓂᑦ ᕿᑭᖅᑕᓂ ᐱᔾᔪᑎᒋᓪᓗᒋᑦ ᐱᔭᒃᓴᓕᐊᕆᔭᐅᕙᑦᑐᑦ ᐱᓕᕆᐊᒃᓴᕆᔭᐅᕙᒃᑐᓂᓗ, ᐱᒋᐊᕐᓗᑎᒃ ᕖᕝᕗᐊᓕ 23ᒥ ᐃᖃᓗᓐᓂᑦ.
ᑐᓐᖓᓱᑦᑎᑦᑎᓗᑎᒃ ᒪᑐᐃᖓᓂᐊᕐᒪᑕ ᑕᒪᓐᓇᓗ ᐱᕕᒃᓴᕆᔭᐅᔪᓐᓇᕐᓂᐊᕐᒪᑦ ᕿᑭᖅᑕᓃᒃᑯᓐᓂ ᑖᒃᑯᐊ ᐱᔭᒃᓴᕆᕙᑦᑕᖏᑦ ᖃᓄᖅ ᐃᓱᒪᒋᔭᐅᓯᒪᒻᒪᖔᑖᒃ ᓄᓇᓕᓐᓂᑦ ᐊᒻᒪᓗ ᑭᓱᓂᒃ ᐱᓕᕆᐊᒃᓴᓂᒃ ᐱᔭᒃᓴᓂᓪᓘᓐᓃᑦ ᓴᖅᑭᑎᑦᑎᖁᔨᓯᒪᓂᖏᓐᓂᒃ ᓯᕗᓂᕐᒥᒃ ᑮᓇᐅᔭᐃᑦ ᐊᑐᖅᑕᐅᓂᐊᖅᑎᓪᓗᒋᑦ ᑕᕝᕙᓐᖓᑦ ᓄᑖᒥᒃ ᑮᓇᐅᔭᐃᑦ ᓂᖏᖅᑕᐅᔪᓄᑦ ᐊᑐᐊᒐᖓᓂᑦ.
ᑖᓐᓇ ᓄᑖᖑᔪᖅ ᐊᑐᐊᒐᖅ ᖃᓄᖅᑑᕈᑎᖃᕐᕕᖃᕈᓐᓇᕐᓂᐊᕐᒪᑦ ᑎᒥᐅᔪᒧᑦ ᑮᓇᐅᔭᓂᒃ ᓴᓂᕐᕙᐃᖅᓯᖃᑦᑕᕈᓐᓇᕐᓗᑎᒃ ᓯᕗᓂᒃᓴᒧᑦ ᐊᑐᖅᑕᐅᓂᐊᖅᑐᓄᑦ, ᑭᓯᐊᓂᑦᑕᐅᖅ ᐱᕈᖅᑕᐅᓗᑎᒃ ᐅᓪᓗᒥᐅᔪᒥᒃ ᐱᔭᒃᓴᕆᔭᐅᔪᓂᒃ ᐱᓕᕆᐊᒃᓴᕆᔭᐅᔪᓂᓗ. ᕿᑭᖅᑕᓃᒃᑯᑦ ᐱᕚᓪᓕᖅᑎᑦᑎᓂᕐᒧᑦ ᑮᓇᐅᔭᖏᑦ ᓴᓂᕐᕙᐃᖅᓯᓯᒪᓂᐊᖅᑐᑦ ᑮᓇᐅᔭᓂᒃ $1 ᒥᓕᔭᓂᒃ/ᐊᕐᕌᒍᑕᒫᑦ ᐱᕙᓪᓕᐊᔾᔪᑎᒋᔭᐅᔪᓐᓇᖅᑐᓂᒃ ᐊᒻᒪᓗ ᓴᖅᑭᑎᑦᑎᒍᑕᐅᓗᑎᒃ ᓄᑖᓂᒃ ᐱᓕᕆᐊᒃᓴᓂᒃ, ᑖᒃᑯᐊ ᑭᖑᕚᖑᓂᐊᖅᑐᓄᑦ ᑮᓇᐅᔭᐃᑦ ᐊᑐᖅᑕᐅᔪᒃᓴᒫᖑᓂᐊᖅᑐᑦ ᑮᓇᐅᔭᓂᒃ ᓴᓂᕐᕙᐃᖅᓯᖃᑦᑕᕐᓂᐊᕐᒪᑦ ᑭᖑᕚᖑᓂᐊᖅᑐᓄᑦ ᐊᑐᖅᑕᐅᔪᒃᓴᒫᖑᓂᐊᖅᑐᓄᑦ.
“ᑮᓇᐅᔭᓂᒃ ᓴᓂᕐᕙᐃᖅᓯᕙᓪᓕᐊᔪᒍᑦ ᓂᖏᖅᑕᐅᕙᑦᑐᓂᑦ ᐊᔾᔨᒌᓐᖏᑦᑐᓂᒃ ᐱᓕᕆᔪᖃᖅᑎᓪᓗᒍ ᐃᓄᐃᑦ ᓄᓇᖁᑎᖏᓐᓂᒃ ᐊᒻᒪᓗ ᑎᒥᖁᑎᑦᑎᓐᓂᓗ,” ᐅᖃᖅᑐᖅ ᕿᑭᖅᑕᓃᒃᑯᑦ ᐊᖓᔪᖅᑳᖓ ᐸᐅᓗᓯ ᐊᕿᐊᕈᖅ.
“ᑖᒃᑯᐊ ᑮᓇᐅᔭᐃᑦ ᐱᓯᒪᓚᐅᓐᖏᑦᑕᕗᑦ ᑕᐃᒪᐃᒻᒪᑦ ᐱᕕᒃᓴᖃᖅᑎᑦᑎᒃᑲᓐᓂᕐᒪᑕ ᓴᖅᑭᑎᑦᑎᔪᓐᓇᕐᓗᑕ ᓄᑖᓂᒃ ᐱᔭᒃᓴᓂᑦ ᐃᓄᓐᓄᑦ ᕿᑭᖅᑕᓂᒥᐅᓄᑦ ᐊᒻᒪᓗ ᑐᓴᕐᕕᒋᔪᒪᓪᓗᒋᑦ ᓄᓇᓕᒻᒥᐅ ᖃᓄᖅ ᑭᓱᓄᓪᓗ ᑖᒃᑯᐊ ᑮᓇᐅᔭᐃᑦ ᐊᑐᖅᑕᐅᓇᔭᕐᒪᖔᑖᒃ.”
ᑖᒃᑯᐊ ᓄᓇᓕᓐᓂ ᐃᓕᓐᓂᐊᖅᑎᑦᑎᖃᑦᑕᕐᓂᐅᓂᐊᖅᑐᑦ ᐃᒪᐃᓕᖓᓂᐊᖅᑐᑦ ᑐᑭᓯᒍᑎᒃᓴᓂᒃ ᓴᖅᑭᑎᑦᑎᓗᑎᒃ ᑭᖑᓂᐊᒍᓪᓗ ᐱᓕᕆᑎᑕᐅᓗᑎᒃ ᐃᓚᒋᔭᐅᖃᑕᐅᔪᑦ ᑲᑎᒪᓂᕐᒥᒃ ᐊᒻᒪᓗ ᐱᔭᕇᕈᑎᖃᕐᓗᑎᒃ ᓂᐅᖅᑲᕐᓂᕐᒥᒃ ᐊᒻᒪᓗ ᓄᓪᓗᒐᒃᓴᐃᓪᓗ ᑲᒪᒋᔭᐅᓗᑎᒃ. ᐃᓚᒋᔭᐅᔪᑦ ᓵᓚᖃᕈᓐᓇᕐᓂᐊᖅᑐᑦ ᒐᓯᑖᕈᑎᓂᒃ ᓂᕿᑖᕈᑎᓂᓗ, ᕿᓯᓐᓂᒃ, ᐅᖃᓕᒫᒐᓂᒃ, ᓂᔾᔭᐅᓯᔭᐅᑎᓂᒃ ᐊᒻᒪᓗ ᐊᓯᖏᓐᓂ.
ᐃᓄᐃᑦ ᕿᑭᖅᑕᓂ ᐃᓚᒋᔭᐅᖃᑕᐅᔪᓐᓇᕐᓂᐊᓐᖏᑦᑐᑦ ᑐᑭᓯᒋᐊᕆᐊᕐᓂᐅᓂᐊᖅᑐᒥᒃ ᐱᕕᒃᓴᖃᖅᑎᑕᐅᓂᐊᕐᒥᔪᑦ ᑕᑕᑎᒐᒃᓴᒥᒃ ᑕᑕᑎᖅᓯᓗᑎᒃ. ᑖᓐᓇ ᑕᑕᑎᒐᒃᓴᖅ ᐊᑐᐃᓐᓇᕈᖅᑕᐅᓯᒪᔪᖅ ᐃᑭᐊᖅᑭᕕᑦᑎᓐᓂ (qia.ca) ᐊᒻᒪᓗ ᑐᕕᑐᒃᑯᑦ (@Qikiqtani_Inuit) ᐊᒻᒪᓗ ᕙᐃᔅᐳᒃᑯᑦ (Qikiqtani Inuit Assoc.). ᑕᑕᑎᒐᒃᓴᖅ ᐱᔭᐅᔪᓐᓇᕐᒥᔪᖅ ᑕᐃᑲᓂ ᕿᑭᖅᑕᓃᒃᑯᑦ ᓄᓇᓕᓐᓂ ᑐᓴᐅᒪᑎᑦᑎᔨᐅᔪᓂᑦ. ᑕᑕᑎᖅᑕᐅᓯᒪᔪᓕᒫᑦ ᑐᓂᔭᐅᓯᒪᒋᐊᖃᖅᐳᑦ ᒪᔾᔨ 31, 2017ᖑᓚᐅᓐᖏᓐᓂᖓᓂ.
ᓯᕿᓐᖑᔭᖓ/ᓇᒦᓐᓂᕆᔭᖏᑦ ᑐᑭᓯᒋᐊᕆᐊᕐᓂᐅᔪᑦ:
ᓯᑕᒻᒥᕐᒥ ᕖᕝᕗᐊᓕ 23 – ᐃᖃᓗᐃᑦ
ᐊᖕᓕᑲᒃᑯᑦ ᑲᑎᒪᕕᐊᓂ, 6pm
ᓇᒃᑲᔾᔭᐅ ᕖᕝᕗᐊᓕ 27 – ᐸᓐᓂᖅᑑᕐᒥ
ᓄᓇᓕᐅᑉ ᐱᓐᖑᐊᕐᕕᖓᓂ, , 6pm
ᐊᐃᑉᐱᖅ ᕖᕝᕗᐊᓕ 28 – ᕿᑭᖅᑕᕐᔪᐊᕐᒥ
ᓄᓇᓕᐅᑉ ᐱᓐᖑᐊᕐᕕᖓᓂ, , 6pm
ᓇᒃᑲᔾᔭᐅ, ᒪᔾᔨ 6 – ᑲᖏᖅᑐᒑᐱᖕᒥ
ᓄᓇᓕᐅᑉ ᐱᓐᖑᐊᕐᕕᖓᓂ, , 6pm
ᐊᐃᑉᐱᖅ ᒪᔾᔨ 7 – ᒥᑦᑎᒪᑕᓕᖕᒥ
ᓄᓇᓕᐅᑉ ᐱᓐᖑᐊᕐᕕᖓᓂ, , 6pm
ᐊᐃᑉᐱᖅ ᒪᔾᔨ 7 – ᓴᓂᑭᓗᐊᕐᒥ
ᖁᕝᕙᐅᒪᓂᖅᓴᒥᒃ ᐃᓕᓐᓂᐊᕐᕕᐅᑉ ᐃᖃᐃᓕᓴᕐᕕᐊᓂ, 6pm
ᓇᒃᑲᔾᔭᐅ ᒪᔾᔨ 13 – ᓴᓂᕋᔭᖕᒥ
ᓄᓇᓕᐅᑉ ᐱᓐᖑᐊᕐᕕᖓᓂ, , 6pm
ᓇᒃᑲᔾᔭᐅ ᒪᔾᔨ 13 – ᑭᒻᒥᕈᒻᒥ
ᐋᑲᕙᒃ ᑲᑎᑦᑕᕐᕕᒻᒥ, 6pm
ᐊᐃᑉᐱᖅ ᒪᔾᔨ 14 – ᐃᒡᓗᓕᖕᒥ
ᓄᓇᓕᐅᑉ ᐱᓐᖑᐊᕐᕕᖓᓂ, , 6pm
ᓯᑕᒻᒥᖅ, ᒪᔾᔨ 23 – ᑭᓐᖓᐃᑦ
ᓄᓇᓕᐅᑉ ᐱᓐᖑᐊᕐᕕᖓᓂ, , 6pm
ᓇᒃᑲᔾᔭᐅ ᒪᔾᔨ 27 – ᐃᒃᐱᐊᕐᔪᖕᒥ
ᓄᓇᓕᐅᑉ ᐱᓐᖑᐊᕐᕕᖓᓂ, , 6pm
ᐊᐃᑉᐱᖅ ᒪᔾᔨ 28 – ᖃᐅᓱᐃᑦᑐᕐᒥ
ᓄᓇᓕᐅᑉ ᐱᓐᖑᐊᕐᕕᖓᓂ, , 6pm
ᐱᖓᑦᓯᕐᒥ ᒪᔾᔨ 29 – ᐊᐅᓱᐃᑦᑐᕐᒥ
ᓄᓇᓕᐅᑉ ᐱᓐᖑᐊᕐᕕᖓᓂ, 6pm
ᑖᒃᑯᐊ ᐅᓪᓗᐃᑦ ᐊᓯᔾᔨᑐᐃᓐᓇᕆᐊᖃᕐᒪᑕ ᓯᓚ ᐱᔾᔪᑎᒋᓪᓗᒍ/ᖃᖓᑕᓲᕐᓗ ᖃᓄᐃᓐᓂᕆᔭᖏᑦ
ᑐᑭᓯᒋᐊᒃᑲᓐᓂᕈᒪᒍᕕᑦ, ᑐᑭᓯᒋᐊᕐᕕᒋᒍᒃ ᐅᓇ:
ᓰᒪ ᓴᕼᐊᕐ ᓯᐊᕋᕼᐃ, ᑐᑭᒧᐊᖅᑎᑦᑎᔨ, ᑐᓴᐅᒪᖃᑦᑕᐅᑎᓕᕆᓂᕐᒧᑦ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ
szerehi@qia.ca, (867) 975.8413, 1.800.667.2742
