ᐃᖃᓗᐃᑦ, ᓄᓇᕗᑦ – ᓯᑎᐱᕆ  14, 2021 –ᕿᑭᖅᑕᓃᒃᑯᑦ ᐊᔭᐅᖅᑐᐃᕗᑦ ᒪᓕᒐᓕᐅᖅᑎᓂᒃ ᑲᔪᓯᑎᑦᑎᖁᔨᙱᖦᓗᑎᒃ ᓂᕈᐊᕈᑎᖃᕐᓂᐊᖅᑎᓪᓗᒋᑦ ᐱᖁᔭᒃᓴᒥᒃ 55

“ᑖᓐᓇ ᐱᖁᔭᒃᓴᖅ ᒫᓐᓇᒃᑯᑦ ᖃᓄᐃᓕᖓᓂᖓ ᒪᓕᒡᓗᒍ ᐊᒃᑐᐃᓂᖃᕐᓂᐊᕐᒪᑦ ᐃᓄᖕᓄᑦ ᓄᓇᕗᒥ ᑖᒻᒪᖅᓯᒪᑐᐃᓐᓇᕆᐊᖃᖅᑐᒥᒃ ᑐᑭᓕᐅᖅᑕᐅᓂᖓᓂᒃ ᓄᓇᕗᒥ ᐊᖏᕈᑎᖓᓂ,” ᐅᖃᖅᑐᖅ ᕿᑭᖅᑕᓃᒃᑯᑦ ᐊᖓᔪᖅᑳᖓ ᐅᓛᔪᒃ ᐊᑭᓱᒃ. “ᓄᓇᕗᑦ ᒐᕙᒪᒃᑯᑦ ᓈᓚᒐᓱᙱᓐᓂᖏᓐᓂᒃ ᐃᓱᒫᓘᑎᒋᔭᐅᔪᓄᑦ ᓴᖅᑭᑕᐅᔪᓂᒃ ᕿᑭᖅᑕᓃᒃᑯᓐᓄᑦ ᐊᒻᒪ ᐊᓯᓂᒃ ᐃᓄᖕᓄᑦ ᑎᒥᖁᑎᒋᔭᐅᔪᓄᑦ ᐅᖃᐅᓯᐅᖃᑦᑕᖅᓯᒪᔪᓂᒃ ᓄᓇᕗᑦ ᒐᕙᒪᒃᑯᓐᓄᑦ ᐊᕐᕌᒍᓂ ᖄᖏᖅᓯᒪᔪᓂᒃ, ᐊᒻᒪᓗ ᐊᔭᐅᖅᑐᐃᕗᖓ ᒪᓕᒐᓕᐅᖅᑎᓂ ᐃᓱᒪᓕᐅᕈᑎᖃᑦᑎᐊᖁᓪᓗᒋᑦ ᖃᓄᖅ ᓂᕈᐊᕐᓂᐊᕐᓂᖏᓐᓄᑦ.”

ᐱᖁᔭᒃᓴᖅ 55 ᒥᓕᔭᖏᓐᓂᒃ ᐊᑮᑦᑐᖅᑖᕈᑕᐅᑐᐃᓐᓇᕆᐊᓕᒃ ᐃᓄᖕᓄᑦ ᑎᒥᖁᑎᒋᔭᐅᔪᓄᑦ ᑕᒪᒃᑯᐊ ᐅᔭᕋᕐᓂᐊᕐᓂᓕᕆᔨᒃᑯᑦ ᑖᒃᓰᔭᕆᐊᓕᖏᓕᓐᓂᑦ ᑖᒃᓰᔭᑦᑎᐊᖃᑦᑕᙱᑉᐸᑕ.  ᑖᓐᓇ ᐱᖁᔭᒃᓴᖅ ᐊᒃᑐᖅᓯᒪᓂᐊᕐᒥᔪᖅ ᐅᔭᕋᕐᓂᐊᕐᓂᓕᕆᔨᓂᒃ ᓄᓇᕗᒦᑦᑐᓄᑦ ᐅᓗᕆᐊᓇᖅᑐᒦᑎᑦᑎᑐᐃᓐᓇᕆᐊᖃᖅᑐᓄᑦ ᐊᕕᒃᑐᖅᓯᒪᔪᓂ ᐃᓄᐃᑦ ᑲᑐᔾᔨᖃᑎᒌᓄᑦ ᐊᖏᕋᔭᖅᐸᑕ ᐅᔭᕋᕐᓂᐊᕈᓐᓇᕐᓂᖅ ᐃᓄᐃᑦ ᓄᓇᖁᑎᖏᓐᓂᒃ.

ᐃᓄᐃᑦ ᑎᒥᖁᑎᖏᑦ ᐃᖅᑲᖅᑐᐃᕝᕕᒃᑰᖅᑎᑦᑎᑐᐃᓐᓇᕆᐊᖃᖅᑐᑦ ᓄᓇᕗ ᒐᕙᒪᒃᑯᑦ ᑲᔪᓯᑎᑦᑎᑉᐸᑕ ᐱᖁᔭᒃᓴᖅ 55 ᐱᖁᔭᙳᕋᔭᖅᐸᑦ ᓄᓇᕗᒥ.

ᐱᖁᔭᒃᓴᖅ-55 ᓱᕐᓗ ᓇᐅᒃᑰᕋᓗᐊᖅᐸᑦ ᓵᓚᐅᓂᐊᖅᑐᑦ ᐃᓄᐃᑦ ᐊᒻᒪᓗ ᓄᓇᕗᑦ − ᓄᓇᕗᑦ ᐱᐅᓂᖅᓴᒃᑯᑦ ᐱᓕᕆᒃᑲᓐᓂᕈᓐᓇᖅᑐᑦ.

ᑐᑭᓯᒃᑲᓐᓂᕈᒪᒍᕕᑦ, ᖃᐅᔨᒋᐊᕐᕕᒃᓴᖅ:

ᕕᐅᓪ ᕼᐋᑉᑭᓐᔅ,
ᑐᑭᒧᐊᒃᑎᑦᑎᔨ ᑐᓴᐅᒪᖃᑦᑕᐅᑎᓄᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ
whopkins@qia.ca
867.975.8413/1.800.667.2742