ᕿᑭᖅᑕᓃᒃᑯᑦ ᐅᒡᒍᐊᕐᓂᖃᕐᔪᐊᖅᐳᑦ ᐃᖅᑲᖅᑐᐃᔨᒻᒪᕆᒃ ᒧᕇ ᓯᖕᑭᓪᐅ ᐃᓅᔪᓐᓃᕐᓂᖓᓂᒃ
ᐃᖃᓗᐃᑦ, ᓄᓇᕗᑦ, ᓄᕕᐱᕆ 5, 2024 – ᕿᑭᖅᑕᓃᒃᑯᑦ,ᑲᑎᒪᔨᓕᒫᖏ, ᐃᖅᑲᓇᐃᔭᖅᑎᖏᓪᓗ ᐅᒡᒍᐊᕈᓱᖃᑕᐅᕗᑦ ᓇᒡᓕᒍᓱᒃᖢᑎᒡᓗ ᐃᓚᑯᓗᖏᓐᓄᑦ ᐃᖅᑲᖅᑐᐃᔨᒻᒪᕆᒃ ᒧᕇ ᓯᖕᑭᓪᐅ, ᐃᓅᔪᓐᓃᖅᑲᐅᖕᒪᑦ ᐅᓪᓗᒥ ᐅᑭᐅᖃᓕᖅᖢᓂ 71ᓂᒃ.
ᐃᖅᑲᖅᑐᐃᔨᒻᒪᕆᒃ ᒧᕇ ᑲᓇᑕᒥᐅᓂᒃ ᐱᓕᕆᐊᕆᓯᒪᔭᖏᑦ ᑲᓇᑕᓕᕆᓂᐅᑉ ᓄᓇᖃᖅᑳᖅᓯᒪᔪᓕᕆᓂᐅᑉ ᐊᑐᐊᒐᖏᓐᓂᒃ ᐃᔾᔪᐊᒐᒃᓴᐅᖏᑦᑐᒥᒃ ᐱᓕᕆᕐᔪᐊᖅᓯᒪᕗᖅ. ᒪᓂᑑᐸᒥᐅᑕᐅᓪᓗᓂ ᓯᕗᓪᓕᖅᐹᖑᔪᖅ ᓄᓇᖃᖅᑳᖅᑐᓂᖔᖅᓯᒪᓪᓗᓂ ᐃᖅᑲᖅᑐᐃᔨᕐᔪᐊᙳᖅᓯᒪᓂᖓ, ᑕᐃᒪᐃᓚᐅᖅᓯᒪᔾᔮᕋᓱᒋᔭᐅᖏᑦᑐ ᐱᙳᖅᑎᖦᖢᓂᐅᒃ ᑲᓇᑕᓕᒫᒥ. ᓯᖕᑭᓪᐅ ᖃᐅᔨᒪᔭᐅᖕᒪᑦ ᐃᓕᓴᕆᔭᐅᓯᒪᕐᔪᐊᕐᓂᖓᓄᑦ ᐃᒃᓯᕙᐅᑕᐅᓚᐅᕐᒪᑦ ᓯᓕᔪᒃᑯᑦ ᐃᓱᒪᒋᔪᓐᓇᐃᖅᓯᓂᒃᑯᓪᓗ ᑭᒡᓕᓯᓂᐊᖅᐸᓪᓕᐊᓕᖅᑎᓪᓗᒋᑦ, ᑲᒪᒋᓪᓗᓂᒋᓪᓗ ᐅᐸᒃᐸᒃᖢᓂᒋᓪᓗ 6000 ᐅᖓᑖᓃᑦᑐᑦ ᖃᐅᔨᓴᕐᕕᐅᔪᑦ ᓱᓕᔪᓂᒃ ᓴᖅᑭᑦᑏᓇᓱᒃᑎᓪᓗᒋᑦ ᑲᓇᑕᐅᑉ ᒐᕙᒪᖓᑕ ᐃᓚᐅᓂᕆᓚᐅᖅᑕᖏᑦ ᐱᓕᕆᓂᕆᓚᐅᖅᑕᖏᓪᓗ ᐃᓕᓐᓂᐊᕆᐊᖅᑎᑦᑎᖃᑦᑕᖅᑎᓪᓗᒋᑦ, ᖃᐅᔨᑲᓪᓗᓂᓗ ᓄᓇᖃᖅᑳᖅᑐᑦ ᓄᑕᕋᖏᑦ ᐊᒃᑐᖅᑕᐅᕐᔪᐊᕈᑎᖃᕐᒪᑕ ᑕᒪᑐᒧᖓ.
“ᕿᑭᖅᑕᓃᒃᑯᑦ ᓴᐃᒪᖃᑎᒌᖕᓂᕐᒥᒃ ᐱᓕᕆᐊᖃᐃᓐᓇᖅᐳᑦ. ᖃᐅᔨᒪᑦᑎᐊᕆᐊᖃᖅᑕᕗᑦ ᐱᒻᒪᕆᕐᔪᐊᕌᓗᒃᑯᑦ ᐃᑲᔪᖅᓯᒪᖕᒪᑦ ᐃᖅᑲᖅᑐᐃᔨᒻᒪᕆ ᓯᖕᑭᓪᐅ ᓄᓇᖃᖅᑳᖅᑐᓂᒃ ᑲᓇᑕᓕᒫᒥ, ᐅᓪᓗᒥ ᕿᒃᓵᖃᑕᐅᕗᒍᑦ ᐃᓅᔪᕐᓃᕐᓂᕋᖅᑕᐅᓂᖓᓄᑦ.” ᕿᑭᖅᑕᓂᒃᑯᑦ ᐊᖓᔪᖅᑳᖓ ᐅᖃᖅᑐᖅ, ᐅᓛᔪᒃ ᐊᑭᓱᒃ.
ᐃᖅᑲᖅᑐᐃᔨᒻᒪᕆᒃ ᓯᖕᑭᓪᐅ ᐃᖃᖢᑉᓄᐊᓚᐅᖅᓯᒪᕗᖅ 2010 ᓱᓕᔪᒃᑯᑦ ᐃᓱᒪᒋᔪᓐᓇᐃᖅᓯᓂᒃᑯᓪᓗ ᑭᒡᓕᓯᓂᐊᕐᓂᖅ ᐱᒋᐊᖅᑎᒋᐊᖅᖢᓂᒃ. ᓯᖕᑭᐅᓪ ᑲᓇᑕᐅᑉ ᑲᑎᒪᕕᒡᔪᐊᖓᓂ ᐃᑦᑐᕆᔭᐅᓕᓚᖑᐅᖅᑐᖅ 2016ᒥ ᐱᓕᕆᐊᖓ ᐃᓱᓕᓐᓇᓱᖕᓂᖓᓄᑦ 2021ᒧᑦ ᑲᓇᑕᒥᓪᓗ ᐱᓕᕆᕐᔪᐊᖅᑎᐅᓂᖓᓄᑦ ᐃᓕᓴᕆᔭᐅᓚᐅᖅᖢᓂ 2022ᒥ.
ᑐᓴᕆᐊᒃᑲᓐᓂᕈᒪᒍᕕᑦ ᐱᕙᓪᓕᐊᔪᓂᒃ, ᑐᓴᕐᕕᒋᒋᐊᕈᒃ:
ᑭᐅᕆᓐ ᕕᓕᐅᕋᑎ
ᑐᑭᒧᐊᒃᑎᑦᑎᔨ, ᑐᓴᐅᒪᔪᓕᕆᓂᕐᒧᑦ
ᕿᑭᖅᑕᓂ ᐃᓄᐃᒃ ᑲᑐᔾᔨᖃᒌᖏᑦ
(ᐅ) 867.975.8398 ᐊᑭᖃᖏᑦᑐᒃᑯᓪᓘᓐᓃᑦ 1.800.667.2742
