ᐃᖃᓗᐃᑦ, ᓄᓇᕗᑦ –ᐄᐳᓪ 25, 2024 ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᑮᓇᐅᔭᖃᖅᑎᑦᑎᔨᐅᔪᑦ 2024ᒥ ᓄᓇᕗᒥ ᕿᒧᒃᓯᐅᔾᔪᐊᖅᑐᓄᑦ, ᑕᕝᕙᓂ ᐊᕐᕌᒍᒥ ᖁᕕᐊᓲᑎᖃᕐᒪᑕ 25ᓂ ᐊᕐᕌᒍᓂᒃ ᕿᒧᒃᓯᐅᔾᔪᐊᖅᑎᑦᑎᓯᒪᓕᕐᓂᖏᓐᓄᑦ. ᖁᓖᑦ ᕿᒧᒃᓯᐅᔾᔪᐊᓚᐅᖅᑐᑦ ᐊᒻᒪᓗ ᐃᖏᕐᕋᓪᓗᑎᒃ 238 ᕿᓛᒥᑕᔅᓂ ᐅᖓᓯᖕᓂᓕᖕᒥ 7ᓄᑦ ᐅᓪᓗᓄᑦ ᐃᖏᕐᕋᓯᓪᓗᑎᒃ ᐃᒃᐱᐊᕐᔪᖕᒥᑦ ᒥᑦᑎᒪᑕᓕᖕᒧᑦ.
ᐅᕝᕙᐅᕗᑦ ᖃᓄᐃᓕᖓᓚᐅᕐᓂᖏᑦ ᕿᒧᒃᓯᐅᔾᔪᐊᖅᑐᑦ:
1st ᔨᓂᐅᓪ ᓇᓄᕋᕐᒃ ᐅᑕᒃ, ᐃᑲᕐᕋᖏᑦ: 33H 58M 38S
2nd ᑖᒻ ᓇᕿᑕᕐᕕᒃ, ᐃᑲᕐᕋᖏᑦ: 34H 32M 31S
3rd ᓖ ᐃᓄᐊᕋᖅ, ᐃᑲᕐᕋᖏᑦ: 36H 02M 58S
4th ᑕᐃᕕᑦ ᐆᔪᑯᓗᒃ, ᐃᑲᕐᕋᖏᑦ: 36H 03M 30S
5th ᔮᔅᓱᐊ ᕿᓕᖅᑎ ᐃᕙᓗ, ᐃᑲᕐᕋᖏᑦ: 36H 57M 41S
6th ᐊᓐᓄᓘ ᐱᓕᐴᓯ ᑕᖅᑐ, ᐃᑲᕐᕋᖏᑦ: 37H 17M 50S
7th ᑖᓄᕙᓐ ᖃᐅᓐᓇᖅ ᐃᑲᕐᕋᖏᑦ: 38H 35M 37S
8th ᔨᐊᕆᒥ ᑯᓄ, ᐃᑲᕐᕋᖏᑦ: 39H 13M 44S
9th ᑖᓂᐊᓕ ᐃᓄᐊᕋᖅ, ᐃᑲᕐᕋᖏᑦ: 43H 15M 39S
10th ᐆᕕᓐ ᔭᕋᕆᒃᑯ, ᐃᑲᕐᕋᖏᑦ: 44H 19M 10S
ᕿᑭᖅᑕᓃᒃᑯᑦ ᐃᑲᔪᕐᓂᖏᑦ ᓄᓇᕗᒥ ᕿᒧᒃᓯᐅᔾᔪᐊᖅᑐᓂᒃ ᐱᖃᓯᐅᑎᓯᒪᔪᑦ ᓵᓚᖃᐅᓯᐊᒃᓴᓂᒃ ᑮᓇᐅᔭᓂᒃ, ᖃᒧᑕᐅᔭᓄᑦ ᒑᓯᑖᕈᑎᒃᓴᓂᒃ ᐅᖅᓱᖅᑎᕈᑎᑖᕈᑎᒃᓴᓂᒃ ᐊᒻᒪᓗ ᐃᑲᔪᕈᑎᒃᓴᓂ ᖃᒧᑕᐅᔭᓂᒃ, ᓂᕿᓂᒃ ᑕᒻᒫᖃᑦᑕᖅᑎᓪᓗᒋᑦ ᓄᖅᑲᖅᑕᕐᕕᖕᓂᑦ, ᐊᑭᓕᐅᓯᐊᒃᓴᓂᒃ ᓯᕿᙳᔭᓕᕆᔨᓄᑦ, ᖃᒧᑕᐅᔭᖅᑐᓄᑦ, ᕿᒻᒥᐅᑉ ᓂᕿᒃᓴᖏᓐᓂᒃ ᐊᒻᒪᓗ ᐆᒪᔪᓄᑦ ᓗᑖᓂᒃ ᐊᑐᖅᑕᐅᓂᐊᖅᑐᒥᒃ ᕿᒧᒃᓯᐅᔾᔪᐊᖅᑐᓄᑦ ᐊᒻᒪᓗ ᓄᓇᓕᖕᒥᐅᑦ ᓂᕆᕕᔾᔪᐊᖅᑎᑕᐅᓂᖏᓐᓄᑦ ᒥᑦᑎᒪᑕᓕᖕᒥ.
ᐊᒃᓱᐊᓗᒃ ᖁᕕᐊᓇᓚᐅᖅᑐᖅ ᑕᕝᕙᓂ ᐊᕐᕌᒍᒥ ᕿᒧᒃᓯᐅᔾᔪᐊᖅᑎᓪᓗᒋᑦ ᐃᓕᓐᓂᐊᖅᑎᓂᑦ ᐃᒡᓗᓕᖕᒥᑦ ᒪᓕᒃᑐᖃᓚᐅᕐᒪᑦ. ᐃᑲᔪᖅᑕᐅᓪᓗᑎᒃ ᐃᓚᒌᒃᑐᓄᑦ ᑮᓇᐅᔭᓂᑦ, ᑖᒃᑯᐊ ᐃᓕᓐᓂᐊᖅᑏᑦ ᐃᖏᕐᕋᖃᑕᐅᓚᐅᖅᑐᑦ ᐃᒃᐱᐊᕐᔪᖕᒥᑦ ᒥᑦᑎᒪᑕᓕᖕᒧᑦ ᐊᒻᒪᓗ ᖃᐅᑕᒫᑦ ᐊᐱᖅᓱᖅᑕᐅᕙᒃᖢᑎᒃ ᓄᓇᑦᓯᐊᖅ ᐱᕙᓪᓕᐊᔪᓕᕆᔨᖏᓐᓄᑦ. ᐃᓕᓐᓂᐊᖅᑏᑦ ᐃᓕᓐᓂᐊᖅᑕᒥᖕᓂᑦ ᓈᓴᐅᑎᑖᖅᑎᑕᐅᔪᓐᓇᓚᐅᕐᒪᑕ ᐃᓕᓐᓂᐊᕌᓂᖕᓂᐊᖅᑐᑦ. ᑕᐃᒪᐃᓕᐅᕐᓂᕗᑦ ᑲᔪᓯᖁᓇᖅᑐᑦ ᓯᕗᓂᕐᒥᒃ ᐃᓕᓐᓂᐊᖅᑎᑦ ᐃᓚᒋᔭᐅᖃᑦᑕᕐᓗᑎᒃ ᕿᑭᖅᑖᓗᖕᒥ ᐃᓕᓐᓂᐊᖅᑐᑦ.
ᖁᔭᓐᓇᒦᒃ ᐃᑲᔪᓚᐅᖅᑐᓗᒃᑖᑦ, ᕿᒧᒃᓯᐅᔾᔪᐊᓚᐅᖅᑐᑦ ᐊᒻᒪᓗ ᓄᓇᓕᖕᒥᐅᑕᐃᑦ ᑲᔪᓯᑦᑎᐊᕈᓐᓇᖅᓯᓚᐅᕐᒪᑦ ᓄᓇᕗᒥ ᕿᒧᒃᓯᐅᔾᔪᐊᕐᓂᖓ. ᕿᒧᒃᓯᖅᑏᑦ ᕿᑭᖅᑖᓗᖕᒥ ᑲᔪᓯᑦᑎᐊᓚᐅᕐᒪᑦ ᐊᒻᒪᓗ ᓂᕆᐅᒋᔭᖃᖅᐳᒍᑦ ᐊᕐᕌᒍ ᕿᒧᒃᓯᐅᕐᔪᐊᕐᓂᖃᓛᕐᓂᖏᓐᓂᑦ ᐃᖏᕐᕋᓯᓗᑎᒃ ᒥᑦᑎᒪᑕᓕᖕᒥᑦ ᐃᒡᓗᓕᖕᒧ.
ᑐᑭᓯᒃᑲᓐᓂᕈᒪᒍᕕᑦ, ᖃᐅᔨᒋᐊᕐᕕᒃᓴᖅ:
ᑭᐊᕋᓐ ᕙᓚᕋᑎ
ᑐᑭᒧᐊᒃᑎᑦᑎᔨ, ᑐᑭᒧᐊᒍᑎᒃᓴᓄᑦ ᑐᓴᐅᒪᖃᑦᑕᐅᑎᔾᔪᑎᓂᒃ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ
(P) 867.975.8398 ᐊᑭᖃᙱᑦᑐᒧᓪᓘᓐᓃᑦ 1.800.667.2742
