ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᖁᕕᐊᓱᒃᖢᑎᒃ ᑐᓴᖅᑎᑦᑎᔪᒪᕗᑦ ᐃᑲᔪᕐᓂᐊᕐᓂᖏᓐᓄᑦ $100,000ᓂ ᐅᖂᑕᖅ ᐊᖑᑎᓄᑦ ᐃᓪᓗᒋᔭᐅᓂᐊᖅᑐᒧᑦ ᐃᖃᓗᖕᓂᑦ.

ᕖᕝᕗᐊᓕ 2018ᒥ, ᑭᒡᒐᖅᑐᐃᔨᓂᒃ ᐅᖂᑕᖅ ᑲᑐᔾᔨᖃᑎᒌᖏᓐᓂᑦ ᐊᒻᒪᓗ ᓄᓇᓕᐸᐅᔭᒃᑯᓐᓂᑦ ᐃᖃᓗᖕᓂᑦ ᐅᓂᒃᑳᕆᐊᖅᑐᓚᐅᖅᓯᒪᔪᑦ ᕿᑭᖅᑕᓃᒃᑯᑦ ᑲᑎᒪᔨᖏᓐᓄᑦ ᐱᔾᔪᑎᒋᓪᓗᒍ ᐊᖑᑎᓄᑦ ᐊᖏᕐᕋᖃᓐᖏᑦᑐᓄᑦ ᐃᓪᓗᒃᓴᐅᑉ ᒥᒃᓵᓄᑦ ᐃᖃᓗᖕᓂ. ᕿᑭᖅᑕᓃᒃᑯᑦ ᑲᑎᒪᔨᖏᑦ ᐅᓂᑳᖅᑕᐅᔪᓂᒃ ᐊᒃᑐᖅᑕᐅᓚᐅᕐᒪᑕ, ᐊᒻᒪᓗ ᐃᑲᔪᕈᒪᓕᖅᖢᑎᒃ.

ᒪᐃᒥ 2018ᒥ ᕿᑭᖅᑕᓃᒃᑯᑦ ᓯᕗᓕᖅᑏᑦ ᑲᑎᒪᔨᓂᑦ ᑲᑎᒪᑎᓪᓗᒋᑦ, ᐱᖁᔨᕗᖔᕈᑎᒥᒃ ᓴᖅᑭᑎᑦᑎᓚᐅᖅᑐᑦ ᐃᑲᔪᕈᓐᓇᕐᓂᐊᖅᖢᑎᒃ $100,000ᓂ ᐊᖑᑎᓄᑦ ᐊᖏᕐᕋᖃᓐᖏᑦᑐᓄᑦ ᐃᓪᓗᒃᓴᖓᓄᑦ.

“ᐊᑭᑭᑦᑐᓂᒃ ᐃᓪᓗᒃᓴᖃᓐᖏᓐᓂᖅ ᐊᒻᒪᓗ ᐊᖏᕐᕋᖃᓐᖏᓐᓂᖅ ᐊᒥᓱᓄᑦ ᐃᓄᖕᓂ ᐊᒃᑐᐃᒍᑕᐅᖕᒪᑦ ᓄᓇᑦᑎᓐᓂ.” ᐅᖃᖅᑐᖅ ᕿᑭᖅᑕᓃᒃᑯᑦ ᐊᖓᔪᖅᑳᖓᑦ ᐸᐅᓗᓯ ᐊᕿᐊᕈᖅ, “ᑖᓐᓇ ᐱᓕᕆᐊᒃᓴᖅ ᐱᒋᐊᕈᑎᑦᑎᐊᕙᒃ ᐊᓯᔾᔩᒍᓐᓇᖅᑐᓂᒃ ᐃᓄᐃᑦ ᐃᓅᓯᖏᓐᓂᒃ ᐃᑲᔪᖅᑕᐅᒋᐊᖃᖅᑐᓄᑦ.”

ᕿᑭᖅᑕᓃᒃᑯᑦ ᑎᓕᐅᕆᕗᑦ ᐊᓯᖏᓐᓂᑦ ᑎᒥᐅᔪᓂᑦ ᐃᓚᒋᔭᐅᖃᑕᐅᖁᓪᓗᒋᑦ ᑮᓇᐅᔭᓂᒃ ᑲᑎᑦᑎᓇᓱᐊᕐᕕᐅᓇᓱᒃᑐᒥᒃ ᐱᓕᕆᐊᒃᓴᖅ ᑲᔪᓯᑎᑕᐅᔪᓐᓇᖁᓪᓗᒍ.

ᑐᒃᓯᒋᐊᒃᑲᓐᓂᕈᒪᒍᕕᑦ, ᖃᐅᔨᒋᐊᕐᕕᒃᓴᖅ:

ᓰᒪ ᓴᕼᐋᕐ ᓯᐊᕋᕼᐃ,
ᑐᑭᒧᐊᖅᑎᑦᑎᔨ, ᑐᓴᐅᒪᖃᑦᑕᐅᑎᓄᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ
›szerehi@qia.ca
867.975.8413
1.800.667.2742