ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ ᑲᒪᒋᔭᐅᓯᒪᔪᑦ ᓄᓘᔮᓕᕆᓂᕐᒧᑦ ᐊᖏᕈᑎᓂᑦ ᐋᔩᕋᕈᑎᖃᒃᑲᓂᕐᓂᖏᓐᓂ
ᑲᑐᔾᔨᖃᑎᒌᒃᑯᑦ ᐱᔭᕇᕐᓯᕋᑖᔪᒻᒪᑕ ᐋᔩᕋᕈᑎᖃᒃᑲᓂᕐᓂᖏᓐᓂᒃ ᓄᓘᔮᓕᕆᓂᕐᒧᑦ ᐊᖏᕈᑎᓂᑦ. ᐋᔩᕋᕈᑎᖃᒃᑲᓂᕐᓂᖅ ᐊᖏᕈᑎᓂᑦ ᐋᖅᑭᓯᒪᒻᒪᑦ ᐊᑐᖅᑕᐅᖃᑦᑕᕈᒫᕐᓂᐊᖅᑐᓂ ᐱᖓᓱᑦ−ᐊᕐᕌᒍᑦ ᓈᔭᕋᐃᑉᐸᑕ. ᐊᖏᕈᑏᑦ ᐋᔩᕋᕈᑕᐅᒃᑲᓐᓂᖃᑦᑕᕈᓐᓇᕐᖓᑕ ᐊᓯᐊᒍᑦ ᑖᒃᑯᐊ ᑕᒪᕐᒥᒃ ᑲᑐᔾᔨᖃᑎᒌᒃᑯᑦ ᐊᒻᒪᓗ ᐹᕕᓐᓛᓐ ᓴᕕᕋᔭᔅᓴᒥᒃ ᐅᔭᕋᓐᓂᐊᖅᑏᑦ ᐊᖏᕐᓯᒪᑉᐸᑎᒃ. ᑖᓐᓇ ᐋᔩᕋᕈᑎᖃᒃᑲᓂᕐᓂᖅ ᐱᔾᔪᑎᖃᓗᐊᓚᐅᖅᑐᖅ ᐊᑐᕐᓯᒪᔭᖏᓐᓂᒃ ᓯᕗᓪᓕᕐᓂᑦ ᑕᓪᓕᒪᓂᑦ ᐊᕐᕌᒍᓂᑦ ᐊᖏᕈᑎᓂᑦ.
ᐊᖏᕈᑎᓂᑦ ᐋᔩᕋᕈᑎᖃᒃᑲᓐᓂᕆᐊᓯᓚᐅᙱᓐᓂᖏᓐᓂ ᑲᑐᔾᔨᖃᑎᒌᒃᑯᑦ:
- ᓄᓇᓕᓐᓄᑦ ᓇᕈᔪᔪᑦ
- ᐃᖅᑲᓇᐃᔭᕐᕕᒻᒥ ᖃᐅᔨᓴᔪᔪᑦ ᖃᓄᖅ ᐊᖏᕈᑏᑦ ᐊᑑᑎᖃᕐᓯᒪᒻᒪᖔᑕ ᐅᓪᓗᒥᒧᑦ
ᑐᑭᓯᒋᐊᕐᕕᖃᔪᔪᑦ ᓯᕗᓕᖅᑎᓂᑦ ᑲᑎᒪᔨᓂᑦ ᑲᑎᒪᔨᓂᓪᓗ
ᑭᓱᒥᒃ ᐱᔾᔪᑎᖃᔪᒻᒪᑕ ᐋᔩᕋᕈᑎᖃᒃᑲᓂᕐᓂᖏᓐᓂ?
ᐋᖅᑭᒋᐊᕐᓯᓂᖅ ᑖᒃᑯᓂᖓ ᐊᖏᕈᑎᓃᑦᑐᓂᑦ;
- ᐱᓕᒻᒪᔅᓴᐃᓂᖅ ᐃᓕᓐᓂᐊᑎᑦᑎᓂᕐᓗ
- ᐃᖅᑲᓇᐃᔮᑦ ᐊᒻᒪᓗ ᑳᓐᓛᒃᓯᖃᑦᑕᕐᓂᖅ
- ᐃᓅᓯᓕᕆᓂᖅ ᐃᓕᖅᑯᓯᓕᕆᓂᕐᓗ
- ᐊᑐᓕᖅᑎᑦᑎᓂᖅ, ᖃᐅᔨᓴᖃᑦᑕᕐᓂᖅ ᐊᒻᒪᓗ ᐱᖁᔭᑎᒍᑦ ᒪᓕᒐᔅᓴᖃᖅᑎᑦᑎᓂ
ᑲᑐᔾᔨᖃᑎᒌᒃᑯᑦ ᑐᕌᒐᖏᑦ ᐱᓕᒻᒪᔅᓴᐃᓂᕐᒧᑦ ᐃᓕᓐᓂᐊᑎᑦᑎᓂᕐᒧᓪᓗ:
- ᐊᑐᕋᔅᓴᐃᑦ ᐱᓕᒻᒪᔅᓴᐅᑎᔅᓴᐃᑦ ᐃᓕᓐᓂᐊᕋᔅᓴᐃᓪᓗ
- ᐊᑐᐃᓐᓇᐅᓂᖏᑦ ᐃᓕᓐᓂᐊᕈᑎᔅᓴᐃᑦ ᐃᓄᒃᑎᑐᑦ ᐱᖃᑕᐅᒃᑲᓐᓂᖃᑦᑕᖁᔨᓪᓗᑎᒃ.
- ᐃᓕᓐᓂᐊᑎᑦᑎᓂᖅ ᖁᕝᕙᓯᓐᓂᕐᓴᓄᑦ ᐃᖅᑲᓇᐃᔮᔅᓴᓄᑦ ᓲᕐᓗ ᐊᖏᔪᖅᑲᐅᑏᑦ ᐊᐅᓚᑦᑎᕕᐊᓂ, ᐅᐊᔭᓕᕆᔨᐅᓂᕐᒥᒃ ᐊᒻᒪᓗ ᐊᐅᓚᐅᓯᕆᔨᐅᓂᕐᒥ.
- ᐃᓚᒋᔭᐅᓂᕐᓴᐅᓪᓗᑎᒃ ᑲᑐᔾᔨᖃᑎᒌᒃᑯᑦ ᐃᓕᓐᓂᐊᑎᑦᑎᓂᕐᒥ ᐃᖅᑲᓇᐃᔮᔅᓴᓕᕆᓂᕐᒥᓪᓗ ᓄᓘᔮᓕᕆᓂᕐᒧᑦ ᐃᑲᔪᖅᑐᑎᒃ ᐊᑐᖃᑦᑕᕈᓐᓇᖁᓪᓗᒋᑦ ᐱᓇᓱᐊᕋᔅᓴᐅᔪᓂᑦ ᐱᕚᓪᓕᕈᑎᔅᓴᓂᓪᓗ ᐃᓄᓐᓄᑦ.
ᑭᓱᑦ ᑲᔪᓯᑎᑕᐅᓯᒪᕙᑦ ᐱᓕᒻᒪᔅᓴᐃᓂᕐᒥ ᐃᓕᓐᓂᐊᑎᑦᑎᓂᕐᒥᓪᓗ?
- ᓄᓇᑦᑎᓐᓂ ᐃᓕᓐᓂᐊᑎᑦᑎᕕᔅᓴᖅ ᒥᑦᑎᒪᑕᓕᒻᒥ – $10 ᒥᓕᐊᓐ ᓴᓇᒪᓂᕆᓂᐊᖅᑕᖓᓄᑦ ᓴᓇᔭᐅᓂᕆᓂᐊᖅᑕᖓᓄᓪᓗ
- ᑖᓐᓇ ᐃᓕᓐᓂᐊᑎᑦᑎᕕᔅᓴᖅ ᐱᕙᓪᓕᐊᑎᑕᐅᓂᐊᕐᖓᑦ ᑲᑐᔾᔨᖃᑎᒌᒃᑯᓐᓂ ᐹᕕᓐᓛᓐᑯᓐᓂᓪᓗ ᐃᓚᒋᔭᐅᓗᑎᓪᓗ ᒥᑦᑎᒪᑕᓕᒻᒥᐅᑦ ᐊᒻᒪᓗ ᓄᓇᕗᑦ ᐅᑭᐅᖅᑕᖅᑐᒥ ᓯᓚᑦᑐᓴᕐᕕᒃ.
- ᐊᑭᑦᑐᕆᐊᖅᑕᐅᓂᖏᑦ ᐃᓄᓐᓂᑦ ᐃᓕᓐᓂᐊᑎᑦᑎᓂᕐᒧᑦ ᑮᓇᐅᔭᖅᑑᑎᔅᓴᑦ.
- $2.25 ᒥᓕᐊᓐ ᐊᕐᕌᒍᑕᒫᑦ (2018-2021)
- $1.5 ᒥᓕᐊᓐ ᐃᓕᓐᓂᐊᑎᑦᑎᓂᕐᒧᑦ ᑐᕌᖓᔪᑦ ᐃᓄᓐᓄᑦ (2021-2031)
- ᐃᖅᑲᓇᐃᔮᔅᓴᓄᑦ ᐅᐸᓗᖓᐃᕐᓯᒪᓂᕐᒧᑦ ᐃᓕᓐᓂᐊᑎᑦᑎᓂᖅ ᐱᖓᓱᐊᖅᑎᕐᓗᑎᒃ ᐊᕐᕌᒍᑕᒫᑦ ᐹᕕᓐᓛᓐᑯᑦ)
- ᐃᓕᓐᓂᐊᑎᑦᑎᕙᑦᑐᑦ ᐃᒡᓗᓕᒻᒥ, ᓴᓂᕋᔭᒻᒥ, ᐃᒃᐱᐊᕐᔪᒻᒥ, ᒥᑦᑎᒪᑕᓕᒻᒥ ᑲᖏᖅᑐᒑᐱᒻᒥᓗ
- ᐃᓘᓐᓇᑎᒃ ᐃᓄᐃᑦ ᐃᓕᓐᓂᐊᕆᐊᖅᑐᑦ ᐃᖅᑲᓇᐃᔭᖅᑎᑖᖑᖃᑦᑕᓂᐊᕐᖓᑕ ᐹᕕᓐᓛᓐᑯᓐᓄᑦ
- ᐋᓐᓂᐊᕕᒻᒥ ᖃᐅᔨᓴᖅᑕᐅᖃᑦᑕᕆᐊᖃᕐᓂᖏᑦ ᐱᓇᐃᓗᑕᐅᑎᑕᐅᔾᔮᖏᑦᑐᖅ ᐊᑎᓕᐅᖅᑕᐅᖃᑦᑕᕈᓐᓇᕐᓂᖏᓐᓄᑦ
ᑲᑐᔾᔨᖃᑎᒌᒃᑯᑦ ᑐᕌᒐᖏᑦ ᐃᖅᑲᓇᐃᔮᔅᓴᓄᑦ:
- ᓯᕗᓪᓕᐅᔾᔨᓂᖅ ᓈᒻᒪᑦᑐᒥᒃ ᐃᓄᐃᑦ ᐃᖅᑲᓇᐃᔭᖃᑕᐅᖃᑦᑕᖁᓪᓗᒋᑦ
- ᐃᓄᐃᑦ ᐃᖅᑲᓇᐃᔮᖃᕈᒪᕙᒻᒪᑕ ᐃᖅᑲᓇᐃᔮᑦᑎᐊᕙᐅᔪᓂᑦ ᐅᔭᕋᓐᓂᐊᕐᕕᒻᒥ ᐊᒻᒪᓗ ᐊᒥᓱᕈᒃᑲᓐᓂᖁᔨᒻᒪᑕ ᐃᓄᓐᓂᑦ ᐃᖅᑲᓇᐃᔭᖅᑎᐅᕙᑦᑐᓂᑦ
- ᑐᑭᓯᔾᔪᑎᔅᓴᖅᑕᖃᕐᓂᕐᓴᐅᓗᓂ ᐃᖅᑲᓇᐃᔮᔅᓴᓂᑦ ᐱᓇᓱᐊᕋᔅᓴᐅᔪᓂᑦ ᑐᓴᐅᒪᑎᑦᑎᔾᔪᑎᒋᕙᑦᑕᖏᑎᒍᑦ ᐊᒻᒪᓗ ᐃᖅᑲᓇᐃᔮᖑᕙᑦᑐᓂᑦ ᑕᑯᔭᔅᓴᐅᑎᑦᑎᖃᑦᑕᕐᓗᑎᒃ
- ᐊᒥᓱᑦ ᐃᓄᐃᑦ ᐃᓱᒪᕙᒻᒪᑕ ᐊᒥᓲᓗᐊᕆᐊᔅᓴᖏᓐᓂᒃ ᐱᓇᐃᓗᑕᐅᕙᑦᑐᑦ ᐃᖅᑲᓇᐃᔮᔅᓴᓄᑦ ᐅᔭᕋᓐᓂᐊᕐᕕᓐᓂᑦ
ᑭᓱᑦ ᑲᔪᑎᑕᐅᓯᒪᕙᑦ ᐱᓕᒻᒪᔅᓴᐃᓂᕐᒥ ᐃᓕᓐᓂᐊᑎᑦᑎᓂᕐᒥᓪᓗ?
- ᑎᓴᒪᑦ ᐊᑕᐃᓐᓇᓂᐊᖅᑐᒥ ᐃᓂᓖᑦ ᐃᓄᐃᑦ ᐃᖅᑲᓇᐃᔭᖅᑐᓕᕆᓂᕐᒧᑦ ᐅᖃᐅᔾᔨᒋᐊᖅᑏᑦ (ᐃᖅᑲᓇᐃᔭᖅᑎᑖᖑᓯᒪᔪᑦ ᐹᕕᓐᓛᓐᑯᓐᓂᑦ)
- ᑖᒃᑯᐊ ᐃᖅᑲᓇᐃᔭᖅᑏᑦ ᐃᑲᔪᖃᑦᑕᓂᐊᖅᑐᑦ ᐃᓄᓐᓂᑦ ᐃᖅᑲᓇᐃᔭᖅᑎᓂᑦ, ᐃᓚᒋᔭᐅᓪᓗᑎᒃ ᐃᓄᐃᑦ ᐃᖅᑲᓇᐃᔭᖅᑐᑦ ᑳᓐᑐᓛᒃᑕᐅᓯᒪᔪᓄᑦ ᕿᙳᐊᓂ ᓄᓘᔮᓂᓗ
- ᐃᓄᓐᓂᑦ ᐃᖅᑲᓇᐃᔭᖅᑎᔅᓴᕐᓯᐅᖅᑎ (ᐃᖅᑲᓇᐃᔭᖅᑎᑖᖑᔪᔪᖅ, ᐃᓕᓐᓂᐊᖅᑎᑕᐅᓪᓗᓂ ᐹᕕᓐᓛᓐᑯᓐᓂ)
- ᑖᓐᓇ ᐃᖅᑲᓇᐃᔮᖅ ᓄᓇᕗᒥ ᐃᓂᖃᕐᓂᐊᖅᑐᖅ ᐊᒻᒪᓗ ᑲᒪᒋᔭᖃᓗᐊᕐᓂᐊᖅᑐᓂ ᐃᓄᓐᓂᑦ ᓄᓇᕗᒥ
- ᑲᔪᓯᑎᑦᑎᓂᖅ ᑲᑐᔾᔨᖃᑎᒌᒃᑯᑦ ᐃᓄᓐᓂᑦ ᐃᖅᑲᓇᐃᔭᖅᑎᒋᔭᐅᔪᓐᓇᖅᑐᓂᑦ ᐊᑎᓕᐅᕐᓯᕕᖓᑦ, ᑐᑦᑕᕐᕕᒃ
- ᖃᐅᔨᔭᐅᖃᑦᑕᓂᐊᕐᖓᑕ ᐃᓄᐃᑦ ᐃᓕᓐᓂᐊᕈᒪᔪᑦ ᐃᖅᑲᓇᐃᔮᔅᓴᓯᐅᖅᑐᓪᓗ ᐃᖅᑲᓇᐃᔭᖅᑎᑦᑎᕙᑦᑐᓄᑦ ᐊᒻᒪᓗ ᐃᓕᓐᓂᐊᕋᔅᓴᖃᖅᑎᑦᑎᕙᑦᑐᓄᑦ.
- ᐃᓄᐃᑦ ᐃᓘᓐᓇᖏᓐᓂ ᕿᑭᖅᑕᓂ ᓄᓇᓖᑦ ᓯᕗᓪᓕᐅᔾᔭᐅᖃᑦᑕᓂᐊᖅᑐᑦ ᐃᖅᑲᓇᐃᔭᖅᑎᑖᕆᐊᖃᖅᑎᓪᓗᒋᑦ.
- ᑕᒪᓐᓇ ᐱᖃᓯᐅᔾᔨᔪᖅ ᖃᐅᔨᒪᒋᐊᑦᑎᐊᓂᕐᒥᒃ ᐃᓘᓐᓇᖏᓐᓂᒃ ᐃᖏᕐᕋᔾᔪᑎᓄᑦ ᑐᔪᕐᒥᔾᔪᑎᓄᓪᓗ ᐊᑭᖏᓐᓂᒃ ᐊᑭᓕᕐᓱᖅᑕᐅᕙᑦᑐᓂᑦ ᐹᕕᓐᓛᓐᑯᓐᓂᑦ ᐲᕐᓯᕕᐅᔭᕆᐊᖃᙱᓪᓗᑎᒃ ᐊᑭᖏᓐᓂᒃ ᐃᖅᑲᓇᐃᔭᖅᑏᑦ.
- ᐃᓘᓐᓇᑎᒃ ᑕᖅᑮᑦ ᒪᓕᑦᑐᒋᑦ ᐊᕐᕌᒍᒥ ᐊᒻᒪᓗ ᕿᓚᒻᒥᐅᔪᒥᒃ ᐃᖅᑲᓇᐃᔮᔅᓴᐅᑲᐃᓐᓇᐸᑦᑐᑦ ᓴᖅᑭᖅᑎᑕᐅᖃᑦᑕᓂᐊᖅᑐᑦ ᐱᓇᓱᐊᕋᔅᓴᐅᑎᑕᐅᖃᑦᑕᓂᐊᖅᑐᑎᓪᓗ ᐃᓄᓐᓄᑦ.
- ᓄᓇᓕᓐᓂᑦ ᑐᑭᓯᐅᒪᔾᔪᑎᔅᓴᓕᕆᖃᑦᑕᕐᓂᖅ ᐃᖅᑲᓇᐃᔮᔅᓴᐃᑦ ᐃᓕᓐᓂᐊᕋᔅᓴᐃᓪᓗ ᒥᔅᓵᓄᑦ
- ᑐᑭᓯᐅᒪᔾᔪᑎᔅᓴᓕᕆᖃᑦᑕᓂᐊᖅᑐᑦ ᐅᑯᓂᖓᓗᐊᖅ ᓄᓇᓕᓐᓂᑦ ᐃᒡᓗᓕᒃ, ᓴᓂᕋᔭᒃ, ᐃᒃᐱᐊᕐᔪᒃ, ᒥᑦᑎᒪᑕᓕᒃ, ᑲᖏᖅᑐᒑᐱᒃ ᐊᒻᒪᓗ ᐃᖃᓗᐃᑦ (ᐱᖓᓱᑦ ᑕᖅᑮᑦ ᓈᔭᕋᐃᑉᐸᑕ ᑲᒪᖃᑦᑕᕐᓗᑎᒃ ᐹᕕᓐᓛᓐᑯᑦ)
- ᐱᓇᓱᐊᕈᑎᖃᖃᑦᑕᓂᐊᕐᒥᔪᑦ ᓇᕈᖃᑦᑕᕐᓗᑎᒃ ᐃᓘᓐᓇᖏᓐᓄᑦ ᓄᓇᓕᓐᓄᑦ ᓄᓇᑦᑎᓐᓂ.
- ᐃᓕᓯᒪᔭᖏᓐᓂᒃ ᖃᐅᔨᓴᖃᑦᑕᕐᓂᖅ
- ᑕᐃᒫᒃ ᐃᖅᑲᓇᐃᔭᖃᑦᑕᕐᓯᒪᓂᖏᓐᓂᒃ ᐃᓅᓯᖏᓐᓂᓪᓗ ᐊᑐᕐᓯᒪᔭᖏᓐᓂᒃ ᐃᓄᐃᑦ ᖃᐅᔨᓴᖃᑦᑕᕈᓐᓇᓂᐊᖅᑐᑦ ᒪᓕᓪᓗᒋᑦ ᐱᓇᓱᐊᕋᔅᓴᐃᑦ ᐊᒻᒪᓗ ᐊᑐᕐᓯᒪᓕᖅᑕᖏᑦ ᓄᓇᕗᒥ.
- ᐃᓄᓐᓂᑦ ᐃᖅᑲᓇᐃᔭᕐᓯᓐᓈᑦ ᐃᓕᓐᓂᐊᑎᑦᑎᖃᑦᑕᕐᓂᖅ (ᑲᒪᒋᔭᖅ ᐹᕕᓐᓛᓐᑯᓐᓂᑦ ᖁᓕᓄᑦ (10) ᐊᕐᕌᒍᓂᑦ)
- ᐃᓕᓐᓂᐊᑎᑦᑎᕙᑦᑐᑦ ᐃᓄᓐᓂᑦ ᐊᕐᕌᒍᑕᒫᑦ,
- ᒪᕐᕉᒃ ᐃᖅᑲᓇᐃᔮᔅᓵᒃ ᐱᐅᓯᕆᔭᐅᒐᔪᙱᑦᑐᒥ ᐅᔭᕋᓐᓂᐊᕐᓂᓕᕆᕕᐅᕙᑦᑐᓂᑦ ᓲᕐᓗ ᐃᖅᑲᓇᐃᔭᖅᑐᓕᕆᓂᖅ ᐅᕝᕙᓘᓐᓃᑦ ᑮᓇᐅᔭᓕᕆᓂᖅ
- ᑐᑭᓯᑎᑕᐅᑦᑎᐊᖃᑦᑕᕐᓗᑎᒃ (ᑲᒪᒋᔭᓖᑦ ᐹᕕᓐᓛᓐᑯᑦ ᐃᓄᓕᒫᓄᑦ ᐃᖅᑲᓇᐃᔭᖅᑎᓄᑦ)
- ᐃᓚᒋᔭᐅᓪᓗᓂ ᑐᑭᓯᑎᑦᑎᒋᐊᕈᑏᑦ ᐃᖅᑲᓇᐃᔭᖅᑎᓄᑦ ᐊᑐᐊᕐᓯᔾᔪᑏᑦ, ᐱᓕᒻᒪᓴᔅᓴᐃᓐᓇᕆᐊᖃᕐᓂᖅ, ᑐᑭᓯᑎᑦᑎᒋᐊᕈᑏᑦ ᐃᓄᓐᓂᑦ ᐃᖅᑲᓇᐃᔭᖅᑎᖃᕐᓂᕐᒧᑦ ᐅᖃᐅᔾᔨᒋᐊᖅᑎᓄᑦ ᐊᒻᒪᓗ ᑎᓴᒪᐅᔪᖅᑐᓂᑦ−ᐱᓇᓱᐊᕈᓯᕐᓂᑦ ᖃᐅᔨᒋᐊᕈᑎᖃᒃᑲᓐᓂᖃᑦᑕᕐᓗᑎᒃ.
- ᐃᖅᑲᓇᐃᔮᕆᔪᒪᓂᐊᖅᑕᖏᓐᓄᑦ ᐸᕐᓇᐃᓂᖅ (ᑲᒪᒋᔭᓖᑦ ᐹᕕᓐᓛᓐᑯᑦ)
- ᐃᑲᔪᕐᓗᑎᒃ ᑭᓇᑐᐃᓐᓇᕐᒥᒃ ᐃᓄᒻᒥᒃ ᐃᓕᒃᑲᓐᓂᕈᒪᔪᒥᒃ ᐊᒻᒪᓗ/ᐅᕝᕙᓘᓐᓃᑦ ᐊᓯᐊᓂᒃ ᐃᖅᑲᓇᐃᔮᖅᑖᕈᒪᔪᒥᒃ
- ᑲᒪᒋᔭᖃᓗᐊᕐᓗᑎᒃ ᐃᓄᓐᓂᑦ ᐃᖅᑲᓇᐃᔭᖅᑎᖃᐃᓐᓇᕈᓐᓇᓂᕐᒥᒃ
- ᐃᓚᒋᔭᐅᓪᓗᑎᒃ ᑲᒪᖃᑦᑕᕐᓂᖅ ᓄᖅᑲᐸᓪᓕᐊᔪᓂᑦ ᐊᐱᕐᓱᖃᑦᑕᓂᕐᒥᒃ ᐊᒻᒪᓗ ᖃᐅᔨᓴᖃᑦᑕᓂᕐᒥᒃ ᑭᐅᔾᔪᑎᒋᓯᒪᔭᖏᓐᓂᒃ ᐃᓄᐃᑦ ᐃᖅᑲᓇᐃᔭᖅᑏᑦ.
- ᐋᖅᑭᒋᐊᖅᑕᐅᓯᒪᔪᑦ ᖄᑦᑎᓐᓇᐅᓂᕐᐹᕆᔪᓐᓇᖅᑕᖏᓐᓂᒃ ᑭᓪᓕᖃᖅᑐᑎᒃ ᐃᓄᓐᓂᑦ ᐃᖅᑲᓇᐃᔭᖅᑎᖃᖃᑦᑕᓂᕐᒧᑦ ᑐᕌᒐᑦ
- ᑖᒃᑯᐊ ᓄᑖᑦ ᑐᕌᒐᑦ ᓴᓇᔭᐅᓯᒪᓂᐊᖅᑐᑦ ᐃᖅᑲᓇᐃᔮᑦ ᓇᓛᓅᖓᓗᐊᖅᑐᓂᑦ ᐊᒻᒪᓗ ᐃᓕᓯᒪᔭᕆᐊᓕᖏᓐᓂᒃ.
- ᑕᐃᒫᒃ ᓇᓗᓇᐃᔭᕐᓯᒪᑦᑎᐊᓂᕐᓴᐅᓗᑎᒃ ᐸᕐᓇᐃᖃᑦᑕᕈᓐᓇᓂᐊᖅᑐᑦ ᐃᖅᑲᓇᐃᔮᔅᓴᓅᖓᔪᓂᑦ ᐃᓕᓐᓂᐊᕋᔅᓴᓅᖓᔪᓂᓪᓗ ᐃᓄᓐᓄᑦ.
- ᐃᓘᓐᓇᑎᒃ ᐃᓄᓐᓂᑦ ᐃᖅᑲᓇᐃᔭᖅᑎᖃᕐᓂᕐᒧᑦ ᑐᕌᒐᓖᑦ 50%ᖏᓐᓂᒃ
- ᐹᕕᓐᓛᓐᑯᑦ ᑲᑐᔾᔨᖃᑎᒌᒃᑯᓪᓗ ᐊᖏᕐᓯᒪᔪᑦ ᑖᔅᓱᒥᖓ ᑐᕌᒐᖃᕐᓂᕐᒧᑦ
- ᑖᓐᓇ ᑐᕌᒐᖅ ᐃᓚᒋᔭᖅ ᐊᕐᕌᒍᑕᒫᑦ ᖃᑦᑏᓐᓇᐅᓂᕐᐹᕆᔪᓐᓇᖅᑕᖏᓐᓂᒃ ᑭᓪᓕᖃᕐᓗᑎᒃ ᐃᓄᓐᓂᑦ ᐃᖅᑲᓇᐃᔭᖅᑎᖃᕐᓂᕐᒧᑦ ᑐᕌᒐᕆᕙᑦᑕᖓᓐᓄᑦ.
- ᐃᓄᓐᓂᑦ ᐃᖅᑲᓇᐃᔭᖅᑎᖃᕐᓂᕐᒧᑦ ᑐᕌᒐᖓ ᑲᒪᒋᔭᐅᒋᐊᒃᑲᓐᓂᓛᖅᑐᖅ ᖁᓕᑦ (10)−ᐊᕐᕌᒍᑦ ᓈᑉᐸᑕ.
- ᑐᑭᓯᐅᒪᔾᔪᑎᔅᓴᓕᕆᖃᑦᑕᓂᐊᖅᑐᑦ ᐅᑯᓂᖓᓗᐊᖅ ᓄᓇᓕᓐᓂᑦ ᐃᒡᓗᓕᒃ, ᓴᓂᕋᔭᒃ, ᐃᒃᐱᐊᕐᔪᒃ, ᒥᑦᑎᒪᑕᓕᒃ, ᑲᖏᖅᑐᒑᐱᒃ ᐊᒻᒪᓗ ᐃᖃᓗᐃᑦ (ᐱᖓᓱᑦ ᑕᖅᑮᑦ ᓈᔭᕋᐃᑉᐸᑕ ᑲᒪᖃᑦᑕᕐᓗᑎᒃ ᐹᕕᓐᓛᓐᑯᑦ)
ᑲᑐᔾᔨᖃᑎᒌᒃᑯᑦ ᑐᕌᒐᖏᑦ ᐃᓅᓯᓕᕆᓂᕐᒧᑦ ᐃᓕᖅᑯᓯᓕᕆᓂᕐᒧᓪᓗ:
- ᐃᓄᐃᑦ ᐱᖅᑯᓯᖏᑦ ᐱᕚᓪᓕᕈᑎᔅᓴᖏᑦ ᐊᒻᒪᓗ ᓴᐳᔾᔨᓂᖅ
- ᐃᓄᐃᑦ ᑮᓇᐅᔭᖅᑖᕈᒪᖃᑦᑕᕐᖓᑕ ᐃᓅᓯᓕᕆᓂᕐᒧᑦ ᐃᑲᔫᑎᓄᑦ ᐊᒻᒪᓗ ᐱᖅᑯᓯᓕᕆᔾᔪᑎᔅᓴᓄᑦ
ᑭᓱᑦ ᑲᔪᓯᑎᑕᐅᓯᒪᕙᑦ ᐃᓅᓯᓕᕆᓂᕐᒥ ᐃᓕᖅᑯᓯᓕᕆᓂᕐᒥᓪᓗ?
- ᐃᑲᔫᑎᐅᓂᐊᖅᑐᑦ ᑮᓇᐅᔭᑦ ($400,000/ᐊᕐᕌᒍᑕᒫᑦ ᖁᓕᓄᑦ (10) ᐊᕐᕌᒍᓄᑦ)
- ᑖᒃᑯᐊ ᑮᓇᐅᔭᐃᑦ ᐅᖅᓴᔾᔪᑎᔅᓴᖃᖅᑎᑦᑎᖃᑦᑕᓂᕐᒧᑦ ᐃᑲᔫᑏᑦ ᐃᓄᓐᓄᑦ ᒥᑦᑎᒪᑕᓕᒻᒥ
- ᐊᐅᓪᓚᖃᑦᑕᕈᓐᓇᓂᕐᓴᖁᓪᓗᒋᑦ ᐃᓄᐃᑦ ᑕᒫᓂ ᓄᓇᖓᓐᓂ
- ᑖᒃᑯᐊ ᑮᓇᐅᔭᑦ ᐃᓚᒋᔭᑦ ᒫᓐᓇ ᐊᑐᖅᑐᒧᑦ ᐆᒪᔪᓕᕆᓂᕐᒧᑦ ᐊᑭᓕᐅᓯᐊᔅᓴᓄᑦ ᑮᓇᐅᔭᓄᑦ ᑖᒃᑯᐊ ᑮᓇᐅᔭᖃᖅᑎᑦᑎᕙᑦᑐᑦ $750,000ᓂᑦ ᐃᓄᓐᓄᑦ ᐊᖑᓇᓱᑦᑎᓄᑦ ᑐᕌᖓᔪᓂᑦ ᐊᓐᓇᐃᒍᑕᐅᔪᓄᑦ ᐅᕝᕙᓘᓐᓃᑦ ᓱᕋᑦᑕᐅᔨᐊᖃᕐᓂᖅᑲᑕ ᐅᔭᕋᓐᓂᐊᕐᕕᒃ ᐱᔾᔪᑎᒋᓪᓗᒍ (ᑲᒪᒋᔭᖅ ᐹᕕᓐᓛᓐᑯᓐᓂᑦ)
ᑲᑐᔾᔨᖃᑎᒌᒃᑯᑦ ᑐᕌᒐᖏᑦ ᐊᑐᓕᖅᑎᑦᑎᕙᓪᓕᐊᓂᕐᒧᑦ, ᖃᐅᔨᓴᖃᑦᑕᓂᕐᒧᑦ ᐊᒻᒪᓗ ᒪᓕᒐᖅᑎᒍᑦ ᒪᓕᑦᑕᐅᔭᕆᐊᖃᖅᑎᑦᑎᓂᖅ:
- ᐱᓇᓱᐊᕈᑎᔅᓴᐃᑦ ᐃᓄᐃᑦ ᖃᐅᔨᓴᖃᑦᑕᕈᓐᓇᓂᐊᕐᖓᑕ ᐊᑑᑎᓂᖏᓐᓂᒃ ᐅᔭᕋᓐᓂᐊᕐᕕᐅᑉ
- ᐃᓄᐃᑦ ᐱᓇᓱᐊᕈᑎᔅᓴᖃᕈᒪᒻᒪᑕ ᑲᒪᒋᔭᖃᖃᑦᑕᓂᐊᕐᖓᑕ ᖃᐅᔨᓴᖃᑦᑕᓂᕐᒥᒃ
ᑭᓱᑦ ᑲᔪᓯᑎᑕᐅᓯᒪᕙᑦ ᐊᑐᓕᖅᑎᑦᑎᓂᕐᒥ, ᖃᐅᔨᓴᖃᑦᑕᓂᕐᒥ ᐊᒻᒪᓗ ᒪᓕᒐᖅᑎᒍᑦ ᒪᓕᑦᑕᐅᔭᕆᐊᖃᖅᑎᑦᑎᓂᕐᒥᒃ?
- ᐱᓕᕆᐊᕐᒥ ᖃᐅᔨᓴᖃᑦᑕᓂᕐᒧᑦ ᑮᓇᐅᔭᑦ ($200,000/ᐊᕐᕌᒍᑕᒫᑦ ᖁᓕᓄᑦ (10) ᐊᕐᕌᒍᓄᑦ)
- ᑖᒃᑯᐊ ᑮᓇᐅᔭᑦ ᑐᕌᖓᔪᑦ ᒥᑦᑎᒪᑕᓕᒻᒥᐅᓄᑦ ᐊᒻᒪᓗ ᐃᑲᔫᑕᐅᒍᒫᕐᓂᐊᖅᑐᑦ ᓄᓇᓕᓐᓂᑦ ᐊᐅᓚᑕᐅᔪᓂᑦ ᓇᒻᒥᓂᖅ ᖃᐅᔨᓴᖃᑦᑕᓂᕐᒧᑦ ᐱᓕᕆᐊᓄᑦ ᐱᔾᔪᑎᓕᓐᓄᑦ ᐊᑑᑎᑎᑦᑎᔪᓂᑦ ᓄᓘᔮᓕᕆᓂᖅ ᐱᔾᔪᑎᒋᓪᓗᒍ
- ᐱᓕᕆᐊᑦ ᐊᐅᓚᑕᐅᓂᐊᖅᑐᑦ ᐱᕙᓪᓕᐊᑎᑕᐅᓪᓗᑎᓪᓗ ᑕᓪᓕᒪᓂᑦ ᓄᓇᓕᓐᓂᑦ ᑕᒪᑐᒧᖓ ᐊᑦᑐᖅᑕᐅᓯᒪᔪᓄᑦ
- ᐃᒪᕐᓯᐅᑎᓄᑦ ᓱᓇᒃᑯᑖᓄᑦ ᐃᑲᔫᑏᑦ ($300,000/ᐅᒥᐊᖅ)
- ᐱᖓᓱᑦ ᐊᕐᕌᒍᑦ ᓈᔭᕋᐃᑉᐸᑕ ᐹᕕᓐᓛᓐᑯᑦ ᓂᐅᕕᖃᑦᑕᓂᐊᕐᖓᑕ ᑐᓂᓯᖃᑦᑕᕐᓗᑎᓪᓗ ᓇᒻᒥᓂᖅᑖᑎᑦᑎᖃᑦᑕᕐᓗᑎᒃ ᖃᐅᔨᓴᕐᓂᕐᒧᑦ ᐅᒥᐊᕐᒥᑦ ᒥᑦᑎᒪᑕᓗᒻᒧᑦ, ᐃᒃᐱᐊᕐᔪᒻᒧᑦ, ᑲᖏᖅᑐᒑᐱᒻᒧᑦ, ᐃᒡᓗᓕᒻᒧᑦ ᓴᓂᕋᔭᒻᒧᓪᓗ
- ᑐᕌᒐᓖᑦ ᖁᓕᓪᓗ ᒪᕐᕉᓪᓗ (12)−ᐊᕐᕌᒍᑦ ᑐᖔᓂ ᐊᑐᓂᑦ ᓄᓇᓖᑦ ᖃᐅᔨᓴᐅᒻᒥᑦ ᐅᒥᐊᖃᖅᑐᐃᓐᓇᐅᓕᓛᖁᓪᓗᒋᑦ
ᐋᖅᑭᒋᐊᖅᑕᐅᓯᒪᔪᑦ ᓂᖏᖅᑕᕈᑎᓄᑦ ᐊᖏᖃᑎᒌᒍᑏᑦ
- ᒫᓐᓇ ᓂᖏᖅᑕᕈᑎᓄᑦ ᐊᖏᖃᑎᒌᒍᑏᑦ ᐃᓄᐃᑦ ᐊᑦᑐᖅᑕᐅᓂᖏᓐᓄᑦ ᐱᕚᓪᓕᕈᑎᔅᓴᖏᓐᓄᓪᓗ ᐊᖏᕈᑎᑎᒍᑦ ᐋᖅᑭᒋᐊᖅᑕᐅᓯᒪᒻᒪᑕ ᐃᖏᕐᕋᑦᑎᐊᓂᕐᓴᐅᖁᓪᓗᒋᑦ ᓂᖏᖅᑕᕈᑎᐅᕙᑦᑐᑦ ᐊᑭᓕᐅᑕᐅᔭᕆᐊᓖᑦ ᑲᑐᔾᔨᖃᑎᒌᑯᓐᓄᑦ.
- ᐊᓯᔾᔨᖅᑕᐅᔪᑦ ᐊᖏᖃᑎᒌᒍᑎᓂᑦ ᐃᒫᒃ ᑐᑭᓖᑦ ᐱᒋᐊᕐᓗᑎᒃ 2019ᒥ ᑲᑐᔾᔨᖃᑎᒌᒃᑯᑦ ᐊᑭᓕᖅᑕᐅᖃᑦᑕᓛᓕᕐᖓᑕ ᒪᓕᑦᑐᒋᑦ ᓂᐅᕕᐅᑕᐅᓪᓚᑦᑖᕐᓯᒪᔪᑦ ᓴᕕᕋᔭᔅᓴᓂᑦ.
- ᓂᖏᖅᑕᕈᑏᑦ ᐊᑭᓕᐅᑏᑦ ᑲᑐᔾᔨᖃᑎᒌᒃᑯᓐᓄᑦ ᓂᐅᕕᐅᑎᖃᖅᑎᓪᓗᒋᑦ ᓴᕕᕋᔭᔅᓴᒥᒃ ᐊᑭᖓ ᑐᖔᓃᑎᓪᓗᒍ $5 ᒥᓕᐊᓐ ᑕᐃᒪ ᑲᑐᔾᔨᖃᑎᒌᒃᑯᑦ ᓱᓕ ᐊᑭᓕᖅᑕᐅᒐᔭᖅᑐᑦ ᓯᕗᕐᖓᒍᑦ ᐊᑭᓕᐅᑕᐅᔪᒫᕐᓂᐊᕐᓯᒪᔪᒥᓂᕐᓂᑦ.
- ᓂᖏᖅᑕᕈᑎᓄᑦ ᐊᑭᖏᑦ ᐊᒻᒪᓗ ᑭᓪᓕᖏᑦ ᓯᕗᕐᖓᒍᑦ ᐊᑭᓕᐅᑕᐅᔭᕆᐊᖃᕐᓯᒪᔪᑦ ᓱᕐᕋᓯᒪᙱᑦᑐᑦ.