ᐃᖃᓗᐃᑦ, ᓄᓇᕗᑦ – ᓄᕖᕝᕙ 19, 2021 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᖁᕕᐊᓲᑎᖃᖅᐳᑦ ᐅᐱᒍᓱᑦᑐᑎᑦ ᓄᑖᕐᒥᒃ ᓂᕈᐊᖅᑕᐅᕋᑖᖅᑐᒥᒃ ᓯᕗᓕᖅᑎ ᐸᐅᓗᓯ ᐊᕿᐊᕈᖅ ᐊᒻᒪᓗ ᒪᓕᒐᓕᐅᖅᑎᐅᖃᑎᖏᑦ ᐊᐅᓚᑦᑎᔩᑦ ᑲᑎᒪᔨᖏᖕᓄᑦ ᓂᕈᐊᖅᑕᐅᓚᐅᖅᑐᑦ ᐱᖓᑦᑎᕐᒥ ᓯᕗᓕᖅᑏᑦ ᓂᕈᐊᖅᑕᐅᓂᖏᑦᑕ ᑲᑎᒪᓂᖃᖅᑎᓪᓗᒋᑦ.

“ᓂᕆᐅᑦᑎᐊᖅᐳᒍᑦ ᐃᖅᑲᓇᐃᔭᖃᑎᒋᑦᑎᐊᕐᓂᐊᕋᑦᑎᒍᑦ ᒪᓕᒐᓕᐅᖅᑎᐅᔪᑦ ᐱᖓᓲᔪᖅᑑᕆᔭᖓᓂ ᒪᓕᒐᓕᐅᖅᑏᑦ ᑲᑎᒪᔨᐅᓂᐊᕐᓂᖏᖕᓂᑦ, ᓯᕗᒧᐊᒃᑎᑕᐅᖁᓪᓗᒋᑦ ᑲᑐᔾᔭᕗᑦ ᐱᓕᕆᐊᕗᑦ,” ᐅᖃᖅᑐᓂ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑕ ᐊᖓᔪᖅᑳᖓᑦ ᐅᓛᔪᖅ ᐊᑭᓱᒃ. “ᑕᒪᑉᑕ, ᓯᕗᒧᐊᑦᑎᒍᓐᓇᖅᑕᕗᑦ ᓯᕗᓪᓕᐅᑎᓐᓇᓱᐊᖅᑕᖏᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑕ ᐊᒻᒪᓗ ᓄᓇᕗᒻᒥᐅᑕᐅᔪᑦ ᑕᒪᐃᓐᓂ, ᖃᐅᔨᒪᑦᑎᐊᕋᓱᐊᖅᑐᑕ ᐱᐅᓯᓯᒪᓂᖅᓴᓂᒃ ᐃᓅᓯᖃᑦᑎᐊᑎᑦᑎᓇᓱᐊᕐᓗᑕ ᐱᔨᑦᑎᕋᕋᓱᐊᕐᓗᑕᒪ ᑕᒪᐃᓐᓄᑦ.”

ᒪᓕᒐᓕᐅᖅᑏᑦ ᓂᕈᐊᓚᐅᖅᑐᑦ ᓄᑖᕐᒥᒃ ᓯᕗᓕᖅᑎᒥᒃ ᐊᒻᒪᓗ ᐊᐅᓚᑦᑎᔩᑦ ᑲᑎᒪᔨᖏᖕᓂᑦ ᐊᓯᒥᓄᑦ ᖃᐅᔨᔭᐅᒐᑎᑦ ᑭᓇᒥᒃ ᓂᕈᐊᕐᒪᖔᕐᒥᒃ ᒪᓕᒐᓕᐅᖅᑏᑦ ᓂᕈᐊᖅᑐᑎᑦ ᐃᑉᐸᒃᓴᖅ ᓯᕗᓕᖅᑎᒃᓴᓂᑦ ᓂᕈᐊᖅᓯᑎᓪᓗᒋᑦ. ᑎᓴᒪᐅᔪᖅᑐᑦ ᐊᑕᐅᓯᕐᓗ ᒪᓕᒐᓕᐅᖅᑎᐅᕗᑦ, ᓯᕗᓕᖅᑎ ᐊᒻᒪᓗ ᑎᓴᒪᐅᔪᖅᑐᑦ ᒥᓂᔅᑕᐅᓪᓗᑎᑦ ᐊᐅᓚᑦᑎᔨᐅᖃᑕᐅᔪᑦ. ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᓂᕆᐅᑦᑎᐊᖅᑐᑦ ᐃᓕᑉᐹᓪᓕᕐᓗᑎᑦ ᖃᓄᐃᑦᑐᓂᑦ ᐱᓕᕆᐊᒃᓴᓂᑦᑎᑕᐅᓂᐊᕐᒪᖔᕐᒥᒃ ᒥᓂᔅᑕᐅᕝᕕᖃᓕᕐᓗᑎᑦ ᐅᓪᓗᓂᑦ ᐊᒡᒋᖅᑐᓂᑦ ᐱᓕᕆᐊᒃᓴᓂᑦᑎᑕᐅᓛᖅᑐᑎᑦ.

ᑐᑭᓯᒋᐊᒃᑲᓐᓂᕈᒪᒍᕕᑦ, ᖃᐅᔨᒃᑲᕐᓗᒍ:

ᕕᐅᓪ ᕼᐋᑉᑭᓐᔅ
ᑐᑭᒧᐊᑦᑎᑦᑎᔨᐅᑲᐃᓐᓇᖅᑐᖅ ᑐᓴᐅᒪᖃᑎᒌᑦᑐᓕᕆᓂᕐᒧᑦ,
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ
whopkins@qia.ca
867.975.8413/1.800.667.2742