ᐃᖃᓗᐃᑦ, ᓄᓇᕗᑦ, ᐊᒃᑑᕙ 7, 2022 – ᕿᑭᖅᑕᓂ ᐃᓄᐃᑦ ᑲᑐᑎᔾᔨᖃᑎᒌᖏᑕ (QIA) ᓴᖅᑭᓯᒪᔭᖏᑦ ᐃᑲᔪᖅᓯᖁᓪᓗᒋᑦ ᐃᓄᖕᓂᒃ ᓄᕙᒡᔪᐊᕐᓇᖅ 19-ᒥᒃ ᖃᓂᒪᓇᖅ ᑲᔪᓯᑎᓪᓗᒍ ᑭᖑᓕᖅᐹᖑᔪᓂᒃ ᑐᓂᔭᐅᔪᑦ ᐊᑐᖅᑕᐅᓂᐊᖅᑐᓂᒃ ᑐᐊᕕᕐᓇᖅᑐᒃᑯᑦ ᓂᐅᕕᕈᓐᓇᐅᑎᒃᓴᖏᑦ ᐃᓐᓇᐃᑦ (EVE) ᐱᓕᕆᐊᖏᑎᒍᑦ ᐊᒻᒪᓗ ᕿᑭᖅᑕᓂᓐᖔᖅᓯᒪᔪᑦ  ᐃᓄᐃᑦ ᐊᖏᕐᕋᕆᔭᖏᑦ ᑐᓂᔭᐅᓂᐊᕐᓗᑎᒃ ᓂᐅᕕᕈᓐᓇᐅᑎᓂᒃ ᑕᕝᕙᓐᖔᖅᑐᓂᑦ ᐱᓕᕆᔭᐅᔪᓂᑦ, ᑲᑎᓪᓗᒋᑦ ᑐᓂᔭᐅᓂᐊᖅᑐᑦ ᐅᓄᕐᓂᖃᖅᑐᑦ 3.7 ᒥᓕᐊᓐ ᑖᓚᓂᒃ ᑕᒪᒃᑮᖕᓄᑦ ᐊᑐᖅᑕᐅᓂᐊᖅᑐᖅ ᐱᓕᕆᔭᐅᔫᖕᓄᑦ ᑖᒃᑯᓄᖓ.

ᑖᒃᑯᐊ ᐃᓐᓇᕐᓄᑦ ᐃᑲᔪᖅᓯᔾᔪᑎᐅᔪᑦ ᓂᐅᕕᕈᓐᓇᐅᑎᑦ ᑐᓂᔭᐅᓂᐊᖅᑐᑦ ᐊᒃᑑᕙ 18-ᒥ, ᓄᕕᐱᕆ 1, ᓄᕕᐱᕆ 15 ᐊᒻᒪᓗ ᓄᕕᐱᕆ 29, 2022-ᒥ, ᑖᒃᑯᐊ ᑐᓂᔭᐅᖃᑦᑕᕐᓂᐊᖅᑐᑦ ᐅᓄᕐᓂᖃᕐᓗᑎᒃ $250-ᓂᒃ ᓂᐅᕕᕈᓐᓇᐅᑎᒃᓴᖏᑦ ᐊᑐᓂ ᐃᓐᓇᑐᖃᐃᑦ ᕿᑭᖅᑕᓂᓐᖔᖅᓯᒪᔪᑦ.

ᐃᒻᒪᖄ ᖃᓂᒋᔭᖏᓐᓃᑦᑐᑦ 1400 ᐅᓄᕐᓂᖏᑦ ᐃᓐᓇᐃᑦ ᕿᑭᖅᑕᓂᓐᖔᖅᓯᒪᔪᑦ ᐱᖃᑕᐅᔪᓐᓇᕐᓂᐊᖅᑐᑦ ᑖᒃᑯᓇᓐᖓᑦ ᐃᑲᔪᕈᑎᓂᑦ. ᐃᓐᓇᐃᑦ ᑕᐃᒃᑯᐊ ᐱᖃᑕᐅᔪᓐᓇᕐᓂᐊᖅᑐᑦ ᑕᕝᕙᓐᖓᑦ ᐱᓕᕆᐊᒥᑦ ᐅᑭᐅᖃᖅᐸᑕ 60-ᓂᒃ ᓇᓪᓕᐅᑎᓂᐊᕐᓗᑎᒃ ᐅᓪᓗᐊᓂ ᓯᕗᕐᖓᒍᓪᓘᓐᓃᑦ ᑎᓯᐱᕆ 31, 2022 ᐊᒻᒪ ᐊᑎᖃᖃᑕᐅᓗᑎᒃ ᕿᑭᖅᑕᓂᓐᖔᖅᓯᒪᔪᑦ ᓄᓇᑖᖃᑕᐅᓯᒪᔪᑦ ᐊᑎᖁᑎᖏᓐᓂ ᓄᓇᕗᑦ ᐊᖏᕈᑎᖏᓐᓂ ᐊᒻᒪ ᐊᑎᖃᖃᑕᐅᔪᑦ ᓄᓇᕗᑦ ᑐᓐᖓᕕᒃ ᑎᒥᖓᓐᓂ.

ᑕᖅᑭᕐᓂ ᐊᒡᒋᖅᑐᓂ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᑐᓴᖅᑎᑦᑎᓂᐊᖅᑐᑦ  ᖃᖓᐅᓂᐊᕐᒪᖔᑦ ᐊᑕᐅᓯᐊᕐᓗᑎᒃ ᑐᓂᔭᐅᓂᐊᖅᑐᑦ ᐊᑐᓂ ᐊᖏᕐᕋᕆᔭᐅᔪᓄᑦ ᕿᑭᖅᑕᓂ ᓄᓇᓕᖁᑎᖏᓐᓂᓐᖔᖅᓯᒪᔪᓄᑦ.

ᑐᓂᐅᖅᑲᖅᑕᐅᓂᐊᖅᑐᑦ ᓇᓃᓐᓂᐊᕐᒪᖔᑕ ᑐᓴᖅᑎᑦᑎᓂᐊᖅᑐᑦ ᐸᕐᓇᒃᑕᐅᔪᑦ ᑭᖑᓪᓕᖅᐹᕐᒥ ᐋᖅᑭᒡᑕᐅᓚᐅᖅᑎᓪᓗᒋᑦ. ᑕᐃᒪᓕ ᐱᔪᒪᒍᕕᑦ ᑐᓴᒐᒃᓴᒃᑲᓐᓂᕐᓂᒃ ᐱᓕᕆᔾᔪᑎᐅᔪᑦ ᒥᒃᓵᓄᑦ, ᑎᑎᕋᕈᓐᓇᖅᐳᑎᑦ ᖃᕆᑕᐅᔭᒃᑯᑦ ᐅᕗᖓ COVID-19@qia.ca ᐅᕝᕙᓘᓐᓃᑦ ᐊᑭᖃᖏᑦᑐᒃᑯᑦ ᐅᕗᖓ ᐅᖄᓚᓗᑎᑦ 1-800-667-2742 ᐊᐱᖅᓱᕈᓐᓇᖅᑐᑎᑦ ᑐᐊᕕᕐᓇᖅᑐᒃᑯᑦ ᐃᓐᓇᐃᑦ ᐱᓕᕆᔾᔪᑕᐅᓂᖏᓐᓄᑦ ᐅᕝᕙᓘᓐᓃᑦ ᕿᑭᖅᑕᓂᓐᖔᖅᓯᒪᔪᑦ ᐃᓄᐃᑦ ᐊᖏᕐᕋᕆᔭᖏᓐᓄᑦ ᑐᓂᐅᖅᑲᖅᑕᐅᓂᕆᔭᖏᑕ ᐱᓕᕆᔭᐅᔾᔪᑎᖏᓐᓂᒃ.

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒋᖏᑕ ᐊᐅᓚᑦᓯᔨᑦ ᑲᑎᒪᔨᕋᓛᖏᑦ ᐊᖏᖅᓯᓚᐅᖅᑐᑦ ᑖᒃᑯᓂᖓ ᐊᐅᓚᓂᐅᓂᐊᖅᑐᓂᒃ ᑐᓂᓯᐅᖅᑲᐃᔾᔪᑕᐅᓗᑎᒃ ᐊᖏᕈᑕᐅᕋᑖᓚᐅᖅᑐᑦ ᐱᓇᓱᐊᕈᓯᕆᔭᕗᑦ ᐱᒋᐊᓕᓵᖅᑎᓪᓗᒍ ᐅᓄᕐᓂᖃᖅᑐᑦ 3.7 ᒥᓕᐊᓐ ᓄᕙᒡᔪᐊᕐᓇᖅ 19-ᒧᑦ ᑭᐅᔾᔪᑕᐅᓪᓗᓂ ᐸᕐᓇᐅᑎᖏᓐᓄᑦ ᓴᖅᑭᑕᐅᓯᒪᔪᖅ ᓄᓇᓕᐅᔪᑦ ᓄᓇᖃᖅᑳᖅᓯᒪᔪᑦ ᐃᑲᔪᖅᑕᐅᔾᔪᑎᒃᓴᖏᑕ ᑮᓇᐅᔭᖁᑎᖏᓐᓂᓐᖔᖅᓯᒪᔪᑦ ᑲᓇᑕᐅᑉ ᒐᕙᒪᒃᑯᖏᓐᓂᑦ.