ᐃᖃᓗᐃᑦ, ᓄᓇᕗᑦ, ᐊᒃᑑᕝᕙ 5, 2023 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓃᒃᑯᑦ), ᐊᒻᒪᓗ ᑲᓇᑕᐅᑉ ᒐᕙᒪᖓᑕ ᒥᓂᔅᓴᕆᔭᖓ ᐃᒪᕐᒥᐅᑕᓕᕆᔨᒃᑯᓐᓄᑦ, ᐊᒻᒪᓗ ᑲᓇᑕᒥ ᓯᔾᔭᒥᐅᑕᓕᕆᔨᒃᑯᑦ ᒥᓂᔅᑕᖓᑦ ᑕᐃᔮᓐ ᓕᐳᑎᓕᔭᐃ ᐊᒻᒪᓗ ᐊᕙᑎᓕᕆᓂᕐᒧᑦ ᐊᒻᒪᓗ ᓯᓚᐅᑉ ᐊᓯᔾᔨᕐᓂᖓᓄᑦ ᒥᓂᔅᑕᖓ, ᔅᑏᕙᓐ ᒋᐅᓪᕘᓪᑦ, ᑎᑭᐅᑎᒻᒪᑎᒃ ᐃᓕᑕᕆᔭᐅᔪᓐᓇᖅᑐᒧᑦ ᐊᑎᓕᐅᖅᑐᑎᑦ ᓯᕗᓪᓕᐹᖅᓯᐅᑎᒥᑦ ᐊᖏᖃᑎᒌᒍᑎᒥᑦ ᓇᓗᓇᐃᖅᓯᓪᓗᑎᒃ ᑲᑐᔾᔭᒥᓂᑦ
ᐊᖏᖅᓯᒪᓂᐅᔪᒥᑦ ᒪᓕᑦᑕᐅᖁᔭᐅᔪᓄᑦ ᕿᑭᖅᑕᓂ ᓄᖑᑦᑕᐃᓕᑎᑦᑎᓂᕐᒧᑦ ᓯᕗᒧᑦ ᑕᑯᓐᓇᖑᐊᖅᑕᐅᔪᓄᑦ ᐊᖅᑯᑎᖃᕐᓗᑎᒃ ᕿᑭᖅᑕᓂ ᐱᓕᕆᐊᖑᔪᒧᑦ ᕿᑭᖅᑕᓂ ᐊᕕᒃᑐᖅᓯᒪᔪᒥᒃ ᓴᐳᔾᔨᕕᓕᕆᓂᕐᒥᒃ ᐊᖅᑯᑎᒋᓗᒍ ᕿᑭᖅᑕᓃᒃᑯᑦ ᒪᑭᒪᔾᔪᑎᒃᓴᓕᕆᓂᕐᒧᑦ ᐱᓕᕆᐊᖓ.

ᑖᓐᓇ ᓄᖑᑦᑕᐃᓕᑎᑦᑎᓂᕐᒧᑦ ᓯᕗᒧᑦ ᑕᑯᓐᓇᖑᐊᖅᑕᐅᔪᖅ ᐋᖅᑭᑦᑕᐅᓯᒪᕗᖅ ᐅᑯᓂᖓ ᑐᓐᖓᕕᐅᔪᓂᑦ ᒪᓕᑦᑐᑎᒃ: ᐃᓄᐃᑦ ᐊᐅᓚᑦᑎᔾᔪᑎᖏᓐᓂᑦ ᐃᓗᐊᓃᑦᑐᓂᑦ ᐃᓄᐃᑦ ᖃᐅᔨᒪᔭᑐᖃᖏᓐᓂ, ᐃᓄᓐᓄᑦ−ᐊᐅᓚᑕᐅᔪᑦ ᓇᐅᑦᓯᖅᑐᕈᑎᐅᔪᑦ, ᑕᒪᑐᒧᖓ ᑐᕌᖅᑎᑕᐅᓯᒪᔪᓂᑦ ᐱᖁᑎᕐᔪᐊᓂᑦ, ᐊᒻᒪᓗ ᐊᖏᓪᓕᒋᐊᖅᑕᐅᓗᑎᒃ ᑮᓇᐅᔭᓕᐅᕈᑎᐅᔪᓐᓇᖅᑐᑦ ᐃᓄᓐᓄᑦ ᐱᔾᔪᑎᖃᖅᑐᑦ ᐃᖃᓗᓕᕆᓂᕐᒥᑦ ᐃᑭᕐᒥ ᕿᑭᖅᑖᓗᒻᒧᑦ ᐊᑦᑐᐊᔪᓂᑦ ᐃᒪᕕᓐᓂ ᕿᑭᖅᑕᓂᒥ.

ᐃᓘᓐᓇᖓᒍᑦ, ᑖᓐᓇ ᑖᕗᖓᓕᒫᖅ ᑮᓇᐅᔭᖃᖅᑎᑦᑎᓂᐅᔪᒥᑦ ᐱᓕᕆᓂᐅᔪᒥᑦ, ᐃᓘᓐᓇᖏᓐᓂᑦ ᐊᑐᐊᒐᖏᓐᓂᑦ, ᒪᓕᑦᑕᐅᖁᔭᖏᓐᓂᑦ, ᐊᒻᒪᓗ ᐃᓘᓐᓇᖏᓐᓂᑦ ᑮᓇᐅᔭᖃᖅᑎᑕᐅᔪᒧᑦ ᐊᑑᑎᖃᑦᑎᐊᑐᒃᑯᑦ ᓯᕗᓂᑐᖃᑦᑎᓐᓄᑦ ᓴᐳᒻᒥᑦᑎᔪᓐᓇᓂᐊᖅᑐᒥᑦ ᓄᓇᕐᔪᐊᑉ ᐱᒻᒪᕆᐊᓘᔪᓂᑦ ᐃᓗᓕᖏᓐᓂᑦ ᐱᓕᕆᓂᐅᔪᖅ ᑐᕌᒐᖃᖅᑐᖅ ᓴᓐᖏᓂᖅᑖᑎᑦᑎᓂᕐᒥᑦ ᐃᓄᓐᓂᑦ ᓴᐳᒻᒥᑦᑎᔪᓐᓇᓂᐊᕐᒪᑕ 989,879 ᑭᑉᐹᕆᑦᑐᓂᑦ ᑭᓛᒥᑕᓂᑦ ᓄᓇᓂᑦ ᐃᒪᕐᓂᓪᓗ ᕿᑭᖅᑖᓗᒻᒥ. ᐱᔭᕇᖅᑕᐅᑉᐸᑦ, ᑖᓐᓇ ᐱᓕᕆᓂᐅᔪᖅ ᐊᖏᓂᖅᐹᕈᕋᔭᖅᑐᖅ ᑲᓱᖅᓯᒪᔪᖅ ᐃᓄᓐᓄᑦ ᐊᐅᓚᑕᐅᔪᖅ ᓴᐳᒻᒥᑦᑎᕕᐅᔪᖅ ᓄᓇᕐᔪᐊᓕᒫᒥ.

ᑖᓐᓇ ᓄᑖᖅ ᓯᕗᓪᓕᐹᖅᓯᐅᑎ ᐊᖏᖃᑎᒌᒍᑎ ᑐᑭᓯᓇᑦᑎᐊᑐᒃᑯᑦ ᓇᓗᓇᐃᖅᑐᐃᓯᒪᔪᖅ ᑲᑐᔾᔭᐅᔪᒥᑦ ᐊᖏᖅᓯᒪᓂᐅᔪᓂᑦ ᐅᑯᓄᖓ ᑐᕌᖅᑕᐅᔪᓄᑦ:

• ᐃᓄᐃᑦ ᐊᒃᑐᖅᑕᐅᓂᖏᓐᓄᑦ ᐃᑲᔫᓯᐊᒃᓴᖏᓐᓂᓗ ᐊᖏᖃᑎᒌᒍᑎᑦ ᑐᒃᓯᕌᖑᔪᓄᑦ ᓴᐳᒻᒥᑦᑎᕕᒃᓴᕐᓄᑦ ᐃᓗᐊᓂ ᕿᑭᖅᑕᐃᑦ ᐊᒻᒪᓗ ᓴᕐᕙᔾᔪᐊᖅ, ᐅᓕᑦᑎᓗᑎᒃ ᐃᓄᓐᓄᑦ ᓴᐳᒻᒥᔭᐅᔪᓂᑦ ᓴᐳᒻᒥᑦᑎᕕᐅᔪᓂᓪᓗ ᐊᐅᓚᑕᐅᔪᓂᑦ ᐃᓄᐃᑦ ᓇᐅᑎᓯᖅᑐᖅᑎᖏᓐᓄᑦ ᐊᐅᓚᑦᑎᔾᔪᑎᖏᓐᓄᓪᓗ, ᑐᓐᖓᕕᖃᕐᓗᑎᒃ ᐃᓄᐃᑦ ᖃᐅᔨᒪᔭᑐᖃᖏᓐᓂᑦ, ᐊᒻᒪᓗ ᒪᓕᓐᓂᖃᖅᑎᑕᐅᓗᑎᒃ ᑲᔪᓰᓐᓇᖅᑎᒐᒃᓴᐅᔪᒧᑦ ᓄᓇᕗᑦ ᐊᕕᑦᑐᖅᓯᒪᓂᖓᓂ ᓴᐳᒻᒥᑦᑎᓂᐅᔪᒥᑦ ᐊᔪᕆᒐᒃᓴᐅᔪᒥᑦ.

• ᐊᕕᑦᑐᖅᓯᒪᔪᒥᒃ ᐊᐅᓚᑦᑎᔾᔪᑎᖃᕐᓂᕐᒥᒃ ᐊᖏᖃᑎᒌᒍᑎᒥᒃ ᖃᖓᐅᓕᖅᐸᑦ ᑲᑎᑕᐅᔪᓐᓇᖅᓯᓗᑎᒃ ᒫᓐᓇ ᐃᓘᓐᓇᖏᓐᓂᑦ ᐅᓪᓗᒥᐅᔪᖅ, ᑐᒃᓯᕌᖑᓯᒪᔪᓂᑦ ᐊᒻᒪᓗ ᓯᕗᓂᕆᓛᖅᑕᑎᓐᓂ ᓴᐳᒻᒥᑦᑎᕕᐅᓛᖅᑐᓂᑦ ᐊᔾᔨᒌᑦᑐᒥᑦ ᐃᓐᓄᓐᓄᑦ ᐊᐅᓚᑕᐅᔪᒥᑦ ᐊᔪᕆᒐᒃᓴᐅᔪᒥᑦ ᐱᖃᓯᐅᔾᔨᓯᒪᔪᒥᑦ ᓄᓇᓕᓐᒧᑦ ᑐᕌᖓᔪᓂᑦ ᑲᑎᒪᔨᕋᓛᓂᑦ ᐱᔭᒃᓴᑖᖅᑎᑕᐅᓯᒪᔪᓂᑦ ᐊᖁᑦᑎᔨᐅᓂᐊᕐᓗᑎᒃ ᓄᓇᖓᓂ ᓄᖑᑦᑕᐃᓕᑎᑦᑎᓂᕐᒧᑦ ᐱᓕᕆᓂᐅᔪᓄᑦ ᓯᕗᓪᓕᐅᖁᔭᖏᓐᓄᓪᓗ.

• ᐃᓄᓐᓄᑦ ᓴᓇᔭᒥᓂᐅᔪᒥᑦ ᐃᓄᓐᓄᓪᓗ ᐊᐅᓚᑕᐅᔪᖅ ᕿᑭᖅᑕᓂ ᐃᓄᓐᓄᑦ ᓴᐳᒻᒥᑦᑎᕕᐅᔪᓄᑦ ᓄᖑᑦᑕᐃᓕᑎᑦᑎᕕᐅᔪᓄᓪᓗ ᐸᕐᓇᐅᑎ, ᓇᓗᓇᐃᖅᓯᓯᒪᔪᖅ ᕿᑭᖅᑕ ᓂᒃᑯᑦ ᐃᓘᓐᓇᖓᒍᑦ ᐱᓕᕆᒐᓱᓐᓂᕆᔭᖏᓐᓂᑦ ᓴᖅᑭᖅᓯᒐᓱᐊᖅᑐᑎᒃ ᑎᒍᔭᒃᓴᐅᔪᓂᑦ ᐃᓛᒃᑯᑦ ᕿᑭᖅᑕᓂ ᓄᓇᓕᖏᓐᓂ.

• ᐱᔭᐅᓗᑎᒃ ᕿᑭᖅᑕᓂ ᐃᖃᓗᓕᕆᓂᕐᒥ ᐋᖅᑮᖃᑎᖃᕐᓂᕐᒧᑦ ᐊᖏᖃᑎᒌᒍᑎᓂᑦ ᐊᒻᒪᓗ ᐊᓯᖏᓐᓂᒃ ᑐᕌᖓᔪᓄᑦ ᐊᖏᖃᑎᒌᒍᑎᓂᒃ, ᐅᓕᑦᑎᓗᑎᒃ ᐃᑲᔪᖅᓰᔾᔪᑎᓄᑦ ᓄᑖᓂᑦ ᐱᕕᒃᓴᐅᒐᔭᖅᑐᓂᒃ ᐃᖃᓗᓕᕆᓂᕐᒨᖓᔪᓂᒃ ᐅᑭᐅᖅᑕᖅᑑᑉ ᐃᒪᕕᖏᓐᓂᑦ ᑲᓇᑕᒧᑦ ᑐᕌᖓᔪᓄᑦ ᓇᓗᓇᐃᖅᑕᐅᓯᒪᔪᑦ

• ᑮᓇᐅᔭᓄᑦ ᐸᕐᓇᐅᑎᑦ ᓇᓗᓇᐃᖅᑐᐃᓯᒪᔪᖅ ᑮᓇᐅᔭᖅᑖᕆᒋᐊᓕᖏᑦ ᖃᑦᑎᐅᒻᒪᖔᑕ ᓇᑭᓪᓗ ᐱᔭᐅᒐᔭᕐᒪᖔᑕ ᐱᔭᐅᔭᕆᐊᓖᑦ ᐊᑐᓕᖅᑎᑦᑎᓂᐊᖅᐸᑕ ᓯᕗᓂᑐᖃᑦᑎᓐᓄᑦ ᑲᔪᓰᓐᓇᖅᑎᒐᒃᓴᐅᔪᓂᑦ ᐱᓕᕆᒋᐊᕐᓂᐅᔪᓂᑦ ᐱᔾᔪᑎᓪᓗᒋᑦ ᐃᓄᖕᓄᑦ ᐊᐅᓚᑕᐅᓂᖏᑦ ᓴᐳᔾᔨᕖᑦ

• ᐱᓕᕆᓗᑎᒃ ᐃᑲᔪᕐᓗᑎᒃ ᐱᕙᓪᓕᐊᑎᑦᑎᒍᑕᐅᓂᐊᖅᑐᓂᒃ ᐊᑕᐅᓯᐅᓐᖏᑦᑐᒥᑦ ᐊᑑᑎᖃᖅᑐᓂᑦ ᐃᓪᓗᓂᑦ, ᑲᑎᑦᑕᐅᓗᑎᒃ ᐱᓕᕆᒐᓱᓐᓂᐅᓯᒪᔪᓄᑦ ᑮᓇᐅᔭᑭᓗᐊᕐᓂᖏᓐᓂᑦ ᑮᓇᐅᔭᖅᓯᐅᕈᔾᔨᓂᐅᔫᑉ ᐱᓪᓗᒍ ᑕᓪᓗᕈᑎᐅᑉ ᐃᒪᖓ, ᐱᖃᓯᐅᑎᔭᐅᓗᓂ ᓯᕗᒧᐊᕆᐊᖅᑎᑕᐅᓂᖓ ᐊᒥᐊᕋᓛᓄᑦ ᐅᖅᑯᐊᓕᓂᖅᕕᒃᓴᖅ ᐃᒃᐱᐊᕐᔪᒻᒥ.

• ᓯᕗᓂᕆᓛᖅᑕᑎᓐᓂ ᐊᐃᕙᒍᑎᖃᒃᑲᓂᕐᓂᖅ ᐊᖏᖃᑎᒌᒍᑎᓕᐅᕐᓗᑎᒃ ᐃᓄᐃᑦ ᐊᒃᑐᖅᑕᐅᓂᖏᓐᓄᑦ ᐱᓂᖏᓐᓄᓪᓗ ᐊᖏᖃᑎᒌᒍᑎᓂᑦ ᐊᐅᔪᐃᑦᑐᕐᒧᑦ, ᓯᕐᒥᓕᒻᒧᑦ, ᐊᒻᒪᓗ ᖃᐅᓱᐃᑦᑐᕐᒥ ᑲᓇᑕᐅᑉ ᒥᕐᖑᐃᓯᕐᕕᖏᓐᓄᑦ ᖄᖓᒍᒃᑲᓂᖅ ᐊᓯᖏᑕ ᐃᓄᐃᑦ ᐊᒃᑐᖅᑕᐅᓂᖏᓐᓄᑦ ᐱᓂᕆᒐᔭᖅᑕᖏᓐᓄᓪᓗ ᐊᖏᖃᑎᒌᒍᑏᑦ ᐱᔾᔪᑎᖃᖅᑐᑦ ᓄᖑᑦᑕᐃᓕᑎᑦᑎᓂᕐᒧᑦ.

• ᑲᑐᔾᔨᖃᑎᖃᕐᓗᑎᒃ ᕿᑭᖅᑕᓂ ᓄᓇᓕᓐᓂᑦ, ᓄᓇᕗᑦ ᒐᕙᒪᖓᓂᑦ, ᑲᓇᑕᐅᑉ ᒐᕙᒪᖓᓂᑦ, ᐊᒻᒪᓗ ᑮᓇᐅᔭᓂᑦ ᐃᑲᔪᕈᒪᓂᑯᒧᑦ ᑐᒃᓯᕌᒃᓴᓂᑦ ᑮᓇᐅᔭᖃᖅᑎᑦᑎᔨᐅᔪᓂᑦ ᓇᓗᓇᐃᖅᑐᐃᓗᑎᒃ ᖄᖓᒍᒃᑲᓐᓂᖅ ᓴᐳᒻᒥᔭᐅᒋᐊᓕᓐᓂᑦ, ᐱᖃᓯᐅᔾᔨᔪᓂᑦ ᐃᒫᓂ ᐊᒻᒪᓗ ᓄᓇᒥ ᓴᐳᒻᒥᔭᐅᔪᓂᑦ.

“ᑖᓐᓇ ᐊᑎᓕᐅᖅᑕᐅᓂᖓ ᓯᕗᓪᓕᐹᖅᓯᐅᑎ ᐊᖏᖃᑎᒌᒍᑎ ᐃᓚᒋᔭᐅᕗᖅ ᐱᕙᓪᓕᐊᓂᐊᖅᑐᓄᑦ ᐃᓕᑕᕆᔭᐅᔪᓐᓇᖅ− ᑐᓄᑦ ᑕᒪᒃᑮᓂ ᓄᖑᑦᑕᐃᓕᑎᑦᑎᓂᕐᒥ ᐊᒻᒪᓗ ᐱᓕᕆᓂᕆᔭᑦᑎᓐᓂᑦ ᓴᐃᒻᒪᖃᑎᒌᓐᓂᐅᑉ ᒥᒃᓵᓄᑦ ᑲᓇᑕᐅᑉ ᒐᕙᒪᖓᓂᑦ. ᓴᐳᒻᒥᑦᑐᓂᖅ ᓄᓇᕗᒻᒥ ᐊᕕᑦᑐᖅᓯᒪᓂᖁᑎᑦᑎᓐᓂᑦ ᐊᒻᒪᓗ ᐊᖅᑯᓯᐅᕆᓂᖅ ᐃᓄᓐᓄᑦ ᐊᐅᓚᑦᑎᓂᕐᒥᑦ ᓯᕗᓕᖅᑎᐅᓛᖅᑐᓄᑦ ᓄᓇᓕᖏᓐᓂ ᐱᒻᒪᕆᐊᓘᓪᓗᓂ ᐊᓪᓗᕆᐊᕐᓂᐅᕗᖅ ᓄᖑᑦᑕᐃᓕᑎᑦᑎᓂᕐᒥᑦ ᐱᓕᕆᐊᕆᖃᑦᑕ− ᓂᐊᖅᑕᑎᓐᓄᑦ ᓯᕗᓂᑦᑎᓐᓄᑦ. ᐅᓪᓗᒥᓕ ᐊᑎᓕᐅᖅᑕᐅᓂᖓ ᓴᖅᑭᖅᓯᔫᒐᓗᐊᖅ ᐱᒻᒪᕆᐊᓘᔪᒥᑦ ᐱᔭᐅᔪᓐᓇᖅᓯᒪᔪᒥᑦ, ᐃᓕᑕᖅᓯᓯᒪᔪᒍᑦ ᐱᓕᕆᓂᕆᔭᕗᑦ ᓴᐃᒻᒪᖃᑎᒌᒐᓱᐊᕐᓂᕐᒧᑦ ᑲᔪᓰᓐᓇᕐᒪᑦ. ᕿᑭᖅᑕᓃᒃᑯᑦ ᓱᓕ ᐊᖏᖅᓯᒪᕗᑦ ᐱᓕᕆᖃᑎᖃᕐᓂᐊᕐᓂᕋᖅᑐᑎᒃ ᑲᓇᑕᐅᑉ ᒐᕙᒪᖓᓂᑦ ᒪᒥᓴᐃᓗᑎᒃ ᐊᓂᒍᖅᓯᒪᔪᓂᑦ ᐱᑦᑎᐊᑕᐅᓐᖏᓐᓂᐅᓯᒪᔪᓂᑦ, ᐊᒃᓱᕈᐊᖃᕆᐊᕐᓂᕐᒥᑦ ᐃᓄᐃᑦ ᐊᐅᓚᑦᑎᓂᖏᓐᓂᑦ, ᐊᒻᒪᓗ ᐱᐅᓯᒋᐊᖅᑕᐅᓗᓂ ᐃᓄᐃᑦ ᑮᓇᐅᔭᓕᐅᕈᓐᓇᕐᓂᖏᑦ ᓄᓇᓕᖁᑎᑦᑎᓐᓂ.” – ᐅᓛᔪᖅ ᐊᑭᓱᒃ, ᕿᑭᖅᑕᓃᒃᑯᑦ ᐊᖏᔪᖅᑳᖓ.

“ᑕᐃᒪᙵᓂ ᐊᐅᓪᓚᖅᑎᑕᐅᑲᐃᓐᓇᓚᐅᕐᑎᓪᓗᖓ ᓄᓇᒧᑦ ᕿᑭᕐᒃᑖᓗᖕᒥ ᒫᔾᔨᐅᓚᐅᕐᑐᒥ, ᑲᔾᔮᕐᓇᕐᓂᖓ ᐊᒻᒪᓗ ᐱᐅᓪᓚᕆᓐᓂᖓ ᐊᓐᓂᕐᓇᕐᓂᖓ ᓄᓇ ᐱᓯᒪᐃᓐᓇᕐᒃᓯᒪᔭᕋ. ᑲᓇᑕᐅ ᐊᖏᕐᓯᒪᓂᖓ ᓴᐳᔾᔨᓂᐊᕐᓂᕐᒥᒃ 30% ᓄᓇᓂᑦ ᐃᒪᕕᖕᓂᓪᓗ ᑎᑭᓇᓱᖕᓂᖓᓂ 2030 ᓴᕐᒃᑭᑦᑐᓇᕐᒪ ᐱᓕᕆᖃᑎᒌᓪᓗᑕ ᑭᓯᐊᓂ, ᐊᖏᖃᑎᒌᒃᑯᓪᓗ, ᐊᔪᕐᓇᕈᓃᕐᒃᑎᑕᐅᓗᓂ ᕿᑭᕐᒃᑕᓂᑯᑦ ᓯᕗᒃᑲᕐᒃᑎᐅᓪᓗᑎᒃ, ᑕᒪᓐᓇ ᓯᕗᒧᐊᑦᑎᐊᕈᑎᐊᓗᒃ − ᓄᓇᕗᒻᒥᐅᓄᑦ, ᑲᓇᑕᒥᐅᓄᑦ, ᓄᓇᕐᔪᐊᕐᒥᐅᓄᓪᓗ. ᒐᕙᒪᐃᑦ ᑲᑐᔾᔨᓪᓗᑎᒃ, ᐃᓄᖃᑎᒌᒃᑐᑦᓗ, ᓄᓇᖃᕐᒃᑳᕐᒃᑐᕕᓂᕐᓄᑦ ᓯᕗᒃᑲᕐᑕᕐᒃᑕᐅᔪᑦ, ᓴᕐᒃᑭᑎᑦᑎᔪᓇᕋᑦᑕ ᖃᓄᑐᐃᓈᓗᒃ ᑲᑎᖓᔪᓂᒃ ᐃᒪᕕᒃᑎᓐᓄᑦ ᐊᒻᒪᓗ ᓄᓇᐃᑦ ᓴᐳᑎᔭᐅᓯᒪᔪᓇᖁᓪᓗᒋᑦ” − ᒐᕙᒪᑐᖃᒃᑯᓐᓄᑦ ᓯᕗᓕᕐᒃᑎ ᓯᑏᕙᓐ ᒋᐅᐴᓪ, ᒥᓂᔅᑕ ᐊᕙᑎᓕᕆᔨᒃᑯᓐᓄᑦ ᐊᒻᒪᓗ ᓯᓚ ᐊᓯᔾᔨᕐᒃᐸᓪᓕᐊᓂᖓᓄᑦ ᐊᒻᒪᓗ ᒥᓂᔅᑕᐅᓪᓗᓂ ᒥᙳᐃᓯᓕᕆᒃᑯᓐᓄᑦ.

“ᑕᒪᓐᓇ ᐊᑎᓕᐅᕐᓂᕐᒃ ᓯᕗᓪᓕᕐᒃ ᓇᓗᓇᐃᕆᔪᕐᒃ ᐱᕚᓕᓂᕐᒥᒃ ᒐᕙᒪᑐᖃᒃᑯᓐᓂᒃ ᐊᒻᒪᓗ ᕿᑭᕐᒃᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂᒃ. ᑲᑐᔾᔨᖃᑎᒌᓗᑕ ᐱᒋᐊᖅᑎᑦᑎᔪᓇᕐᒪᑦ ᐊᑕᐅᓯᕐᒥᒃ ᑐᕌᒌᔪᒪᔭᑦᑎᓐᓂᒃ ᐱᓇᓱᑎᓪᓗᑕ ᐃᒪᕕᑦᑎᓐᓂᒃ ᓴᐳᔾᔨᓂᕐᒥᒃ ᐃᑲᔪᖃᑎᒌᓂᒃᑯᑦ ᐊᒻᒪᓗ ᓴᐃᒪᖃᑎᒌᐸᓪᓕᐊᓂᒃᑯ. ᐃᓄᐃᑦ ᒥᐊᓂᕆᔨᐅᓯᒪᒻᒪᑕ ᓄᓇᒥᖕᓂᒃ, ᐃᒪᕕᖕᓂᒃ, ᓯᑯᓂᓪᓗ ᑕᐃᒪᙵᓂᑦ, ᐊᒻᒪᓗ ᐱᓕᕆᖃᑎᒌᒋᐊᖃᕋᑦᑕ ᐃᓕᓐᓂᐊᖅᐸᓪᓕᐊᖃᑎᒌᓪᓗᑕᓗ ᑕᒪᒃᑯᐊ ᓯᕗᒧᐊᕐᐸᓕᐊᖁᓪᓗᒋᑦ ᐱᓕᕆᔭᕗᑦ ᓴᐳᔾᔨᓂᒃᑯᑦ.” − ᒐᕙᒪᑐᖃᒃᑯᓄᑦ ᓯᕗᓕᕐᑎ ᑕᐃᔮᓐ ᐳᑎᓕᔭᐃ, ᒥᓂᔅᑕ ᐃᒪᕐᒥᐅᑕᓕᕆᔨᑯᓐᓄᑦ ᐊᒻᒪᓗ ᑲᓇᑕᐅ ᐃᒪᕕᖏᓐᓂᒃ ᐅᐊᑦᓯᔨᒃᑯᑦ.

“ᑕᒪᓐᓇ ᐊᑎᓕᐅᕐᓂᕐᒃ ᓯᕗᓪᓕᕐᒃ ᓇᓗᓇᐃᕆᔪᕐᒃ ᐱᕚᓕᓂᕐᒥᒃ ᒐᕙᒪᑐᖃᒃᑯᓐᓂᒃ ᐊᒻᒪᓗ ᕿᑭᕐᒃᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂᒃ. ᑲᑐᔾᔨᖃᑎᒌᓗᑕ ᐱᒋᐊᖅᑎᑦᑎᔪᓇᕐᒪᑦ ᐊᑕᐅᓯᕐᒥᒃ ᑐᕌᒌᔪᒪᔭᑦᑎᓐᓂᒃ ᐱᓇᓱᑎᓪᓗᑕ ᐃᒪᕕᑦᑎᓐᓂᒃ ᓴᐳᔾᔨᓂᕐᒥᒃ ᐃᑲᔪᖃᑎᒌᓂᒃᑯᑦ ᐊᒻᒪᓗ ᓴᐃᒪᖃᑎᒌᐸᓪᓕᐊᓂᒃᑯ. ᐃᓄᐃᑦ ᒥᐊᓂᕆᔨᐅᓯᒪᒻᒪᑕ ᓄᓇᒥᖕᓂᒃ, ᐃᒪᕕᖕᓂᒃ, ᓯᑯᓂᓪᓗ ᑕᐃᒪᙵᓂᑦ, ᐊᒻᒪᓗ ᐱᓕᕆᖃᑎᒌᒋᐊᖃᕋᑦᑕ ᐃᓕᓐᓂᐊᖅᐸᓪᓕᐊᖃᑎᒌᓪᓗᑕᓗ ᑕᒪᒃᑯᐊ ᓯᕗᒧᐊᕐᐸᓕᐊᖁᓪᓗᒋᑦ ᐱᓕᕆᔭᕗᑦ ᓴᐳᔾᔨᓂᒃᑯᑦ.” − ᒐᕙᒪᑐᖃᒃᑯᓄᑦ ᓯᕗᓕᕐᑎ ᑕᐃᔮᓐ ᐳᑎᓕᔭᐃ, ᒥᓂᔅᑕ ᐃᒪᕐᒥᐅᑕᓕᕆᔨᑯᓐᓄᑦ ᐊᒻᒪᓗ ᑲᓇᑕᐅ ᐃᒪᕕᖏᓐᓂᒃ ᐅᐊᑦᓯᔨᒃᑯᑦ.

ᑮᓇᐅᔭᓂᑦ ᐃᓕᐅᖅᑲᐃᓂᖅ ᐃᓄᓐᓄᑦ−ᐊᐅᓚᑕᐅᔪᓄᑦ ᐊᐅᓚᑦᑎᓂᐅᔪᓄᑦ ᐅᑭᐅᖅᑕᖅᑐᒥ ᐊᕙᑎᖓᓂᑦ ᐅᓪᓗᒥᐅᔪᖅ ᑕᐃᒫᑎᒋ ᐱᒻᒪᕆᐅᓂᖅᐹᖑᓚᐅᖅᓯᒪᓐᖏᒻᒪᑦ ᓵᓐᖓᑦᑎᑎᓪᓗᒋᑦ ᓱᒃᑲᓕᓕᖅᐸᓪᓕᐊᔪᒥᑦ ᓯᓚᐅᑉ ᐊᓯᔾᔨᐸᓪᓕᐊᓂᖓᓂᑦ ᐊᒻᒪᓗ ᐆᒪᔪᐃᑦ ᐊᔾᔨᒌᓐᖏᑦᑐᕈᓘᔭᐃᑦ ᑲᑎᒻᒪᓲᒃ ᐊᓯᐅᕙᓪᓕᐊᑎᓪᓗᒋᑦ. ᓴᓐᖏᓂᖅᑖᑎᑦᑎᓂᖅ ᐃᓄᓐᓂᑦ ᑎᒍᓯᔪᓐᓇᖅᓯᓗᑎᒃ ᓇᒻᒥᓂᖅᑖᕐᓗᑎᒃ ᓇᐅᑦᓯᖅᑐᖃᑦᑕᓕᕐᓗᑎᓪᓗ ᓯᕗᓂᒥᓂᖏᑕ ᓄᓇᑐᖃᒥᓂᖏᓐᓂᑦ ᐃᒪᖏᓐᓂᓪᓗ ᒪᓕᓐᓂᖃᑦᑎᐊᕐᒪᑦ ᓯᓚ ᐊᓯᔾᔨᕋᓗᐊᖅᑎᓪᓗᒍ ᓴᐱᓕᖅᑕᐃᓕᓂᕐᒥᑦ ᐃᓄᐃᑦ ᐃᓕᖅᑯᓯᖏᑦ ᑲᔪᓰᓐᓇᕐᓗᑎᒃ, ᖃᐅᔨᒪᔾᔪᑎᐅᓗᑎᒃ ᐊᕙᑎᖓ ᐃᓄᓐᓄᑦ ᑐᕚᕆᔭᐅᕙᑦᑐᖅ ᒪᑭᒪᑦᑎᐊᕋᓗᐊᕐᒪᖔᖅ.

ᑐᑭᓯᒋᐊᒃᑲᓐᓂᕈᒪᒍᒃᓯ, ᐅᓇ ᖃᐅᔨᒃᑲᖅᓯᐅᒃ:

ᑭᐅᕋᓐ ᕙᓚᐅᕋᑎ
ᐊᐅᓚᑦᑎᔨ, ᑐᓴᐅᒪᖃᑎᒌᑦᑎᑦᑎᓂᕐᒧᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ
(ᐅᖄᓚᐅᑎᖓ) 867.975.8398 ᐅᕝᕙᓘᓐᓃᑦ ᐊᑭᖃᓐᖏᑐᒃᑯᑦ 1.800.667.2742
ᖃᕋᓴᐅᔭᒃᑯᑦ: kflaherty@qia.ca