ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐅᓂᒃᑳᖃᖅᑐᑦ ᖃᓄᐃᓕᖓᓕᕐᒪᖔᑕ ᐊᖏᔫᑎᓂᑦ ᐱᓕᕆᐊᖑᔪᓂᑦ ᐱᕙᓪᓕᐊᑎᑦᑎᓂᕐᒧᑦ ᐱᓕᕆᓂᐅᔪᓂᑦ

ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐅᓂᒃᑳᖃᖅᑐᑦ ᖃᓄᐃᓕᖓᓕᕐᒪᖔᑕ ᐊᖏᔫᑎᓂᑦ ᐱᓕᕆᐊᖑᔪᓂᑦ ᐱᕙᓪᓕᐊᑎᑦᑎᓂᕐᒧᑦ ᐱᓕᕆᓂᐅᔪᓂᑦ
ᐃᖃᓗᐃᑦ, ᓄᓇᕗᑦ, ᒪᐃ 30, 2023 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑕ (ᕿᑭᖅᑕᓃᒃᑯᑦ) ᑲᑎᒪᔨᖏᑦ ᑲᑎᒪᓂᐅᓴᒻᒪᑕ ᐃᖃᓗᓐᓂ ᑕᕝᕙᓂ ᐱᓇᓱᐊᕈᓯᑦᑎᓐᓂ ᐊᕐᒃᓴᕐᓂᖅ ᑐᔪᕐᒥᕕᐅᑉ ᑲᑎᒪᕐᔪᐊᖅᕕᖓᓂ.
ᖃᐅᑉᐸᑦ ᐅᓪᓛᒃᑯᑦ, ᑲᑎᒪᔩᑦ ᐅᓂᒃᑳᖅᕕᐅᓂᐊᖅᑐᑦ ᐱᓪᓗᒋᑦ ᐊᔾᔨᒌᓐᖏᑦᑐᑦ ᐊᖏᔫᑎᓂᑦ ᐱᓕᕆᐊᖃᕐᓂᐅᔪᓂᑦ ᐊᒻᒪᓗ ᐱᕙᓪᓕᐊᑎᑕᐅᔪᓂᑦ ᑕᒫᓂ ᕿᑭᖅᑕᓂ. ᑖᒃᑯᐊ ᐅᑯᓂᖓ ᐃᓚᖃᕐᓂᐊᖅᑐᑦ:
o ᓇᓗᓇᐃᖅᑐᐃᓂᖅ ᐅᓪᓗᒥᒧᑦ ᖃᓄᐃᓕᖓᓕᕐᒪᖔᑕ ᒥᑦᑎᒪᑕᓕᒻᒥ ᖃᐅᔨᓴᕐᓂᓕᕆᓂᕐᒧᑦ ᐱᓕᒻᒪᒃᓴᐃᓂᕐᒧᓪᓗ ᐱᓕᕆᕕᒃᓴᖅ ᐃᓪᓗ ᐊᒻᒪᓗ ᓇᐅᑦᑎᖅᓱᖅᑏᑦ ᐊᔾᔨᒌᓐᖏᑦᑐᓄᑦ ᐱᓕᕆᕕᒃᓴᖓ ᐃᓪᓗ. ᐊᓪᓕᕋᒃᓴᖏᑕ ᐋᖅᑭᑎᖅᑕᐅᓂᖏᑦ ᐊᒻᒪᓗ ᐃᓪᓗᒃᓴᖏᑕ ᑎᑭᑎᑕᐅᓂᖏᑦ ᐋᖅᑭᒃᑕᐅᓯᒪᔪᑦ 2023-ᒧᑦ, ᐃᓪᓗᖏᑦ ᓴᓇᔭᐅᒋᐊᓛᕐᓗᑎᒃ 2024-ᒥ, ᐊᒻᒪᓗ ᐱᔭᕇᖅᑕᐅᕕᒃᓴᖏᒃ ᐃᓯᖅᑕᐅᕕᒃᓴᖏᓪᓗ ᒥᒃᓴᐅᓯᔭᐅᓯᒪᓪᓗᑎᒃ ᐃᓱᐊᓄᑦ 2026.
o ᓇᓗᓇᐃᖅᑐᐃᓂᖅ ᐅᓪᓗᒥ ᖃᓄᐃᓕᖓᓕᕐᒪᖔᑕ ᐊᔾᔨᒌᓐᖏᑦᑐᓄᑦ ᐊᑐᕋᒃᓴᐅᔪᑦ ᐃᓪᓗᐃᑦ ᓴᓇᔭᐅᓛᖅᑐᑦ ᐊᐅᓱᐃᑦᑐᕐᒥ, ᐃᑉᐱᐊᕐᔪᒻᒥ ᐊᒻᒪᓗ ᑲᖏᖅᑐᒑᐱᒻᒥ. ᑖᒃᑯᐊ ᐱᖓᓱᑦ ᐃᓪᓗᐃᑦ ᐊᔾᔨᒌᐸᓗᒻᒥᑦ ᑎᑎᕋᐅᔭᖅᓯᒪᓂᖃᕋᔭᖅᑐᑦ ᐊᑐᕋᒃᓴᐅᓗᑎᒃ ᐱᓕᒻᒪᒃᓴᐃᕕᐅᓗᑎᒃ, ᓄᓇᓯᐅᑎᖃᖅᕕᐅᓗᑎᒃ ᓴᓇᕕᐅᓗᑎᓪᓗ, ᐳᓛᕆᐊᖅᑐᓄᑦ ᑐᓐᖓᓱᑦᑎᑦᑎᕕᐅᓗᑎᖃᐃ ᐊᒻᒪᓗ ᐊᓪᓚᕕᒃᓴᕐᓂᑦ ᐊᑐᖅᑐᐊᕕᒃᓴᐅᓗᑎᒃ.
o ᑲᑎᒪᔾᔪᑎᒃᓴᓃᒻᒥᔪᖅᑕᐅᖅ ᑐᒃᓯᕋᐅᑎᑦ ᓴᖅᑭᖅᓯᖁᔨᔪᑦ ᐊᔾᔨᒌᓐᖏᑦᑐᓄᑦ ᐊᑐᖅᑕᐅᔪᓐᓇᖅᑐᒥᑦ ᐃᓪᓗᒥᒃ ᐃᓪᓗᓕᒻᒥ. ᑖᓐᓇ ᐃᓂᒃᓴᖅ ᐃᓂᒋᔭᐅᔪᓐᓇᕋᔭᖅᑐᖅ ᐃᓕᓐᓂᐊᕆᐅᖅᓴᔪᓄᑦ ᐃᓂᒋᔭᐅᓗᓂ, ᒪᒃᑯᑦᑐᑦ ᐃᓐᓇᑐᖃᐃᓪᓗ ᐱᓕᕆᓂᖏᓐᓄᑦ ᐃᓂᒃᓴᐅᓗᓂ, ᖃᓄᐃᓐᖏᑦᑎᐊᕋᓱᐊᕐᓂᕐᒧᑦ ᒪᒥᓴᕐᓂᒧᓪᓗ ᐅᓂᒃᓴᐅᓗᓂ ᐊᒻᒪᓗ ᓄᓇᖅᑲᑎᒌᓄᑦ ᐱᓕᒻᒪᒃᓴᖅᕕᐅᓗᓂ.
ᑖᒃᑯᐊ ᖃᓄᐃᓕᖓᓕᕐᒪᖔᑕ ᓇᓗᓇᐃᖅᑐᐃᓂᐅᔪᑦ ᑭᒃᑯᑐᐃᓐᓇᕐᓄᑦ ᒪᑐᐃᖓᓛᖅᑐᑦ ᐊᒻᒪᓗ ᑕᑯᒃᓴᐅᑦᑕᐅᑎᒋᓗᑎᒃ ᕿᑭᖅᑕᓃᒃᑯᑦ ᖃᕋᓴᐅᔭᒃᑯᑦ ᐳᓚᐅᑎᕕᖓᓂ ᐸᐃᔅ−ᕗᒃᒥ ᐊᒻᒪᓗ ᔫᒻ−ᑯᑦ ᖃᕋᓴᐅᔭᒃᑯᑦ ᑲᓱᖅᕕᒃᓴᐅᒋᓪᓗᑎᒃ ᐃᓄᒃᑎᑐᑦ ᐊᒻᒪᓗ ᖃᓪᓗᓈᑎᑐᑦ ᑕᑯᒃᓴᐅᔪᑦ.
ᐱᕙᓪᓕᐊᔪᓕᕆᔩᑦ ᖃᐅᔨᒋᐊᕈᒪᑉᐸᑕ, ᐅᓇ ᖃᐅᔨᒃᑲᖅᑕᐅᔪᓐᓇᖅᑐᖅ: ᕿᐊᕋᓐ ᕙᓚᕋᑎ,
ᑐᑭᒧᐊᒍᑎᒃᓴᓄᑦ ᑐᓴᐅᒪᖃᑦᑕᐅᑎᓕᕆᓂᕐᒧᑦ ᑐᑭᒧᐊᖅᑎᑦᑎᔨ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᐅᖄᓚᐅᑖ) 867.975.8398 ᐅᕝᕙᓘᓐᓃᑦ ᐊᑭᖃᓐᖏᑐᒃᑯᑦ 1.800.667.2742
kflaherty@qia.flywheelsites.com