ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ 2018-2019 ᐊᕐᕌᒍᑕᒫᕐᓯᐅᑦ ᐅᓂᒃᑳᖅ ᒫᓐᓇ ᐊᑐᐃᓐᓇᐅᓕᖅᑐᖅ
![](https://www.qia.ca//wp-content/uploads/2019/10/Cover_INU-791x1024.jpg)
ᑕᑯᒋᐊᒃᑭᑦ ᐅᓂᒃᑳᑦ ᐊᒻᒪᓗ ᖃᐅᔨᓂᐊᖅᑕᑎᑦ ᑲᔪᓯᐊᑎᖃᑦᑕᕐᓯᒪᔭᕗᑦ ᕿᒥᕐᕈᐊᕈᒥᓇᖅᑐᓂ ᐅᓂᒃᑳᑎᓐᓂᒃ, ᕿᒥᕐᕈᐊᕈᒥᓇᖅᑐᓂᒃ ᐊᔾᔨᓂᒃ ᐊᒻᒪᓗ ᓴᓇᑐᔪᒥᒃ ᑕᐅᑦᑐᓕᓐᓂᒃ.
![](https://www.qia.ca//wp-content/uploads/2019/10/TI-highlights_INU-1024x663.jpg)
![](https://www.qia.ca//wp-content/uploads/2019/10/IIBA-highlights_INU-1024x663.jpg)
ᐊᕐᕌᒍᑕᒫᕐᓯᐅᑏᑦ ᐅᓂᒃᑳᑦ ᐃᓄᓐᓄᑦ ᑕᑯᒋᐊᕈᑎᒃᓴᐅᔪᑦ ᑎᑎᕋᖃᑦᑕᕐᓯᒪᔭᓕᒫᑦᑎᓐᓂᒃ ᐊᕐᕌᓂᓂᒃ ᐊᒻᒪᓗ ᓇᑭᑦ ᐱᓯᒪᒻᒪᖔᑦᑎᒍ ᑎᑎᕋᖅᑕᐅᒋᐊᓐᖓᕐᓯᒪᔪᑦ ᓇᓗᓇᐃᕐᓯᒪᓪᓗᑎᒃ ᐃᑭᐊᖅᑭᕕᑦᑎᓃᑦᑐᓂᒃ.
ᐊᕐᕌᒍᖃᑦᓯᐊᑐᒻᒪᕆᐅᓯᒪᔪᑦ ᕿᑭᖅᑕᓂᒃᑯᑦ! ᐅᔾᔨᕐᓇᓗᐊᕐᓂᖏᑦ ᐊᐅᓚᓂᕆᔭᐅᖃᑦᑕᕐᓯᒪᔪᑦ ᐃᓚᒋᔭᐅᓪᓗᑎᒃ:
- ᐃᓂᖅᑕᐅᓂᖏᑦ ᑕᓪᓗᕈᑎᐅᑉ ᐃᒪᖓᓄᑦ IIBA ᐊᒻᒪᓗ ᐋᔩᕋᕈᑕᐅᔪᑦ ᐊᑐᖅᑕᐅᓚᐅᐱᓪᓚᓂᐊᖅᑐᑦ ᓴᐳᔾᔨᓯᒪᒍᑕᐅᔪᑦ ᑐᕙᐃᔪᐃᑦᑐᖅ ᑕᕆᐅᖅ ᓴᐳᔾᔭᐅᓯᒪᓂᖓᓄᑦ
- ᐋᔩᕋᕈᑕᐅᓯᒪᓂᖏᑦ $251-ᒥᓕᔭᓐ ᐅᖓᑖᓃᑦᑐᓂᒃ ᑮᓇᐅᔭᓕᐅᕈᑎᒃᓴᖏᓐᓄᑦ ᐃᑲᔫᓯᐊᒃᓴᖏᓐᓄᓪᓗ ᐃᓄᐃᑦ ᖁᑦᑎᑦᑐᒥᐅᑦ, ᐃᓚᒋᔭᐅᓪᓗᑎᒃ ᐃᖅᑲᓇᐃᔮᑦ ᐊᒻᒪᓗ ᑕᕆᐅᒃᑯᑦ ᐱᖁᑎᕐᔪᐊᑦ
- ᒪᒥᐊᑉᕕᐅᓂᖅ ᑲᓇᑕ ᒐᕙᒪᒃᑯᖏᓐᓂᒃ ᐊᒻᒪᓗ ᖃᐅᔨᕐᕙᓚᓐᓂᖏᑦ ᖃᐅᔨᔭᐅᓚᐅᖅᑐᑦ ᕿᑭᖅᑕᓂ ᓱᓕᔪᒥᒃ ᑭᒡᓕᓯᓂᐊᖅᑎᓄᑦ
- ᑮᓇᐅᔭᓕᐅᕋᓱᐊᕈᑎᒃᓴᑖᕆᐊᓐᖓᕈᑏᑦ $15-ᒥᓕᔭᓂᒃ ᓴᓂᕐᕚᕆᕕᑦᑎᓐᓄᑦ ᐊᒻᒪᓗ $5-ᒥᓕᔭᓐ ᐃᓕᖅᑯᓯᓕᕆᓂᕐᒧᑦ ᒪᒥᓴᖅᑐᓕᕆᓂᕐᒧᓪᓗ
- ᐋᖅᑭᒋᐊᕈᑏᑦ ᓄᓘᔮᓐᓂ IIBA ᐊᒻᒪᓗ ᑮᓇᐅᔭᓕᑕᐅᒋᐊᒃᑲᓐᓂᕈᑏᑦ ᐃᓄᐃᑦ ᐱᓕᖕᒪᓴᕐᓂᖏᓐᓄᑦ, ᐃᓚᒋᔭᐅᓪᓗᑎᒃ $10-ᒥᓕᔭᓐ ᑐᕌᖓᔪᑦ ᐃᓄᐃᑦ ᓴᓇᑐᓕᕐᐸᓕᕐᕕᑦᓴᖓᓂᒃ ᒥᑦᑎᒪᑕᓕᒻᒥ
- ᑕᑯᒋᐊᒃᑲᓂᕐᓂᖅ ᐅᓄᕐᓂᕐᓴᓂᒃ ᐃᓄᓐᓂᒃ ᐃᓕᓐᓂᐊᕌᓂᑦᑐᓂᒃ ᕿᑭᖅᑕᓂ ᐊᔪᕈᓐᓃᓴᕐᓂᕐᒧᑦ ᐱᓕᒻᒪᓴᕐᓂᒧᓪᓗ ᐃᖅᑲᓇᐃᔭᖃᑎᒌᓐᓂᒃᑯᑦ (Q-STEP) ᐃᖅᑲᓇᐃᔮᖅᑖᑦᓯᐊᕙᓪᓗᓂᓗ
- ᐱᐊᓂᖕᓂᕗᑦ ᓯᕗᓪᓕᕐᐹᒥ ᐊᕐᕌᒍᓕᒫᖅ ᓄᑖᓂ ᐃᑲᔫᑎᒃᓴᓂ ᑮᓇᐅᔭᓂ ᐱᓕᕆᐊᒃᓴᑦ ᐊᒻᒪᓗ ᑕᑯᓂᕗᑦ ᐸᐃᕆᕕᓐᓂ ᐊᑭᑭᓪᓕᒋᐊᕈᑎᒃᓴᓂ ᐱᓕᕆᐊᖑᑎᓪᓗᒍ, ᐊᒻᒪᓗ ᓄᑕᖅᑲᑦ ᒥᑭᓂᖏᓐᓂ ᐃᓕᓐᓂᐊᕈᑎᒃᓴᑦ
ᐅᑎᒧᑦ ᑕᑯᒋᐊᕐᓂᖅ, 2018-19 ᕿᑭᖅᑕᓂᒃᑯᓐᓄᑦ ᐊᕐᕌᒍᑦᓯᐊᕙᒻᒪᕆᐅᓯᒪᔪᖅ.
ᐃᖅᑲᓇᐃᔭᖅᑎᕗᑦ ᑲᑎᒪᔨᖁᑎᕗᓪᓗ ᑲᔪᓯᐊᑎᑦᓯᖃᑦᑕᕐᓯᒪᔪᑦ ᐱᐅᔪᕐᔪᐊᓂᒃ ᐱᓕᕆᐊᓂᒃ ᐱᓕᕆᐊᒃᓴᑦᑎᓐᓂ ᐊᒻᒪᓗ ᐱᓇᓱᐊᒐᑦᓴᓂᒃ ᐱᔨᑦᓯᕈᑎᒃᓴᓄᑦ ᕿᑭᖅᑕᓂ ᐃᓄᓐᓄᑦ. ᑕᑯᓵᕈᒪᒻᒪᕆᓕᖅᑕᕗᑦ ᖃᓄᐃᓐᓂᐊᕐᒪᖔᕐᓕ ᑲᔪᓯᐊᑎᑕᐅᓂᐊᖅᑐᑦ ᐊᕐᕌᒎᓂᐊᖅᑐᒥ!
Recommended Posts