ᐃᖃᓗᐃᑦ, ᓄᓇᕗᑦ, ᐊᒃᑑᕙ 13, 2022 – ᐅᔾᔨᕐᓇᙱᑦᑐᓂᒃ ᓴᖅᑭᖅᑐᖃᖅᑎᓪᓗᒍ, ᐹᓪ ᐅᑲᓕᖅ ᓄᖅᑲᖅᓯᒪᓕᖅᑐᖅ ᓂᕈᐊᖅᑐᓕᕆᔨᒻᒪᕆᐅᓂᕐᒥᒃ ᑕᒪᐃᓐᓄᑦ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᑦ ᐊᒻᒪᓗ ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᒃᑯᑦ ᓂᕈᐊᖅᑎᑦᑎᓂᖏᓐᓄᑦ. ᒫᓂᑲ ᐃᐅᓪ-ᑲᓇᔪᖅ ᑎᒃᑯᐊᖅᑕᐅᓯᒪᓕᖅᑐᖅ ᓂᕈᐊᖅᑐᓕᕆᔨᒻᒪᕆᐅᓂᕐᒧᑦ ᑕᒪᐃᓐᓄᑦ ᓂᕈᐊᕐᓂᐅᓛᖅᑐᓄ ᑎᓯᐱᕆ 12, 2022-ᒥ.

ᒫᓂᑲ ᐱᓕᕆᓯᒪᔪᖅ ᐃᓄᖕᓅᖓᔪᓂᒃ ᐊᔾᔨᒌᙱᑦᑐᓂᒃ ᐊᕐᕌᒍᓂ ᖄᖏᖅᑐᓂ, ᐃᓚᒋᓪᓗᒋᑦ: ᐊᖓᔪᖅᑳᖅ ᐃᓄᐃᑦ ᐅᑭᐅᖅᑕᖅᑐᓕᒫᕐᒥ ᑲᑎᒪᔨᕐᔪᐊᖏᓐᓄᑦ ᑲᓇᑕᒥ, ᑲᑎᒪᔨᐅᓪᓗᓂ ᐃᓄᐃᑦ ᑕᑯᓐᓇᒐᒃᓴᓕᕆᔨᒃᑯᓐᓄᑦ, ᒪᓕᒐᓕᐅᖅᑎᐅᓪᓗᓂ ᐊᒻᒪᓗ ᒥᓂᔅᑕᐅᓪᓗᓂ ᓄᓇᕗᑦ ᒐᕙᒪᖓᓂ, ᓇᖕᒥᓂᖃᕐᓂᕐᒥᒃ ᐱᕙᓪᓕᐊᑎᑦᑎᓂᕐᒥᒃ ᑐᑭᒧᐊᒃᑎᑦᑎᔨᐅᓪᓗᓂ ᓄᓇᕗᑦ ᑐᙵᕕᒃᑯᓐᓄᑦ ᐊᒻᒪᓗ ᓰᐲᓰ ᓈᓚᐅᑎᒃᑯᑦ ᐅᖃᖅᑎᐅᓯᒪᓪᓗᓂᓗ. ᓂᕈᐊᖅᑕᐅᓯᒪᔪᖅ ᐊᔾᔨᒌᙱᑦᑐᓄᑦ ᓄᓇᕗᒻᒥ ᒫᓐᓇᓕ ᓂᕈᐊᖅᑐᓕᕆᔨᒻᒪᕆᐅᓕᖅᑐᖅ ᑭᕙᓪᓕᕐᒥ ᐃᓄᐃᑦ ᑲᑐᔾᔨᖃᑎᒌᒃᑯᓐᓄᑦ ᐊᒻᒪᓗ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᓐᓄᑦ.

ᐹᓪ ᐅᑲᓕᖅ ᖃᓄᐃᙱᑦᑎᐊᖁᕙᕗᑦ ᐱᓇᓱᐊᕆᓛᖅᑕᖏᓐᓂᒃ ᐊᒻᒪᓗ ᓯᕗᓂᒃᓴᒥ ᐃᖅᑲᓇᐃᔭᖃᑎᒋᔪᒪᓛᕐᒥᔭᕗᑦ.

ᐊᔮᔭ ᐱᔫᒥᓵᕐᓂᓕᕆᔨᑦ ᑐᓴᐅᒪᖃᑦᑕᐅᑎᓕᕆᔨᓪᓗ
ᓂᕈᐊᖅᑐᓕᕆᔨᒻᒪᕆᐅᑉ ᐊᓪᓚᒡᕕᖓ
ᓈᑎᐊ ᓯᑰᓂ
ᐅᖄᐅᓚᐅᑦ: 867-979-1484
ᐃᕐᖐᓇᖅᑕᐅᑦ: nadiac@ayaya.ca