ᐃᖃᓗᐃᑦ, ᓄᓇᕗᑦ, ᐄᐳᓗ 11, 2022 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓂᒃᑯᑦ) ᓇᓗᓇᐃᕐᓯᕗᑦ ᓇᓪᓕᒍᓱᓐᓂᕋᖅᑐᑎᒃ ᐃᓚᖏᓐᓂᒃ, ᐱᖃᑎᖏᓐᓂᒃ, ᓄᓇᖅᑲᑎᖏᓐᓂᓪᓗ ᔫ ᐊᑕᒍᑦᑖᓘᑉ.

ᐊᑕᒍᑦᑖᓗᒃ ᐊᔾᔨᒌᙱᑐᒡᒍᑎᓂᑦ ᐃᖅᑲᓇᐃᔮᖃᕐᓯᒪᔪᖅ ᐅᑯᓇᓂ ᕿᑭᖅᑖᓗᒻᒥ ᐃᓄᐃᑦ ᑲᑐᔾᔨᖃᑎᒌᖏᑦ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᑭᖑᓂᐊᒍᑦ ᑕᐃᒫᒃ ᑕᐃᔭᐅᓕᖅᑎᓪᓗᒋᑦ, ᐊᒻᒪᓗ ᓂᕈᐊᖅᑕᐅᕕᒋᓯᒪᔭᖏᓐᓂᒃ ᐃᓂᖃᖃᑦᑕᓚᐅᕐᒥᔪᖅ ᕿᑭᖅᑕᓂᒃᑯᓐᓂᑦ ᑕᐃᒪᙵᑦ ᐱᒋᐊᓚᐅᕐᓯᒪᒻᒪᑕ 1996-ᖑᑎᓪᓗᒍ. ᐃᓄᓐᓂᑦ ᑭᒡᒐᖅᑐᐃᖏᓐᓇᓚᐅᖅᑐᖅ ᕿᑭᖅᑕᓂᒃᑯᓐᓄᑦ ᐃᓚᒋᔭᐅᓪᓗᓂ 2020-ᒧᑦ ᑎᑭᑦᑐᒍ.

“ᐊᑯᓂ ᕿᑭᖅᑕᓂᒃᑯᓐᓂ ᑭᒡᒐᑐᖅᑎᐅᑎᓪᓗᒍ, ᐊᑕᒍᑖᓗᒃ ᐊᑑᑎᖃᓪᓚᕆᑦᑐᒥᒃ ᐃᖅᑲᓇᐃᔮᖃᕐᓯᒪᔪᖅ ᐱᙳᖅᑎᑦᑎᓂᕐᒥᒃ ᐱᔭᕇᕐᓯᓂᕐᒥᓪᓗ ᕿᑭᖅᑕᓂ ᓱᓕᔪᒥᒃ ᑭᓪᓕᓯᓂᐊᖅᑎᓂᑦ (ᑭᓪᓕᓯᓂᐊᖅᑏᑦ) ᐅᓂᒃᑳᓂᑦ. ᑖᒃᑯᐊ ᐅᓂᒃᑳᑦ ᐱᔭᕇᖅᑕᐅᓚᐅᖅᑎᓪᓗᒋᑦ, ᐅᖃᐅᓯᖃᕋᔪᖃᑦᑕᓚᐅᖅᑐᖅ ᐃᑉᐱᒍᓱᓪᓚᕆᖃᑦᑕᓚᐅᖅᑐᓂᓗ ᐃᑲᔪᕐᓰᓪᓗᓂ ᕿᑭᖅᑕᓂᒃᑯᑦ ᐃᓱᒪᒋᓯᒪᔭᖏᓐᓂᒃ ᓴᐃᒻᒪᖃᑎᒌᓐᓂᕐᒨᖓᔪᓂᑦ, ᑖᓐᓇ ᑲᔪᓯᑎᑉᐸᓪᓕᐊᓂᐊᕋᑦᑎᒍ ᓱᓕ ᐱᒋᐊᖅᑎᓯᒪᔭᖓ ᓯᕗᓕᖅᑎᐅᓂᕐᒥᒃ ᕿᑭᖅᑕᓂᒃᑯᓐᓂᑦ” ᐅᖃᖅᑐᖅ ᐅᓛᔪᒃ ᐊᑭᓱᒃ, ᕿᑭᖅᑕᓂᒃᑯᓐᓄᑦ ᐊᖏᔪᖅᑳᖅ.

ᔫ ᓈᒻᒪᑦᑐᒥᒃ ᐊᑑᑎᖃᑦᑎᐊᖃᑦᑕᓚᐅᖅᑐᖅ ᐊᔾᔪᒥᓇᖅᑐᓂᓗ ᐱᓕᕆᖃᑎᒋᕙᑦᑕᖏᓐᓄᑦ ᐃᓅᖃᑎᖏᓐᓄᓪᓗ. ᕿᑭᖅᑕᓂᒃᑯᑦ ᑲᑎᒪᔨᖏᑦ ᖁᔭᓐᓇᒦᖅᑐᑦ ᔫ ᐃᓚᖏᓐᓂᒃ ᐃᑲᔪᕐᓰᖃᑦᑕᕐᓯᒪᓂᖏᓐᓄᑦ ᑲᔪᓯᑎᑦᑎᔪᓐᓇᓂᐊᕐᖓᑦ ᓈᒻᒪᑦᑐᓂᑦ ᐊᑑᑎᓕᓐᓂᑦ ᐃᓄᓐᓄᑦ ᐊᕐᕌᒍᓂᑦ ᐊᓂᒍᖅᑐᓂᑦ.

ᑐᑭᓯᒋᐊᒃᑲᓐᓂᕈᒪᒍᔅᓯ, ᑐᑭᓯᒋᐊᕐᕕᐅᖃᑦᑕᕐᓕ:
ᑭᐅᕋᓐ ᕙᓚᕋᑎ
ᑐᑭᒧᐊᒃᑎᑦᑎᔨ, ᑐᑭᒧᐊᒍᑎᔅᓴᓂᑦ ᑐᓴᐅᒪᖃᑦᑕᐅᑎᒍᑎᓄᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ
(ᐅ) 867.975.8398 ᐊᑭᖃᙱᑐᒃᑯᓘᓐᓃᑦ−ᐅᖓᓯᑦᑐᒥᑦ 1.800.667.2742
kflaherty@qia.ca