ᕿᑭᖅᑕᓂᒃᑯᑦ ᑲᑎᒪᔩᑦ ᑲᑎᒪᓂᖓ ᐃᓱᓕᒃᐳᖅ ᐅᓪᓗᒥ

ᐃᖃᓗᐃᑦ, ᓄᓇᕗᑦ, ᔫᓂ 7, 2024 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓃᒃᑯᑦ) ᐃᓚᐅᔪᖁᑎᖏᑦ ᑲᑎᒪᔨᖏᓪᓗ ᑲᑎᒪᔭᕇᖅᑐᑦ ᐅᓪᓗᒥ, ᖃᑎᒪᑎᑦᑎᓪᓗᑎᑦ ᔫᓂ 4ᒥ − 7ᒧᑦ.  ᐱᖁᔨᕗᖔᕈᑎᓂᒃ ᑲᔪᓯᑎᑦᑎᓚᐅᖅᑐᑦ ᑲᑎᒪᓂᕐᒥᒃ:

• ᐊᖏᖅᑕᐅᓂᖓ ᐊᖏᖃᑎᖃᖁᓪᓗᒍ ᑖᒃᑯᓄᖓ ᑮᓇᐅᔭᓂᒃ $750,000ᓂᑦ ᑲᑭᕙᒃ ᑲᑐᔾᔨᖃᑎᒌᒃᑯᓐᓂᑦ ᐃᑲᔫᑕᐅᓂᐊᕐᒪᑕ ᐊᒥᒐᖅᓯᒍᑕᐅᔪᓄᑦ ᑮᓇᐅᔭᓂᒃ ᐃᓄᓐᓄᑦ ᓯᓚᑦᑐᖅᓴᕐᕕᖕᓄᑦ ᐃᓕᓐᓂᐊᕆᐊᕐᐸᑦᑐᓄᑦ ᐃᑲᔫᑎᓄᑦ ᐊᕐᕌᒍᒥ 2024−2025ᒥ.
• ᐊᖏᖅᑕᐅᓂᖓ ᑖᒃᑯᐊ ᑮᓇᐅᔭᐃᑦ $15ᒥᓕᔭᓐ ᓄᓇᖃᖅᑳᖅᑐᑦ ᓄᓇᓕᖏᓐᓄᑦ ᐱᖁᑎᕐᔪᐊᓕᕆᓂᕐᒧᑦ ᑮᓇᐅᔭᖏᓐᓂᙶᖅᑐᑦ” ᐊᑐᖅᑕᐅᓗᑎᒃ ᓴᓇᓂᕐᒧᑦ ᓇᐅᑦᑎᖅᓱᖅᑏᑦ ᑐᖅᑲᖅᑕᕐᕕᒃᓴᖏᓐᓂᒃ ᒥᑦᑎᒪᑕᓕᖕᒥ, ᐊᐅᓱᐃᑦᑐᕐᒥ ᑲᖏᖅᑐᒑᐱᖕᒥᓗ.
• ᐊᖏᖅᑕᐅᓂᖓ ᐋᔩᖃᑎᒌᕐᓂᕐᒥᒃ ᑐᑭᓯᐅᒪᖃᑎᒌᓐᓂᒃᑯᑦ ᐊᖏᕈᑎᒥᒃ ᓄᓇᓕᐸᐅᔭᒃᑯᓐᓂᒃ ᐱᒋᐊᕐᒃᑎᑦᑎᓪᓗᓂ ᐊᑐᕐᒃᑕᐅᓂᐊᕐᒃᑐᒥᒃ ᓇᖕᒥᓂᖃᕐᑐᓄᑦ ᓴᓇᔭᐅᕙᓪᓕᐊᓂᐊᕐᓂᖓᑕ ᐃᖃᓗᐃᑦ ᓄᓇᓕᐸᐅᔭᒃᑯᑦ ᓄᓇᖁᑎᖏᑦ ᐅᐊ`ᖕᓇᕐᐸᓯᖓᓂ ᐃᓄᐃᑦ ᓄᓇᖁᑎᖏᓂᒃ ᒥᒃᓵᒥ ᓯᕗᒧᒋᐊᕐᒃ ᐊᑐᕆᐊᖓᓂ.

ᕿᑭᖅᑕᓃᒃᑯᑦ ᑎᒃᑯᐊᕐᒃᓯᕐᒃᑲᐅᒻᒥᔪ ᐅᑯᓂᖓ:

• ᔮᓂ ᐊᐅᓪᓚ ᑎᒃᑯᐊᖅᑕᐅᓯᒪᔪᕐᒃ ᓴᓂᑭᓗᐊᕐᒥ ᑲᑐᔾᔭᐅᔪᒥᒃ ᒥᕐᖑᐃᖅᓯᕝᕕᖕᒥ ᐸᕐᓇᐃᓂᕐᒧᑦ ᐊᐅᓚᑦᑎᓂᕐᒧᓪᓗ ᑲᑎᒪᔨᕋᓛᖏᑦ ᑭᙶᓗᒃ ᓄᓇᕗᒥ ᒥᕐᖑᐃᖅᓯᕐᕕᖕᒧᑦ ᐱᖓᓱᓂᑦ−ᐊᕐᕌᒍᓂᑦ ᑲᑎᒪᔨᐅᖃᑕᐅᓂᐊᖅᑐᖅ;
• ᔫᒥ ᐋᐸᒃ ᑎᒃᑯᐊᖅᑕᐅᓯᒪᔪᕐᒃ ᐊᒡᒍᑦᑎᓐᓂ ᒥᕐᖑᐃᖅᓯᕐᕕᖕᒧᑦ (ᑲᖏᖅᑐᒑᐱᒃ) ᐱᖓᓱᓂᑦ−ᐊᕐᕌᒍᓂᑦ ᑲᑎᒪᔨᐅᖃᑕᐅᓂᐊᖅᑐᖅ;
• ᓂᖏᐅᓛ ᕿᓕᑦᑎ ᑎᒃᑯᐊᖅᑕᐅᓯᒪᔪᕐ ᑲᑕᓐᓂᓕᒃ  ᒥᕐᖑᐃᖅᓯᕐᕕᒃᑯᖏᓐᓄ (ᑭᒻᒥᕈᑦ)  ᐱᖓᓱᓂᑦ−ᐊᕐᕌᒍᓂᑦ ᑲᑎᒪᔨᐅᖃᑕᐅᓂᐊᖅᑐᖅ;
• ᓚᐃᓴ ᓂᖏᐅᕐᒃ, ᓕᐊᕆ ᐊᐅᓪᓚᓗᒃ ᐊᒻᒪᓗ ᐋᓂ ᐊᐅᓪᓚᓗᒃ ᑎᒃᑯᐊᖅᑕᐅᓯᒪᔫᒃ ᖁᑦᑎᓂᕐᐹᕐᒥ ᒥᕐᖑᐃᓯᕐᕕᒻᒧᑦ ᑲᑐᔾᔨᓪᓗᑎᒃ ᐸᕐᓇᐃᓂᕐᒧᑦ ᒥᕐᖑᐃᓯᕐᕕᓕᕆᓂᕐᒧᓪᓗ ᑲᑎᒪᔨᕋᓛᕐᓄᑦ ᐱᖓᓱᓂᑦ−ᐊᕐᕌᒍᓂᑦ ᑲᑎᒪᔨᐅᖃᑕᐅᓂᐊᖅᑐᑎᒃ;
• ᐊᑦᓚ ᐃᑦᑐᐊᑦᓯᐊᕐᒃ ᑎᒃᑯᐊᖅᑕᐅᓯᒪᔪᕐᒃ ᕿᑭᖅᑕᓃᒃᑯᑦ ᐃᓅᓯᕐᓅᖓᔪᓂᒃ ᑲᑎᒪᔨᕋᓛᖏᓐᓄᑦ − ᐊᖑᑎᓄᑦ ᑭᒡᒐᖅᑐᖅᑎᒃᓴᒧᑦ ᐱᖓᓱᓂᑦ−ᐊᕐᕌᒍᓂᑦ ᑲᑎᒪᔨᐅᖃᑕᐅᓂᐊᖅᑐᖅ;
• ᐱᓕᐴᓯ ᐊᑕᒍᑦᑖᓗᒃ ᑎᒃᑯᐊᖅᑕᐅᓯᒪᔪᕐ ᓯᕐᒥᓕᒃ ᒥᕐᖑᐃᖅᓯᕝᕕᖕᒥ ᐸᕐᓇᐃᓂᕐᒧᑦ ᐊᐅᓚᑦᑎᓂᕐᒥᓗ ᑲᑎᒪᔨᕋᓛᖏᓐᓄᑦ ᐱᖓᓱᓂᑦ−ᐊᕐᕌᒍᓂᑦ ᑲᑎᒪᔨᐅᖃᑕᐅᓂᐊᖅᑐᖅ;
• ᐸᐅᓗᓯ ᖃᓗᔾᔭᕐᒃ ᑎᒃᑯᐊᖅᑕᐅᓯᒪᔪᕐᒃ ᓄᓇᕗᒥ ᑮᓇᐅᔭᓂᒃ ᐸᐸᑦᑎᔨᓄᑦ ᐱᖓᓱᓂᑦ−ᐊᕐᕌᒍᓂᑦ ᑲᑎᒪᔨᐅᖃᑕᐅᓂᐊᖅᑐᖅ;
• ᐋᑦᓯ ᐊᕐᓇᑲᕐᒃ ᑎᒃᑯᐊᖅᑕᐅᓯᒪᔪᕐᒃ ᓄᓇᕗᒥ ᑮᓇᐅᔭᓂᒃ ᐸᐸᑦᑎᔨᓄᑦ ᐊᑕᐅᓯᕐᒥᒃ−ᐊᕐᕌᕐᒥᒃ ᑲᑎᒪᔨᐅᖃᑕᐅᓂᐊᖅᑐᖅ;

ᕿᑭᖅᑕᓂᒃᑯᑦ ᓴᖅᑭᔮᖅᑎᑎᒃᑲᓐᓂᙳᓱᒃᑐᑦ ᑖᒃᑯᓂᖓ ᑲᑎᒪᔨᐅᔭᒃᓴᐅᓛᖅᑐᓂᒃ : ᖃᐅᓱᐃᑦᑐᖅ ᒥᕐᖑᐃᓯᕐᕕᒻᒧᑦ ᑲᑐᔾᔨᓪᓗᑎᒃ ᐸᕐᓇᐃᓂᕐᒧᑦ ᒥᕐᖑᐃᓯᕐᕕᓕᕆᓂᕐᒧᓪᓗ ᑲᑎᒪᔨᕋᓛᕐᓄᑦ.  ᓴᓂᑭᓗᐊᕐᒥ ᑲᑐᔾᔨᓪᓗᑎᒃ ᐸᕐᓇᐃᓂᕐᒧᑦ ᒥᕐᖑᐃᓯᕐᕕᓕᕆᓂᕐᒧᓪᓗ ᑲᑎᒪᔨᕋᓛᕐᓄᑦ ᑭᙶᓗᒃ ᒥᕐᖑᐃᓯᕐᕕᒻᒧᑦ ᐊᒻᒪᓗᑦᑕᐅ ᑲᖏᖅᑐᒑᐱᒻᒥ ᑲᑐᔾᔨᓪᓗᑎᒃ ᐸᕐᓇᐃᓂᕐᒧᑦ ᒥᕐᖑᐃᓯᕐᕕᓕᕆᓂᕐᒧᓪᓗ ᑲᑎᒪᔨᕋᓛᕐᓄᑦ ᐊᒡᒍᑎᓐᓂ ᒥᕐᖑᐃᓯᕐᕕᒻᒧᑦ.

ᑐᑭᓯᒃᑲᓐᓂᕆᐊᖃᕈᕕᑦ, ᖃᐅᔨᒋᐊᕐᕕᒃᓴᖅ:
ᑭᐊᕋᓐ ᕙᓚᕋᑎ
ᑐᑭᒧᐊᒃᑎᑦᑎᔨ, ᑐᑭᒧᐊᒍᑎᒃᓴᓂᒃ ᑐᓴᐅᒪᖃᑦᑕᐅᑎᓄᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ
(ᐅᖄᓚᐅᑦ) 867.975.8398 ᐊᑭᖃᙱᑦᑐᒧᓪᓘᓐᓃᑦ ᐅᖄᓚᓗᑎᑦ 1.800.667.2742

kflaherty@qia.ca