ᐃᖃᓗᐃᑦ, ᓄᓇᕗᑦ − ᐋᒡᒌᓯ 8, 2022 ᐅᓪᓗᒥ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (QIA) ᒪᑐᐃᕐᓯᑲᓐᓂᖅᑲᐅᔪᑦ ᕿᑭᖅᑕᓂᒃᑯᑦ ᐃᓕᓐᓂᐊᓂᕐᒧᑦ ᐃᑲᔫᓯᐊᔅᓴᓂᑦ ᐊᒻᒪᓗ ᔮᓐ ᐊᒪᕈᐊᓕᒃ ᐃᓕᓐᓂᐊᓂᕐᒧᑦ ᐃᑲᔫᓯᐊᔅᓴᓂᑦ ᐊᕐᕌᒍᒧᑦ 2022-2023 ᐃᓕᓐᓂᐊᕐᓇᐅᓂᐊᖅᑐᒧᑦ.
ᑕᒫᓂ ᐊᕐᕌᒍᒥ, 80ᒻᒪᑕ ᕿᑭᖅᑕᓂᒃᑯᓐᓂ ᐃᓕᓐᓂᐊᓂᕐᒧᑦ ᐃᑲᔫᓯᐊᔅᓴᑦ ᐊᒥᓲᓂᓖᑦ $2,500 ᐊᑐᓂᑦ ᐊᒻᒪᓗ ᒪᕐᕉᒃ (1) ᔮᓐ ᐊᒪᕈᐊᓕᒃ ᐃᓕᓐᓂᐊᓂᕐᒧᑦ ᐃᑲᔫᓯᐊᔅᓴᑦ ᐊᑐᐃᓐᓇᐅᔪᑦ $5,000ᖑᓪᓗᑎᒃ ᐊᑐᓂᑦ. ᐃᓕᓐᓂᐊᓂᕐᒧᑦ ᐃᑲᔫᓯᐊᔅᓴᑦ ᒪᑐᓂᐊᖅᑐᑦ ᐃᓘᓐᓇᑎᒃ ᐱᔭᐅᓯᒪᓕᖅᑲᑕ.
ᑐᔅᓯᕋᐅᑏᑦ ᒫᓐᓇ ᐊᑐᐃᓐᓇᐅᓕᕇᖅᑐᑦ, ᑕᑯᔪᓐᓇᖅᑕᓯ ᑕᑕᑎᕋᕐᓂᖅᑐᖅ ᖃᕋᓴᐅᔭᒃᑯᑦ ᑐᔅᓯᕋᐅᑏᑦ ᐅᕙᙵᑦ: https://www.qia.ca/scholarship-application/
ᐱᓇᓱᐊᖃᑕᐅᔪᒪᓂᐊᕈᕕᑦ ᓇᓕᐊᓐᓄᑐᐃᓐᓇᖅ ᐃᓕᓐᓂᐊᕈᓯᐊᔅᓴᓄᑦ, ᐅᑯᐊ ᐃᓕᓐᓄᑦ ᐊᑐᕆᐊᓖᑦ:
- ᐊᑐᖅᑐᒥᒃ ᓄᓇᕗᑦ ᑐᙵᕕᒃᑯᑦ ᑎᒥᖓᓐᓄᑦ ᐃᓚᒋᔭᐅᔾᔪᑎᖃᕐᓗᑎᑦ, ᐃᓕᓴᕆᔭᐅᓯᒪᓗᑎᑦ ᐃᓅᓂᕐᓂᒃ ᕿᑭᖅᑕᓂ ᓄᓇᖃᕐᓗᑎᑦ
- ᓄᓇᖃᓪᓚᑦᑖᕐᓗᑎᑦ ᐃᓚᖓᓐᓂᒃ 13ᒻᒪᑕ ᕿᑭᖅᑕᓂ ᓄᓇᓕᐅᔪᑦ − ᖃᓄᖅᑑᕈᓐᓇᓲᖑᒻᒥᔪᑦ ᐃᓕᓐᓂᐊᖅᑎᓄᑦ ᓄᓇᓕᓐᓂᑦ ᐊᓯᐊᓂᒃ ᐊᑎᓕᐅᕐᓯᒪᔪᓄᑦ ᐃᓕᓐᓂᐊᖅᑎᐅᖏᓐᓇᓂᐊᕐᓗᑎᒃ ᓯᓚᑦᑐᓴᕐᕕᒻᒥ. ᑐᓂᓯᖁᔭᐅᑐᐃᓐᓇᕆᐊᖃᖅᑐᑎᑦ ᓇᓕᖅᑲᖓᓂᒃ ᓄᓇᕗᒥ ᐋᓐᓂᐊᕕᓕᐊᖅᑐᕐᓯᐅᑎᓐᓂᒃ ᓇᓗᓇᐃᒃᑯᑕᐅᒃᑲᓂᕐᓂᐊᕐᖓᑦ ᑕᒫᓂᒥᐅᑕᐅᓂᕐᓂᒃ.
- ᑐᓂᓯᓗᑎᑦ ᓇᓕᖅᑲᖓᓂᒃ ᓇᓗᓇᐃᒃᑯᑕᕐᒥᒃ ᐊᑎᓕᐅᖅᑕᐅᓯᒪᓂᕐᓂᒃ ᐃᓕᓴᕆᔭᐅᓯᒪᔪᒥ ᓯᓚᑦᑐᓴᕐᕕᒻᒥ ᐃᓕᓐᓂᐊᕐᕕᐅᕙᑦᑐᒥ
- ᑐᓂᓯᓗᑎᑦ ᓇᓕᖅᑲᖓᓂᒃ ᐃᕝᕕᑦ ᐃᖅᑲᓇᐃᔭᖅᑐᕐᓯᐅᑎᖓᑕ ᓈᓴᐅᑎᖓᓂᒃ
ᐃᓚᒃᑲᓐᓂᖏᑦ ᒪᓕᑦᑕᐅᔭᕆᐊᓖᑦ ᔮᓐ ᐊᒪᕈᐊᓕᒃ ᐃᓕᓐᓂᐊᓂᕐᒧᑦ ᐃᑲᔫᓯᐊᔅᓴᓂᑦ:
- ᐃᓕᓐᓂᐊᖅᑏᑦ ᐊᑎᓕᐅᖅᑕᐅᓯᒪᔭᕆᐊᓖᑦ ᓯᓚᑦᑐᓴᕐᕕᒻᒥ ᐃᓕᓐᓂᐊᕐᕕᐅᕙᑦᑐᒥ, ᐃᓕᓐᓂᐊᕈᑕᐅᓂᐊᖅᑐᒥᒃ ᐃᒪᐃᑦᑑᖁᓇᖅᑐᓂ ᐃᓄᐃᑦ ᐅᖃᐅᓯᖓᓐᓂᒃ ᐃᓕᖅᑯᓯᖓᓐᓂᓪᓗ
- 500ᓂᑦ−ᐅᖃᐅᓯᖅᑕᓕᓐᓂᑦ ᐅᓂᒃᑳᓕᐅᕐᓯᒪᓗᑎᑦ ᖃᓄᖅ ᐃᑉᐱᒋᔭᑎᑦ ᐱᓇᓱᐊᕈᑎᒋᔪᒪᓯᓐᓂᕐᒪᖔᕐᐱᒋᑦ ᔮᓐ ᐊᒪᕈᐊᓕᒃ ᐱᔾᔪᑎᒋᓪᓗᒍ ᐊᒻᒪ ᓄᓇᕗᑦ ᐊᖏᖃᑎᒌᒍᑎᖏᑦ
- ᒫᓐᓇᓕᓴᕐᒥᒃ ᐃᖅᑲᓇᐃᔮᔅᓴᓄᑦ ᐱᔪᒐᕐᓇᐅᑎᓐᓂᒃ
- ᓇᓕᖅᑲᖏᓐᓂᒃ ᒫᓐᓇᓕᓴᐅᓂᕐᐹᓂᑦ ᐃᓕᓐᓂᐊᕈᑎᒥᓂᖏᓐᓂᒃ ᐃᕝᕕᑦ
- ᒪᕐᕉᓐᓂᒃ ᑐᑭᓯᒋᐊᕐᕕᓵᓐᓂᒃ ᑎᑎᖅᑳᓐᓂᒃ ᐃᕝᕕᑦ ᐃᓚᒋᙱᑕᖏᓐᓂᒃ
- ᐃᓕᓐᓂᐊᖅᑏᑦ ᐋᖅᑭᐅᒪᑎᑦᑎᔭᕆᐊᓖᑦ ᐃᓕᓐᓂᐊᕈᑎᒋᕙᑦᑕᓕᒫᖏᓐᓂᒃ ᐊᒻᒪᓗ ᖄᖐᓯᒪᓗᓂ ᖁᕝᕙᓯᓐᓂᕆᒋᐊᓕᖏᓐᓂᒃ ᐃᓕᓐᓂᐊᓂᕐᒧᑦ ᐃᑲᔫᓯᐊᖅᑖᕈᓐᓇᖁᓪᓗᒍ
ᐃᑲᔪᖅᑕᐅᔭᕆᐊᖃᕈᕕᑦ ᑐᔅᓯᕋᐅᑎᓐᓂᑦ ᑲᒪᑎᓪᓗᑎᑦ, ᐅᕝᕙᓘᓐᓃᑦ ᑐᑭᓯᒃᑲᓐᓂᕆᐊᖃᕈᕕᑦ, ᐊᑏ ᓄᓇᔅᓯᓐᓂ ᑐᓴᐅᒪᑎᑦᑎᔨᓯ ᐅᖃᕐᕕᒋᓂᐊᖅᑲᑦ − ᑐᑭᓯᒋᐊᕐᕕᔅᓴᐃᑦ ᑭᒃᑰᒻᒪᖔᑦ ᓄᓇᔅᓯᓐᓂ ᐅᖃᓕᒫᕋᔅᓴᐃᑦ ᐅᕙᙵᑦ: https://www.qia.ca/contact/#community-liason
ᑐᑭᓯᒋᐊᒃᑲᓐᓂᕈᒪᒍᕕᑦ, ᐊᑏ ᑐᑭᓯᒋᐊᕐᕕᐅᖃᑦᑕᕐᓕ:
ᐅᐃᓪ Hᐊᑉᑭᓐᔅ,
ᑭᖑᕝᕕᐅᑎᓯᒪᑲᐃᓐᓇᖅᑐᖅ ᑐᑭᒧᐊᑦᑎᑦᑎᔨᐅᓂᕐᒧᑦ ᑐᓴᐅᒪᖃᑦᑕᐅᑎᑎᑦᑎᔨᒃᑯᓐᓂᑦ,
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ
whopkins@qia.flywheelsites.com
867.975.8413/1.800.667.2742
