ᕿᑭᖅᑕᓂᒃᑯᑦ ᑐᓂᓯᐅᖅᑲᐃᕗᑦ ᑭᖑᓪᓕᕐᐹᖏᓐᓂᒃ ᐃᓪᓗᒥᐅᖃᑎᒌᓄᑦ ᓂᐅᕕᐅᑎᔅᓴᓂᑦ
ᐃᖃᓗᐃᑦ, ᓄᓇᕗᑦ, ᔮᓐᓄᐊᓕ 9, 2023 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (QIA) ᐅᓪᓗᒥ ᓇᓗᓇᐃᕐᓯᕗᑦ ᑐᓂᓯᐅᖅᑲᐃᒍᒫᕐᓂᐊᕐᓂᖏᓐᓂᒃ ᑭᖑᓪᓕᕐᐹᖏᓐᓂᒃ ᕿᑭᖅᑕᓂ ᓄᓇᓕᓐᓄᑦ ᐃᓄᓐᓄᑦ ᐃᓪᓗᒥᐅᖃᑎᒌᓄᑦ ᑐᓂᓯᐅᖅᑲᐃᓗᑎᒃ ᐃᓄᓐᓄᑦ ᐃᓪᓗᒥᐅᖃᑎᒌᒡᒍᑎᓄᑦ. ᐊᑐᓂᑦ ᐃᓚᒌᑦ ᕿᑭᖅᑕᓂ ᓄᓇᓖᑦ ᑐᓂᓯᔭᐅᓛᖅᑐᑦ ᐊᑕᐅᓯᐊᕐᓗᑎᒃ, $500ᓂᑦ ᓂᐅᕕᐅᑎᔅᓴᓂᑦ.
ᕿᑭᕐᒃᑕᓂᒥᐅᓕᒫᒧᑦ, ᖃᕋᓴᐅᔭᒃᑯᑦ ᑐᔅᓯᕋᐅᓯᐅᖃᑦᑕᕆᐊᖃᕐᓂᐊᖅᑐᓯ ᑖᓐᓇ ᑎᑎᕋᕐᕕᔅᓴᖅ ᐊᑐᕐᓗᒍ ᑐᕌᕈᑖ ᐅᓇ, ᐅᖄᓚᓗᓯ ᐅᕝᕙᓘᓐᓃᑦ ᐃᕐᖐᓈᖅᑕᐅᑎᒃᑯᑦ ᑎᑎᕋᕐᓗᓯ ᐃᓪᓗᒥᐅᖃᑎᓯ ᒥᔅᓵᓄᑦ ᑎᑎᕋᕐᓗᓯ. ᑕᒫᓂ ᓇᔪᒐᖃᓪᓚᑦᑖᖏᒃᑯᕕᑦ, ᐅᖃᕐᕕᒋᒋᐊᓖᑦ ᐅᕝᕙᓘᓐᓃᑦ ᑎᑎᕋᕐᓗᓯ ᓄᓇᔅᓯᓐᓂ ᑐᓴᐅᒪᑎᑦᑎᔨᓯ. .
ᐃᖃᓗᓐᓂ, ᑐᓂᓯᐅᖅᑲᐃᓛᖅᑐᑦ ᓂᐅᕕᐅᑎᔅᓴᓂᑦ ᐱᓇᓱᐊᕈᓯᕐᒥ ᔮᓐᓄᐊᓕ 30 ᑕᒫᓂ ᐃᖅᑲᓇᐃᔭᖅᑎᖏᑦ ᑐᑭᓯᒋᐊᕐᕕᒻᒥ, ᑐᑭᓯᓯᒪᔾᔪᑎᔅᓴᐃᑦ ᑐᓂᔭᐅᓯᒪᓕᖅᑲᑕ ᓇᓗᓇᐃᖅᑕᐅᓯᒪᓕᖅᑲᑕᓗ.
ᕿᑭᕐᒃᑕᓂᒥᐅ, ᐃᖃᓗᐃ ᐱᖃᑕᐅᖏᖢᓂ, ᓂᐅᕕᐅᑎᔅᓴᐃᑦ ᑕᒪᒃᑮᓐᓂᒃ ᐊᒡᒍᕐᓯᒪᓗᒋᑦ ᓂᐅᕕᐅᑎᔅᓴᖃᖅᑎᑦᑎᓛᖅᑐᑦ ᐅᑭᐅᖅᑕᖅᑐᒥ ᐃᓚᒌᔅᓴᒃᑯᑎᒍᑦ ᑯᐊᐸᒃᑯᓐᓂ ᐅᕝᕙᓘᓐᓃᑦ ᓂᐅᕕᕐᕕᒻᒥ ᐊᒻᒪᓗ ᐱᔭᔅᓴᐅᓛᖅᑐᑎᒃ ᓂᐅᕕᕐᕕᓐᓂᑦ, ᑭᓯᐊᓂ ᑕᐃᒃᑯᐊ ᓄᓇᓖᑦ ᐊᑕᐅᓯᑐᐊᕐᒥᒃ ᓂᐅᕕᕐᕕᓖᑦ ᑖᔅᓱᒥᖓᑐᐊᖅ ᐊᑐᓛᕐᒥᔪᑦ. ᐊᐃᔭᐅᒍᓐᓇᕐᒃᓯᓛᕐᒃᑐᑦ ᔮᓐᓄᐊᓕ 30 ᖑᓕᕐᒃᐸᑦ
ᐃᓪᓗᒥᐅᖃᑎᒌᑦ ᐃᓚᒌᒡᒍᑏᑦ ᓂᐅᕕᐅᑎᔅᓴᖅᑖᖃᑦᑕᕈᓐᓇᓛᖅᑐᑦ, ᐊᑏ ᑕᑕᑎᒋᐊᕐᓗᒍ ᑖᓐᓇ ᐊᑐᕐᓗᒍ ᑐᕌᕈᑖ ᐅᕝᕙᓘᓐᓃᑦ ᐅᖃᕐᕕᒋᖃᑦᑕᓂᐊᖅᑲᓯᐅᒃ ᓄᓇᔅᓯᓐᓂ ᑐᓴᐅᒪᑎᑦᑎᔨᓯ ᓇᓗᓇᐃᕐᓯᑎᐊᕐᓗᓯ.
ᒪᑐᕕᔅᓴᓕᒃ ᑐᔅᓯᕋᐅᓯᐅᕐᓂᕐᒧᑦ ᐃᓪᓗᒥᐅᖃᑎᒌᓄᑦ ᑐᓂᓯᐅᖅᑲᐃᓂᐅᓛᖅᑐᒧᑦ ᓂᐅᕕᐅᑎᔅᓴᓂᑦ ᔮᓐᓄᐊᓕ 27, 2023ᒥ. ᐊᐱᖅᑯᑎᔅᓴᖃᕈᔅᓯ ᑐᓂᓯᐅᖅᑲᐃᓂᐅᓛᖅᑑᑉ ᒥᔅᓵᓄᑦ ᓄᓇᔅᓯᓐᓂ, ᐊᑏ ᐅᖃᕐᕕᒋᖃᑦᑕᓂᐊᖅᑲᓯᐅᒃ ᓄᓇᔅᓯᓐᓂ ᑐᓴᐅᒪᑎᑦᑎᔨᓯ. ᐃᖃᓗᓐᓂ, ᐊᐱᖅᑯᑎᔅᓴᖃᕈᔅᓯ ᑐᓂᓯᐅᖅᑲᐃᓂᐅᓛᖅᑑᑉ ᒥᔅᓵᓄᑦ, ᐅᓛᓇ ᓄᕿᙵᕐᒃ ᖃᐅᔨᒋᐊᕐᕕᒋᒍᓐᓇᕐᒃᑕᐃ ᐅᖄᓚᐅᑎᒃᑯᑦ 867-975-8449 ᖃᕋᓴᐅᔭᒃᑯᓪᓗᓐᓃ onuqingaq@qia.ca
ᕿᑭᖅᑕᓂᒃᑯᑦ ᓯᕗᓕᖅᑎᖏᑦ ᑲᑎᒪᔨᓂᑦ ᐊᖏᕐᓯᓚᐅᕐᓯᒪᒻᒪᑕ ᑐᐊᕕᕐᓇᕐᓯᓯᒪᑎᓪᓗᒍ ᓂᐅᕕᐅᑎᔅᓴᖃᖅᑎᑦᑎᓂᕐᒧᑦ ᐃᓄᑐᖃᕐᓄᑦ ᐊᒻᒪᓗ ᕿᑭᖅᑕᓂ ᓄᓇᓖᑦ ᐃᓄᐃᑦ ᐃᓪᓗᒥᐅᖃᑎᒌᑦ ᑐᓂᐅᖅᑲᖅᑕᐅᔪᓐᓇᖁᓪᓗᒋᑦ ᐃᑲᔫᓯᐊᔅᓴᓂᑦ ᐅᑐᐱᕆ 2022ᖑᑎᓪᓗᒍ, ᑲᑎᓕᒫᖅᑐᒋᑦ 3.7 ᒥᓕᐊᓐᓂᑦ ᖃᓂᒪᓇᖅᑐᖅᑕᖃᕐᓂᖓᓄᑦ−ᓄᕙᕐᔪᐊᓇᖅᑐᒥᒃ ᑮᓇᐅᔭᓂᑦ. ᑖᒃᑯᐊ ᑮᓇᐅᔭᑦ ᕿᑭᖅᑕᓂᒃᑯᑦ ᖃᓂᒪᓇᖅᑐᖅᑕᖃᕐᓂᖓᓄᑦ−ᓄᕙᕐᔪᐊᓇᖅᑐᒥᒃ ᖃᓄᖅᑑᕈᑕᐅᓪᓗᑎᒃ ᐃᑲᔫᑏᑦ ᐅᑯᓇᙶᕐᓯᒪᔪᑦ ᓄᓇᖃᖅᑳᖅᑐᓄᑦ ᓄᓇᓕᐅᔪᓄᑦ ᐃᑲᔫᑎᓂᑦ ᑮᓇᐅᔭᓂᑦ ᑲᓇᑕᐅᑉ ᒐᕙᒪᒃᑯᖏᓐᓂᑦ.
ᑐᓴᕋᔅᓴᐃᑦ ᒥᔅᓵᓄᑦ ᑐᑭᓯᒋᐊᕈᒪᒍᔅᓯ, ᐊᑏ ᑐᑭᓯᒋᐊᕐᕕᐅᖃᑦᑕᕐᓕ:
ᑭᐅᕋᓐ ᕙᓚᕋᑎ
ᑐᑭᒧᐊᑦᑎᑦᑎᔨ, ᑐᑭᒧᐊᒍᑎᔅᓴᓂᑦ ᑐᓴᐅᒪᖃᑦᑕᐅᑎᒍᑎᓂᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ
(ᐅ) 867.975.8398 ᐅᖓᓯᑦᑐᒥᓪᓘᓐᓃᑦ ᐊᑭᖃᙱᑐᒃᑯᑦ 1.800.667.2742
