ᐃᓄᓕᒫᓄᑦ ᑐᓴᕋᔅᓴᑦ: ᕿᑭᖅᑕᓂᒃᑯᑦ ᐊᒻᒪᓗ ᓄᓇᕗᑦ ᑐᙵᕕᒃᑯᑦ ᖃᐃᖁᔨᕗᑦ ᐃᓄᓕᒫᓂᑦ ᐃᓚᒋᔭᐅᖁᓪᓗᒋᑦ ᐱᓱᓕᖅᑲᑕ ᓇᓗᓇᐃᕐᓯᒍᑎᖃᕐᓂᕐᒥᒃ ᑲᓇᑕᒥ ᐅᓪᓗᕆᔭᐅᔪᒥᒃ ᓱᓕᔪᒃᑰᓂᕐᒧᑦ ᓴᐃᒻᒪᖃᑎᒌᓯᒪᓂᕐᒧᓪᓗ.

ᐅᓪᓗᖅ ᓴᖅᑭᖅᑕᐅᕕᖓ: ᓯᑎᐱᕆ 30, 2021 – 1ᒥ ᐅᓐᓄᓴᒃᑯᑦ ᑎᓴᒪᓄᑦ ᐊᑐᕆᐊᓄᑦ ᓄᖅᑲᑕᕐᕕᐅᕙᑦᑐᒥ ᐃᖃᓗᓐᓂ
ᐱᔾᔪᑖ: ᑲᓇᑕᒥ ᐅᓪᓗᖅ ᓱᓕᔪᒃᑰᓂᕐᒧᑦ ᓴᐃᒻᒪᖃᑎᒌᓯᒪᓂᕐᒧᓪᓗ ᐱᓱᖃᑎᒌᒍᑕᐅᓂᐊᖅᑐᖅ
ᐃᖃᓗᐃᑦ, ᓄᓇᕗᑦ − ᕿᑭᖅᑕᓂᒃᑯᑦ ᐊᒻᒪᓗ ᓄᓇᕗᑦ ᑐᙵᕕᒃᑯᑦ ᖃᐃᖁᔨᕗᑦ ᐃᓇᑦᑎᓪᓗᑎᒃ ᐃᓄᓕᒫᓂᑦ ᑲᑎᖃᑕᐅᖁᓪᓗᒋᑦ ᐊᒻᒪᓗ ᓇᓗᓇᐃᕐᓯᒍᑎᖃᖁᓪᓗᒋᑦ ᑲᓇᑕᒥ ᐅᓪᓗᕆᔭᐅᔪᒥᒃ ᓱᓕᔪᒃᑰᓂᕐᒧᑦ ᓴᐃᒻᒪᖃᑎᒌᓯᒪᓂᕐᒧᓪᓗ. ᑕᐃᔭᐅᖃᑦᑕᔪᔫᒐᓗᐊᖅ ᐃᒫᒃ ‘ᐊᐅᐸᔮᖓᔪᒥᒃ ᐅᕕᓂᕈᕐᓯᒪᕕᒃ ᐅᓪᓗᖅ’ ᓯᑎᐱᕆ 30 ᓇᓗᓇᐃᕐᓯᕕᐅᕙᑦᑐᖅ ᐃᓕᖅᑯᓯᖃᑎᒋᙱᑕᑦᑎᓐᓄᑦ ᐊᐅᓚᑕᐅᓕᕐᕕᒥᓂᑦᑎᓐᓂᒃ ᐃᓕᓐᓂᐊᕆᐊᖅᑎᑦᑎᕕᐅᕙᑦᑐᒥᓂᕐᓄᑦ ᐊᒻᒪᓗ ᐱᒃᑯᒍᓱᓐᓂᕐᒧᑦ ᓄᓇᖅᑳᕐᓯᒪᔪᓂᑦ ᐊᓐᓇᐅᒪᓯᒪᔪᓂᑦ.

ᐋᖅᑭᓯᒪᓂᖏᑦ ᐊᑐᖅᑕᐅᓂᐊᖅᑐᓂᑦ ᐅᑯᐊ:
1:00 – 1:30 – ᐊᐅᐸᔮᖓᔪᓂᑦ ᐅᕕᓂᕈᕐᓂᑦ ᑐᓂᓯᐅᖅᑲᐅᓗᑎᒃ
1:30 – ᓂᐱᖃᙱᑲᐃᓐᓇᕐᓗᑎᒃ
1:35 – 2:15 – ᓄᓇᖅᑲᑎᒌᑦ ᐱᓱᓪᓗᑎᒃ RBC ᐃᓪᓘᑉ ᓴᓂᐊᓂᑦ ᐱᒋᐊᕐᓗᑎᒃ ᑕᐅᕗᖓ ᐃᖃᓗᐃᑦ ᑲᑎᕕᐊᓄᑦ ᐃᓄᑐᖃᒃᑯᕕᐅᑉ ᖃᓂᒋᔮᓄᑦ
2:30 – 3:30 – ᐃᓄᔅᓯᐅᑎᓂᑦ ᓂᕿᓂᑦ ᑐᓂᓯᐅᖅᑲᐃᓛᖅᑐᑦ ᓄᓇᓕᓐᓄᑦ

ᑮᓇᐅᔭᑦ ᐊᑐᖅᑕᐅᓯᒪᔪᑦ ᑐᓂᓯᐅᖅᑲᐃᔾᔪᑕᐅᓂᐊᖅᑐᓄᑦ ᐃᓄᔅᓯᐅᑎᓂᑦ ᓂᕿᓂᑦ ᓄᓇᓕᓐᓄᑦ ᑐᓂᔭᐅᓯᒪᔪᑦᖅ ᕿᑭᖅᑕᓂᒃᑯᓐᓄᑦ ᑲᓇᑕᐅᑉ ᒐᕙᒪᒃᑯᖏᓐᓂᑦ ᓄᓇᖃᖅᑳᕐᓯᒪᔪᑦ ᓄᓇᓕᖏᓐᓄᑦ ᐃᑲᔫᑎᓂᑦ ᑮᓇᐅᔭᓂᑦ, ᐃᓚᖏᑦ ᑖᒃᑯᐊ ᑐᓂᐅᖅᑲᖅᑕᐅᔪᔪᑦ ᓄᓇᓕᓐᓄᑦ ᐳᕝᕕᕆᓂᕐᒧᑦ−ᖃᓂᒪᓇᖅᑐᖅᑕᖃᔪᔪᓄᑦ.

ᑐᑭᓯᒋᐊᒃᑲᓐᓂᕈᒪᒍᔅᓯ, ᑐᑭᓯᒋᐊᕐᕕᐅᖃᑦᑕᕐᓕ ᑖᓐᓇ:
ᐅᐃᓪ Hᐊᑉᑭᓐᔅ, ᑭᖑᕝᕕᐅᑎᓯᒪᑲᐃᓐᓇᖅᑐᖅ ᑐᑭᒧᐊᑦᑎᑦᑎᔨᖓᓐᓄᑦ ᑐᓴᐅᒪᖃᑦᑕᐅᑎᓂᕐᒧᑦ,
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ
whopkins@qia.ca
867.975.8413 ᐅᕝᕙᓘᓐᓃᑦ
1.800.667.2742