ᓈᓚᐅᑎᒃᑯᑦ ᐅᖃᐅᓯᐅᖃᑦᑕᓂᐊᖅᑐᑦ ᑐᖏᓕᐊᓂ ᐃᓱᒫᓗᓇᕐᓯᓯᒪᑎᓪᓗᒍ ᓂᕿᓂᑦ ᓂᐅᕕᐅᑎᔅᓴᐃᑦ ᐃᓄᑐᖃᕐᓄᑦ ᑐᕌᖓᔪᑦ

ᓄᕕᐱᕆ 2020

____________________________________________________

ᐊᐃᖓᐃ ᐃᓘᓐᓇᓯ,

ᐅᕙᖓ ___(ᐊᑏᑦ ᑕᐃᓗᒍ)_____ ᓄᓇᑦᑎᓐᓂ ᑲᑎᒪᔨᒋᔭᐅᔪᖓ/ᓄᓇᑦᑎᓐᓂ ᑐᓴᐅᒪᑎᑦᑎᔨᒋᔭᐅᔪᖓ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᓐᓂ.

ᖃᐅᔨᒃᑲᕈᒪᓪᓗᓯ ᕿᑭᖅᑕᓂᒃᑯᑦ ᑲᒪᒋᔭᖃᕐᓂᐊᓕᕐᒥᒻᒪᑕ ᑐᖏᓕᐊᓂ ᐃᓱᒫᓗᓇᕐᓯᓯᒪᑎᓪᓗᒍ ᓂᕿᑖᕈᑎᔅᓴᓂᑦ ᐃᓄᑐᖃᕐᓄᑦ ᑐᕌᖓᔪᓂᑦ. ᑖᒃᑯᐊ ᐃᑲᔫᑎᐅᓂᐊᖅᑐᑦ ᕿᑭᖅᑕᓂ ᓄᓇᓕᓐᓄᑦ ᐃᓄᓐᓄᑦ ᖃᓂᒪᓇᖅᑐᖅᑕᖃᕐᓂᖓᓂ ᓄᓇᕐᔪᐊᓕᒫᒥ.

ᑲᑐᔾᔨᖃᑎᖃᕐᓗᑎᒃ ᐅᑭᐅᖅᑕᖅᑐᒥ ᑯᐊᐸᒃᑯᓐᓄᑦ ᐃᓚᒌᔅᓴᑯᓐᓂᑦ, ᕿᑭᖅᑕᓂᒃᑯᑦ ᑮᓇᐅᔭᖅᑑᑎᔅᓴᓂᑦ ᐱᓯᒪᒻᒪᑕ ᐃᒪᓐᓇᑲᓐᓂᕐᓂᑦ $1.8 ᒥᓕᐊᓐ ᐃᑲᔫᑎᓂᑦ ᕿᑭᖅᑕᓂ ᓄᓇᓕᓐᓄᑦ ᐃᓄᓐᓄᑦ ᐃᓄᑐᖃᕐᓄᑦ.

ᑮᓇᐅᔭᐃᑦ ᑐᓂᓯᐅᖅᑲᖅᑕᐅᓂᐊᖅᑐᑦ $250 ᓂᐅᕕᐅᑎᔅᓴᐃᑦ ᐱᓇᓱᐊᕈᓰᒃ ᒪᕐᕉᒃ ᓈᒐᐃᑉᐸᑎᒃ ᑲᑎᓕᒫᕐᓗᒋᑦ ᐱᖓᓲᔪᖅᑑᓂᐊᖅᑐᑦ ᓂᐅᕕᐅᑎᔅᓴᐃᑦ ᐃᓄᖃᕐᓄᑦ ᐊᑐᓂᑦ. ᑖᒃᑯᐊ ᑲᑎᓕᒫᕐᓗᒋᑦ ᐊᒥᓲᓂᓖᑦ $1,500 ᐊᑐᓂᑦ ᐃᓄᑐᖃᕐᓄᑦ.

ᐃᓘᓐᓇᑎᒃ ᕿᑭᖅᑕᓂ ᓄᓇᓖᑦ ᐃᓄᑐᖃᐃᑦ ᑎᑎᕋᖅᑕᐅᑦᑕᐅᑎᒋᓯᒪᒻᒪᑕ ᑭᒃᑰᒻᒪᖔᑕ. ᑕᐃᒫᔅᓴᐃᓐᓇᖅ ᐊᐅᓚᓂᖃᔪᒻᒪᑕ ᑕᐃᒫᔅᓴᐃᓐᓇᖅ ᐊᐅᓚᓂᖃᕐᓂᐊᖅᑐᑦ.

ᐊᐃᔅᓯᖃᑦᑕᕈᓐᓇᓂᐊᖅᑐᓯ ᓂᕿᑖᕈᑎᔅᓴᓂᑦ ᓄᓇᔅᓯᓐᓂ ᑯᐊᐸᒃᑯᓐᓂᑦ ᐱᒋᐊᕐᓗᓯ ᓄᕕᐱᕆ 10, 2020.

ᑲᖏᖅᑐᒑᐱᒻᒥ, ᕿᑭᖅᑕᓂᒃᑯᑦ ᑖᔅᓱᒥᖓ ᐃᑲᔫᑎᖃᕐᓂᐊᖅᑐᑦ ᐊᖅᑯᑎᒋᓗᒋᑦ ᐃᓕᓴᖅᓯᕕᒃ ᐊᒻᒪᓗ ᐅᑭᐅᖅᑕᖅᑐᒥ ᑯᐊᐸᒃᑯᓐᓄᑦ ᐃᓚᒌᔅᓴᒃᑯᑦ ᓂᕿᓂᑦ ᑲᑎᑕᐅᓯᒪᔪᓂᑦ ᐋᑎᕆᖃᑦᑕᓂᐊᖅᑐᑦ ᐃᓄᑐᖃᕐᓄᑦ.

ᓄᓇᓕᓐᓂᑦ ᐃᓄᒋᐊᓐᓂᕐᓴᓃᑦᑐᓄᑦ ᐃᓄᐃᑦ, ᕿᑭᖅᑕᓂ ᓄᓇᓕᓐᓂᑦ ᓄᓇᓕᓐᓃᙶᕐᓯᒪᓂᑯᐃᑦ, ᐊᑎᓕᐅᖅᑕᐅᓯᒪᔪᑦ ᓄᓇᕗᑦ ᑐᙵᕕᒃᑯᖅ ᑎᒥᖓᓐᓂ, ᐊᑭᓕᖅᑕᐅᖃᑦᑕᓂᐊᖅᑐᑦ ᐊᑕᐅᓯᐊᕐᓗᑎᒃ ᐊᒥᓲᓂᓕᓐᓂᑦ $750 ᓯᒃᑭᐅᓗᒋᑦ.

ᑖᒃᑯᐊ ᓂᐅᕕᐅᑎᔅᓴᐃᑦ ᑐᕌᖓᓂᐊᖅᑐᑦ ᕿᑭᖅᑕᓂ ᓄᓇᓕᓐᓄᑦ ᐃᓄᓐᓄᑦ ᐃᓄᑐᖃᕐᓄᑦ 60ᓂᑦ ᐅᑭᐅᓕᓐᓄᑦ ᐅᖓᑖᓂᓗ ᔮᓐᓄᐊᓕ 31, 2021ᒥ ᐅᑭᐅᖃᓕᕐᓯᒪᔪᓄᑦ ᑕᐃᒪᓐᓇᓂᑦ.

ᑖᒃᑯᐊ ᐃᓱᒫᓗᓇᕐᓯᓯᒪᑎᓪᓗᒍ ᑮᓇᐅᔭᑎᒍᑦ ᐃᑲᔫᑏᑦ ᐃᑲᔫᑎᖃᕐᓂᐊᖅᑐᑦ ᐃᓄᑐᖃᕐᓄᑦ ᓂᐅᕕᖃᑦᑕᕈᓐᓇᖁᓪᓗᒋᑦ ᓂᕿᑦᑎᐊᕙᓐᓂᒃ ᓂᕿᓂᑦ, ᓴᓗᒻᒪᕐᓴᐃᑎᓂᓪᓗ ᐱᔭᕆᐊᓕᖏᓐᓂᒃ, ᐊᓯᖏᓐᓂᓪᓗ ᐃᓪᓗᓯᐅᑎᒐᓚᓐᓂᑦ.

ᑖᒃᑯᐊ ᓂᐅᕕᐅᑎᔅᓴᐃᑦ ᑐᓂᐅᖅᑲᖅᑕᐅᖃᑦᑕᓂᐊᖅᑐᑦ ᐅᑯᓇᓂ:

• ᓄᕕᐱᕆ 10 ᐊᒻᒪ 24
• ᑎᓯᐱᕆ 8 ᐊᒻᒪ 22
• ᔮᓐᓄᐊᓕ 5 ᐊᒻᒪ

ᑮᓇᐅᔭᐃᑦ ᕿᑭᖅᑕᓂᒃᑯᑦ ᖃᓂᒪᓇᖅᑐᖅᑕᖃᕐᓂᖓᓂ ᖃᓄᖅᑑᕈᑎᒋᓪᓗᒋᑦ ᐸᕐᓇᐅᑎᖏᑦ ᑖᒃᑯᓇᙶᕐᓯᒪᔪᑦ ᓄᓇᖃᖅᑐᑐᖃᕐᓄᑦ ᓄᓇᓕᐅᔪᓄᑦ ᐃᑲᔫᑎᓂᑦ ᑮᓇᐅᔭᓂᑦ (ICSF) ᓇᓗᓇᐃᖅᑕᐅᔪᔪᑦ ᒐᕙᒪᑐᖃᒃᑯᓐᓂᑦ.

ᐱᒻᒪᕆᐅᓂᖃᓪᓚᕆᒻᒪᑦ ᓱᓕ ᑕᐃᒫᒃ ᓇᒻᒥᓂᖅ ᓴᐳᑎᓯᒪᔭᕆᐊᖃᕐᓂᓯ, ᐃᓚᔅᓯᓂᓪᓗ ᓄᓇᖅᑲᑎᔅᓯᓂᓪᓗ ᖃᓂᒪᓇᖅᑐᖅᑖᖁᓇᓯ.

ᖃᓄᐃᒍᑕᐅᕙᑦᑐᑦ ᖃᓂᒪᓇᖅᑐᒧᑦ ᖃᓂᒪᔪᓄᑦ ᒪᑯᐊ ᐆᓇᖅᑐᑎᒃ ᐆᓐᓂᐊᓇᕐᐸᑦᑐᑎᒃ, ᖁᐃᕐᓱᑲᑕᑉᐸᑦᑐᑎᒃ ᐅᕝᕙᓘᓐᓃᑦ ᐊᓂᕐᓂᑭᖃᑦᑕᖅᑐᑎᒃ.

ᐊᑲᐅᓂᕐᐹᖅ ᓴᐳᔾᔨᓯᒪᒋᐊᕈᑎᔅᓴᖅ ᐊᐃᑦᑐᖅᑕᐅᑦᑕᐃᓕᓂᕐᒧᑦ ᓯᐊᒻᒪᑎᑦᑎᑦᑕᐃᓕᓂᕐᒧᓘᓐᓃᑦ ᖃᓂᒪᓇᖅᑐᒥᒃ ᐃᒫᒃ:

• ᖃᓂᒌᓗᐊᖅᑕᐃᓕᖃᑦᑕᕐᓂᖅ,
• ᐊᑐᖃᑦᑕᕐᓗᓂ ᑮᓇᕐᒧᑦ ᒪᑐᐊᕐᓂᑦ (ᒥᓕᒍᑎᓂᑦ),
• ᐅᐊᓴᖃᑦᑕᕐᓗᒋᑦ ᐊᒡᒐᑎᑦ 20 ᓴᑲᓐᓯᓂᒃ ᐊᑯᓂᐅᑎᒋᔪᒥᒃ,
• ᖁᐃᕐᓱᖃᑦᑕᕐᓗᓯ ᑕᒋᐅᖃᑦᑕᕐᓗᓯᓗ ᑕᓕᕐᓯᓐᓄᑦ ᐊᒻᒪᓗ
• ᐊᖏᕐᕋᕐᓯᒪᔫᒥᖃᑦᑕᕐᓗᓯ ᓇᒧᙵᑲᑕᓗᐊᖅᑕᐃᓕᓗᓯ.

___________________________________

ᐊᑏ ᖃᐅᔨᒋᐊᕐᓂᐊᖅᑯᓯ ᖃᕋᓴᐅᔭᒃᑯᑦ ᑐᑭᓯᒋᐊᕈᑎᖃᕐᕕᑎᓐᓄᑦ ᐅᕗᖓ qia.ca ᑐᑭᓯᑦᑎᐊᕐᓂᐊᕋᔅᓯ ᐊᒻᒪᓗ ᖃᐅᑕᒫᑦ ᑐᑭᓯᑎᑦᑎᒋᐊᕈᑎᓂᑦ ᑕᑯᓂᐊᕋᔅᓯ.

ᑕᑯᖃᑦᑕᕈᓐᓇᕐᒥᔪᓯ ᒫᓐᓇ ᑐᓴᕋᔅᓴᓕᐊᖑᓯᒪᔪᓂᑦ ᐱᕙᓪᓕᐊᓯᒪᔪᓂᑦ ᑐᑭᓯᑎᑦᑎᒋᐊᕈᑎᓂᓪᓗ ᖃᕋᓴᐅᔭᒃᑯᑦ ᑐᑭᓯᒋᐊᕈᑎᖃᕐᕕᑎᓐᓂ ᐅᑯᓇᓂ Facebook, Twitter ᐊᒻᒪᓗ Instagram accounts.

ᖁᔭᓐᓇᒦᓪᓚᕆᐊᓗᒃ ᐱᕕᖃᖅᑎᑦᑎᑲᐃᓐᓇᕋᔅᓯ. ᐅᓪᓗᖃᑦᑎᐊᕐᓂᐊᕆᕗᓯ ᖃᓄᐃᙱᑎᐊᕐᓗᓯᓗ.