ᑐᑭᓯᐅᒪᔾᔪᑎᔅᓴᓪᓗᐊᑕᐃᑦ ᒐᕙᒪᑐᖃᒃᑯᓐᓂᑦ ᑲᓇᑕᒥ ᐃᓱᒫᓗᓇᕐᓯᓯᒪᔪᒧᑦ ᖃᓄᖅᑑᕈᑕᐅᒋᐊᖅᑐᑎᒃ ᐃᑲᔫᑏᑦ ᒥᔅᓵᓄᑦ

ᑭᓲᒻᒪᑦ?

ᑮᓇᐅᔾᔭᔅᓴᒍᓐᓃᕈᕕᑦ ᐱᔾᔪᑎᒋᓪᓗᒍ ᐳᕝᕕᕆᓇᖅᑐᖅ (ᓄᕙᕐᔪᐊᕐᓇᖅ-19), ᑲᓇᑕᒥ ᐃᓱᒫᓗᓇᕐᓯᓯᒪᔪᒧᑦ ᖃᓄᖅᑑᕈᑕᐅᒋᐊᖅᑐᑎᒃ ᐃᑲᔫᑏᑦ (CERB) ᐃᑲᔫᑎᖃᕐᓂᐊᖅᑐᑦ ᐃᑲᔫᓯᐊᖅᑖᕈᑎᒋᑲᐃᓐᓇᖃᑦᑕᓂᐊᖅᑕᓯᓐᓂᒃ.

ᐃᑲᔫᑏᑦ ᐃᓕᔅᓯᓐᓄᑦ ᐃᑲᔫᑎᖃᖃᑦᑕᓂᐊᖅᑐᑦ $500ᓂᑦ ᐱᓇᓱᐊᕈᓯᑕᒫᑦ 16ᓄᑦ ᐱᓇᓱᐊᕈᓯᕐᓄᑦ.

ᑭᒃᑯᑦ ᑐᔅᓯᕋᕈᖅᑲᑦ ᑖᒃᑯᓇᙵᑦ ᐃᑲᔫᑎᓂᑦ?

ᑭᓇᑐᐃᓐᓇᖅ ᑲᓇᑕᒥᐅᑕᖅ ᐅᑭᐅᓕᒃ 15ᓂᑦ ᐅᖓᑖᓂᓘᓐᓃᑦ, ᐊᒻᒪᓗ ᑭᓇᑐᐃᓐᓇᖅ, 2019ᖑᑎᓪᓗᒍ ᐅᕝᕙᓘᓐᓃᑦ 12ᓂᑦ ᑕᖅᑭᐅᓚᐅᖅᑐᓂᑦ ᑐᔅᓯᕋᐅᓯᐅᖅᑎᓪᓗᒋᑦ ᑲᑎᓕᒫᖅᑐᒋᑦ ᑮᓇᐅᔭᓕᐅᕈᑎᖃᕐᓯᒪᔪᑦ ᑕᒫᓂ $5,000ᓂᑦ ᐅᕙᙶᖅᑐᓂᑦ:

• ᐃᖅᑲᓇᐃᔮᖓᓂ; ᐅᕝᕙᓘᓐᓃᑦ
• ᓇᒻᒥᓂᖅ−ᐃᖅᑲᓇᐃᔮᖓᓂ; ᐅᕝᕙᓘᓐᓃᑦ
• ᐃᖅᑲᓇᐃᔭᙱᑐᕐᓯᐅᑎᓂᑦ ᕿᑐᕐᖓᑖᕋᑖᕐᓯᒪᓂᕐᒧᑦ ᐊᓈᓇᐅᓪᓗᓂ; ᐅᕝᕙᓘᓐᓃᑦ
• ᐃᖅᑲᓇᐃᔭᙱᑐᕐᓯᐅᑎᓂᑦ ᕿᑐᕐᖓᖅᑖᕋᑖᕐᓯᒪᓂᕐᒧᑦ.

ᑭᒃᑯᑦ ᐱᖃᑕᐅᔪᓐᓇᖅᑲᑦ ᐃᑲᔫᑎᓂᑦ?

ᑲᓇᑕᒥ ᐃᓱᒫᓗᓇᕐᓯᓯᒪᔪᒧᑦ ᖃᓄᖅᑑᕈᑎᖃᖅᑐᑎᒃ ᐃᑲᔫᑏᑦ ᐊᑐᖅᑐᑦ ᑭᒃᑯᑐᐃᓐᓇᓕᒫᑦᑎᐊᓄᑦ ᓇᒥᑐᐃᓐᓈᖅᑐᓄᑦ ᐃᖅᑲᓇᐃᔭᖅᑎᓄᑦ ᑲᓇᑕᒥ. ᐊᑐᖅᑕᐅᔪᓐᓇᖅᑐᑦ ᑲᓇᑕᒥᐅᓄᑦ ᐃᒪᐃᑦᑐᓄᑦ:

• ᐃᖅᑲᓇᐃᔮᖃᕈᓐᓃᕐᓯᒪᔪᓄᑦ,
• ᐋᓐᓂᐊᔪᓄᑦ ᖃᓂᒪᒍᑎᖃᖅᑐᑎᒃ ᐳᕝᕕᕆᓂᕐᒥᒃ (ᓄᕙᕐᔪᕐᐊᕐᓇᖅ−19),
• ᐊᓂᑦᑕᐃᓕᖁᔭᐅᓯᒪᔪᓄᑦ,
• ᑲᒪᒋᔭᓕᓐᓄᑦ ᖃᓂᒪᔪᓂᑦ ᐳᕝᕕᕆᓂᕐᒧᑦ (ᓄᕙᕐᔪᐊᕐᓂᕐᒧᑦ),
• ᐃᖅᑲᓇᐃᔭᖅᑐᑦ ᕿᑐᕐᖓᓖᑦ ᐊᖏᕐᕋᕐᓯᒪᔭᕆᐊᓖᑦ ᐊᑭᓕᕐᓱᖅᑕᐅᒐᑎᒃ ᕿᑐᕐᖓᖏᑦ ᐋᓐᓂᐊᑎᓪᓗᒋᑦ ᐅᕝᕙᓘᓐᓃᑦ ᐊᖏᕐᕋᕐᓯᒪᔪᓄᑦ ᐱᔾᔪᑎᒋᓪᓗᒋᑦ ᐃᓕᓴᕖᑦ ᐸᐃᕆᕖᓪᓗ ᒪᑐᓯᒪᓂᖏᑦ; ᐊᒻᒪᓗ
• ᐃᑲᕐᕋᑎᒍᑦ−ᑮᓇᐅᔾᔭᔅᓴᕙᑦᑐᓄᑦ, ᑮᓇᐅᔾᔭᔅᓴᓪᓗᑎᒃ−ᐃᖅᑲᓇᐃᔮᖃᖅᑐᓄᑦ, ᐊᒻᒪᓗᑦᑕᐅᖅ ᑳᓐᑐᓛᒃᑕᐅᓯᒪᔪᓄᑦ ᐊᒻᒪᓗ ᓇᒻᒥᓂᖅ−
• ᐃᖅᑲᓇᐃᔮᓕᓐᓄᑦ ᑭᒃᑯᑐᐃᓐᓇᕐᓄᑦ ᖃᓄᑐᐃᓐᓇᓕᒫᖅ ᐃᖅᑲᓇᐃᔭᙱᑐᕐᓯᐅᑎᑖᕈᓐᓇᕋᔭᙱᑦᑐᓄᑦ ᑮᓇᐅᔾᔭᔅᓴᒍᑎᖃᕈᓐᓃᕐᓯᒪᔪᓄᑦ ᐱᔾᔪᑎᒋᓪᓗᒍ ᐳᕝᕕᕆᓇᖅᑐᖅ (ᓄᕙᕐᔪᐊᕐᓇᖅ)

ᖃᓄᖅ ᐱᔪᓐᓇᕐᓯᓂᐊᕋᒪ?

$2,000ᓂᑦ ᑎᓴᒪᑦ ᐱᓇᓱᐊᕈᓰᑦ ᓈᓂᑕᒫᑦ ᐃᑲᔪᖅᑕᐅᔾᔪᑎᒋᔪᓐᓇᖅᑕᑎᑦ, 16ᓄᑦ ᐱᓇᓱᐊᕈᓯᕐᓅᖓᒍᓐᓇᖅᑐᑎᒃ ᐊᒥᓲᓂᕐᐹᕆᓗᒋᑦ, ᐊᑯᓐᓂᖏᓐᓂ ᐅᓪᓗᐃᑦ ᒫᑦᓯ 15, 2020 (ᐱᒋᐊᕐᕕᒋᓯᒪᓗᒍ) ᐊᒻᒪᓗ ᐅᑐᐱᕆ 3, 2020.

ᐃᖅᑲᓇᐃᔮᖃᕈᒪ ᓱᓕ ᑭᓯᐊᓂ ᑮᓇᐅᔭᓕᐊᒃᑲ ᐊᑭᑭᓪᓕᒋᐊᕐᓯᒪᑎᓪᓗᒋᑦ ᐱᔾᔪᑎᒋᓪᓗᒍ ᐃᓱᒫᓗᓇᕐᓯᓯᒪᔪᖅ, ᐱᖃᑕᐅᔪᓐᓇᕆᕗᖓ?

ᐊᑕᙱᙱᒻᒥᔪᑦ. ᐃᑲᔫᑏᑦ ᐊᒡᒍᖅᑕᐅᓯᒪᔪᑦ ᑎᓴᒪᓄᑦ−ᐱᓇᓱᐊᕈᒡᒍᑎᓄᑦ. ᐃᑲᔫᓯᐊᖅᑖᕈᓐᓇᖁᓪᓗᓯ, ᑕᑯᖅᑯᔾᔨᒋᐊᖃᕋᔭᖅᑐᓯ ᑮᓇᐅᔭᓕᐅᕈᑎᖃᙱᓪᓚᕆᓐᓂᓯᓐᓂᒃ ᖃᑦᑏᓐᓇᐅᓂᕐᐹᕆᓗᒋᑦ 14 ᐅᓪᓗᐃᑦ ᑐᖏᓕᕇᑦ ᐊᑐᓂᑦ ᑎᓴᒪᓂᑦ−ᐱᓇᓱᐊᕈᓯᕐᓂᑦ. ᑭᓯᐊᓂᓕ, ᑮᓇᐅᔭᓕᐊᖑᒐᔭᖅᑐᑦ ᐱᔭᐅᔪᓐᓇᕐᓯᓛᕋᓗᐊᕐᓗᑎᒃ ᐅᓪᓗᐃᑦ ᐊᓯᖏᓐᓂ.

ᐃᒫᒃ ᑐᑭᓕᒃ ᐃᖅᑲᓇᐃᔭᖅᑎ ᒪᕐᕉᓐᓂᒃ ᐃᖅᑲᓇᐃᔮᖃᑲᐃᓐᓇᖃᑦᑕᕐᓯᒪᔪᖅ ᐊᒻᒪᓗ ᐊᐃᑉᐹᓂᒃ ᐃᖅᑲᓇᐃᔮᖃᕈᓐᓃᖅᑲᑦ ᐱᔾᔪᑎᒋᓪᓗᒍ ᐳᕝᕕᕆᓇᖅᑐᖅ (ᓄᕙᕐᔪᐊᕐᓇᖅ) ᐱᖃᑕᐅᔪᓐᓇᖏᑦᑐᖅ.

ᐊᐃᑉᐸᕋ ᓱᓕ ᑮᓇᐅᔾᔭᓴᑉᐸᑦ, ᑕᒪᓐᓇ ᐅᕙᓐᓄᑦ ᓱᕐᕋᐅᑎᓂᐊᕆᕙ ᑐᔅᓯᕋᐅᓯᐅᕈᒪ?

ᐋᒡᒐ. ᓱᓕ ᐱᖃᑕᐅᔪᓐᓇᖅᑐᑎᑦ $2,000ᓂᑦ ᑕᖅᑭᑕᒫᑦ.

ᑐᔅᓯᕋᐅᓯᐅᕇᓚᐅᕋᒪ ᐃᖅᑲᓇᐃᔭᙱᑐᕐᓯᐅᑎᔅᓴᓄᑦ. ᓱᓕ ᐱᓇᓱᐊᖃᑕᐅᔪᓐᓇᖅᑯᖓ?

ᐄ, ᑐᔅᓯᕋᕐᓯᒪᒍᕕᑦ ᒫᑦᓯ 15 ᑭᖑᓂᐊᒍᑦ, ᐃᑲᔫᑏᑦ ᑕᐃᒪ ᑭᖑᕝᕕᐅᑎᒐᔭᖅᑐᑦ ᐃᖅᑲᓇᐃᔭᙱᑐᕐᓯᐅᑎᔅᓴᓄᑦ ᐱᒋᐊᖃᓚᐅᖅᑕᕋᓗᐊᓐᓄᑦ. ᑐᔅᓯᕋᐅᓯᐅᒃᑲᓐᓂᕆᐊᖃᙱᑦᑐᑎᑦ. ᒫᓐᓇ ᑐᔅᓯᕋᐅᑏᑦ ᓴᖑᑎᑕᐅᖔᕐᓂᐊᖅᑐᖅ ᑐᔅᓯᕋᐅᓯᐅᕈᑎᐅᓕᕐᓗᓂ ᐃᑲᔫᑎᓄᑦ.

ᑐᔅᓯᕋᐅᓯᐅᕐᓯᒪᒍᕕᑦ ᒫᑦᓯ 15 ᑐᖔᒍᑦ, ᐅᑕᖅᑭᔭᕆᐊᖃᕐᓂᐊᖅᑐᑎᑦ ᐃᖅᑲᓇᐃᔭᙱᑐᕐᓯᐅᑎᑎᑦ ᐱᔭᕇᕋᓱᓐᓂᖏᓐᓂ. ᑭᖑᓂᐊᒍᑦ ᐱᔪᓐᓇᕐᓯᒍᓐᓇᕋᕕᑦ ᐃᑲᔫᑎᓂᑦ.

ᐃᓛᓪᓕᑭᐊᖅ ᐃᖅᑲᓇᐃᔭᙱᑐᕐᓯᐅᑎᑖᖃᑦᑕᕇᕈᒪ, ᓱᓕ $2,000ᓂᑦ ᐱᖃᑦᑕᓂᐊᖅᑯᖓ ᑕᖅᑭᑕᒫᑦ?

ᑕᕝᕙᐅᑦᑕᐅᑎᒋᐅᙱᑦᑐᖅ. ᐅᑕᖅᑭᔭᕆᐊᖃᕐᓂᐊᖅᑐᑎᑦ ᐃᖅᑲᓇᐃᔭᙱᑐᕐᓯᐅᑎᑖᕆᕙᑦᑕᑎᑦ ᐱᔭᕇᕋᓱᓐᓂᖏᓐᓂ ᐱᔪᓐᓇᕐᓯᓚᐅᙱᓂᕐᓂᒃ ᐃᑲᔫᑎᓂᑦ. ᑖᒃᑯᐊ ᒪᕐᕉᒃ ᑲᑎᑕᔅᓴᐅᖏᒻᒪᑎᒃ.

ᑭᓪᓕᖃᖅᑳᑦ ᓯᒃᑭᑖᖑᔪᓐᓴᖅᑐᑦ ᐃᓪᓗᒥᐅᖃᑎᒌᑦ ᒪᓕᓪᓗᒋᑦ?

ᐋᒡᒐ. ᐆᑦᑑᑎᒋᓗᒍ, ᑕᓪᓕᒪᐅᑉᐸᑕ ᐃᓪᓗᒥᐅᖃᑎᒌᑦ ᐱᔪᓐᓇᕐᓂᕋᖅᑕᐅᓯᒪᔪᑦ ᒪᓕᒐᐃᑦ ᒪᓕᑦᑐᒋᑦ, ᐱᔪᓐᓇᑐᐃᓐᓇᐅᕗᑦ $2,000ᓂᑦ ᑕᖅᑭᑕᒫᑦ.

ᐱᖃᑕᐅᔪᓐᓇᕆᕗᖓ $2000ᓂᑦ ᑕᖅᑭᑕᒫᑦ ᑮᓇᐅᔾᔭᔅᓴᓯᒪᒐᓗᐊᕈᒪ ᖃᑦᑏᓐᓇᐅᓂᕐᓴᓂᑦ ᑖᒃᑯᓂᖓ ᑮᓇᐅᔾᔭᔅᓴᒍᓐᓃᓚᐅᖅᑎᓐᓇᖓ ᓱᓕ? 

ᐄ, $2,000ᓂᑦ ᑕᖅᑭᑕᒫᑦ ᐊᑭᓕᖅᑕᐅᖃᑦᑕᓂᐊᖅᑐᑎᑦ ᑮᓇᐅᔾᔭᔅᓴᓯᒪᒍᕕᑦ ᑕᒫᓂ $5,000ᖏᓐᓂᖑᓐᓃᑦ ᑕᖅᑭᐅᓚᐅᖅᑐᓂᑦ 12ᓂᑦ ᐊᓂᒍᖅᑐᓂᑦ.

ᑕᐃᒪ ᑕᖅᑭᑕᒫᑦ ᑮᓇᐅᔭᓕᐊᕆᕙᑦᑕᑎᑦ ᐊᑭᑦᑐᕆᐊᑲᐃᓐᓇᓂᐊᖅᑑᒐᓗᐊᑦ ᑕᐃᒪᐃᖏᓐᓇᔾᔮᒐᓂ, ᑭᓯᐊᓂ ᐃᖅᑲᐅᒪᒋᐊᕐᓂᐊᖅᑯᑎᑦ ᐃᑲᔫᑏᑦ ᐃᑲᔫᑕᐅᓂᐊᕐᖓᖅ ᑎᓴᒪᐃᓐᓇᕐᓄᑦ ᑕᖅᑭᓄᑦ ᑭᓯᐊᓂ.

ᖃᖓ ᑐᔅᓯᕋᐅᓯᐅᕈᓐᓇᕐᓯᓂᐊᖅᑯᖓ?

ᒫᓐᓇ ᑐᔅᓯᕋᖃᑦᑕᕈᓐᓇᓕᕐᒥᔪᓯ ᒐᕙᒪᑐᖃᒃᑯᑦ ᑲᓇᑕᒥ ᐃᓱᒫᓗᓇᕐᓯᓯᒪᑎᓪᓗᒍ ᑐᐊᕕᕐᓇᖅᑐᒥᒃ ᐃᑲᔫᑎᔅᓴᖏᓐᓄᑦ ᑐᑭᓯᒋᐊᕈᑎᖃᕐᕕᖓᓅᕐᓗᓯ Canada.ca/coronavirus.

ᖃᖓᒃᑯᑦ ᓯᒃᑭᑖᕋᔭᖅᑯᖓ?

ᓯᕗᓪᓕᖅ ᓯᒃᑭ ᐱᔭᐅᒐᔭᙳᐊᖅᑐᖅ ᐅᓪᓗᐃᑦ ᖁᓕᑦ (10) ᑭᖑᓂᐊᒍᑦ ᑐᔅᓯᕋᐅᓯᐅᓚᐅᖅᑎᓪᓗᑎᑦ.

ᖃᖓᓕ ᑕᐃᒪ ᓯᒃᑭᑖᖃᑦᑕᕈᓐᓃᕋᔭᖅᑯᖓ?

ᓯᒃᑭᑖᖃᑦᑕᕈᓐᓃᓂᐊᖅᑐᑎᑦ ᑎᓴᒪᑦ ᑕᖅᑮᑦ ᓈᑉᐸᑕ, ᐅᕝᕙᓘᓐᓃᑦ ᓯᕗᕐᖓᒍᑦ ᐅᑎᕈᕕᑦ ᐃᖅᑲᓇᐃᔮᓐᓄᑦ.

ᑭᓱᓂᑦ ᑲᒪᒋᔭᖃᕆᐊᖃᖅᑯᖓ ᑎᑎᕋᖅᑕᐅᑎᑦᑎᒍᒪᓗᖓ?

ᑎᑎᕋᕆᐊᖃᕐᓂᐊᖅᑐᑎᑦ ᓄᑖᖅ ᖃᕋᓴᐅᔭᒃᑯᑦ ᑐᑭᓯᐅᒪᔾᔪᑎᔅᓴᖃᕐᕕᖓ ᐊᑐᕐᓗᒍ ᑖᓐᓇ ᐋᖅᑭᑦᑕᐅᓛᖅᑐᖅ ᐱᓇᓱᐊᕈᓯᖓᓂ ᐄᐳᓗ 6 ᒐᕙᒪᑐᖃᒃᑯᓐᓄᑦ ᐋᖅᑭᑦᑕᐅᓂᐊᖅᑐᖅ. ᑐᕌᕈᑖ ᑖᔅᓱᒪ ᓱᓕ ᓴᖅᑭᖅᑕᐅᓯᒪᙱᑦᑐᖅ.

ᐅᖄᓚᐅᑎᖃᖅᑳᑦ ᐅᖄᓚᒍᒪᒍᒪ ᑎᑎᕋᖅᑕᐅᑎᑦᑎᓗᖓ ᖃᕋᓴᐅᔭᕐᒥᒃ ᐊᑐᕋᔅᓴᖃᙱᒃᑯᒪ?

ᐄ, ᑭᓯᐊᓂ ᒐᕙᒪᑐᖃᒃᑯᑦ ᓱᓕ ᓴᖅᑭᑎᑦᑎᓚᐅᙱᑦᑐᑦ ᓈᓴᐅᑎᖓᓂᒃ.

ᖃᓄᑎᒋ ᐊᑭᓕᖅᑕᐅᖃᑦᑕᓂᐊᕐᖓᑕ?

ᑮᓇᐅᔭᐃᑦ ᐊᑭᓕᐅᑕᐅᖃᑦᑕᓂᐊᖅᑐᑦ ᑎᓴᒪᑦ ᐱᓇᓱᐊᕈᓰᑦ ᓈᒐᐃᑉᐸᑕ.

$2,000 ᑮᓇᐅᔭᑦ ᑖᒃᓰᔭᕈᑎᓄᑦ ᐊᑕᕙ?

ᐃᑲᔫᑏᑦ ᑖᒃᓰᔭᕈᑎᓄᑦ ᐊᑕᔪᑦ, ᑭᓯᐊᓂ ᒐᕙᒪᒃᑯᑦ ᓇᓗᓇᐃᕐᓯᓯᒪᔪᑦ ᑖᒃᓰᔭᕈᑎᓄᑦ ᐅᑎᖅᑎᑦᑎᒍᑕᐅᒐᔭᖅᑐᑦ ᓅᑕᐅᓯᒪᓂᐊᕐᓂᖏᓐᓂᒃ. ᑐᑭᓯᒋᐊᒃᑲᓂᕈᑎᔅᓴᐃᑦ ᒫᓐᓇ ᐊᑐᐃᓐᓇᐅᖏᒻᒪᑕ ᑭᓯᐊᓂ.

ᑐᑭᓯᒋᐊᒃᑲᓐᓂᕈᒪᒍᔅᓯ ᐅᕗᖓ ᖃᐅᔨᒋᐊᕐᓗᓯ https://www.canada.ca/en/services/benefits/ei/cerb-application.html