ᖀᖅᓱᕐᓂᖅ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ ᐊᑎᓕᐅᖅᑐᑦ ᐊᖏᕈᑎ ᐱᔭᕆᐅᖅᓴᑎᑕᐅᒃᑲᓐᓂᖁᓪᓗᒋᑦ ᐊᒻᒪᓗ ᐃᓕᓐᓂᐊᖅᑎᑕᐅᒃᑲᓐᓂᕐᓗᑎᒃ ᐃᓄᐃᑦ ᖁᑎᒃᑐᕐᒥᐅᑦ
ᐅᓪᓗᒥ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ ᐊᑎᓕᐅᖅᑐᑦ ᑎᑎᖃᒥᒃ ᑐᑭᓯᖃᑎᒌᒍᑎᒥᖕᓂᒃ ᓄᓇᕗᑦ ᐅᑭᐅᖅᑕᖅᑐᒧᑦ ᓯᓚᖅᑐᖅᓴᕐᕕᒃ ᐅᑯᐊᓗ ᐋᕿᒃᓱᐃᓂᐊᖅᑐᑦ ᐃᑲᔫᑎᓂᐊᖅᑐᓂᒃ ᐱᔭᕆᐅᖅᓴᑎᑦᑎᓗᑎᒃ ᐊᒻᒪᓗ ᖃᐅᔨᓴᕐᓗᑎᒃ, ᑕᒫᓃᓕᖅᑎᑦᑎᓗᑎᒃ ᓄᑖᑦ ᐱᓕᕆᔾᔪᑕᐅᓕᖅᑐᑦ ᐃᓕᓐᓂᐊᕈᑎᑦ ᑐᕌᖅᑐᖅ ᐃᓄᖕᓄᑦ ᖁᑎᒃᑐᕐᒥᐅᓄᑦ. ᐅᓇ ᑐᑭᖃᖅᑐᖅ ᐃᓕᓐᓂᐊᒐᒃᓴᒃᑲᓐᓃᑦ, ᐊᖏᕐᕋᒥ ᖃᓐᓂᓐᓂᖅᓴᐃᑦ, ᐃᓄᖕᓄᑦ. ᐅᓇ ᐃᖏᕐᕋᔾᔪᑖ ᑕᒪᑐᒧᖓ ᐃᖏᕐᕋᓯᑎᑕᐅᓯᒪᔪᖅ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᑦ ᐃᓄᐃᑦ ᖃᐅᔨᓴᖅᓯᓂᕐᒧᑦ ᐊᒻᒪᓗ ᐱᔭᕆᐅᖅᓴᕕᖓ ᒥᑦᑎᒪᑕᓕᖕᒥ, ᒪᑐᐃᕈᒫᖅᑐᖅ 2026. ᐅᓇ ᓯᕗᓪᓕᖅᐹᖅ ᑕᒪᐃᑦᑐᓄᑦ ᐃᒡᓗ ᖁᑎᒃᑐᕐᒥᐅᓂ ᐱᔨᑦᑎᕋᕐᓂᐊᖅᑐᖅ ᐃᓂᖃᕐᓗᑎᒃ ᐱᕕᖃᕐᑎᑦᑎᕙᓪᓕᐊᓗᓂ, ᐃᓕᓐᓂᐊᕈᑎᑦ ᐊᒻᒪᓗ ᐱᔭᕆᐅᖅᓴᐅᑎᑦ ᐊᑐᖅᑕᐅᔪᓐᓇᕐᓂᖅᓴᐅᓕᕐᓗᑎᒃ […]
March 5, 2025ᑐᓵᔩᑦ ᑐᑭᓕᐅᕆᔩᑦ ᑲᑎᒪᓂᖓᑦ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᓯᕗᓪᓕᕐᐹᒥ ᑲᑎᒪᑎᑦᑎᔪᒻᒪᑕ ᑐᓵᔨᓂᑦ ᑐᑭᓕᐅᕆᔨᓪᓗ ᕖᕝᕗᐊᓕ 3-6, 2025ᖑᑎᓪᓗᒍ ᐃᖃᓗᓐᓂ. ᑖᓐᓇ ᑲᑎᒪᓂᐅᓚᐅᖅᑐᖅ ᐊᕐᕌᒍᒥ ᐸᕐᓇᑕᐅᔪᒻᒪᑦ 55ᖑᓪᓗᑎᒃ ᑲᑎᒪᔭᖅᑐᕐᓯᒪᓚᐅᖅᑐᑦ ᕿᑭᖅᑕᓂ ᓄᓇᓕᓐᓃᙶᕐᓯᒪᔪᑦ. ᕌᕗᑦ ᒍᐊᑦ, ᖃᐅᔨᒪᔭᐅᑦᓯᐊᖅᑐᖅ ᐃᓅᓪᓗᓂ ᓄᓇᕕᒻᒥᐅᑦᓴᔭ, ᑲᑎᒪᑎᑦᑎᔪᔪᑦ ᐱᓇᓱᐊᕈᓯᓕᒫᖅ ᑲᑎᒪᓂᕐᒥ. ᕌᕗᑦ ᐃᖅᑲᓇᐃᔭᖅᑎ ᑲᒥᓯᓇᐅᑉ ᐊᓪᓚᕝᕕᐊᓂ ᓄᓇᖃᖅᑳᖅᑐᓄᑦ ᐅᖃᐅᓯᓕᕆᓂᕐᒧᑦ ᐋᑐᕚᒥ ᐊᒻᒪᓗ ᐊᑯᓂᐊᓗᒃ ᐃᖅᑲᓇᐃᔭᖃᑦᑕᕐᓯᒪᔪᑦ ᐅᖃᐅᓯᕐᒥᒃ ᐊᑐᖅᑕᐅᖏᓐᓇᖁᔨᓂᕐᒧᑦ. ᕿᑭᖅᑕᓂᒃᑯᑦ ᑲᑎᒪᑎᑦᑎᒍᒪᖃᑦᑕᕐᓯᒪᒻᒪᑕ ᑐᕌᒐᖃᖅᑐᑎᒃ ᑐᑭᓯᒍᒪᓪᓗᑎᒃ ᖃᓄᐃᑦᑐᒥᒃ ᐊᑐᖃᑦᑕᕋᔅᓴᓂᑦ ᐊᒻᒪᓗ ᐃᑲᔪᖅᑕᐅᔾᔪᑎᖃᕆᐊᖃᕐᒪᖔᑕ ᑐᓵᔩᑦ ᑐᑭᓕᐅᕆᔩᓪᓗ ᐱᕙᓪᓕᐊᑦᑎᐊᖁᓪᓗᒋᑦ ᐃᖅᑲᓇᐃᔮᕆᕙᑦᑕᖓᓐᓂ. ᐊᒻᒪᓗᑦᑕᐅᖅ, ᑐᓵᔩᑦ ᑐᑭᓕᐅᕆᔩᓪᓗ ᐅᖃᐅᓯᖃᖃᑦᑕᕈᓐᓇᓂᐊᕐᖓᑕ […]
February 24, 2025ᓄᓇᖃᖄᕐᑐᕕᓂᕐᓄᑦ ᐅᓇᑕᕐᒃᑐᕐᒃᓴᐅᓚᐅᕐᓯᒪᔪᓄᑦ ᑲᓇᑕᒥ − ᓯᑏᕕ ᐊᐅᓪᓚᕿᐊᕐᒃ
ᐅᓪᓗᒥ ᐅᓪᓗᕆᔭᐅᖕᒪᑦ ᓄᓇᖃᖄᕐᑐᕕᓂᕐᓄᑦ ᐅᓇᑕᕐᒃᑐᕐᒃᓴᐅᓚᐅᕐᓯᒪᔪᓄᑦ ᑲᓇᑕᒥ. ᑖᓇ ᐅᓪᓗᕐᒃ ᐃᖃᐅᒪᔭᐅᑎᓪᓗᒍ ᕿᑭᕐᒃᑕᓂᒃᑯᑦ ᐅᓂᒃᑳᓕᐅᕐᓯᒪᕗᑦ ᐱᓪᓗᒍ ᓯᑏᕕ ᐊᐅᓪᓚᕿᐊᕐᒃ ᕿᕿᕐᑕᕐᔪᐊᕐᒥᐅᑕᕐᒃ ᓯᑏᕕ ᐊᐅᓚᕿᐊᕐᒃ ᓯᕗᓪᓕᖅᐹᒥᒃ ᐅᓇᓕᒃᓴᕋᓛᖑᓚᐅᖅᓯᒪᔪᕐᒃ ᐅᑭᐅᖑᑎᓪᓗᒍ 1974, ᑲᓇᑕᒥ ᐅᓇᑕᖅᑐᒃᓴᖏᑦ ᐊᔪᕈᓐᓃᖅᓴᕆᐊᖅᑐᕐᓂᐊᖅᑎᓪᓗᒋᑦ ᐅᓇᑕᕐᓂᕐᒧᑦ ᕿᑭᖅᑕᕐᔪᐊᕐᒃ ᖃᓂᒋᔭᖓᓂ. ᐅᓇᑕᖅᑐᒃᓴᒃᑯᑦ ᑐᒃᓯᕋᓚᐅᖅᓯᒪᖕᒪᑕ ᒪᕐᕉᓂᒃ ᓄᓇᓕᖕᒥᐅᑕᓂᒃ ᐃᑲᔪᖁᔨᓪᓗᑎᒃ ᐊᔪᕈᓐᓃᖅᓴᓕᖅᐸᑕ. ᓯᑏᕕᓗ ᐊᒻᒪᓗ ᑯᐊᓕ ᑯᓂᓘᓯ ᐊᑎᓕᐅᖃᑕᐅᔪᑑᓚᐅᖅᓯᒪᔫᒃ. ᐃᑦᑕᕋᓕᖕᒧᑦ ᐊᐅᓪᓚᖅᑎᑕᐅᓚᐅᖅᓯᒪᔪᑦ ᖃᖓᑕᓲᕋᓛᒃᑯᑦ ᐃᓛᓐᓂᒃᑯᑦ ᐅᓗᕐᒃ ᐃᑲᕋᖏᓐᓂᒃ 15−ᓄᑦ ᑎᑭᑉᐸᓚᐅᖅᓯᒪᔪᑦ ᓯᓂᓚᐅᖅᓯᒪᓇᑎᒃ ᐃᑲᔪᖅᖢᑎᒃ ᐅᓇᑕᖅᑐᒃᓴᓂᒃ. ᐱᓕᕆᔭᕆᐊᖃᖅᐸᓪᓚᐅᖅᓯᒪᔭᖏᑦ ᐃᓚᖏᑦ ᐊᐃᒃᓯᖅᐸᒃᖢᑎᒃ ᖃᒧᑕᐅᔭᕐᓂᒃ ᐊᒻᒪᓗ ᐅᖅᓱᒃᓴᐃᕙᒃᖢᑎᒃ ᐃᓛᓐᓂᒃᑯᑦ […]
November 8, 2024ᕿᑭᖅᑕᓂ ᓱᓕᔪᒥᒃ ᑭᒡᓕᓯᓂᐊᖅᑏᑦ ᐃᓕᓴᖅᓯᕗᑦ ᑕᓪᓕᒪᓂᒃ ᐊᕐᕌᒍᓂ ᓇᓪᓕᐅᓐᓂᖅᓯᐅᕐᓂᖓ ᒐᕙᒪᑐᖃᒃᑯᑦ ᒪᒥᐊᓐᓂᖃᓚᐅᖅᑎᓪᓗᒋᑦ
ᐅᓪᓗᒥ, ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᐃᓕᓴᖅᓯᔪᒪᕗᑦ ᑕᓪᓕᒪᓂᒃ ᐊᕐᕌᒍᓂ ᓇᓪᓕᐅᓐᓂᖅᓯᐅᕐᓂᖃᕐᒪᑦ ᕿᑭᖅᑕᓂ ᓱᓕᔪᒥᒃ ᑭᒡᓕᓯᓂᐊᖅᑏᑦ ᒪᒥᐊᓚᐅᖅᑎᓪᓗᒋᑦ ᒐᕙᒪᑐᖃᒃᑯᑦ ᐋᒡᒌᓯ 14, 2019. ᐊᕐᕌᒍᓂᑦ ᑕᓪᓕᒪᐅᔪᑦ ᐃᓗᐊᓂ ᒪᒥᐊᓚᐅᖅᑎᓪᓗᒋᑦ ᕿᑭᖅᑕᓃᒃᑯᑦ ᐊᑐᓕᖅᑎᑦᑎᓯᒪᔪᑦ ᐱᓂᐊᕐᓂᐅᓯᒪᔪᓂᒃ ᓴᐃᒻᒪᖃᑎᒌᖕᓂᕐᒧᑦ ᐱᓕᕆᐊᒃᓴᓂ. ᑕᕝᕙᓂ ᐊᕐᕌᒍᒥ ᕿᑭᖅᑕᓃᒃᑯᑦ ᐱᓕᕆᐊᒃᓴᖃᕈᒪᓪᓗᐊᕐᓂᐊᖅᑐᑦ ᕿᑭᖅᑕᓂ ᓱᓕᔪᒥᒃ ᑭᓪᓕᓯᓂᐊᖅᑎᓂᒃ, ᓴᖅᑭᔮᖅᑎᒃᑲᓐᓂᕐᓗᒍ ᐊᑐᓕᖁᔨᔾᔪᑎ #3: “ᕿᑭᖅᑕᓃᒃᑯᑦ ᐊᒻᒪᓗ ᐸᓖᓯᒃᑯᑦ ᐃᓕᓴᖅᓯᓗᑎᒃ ᐃᑲᔪᖃᑦᑕᖅᓯᒪᔭᖏᑦ ᐃᓄᐃᑦ ᐸᓖᓯᙳᐊᖑᓚᐅᖅᑐᑦ ᐃᓚᒋᔭᖏᓪᓗ ᐸᓖᓯᒥᐅᑕᐅᑎᓪᓗᒋᑦ ᕿᑭᖅᑖᓗᖕᒥ” ᐅᐱᒋᔭᐅᓂᖏᑦ ᑕᐃᔅᓱᒪᓂ ᖃᓄᐃᓕᐅᕐᓂᑯᑦ: ᐃᓄᐃᑦ ᐸᓖᓯᙳᐊᑦ ᐊᒻᒪᓗ ᕿᒻᒥᙳᐊᖅᓕᐅᖅᓯᒪᔪᖅ ᓇᓗᓇᐃᒃᑯᑕᖅ 2020−ᒥᑦ ᐱᒻᒪᕆᐅᔪᒥᑦ […]
August 14, 2024ᓄᓇᕗᑦ ᕿᒧᒃᓯᐅᒡᔪᐊᕐᓂᖅ 2024 − ᑭᒃᑰᓂᖏᑦ ᓱᑲᓴᖅᑏᑦ ᓄᓇᕗᑦ ᕿᒧᒃᓯᐅᒡᔪᐊᖅᑐᓂ
ᓄᓇᕗᑦ ᕿᒧᒃᓯᐅᒡᔪᐊᕐᓂᖅ 2024 − ᑭᒃᑰᓂᖏᑦ ᓱᑲᓴᖅᑏᑦ ᓄᓇᕗᑦ ᕿᒧᒃᓯᐅᒡᔪᐊᖅᑐᓂ ᒪᒃᑯᒃᑐᑦ ᐃᒡᓗᓕᒃᒥᖔᖅᑐᑦ ᐃᑲᔪᖅᐳᑦ ᐃᒃᐱᐊᕐᔪᖕᒦᑎᓪᓗᒋᑦ ᓂᕆᐅᖕᓂᖃᖅᖢᑎᒃ ᐱᒋᐊᕐᓂᐊᕐᓂᖓᓂ ᓄᓇᕗᑦ ᕿᒧᒃᓯᐅᔾᔪᐊᕐᓂᖅ. ᐊᒡᒋᐸᓪᓕᐊᑎᓪᓗᒍ ᓱᑲᓐᓂᑭᓴᐅᑎᓂᐅᓂᐊᖅᑐᖅ, ᒪᒃᑯᒃᑐᑦ ᐃᑲᔪᖅᑕᐅᓯᒪᓪᓗᑎᒃ ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᒃᑯᓐᓂ ᐃᖅᑲᓇᐃᔭᖅᑎᖏᓐᓂᒃ ᐊᐱᖅᓱᕈᓐᓇᖅᓯᓚᐅᕐᒪᑕ ᓱᑲᓴᕐᓂᐊᖅᑐᓂᒃ. #1 ᑕᐃᕕᑎ ᐆᔪᑯᓗᒃ − ᐃᒃᐱᐊᕐᔪᒃ ᑕᐃᕕᑎ ᕿᒧᒃᓯᖃᑦᑕᓕᓚᐅᖅᓯᒪᔪᖅ 2016−ᒥ ᐱᒋᐊᖅᖢᓂ. ᐃᓕᑉᐸᓪᓕᐊᓕᓚᐅᖅᑐᖅ ᐊᑖᑕᖓᓂ ᐃᑲᔪᖅᑎᐅᕙᒃᖢᓂ, ᐃᓚᐅᔪᓐᓇᖃᑦᑕᖅᖢᓂ ᕿᒧᒃᓯᐅᔾᔪᐊᖅᑐᓂ. ᑕᐃᕕᑎ ᐃᓚᐅᖃᑕᐅᖃᑦᑕᖅᓯᒪᔪᖅ 2016ᒥ ᐱᒋᐊᖅᑐᓂ ᐊᒻᒪᓗ ᓵᓚᒃᓴᓚᐅᖅᓯᒪᓪᓗᓂ. ᑕᐃᕕᑎ ᐃᖅᑲᓇᐃᔭᖅᑎᐅᔪᖅ ᐊᖁᑎᐅᓪᓗᓂ ᐹᓯᒧᑦ ᐃᓅᔭ ᐃᓕᓐᓂᐊᕐᕕᖕᒧᑦ. ᕿᒻᒥᖏ ᕿᒧᓕᒻᒪᒃᑎᖏᒃᑯᓂᒋᑦ ᐃᖅᑲᓇᐃᔭᕐᕕᖓᓃᖃᑦᑕᖅᑐᖅ […]
April 17, 2024ᓄᓇᕐᔪᐊᓕᒫᒥ ᐊᕐᓇᐃᑦ ᐅᓪᓗᕆᖕᒪᒍ
ᐅᓪᓗᒥ ᓄᓇᕐᔪᐊᓕᒫᒥ ᐊᕐᓇᓄᑦ ᐅᓪᓗᕆᔭᐅᒪᑦ. ᕿᑭᕐᒃᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᑯᕕᐊᓱᒍᑎᖃᕐᒪᑕ ᐃᓄᒃᓂ ᐊᕐᓇᓂᒃ ᐅᓪᓗᒥ. ᑕᒫᓂ ᐊᕌᒎᔪᒥ ᑕᑯᒃᓴᐅᑎᐸᕗᑦ ᒪᓚᐃᔭ ᔪᐊᑎᓐ ᒫᒃᒧ ᐸᖕᓂᕐᑑᕐᒥᐅᑕᕐᒃ. ᕼᐊᑭᕐᓂᕐᒃ ᐱᒻᒪᕆᒋᔭᐅᒪᑦ ᑖᑯᓄᖓ ᐃᓛᒋᒃᓄᑦ ᐊᒪᓗ ᔪᐊᑎᓐ ᒥᑭᓐᓂᕐᓴᓂᒃ ᕼᐊᑭᕈᑎᒥᒃ ᐊᓇᐅᑎᒥᒃ ᑎᒍᒥᐊᕐᐸᓕᓚᐅᕐᑐᕐᒃ ᐱᓱᒋᐅᓚᐅᖏᑎᓪᓗᓂᓘᓃᑦ! ᒪᕐᕉᓐᓂᒃ ᐅᑭᐅᖃᕐᓕᕐᑎᑦᓗᓂ ᕼᐊᑭᕐᓯᐅᑎᓂᒃ ᐊᑎᔭᕌᖓᒥ ᐅᖃᕐᐸᓚᐅᕐᓯᒪᔪᕐᒃ ᕼᐊᑭᒋᐊᕐᑐᓂᐊᓕᕌᒥᒎᕐᒃ. ᔪᐊᑎᓐ ᓯᐊᕆᔮᕐᕆᐅᓴᕐᐸᓕᓚᐅᕐᑐᕐᒃ ᐅᑭᐅᖃᑐᐃᓇᕐᑐᓂ ᐱᖓᓱᓂᒃ, ᑕᓪᓕᒪᓂᒃ ᐅᑭᐅᖃᓕᕋᒥ ᐊᔪᕈᕐᓃᕐᐸᓪᓕᐊᓚᕐᕆᓕᓚᐅᕐᑐᕐᒃ ᓱᑲᓐᓂᕐᓴᐅᓕᕐᑐᓂᓗ ᐃᒦᓃᓇᑯᓗᒃ ᐊᔪᕈᓃᕐᐸᓕᐊᓕᕐᑐᓂ. ᐊᔪᕈᓃᕐᐸᓕᐊᓂᖓ ᐃᓐᒥᓃᓇᕐ ᐱᓇᓱᐊᖏᓇᕐᓂᕐᒧᑦ ᐊᒃᓱᕈᕐᓂᕐᒧᑦᓗ, ᑭᓯᐊᓂ ᐊᐳᕐᑕᕈᑎᑕᖃᓚᐅᕐᑐᕐᒃ ᐸᖕᓂᕐᑑᒥ. ᓯᑯᖑᐊᕐᑕᖃᖏᒪᑦ ᐊᒪᓗ ᐊᓐᓂᑭᑦᑐᕐᕕᒃ […]
March 8, 2024ᐃᓄᐃᑦ ᖁᕕᐊᓱᒍᑎᒋᕙᕗᑦ!
ᕿᑭᕐᒃᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ ᓇᐃᑦᑐᓐᓂᒃ ᐅᓂᒃᑳᓕᐅᑲᑕᒃᒪᑕ ᐃᓄᖕᓂᒃ ᐊᔪᖏᓂᖏᓂᒃ ᐊᒻᒪᓗ ᐱᒃᑲᐅᓂᖏᓂᒃ. ᑕᕝᕙ ᑎᐅᕆ ᓄᐊ, ᓇᖕᒥᓂᓕᒃ ᐊᐅᓚᑦᑎᔨ ᐊᐅᓱᐃᑐᕐᒃ ᖃᓄᐃᓕᐅᕐᑎᑦᑎᓂᕐᒃ ᐊᐅᓱᐃᑐᕐᒃᒥ. ᑎᐅᕆ ᐱᒋᐊᕐᑎᑦᑎᓚᐅᕐᓯᒪᔪᕐ ᓇᖕᒥᓂᕆᔭᕐᒥᓂᒃ ᐅᔾᔨᕆᓕᕋᒥ ᐊᒥᓱᑦ ᓂᕿᓪᓚᑖᕐᑐᕈᒪᕙᒃᑐᑦ ᓄᓇᕗᑦᒥ ᖃᕋᓴᐅᔭᑎᒍᑦ ᑕᑯᕙᒃᓱᓂᒋᑦ. ᐱᓪᓗᐊᕐᑐᒥᒃ ᓇᖕᒥᓂᕐᒃ ᐊᖑᓇᓱᒍᓐᓇᖏᑐᑦ ᐋᓐᓂᐊᕐᓂᒧᑦ, ᐃᓚᒥᓂᒃᓘᓃᑦ ᐱᔾᔪᑎᖃᕐᓱᑎᒃ ᐅᕙᓘᓃᑦ ᐊᖑᓇᓱᒍᑎᖃᖏᑐᑦ. ᑎᐅᕆ ᐃᓱᒪᒃᓴᕐᓯᐅᓕᓚᐅᕐᑐᕐᒃ ᖃᓄᕐᒃ ᓂᐅᕕᕐᒃᑕᐅᔪᓇᕐᑐᓂᒃ, ᓴᓗᒪᔪᓂᒃ ᐊᒪᓗ ᐴᖃᕐᒃᑎᐊᕐᓯᒪᔪᓂᒃ ᓂᕿᓚᑖᓂᒃ ᐊᐅᓪᓚᕐᑎᑕᐅᔪᓇᕐᓗᑎᒃ ᖃᖓᑕᓲᑯᑦ ᐃᓄᒃᓄᑦ ᓄᑖᕕᓂᕐᑐᕈᒪᔪᓄᑦ. ᐆᒪᔪᕐᓂᐊᕐᑎᒃᑯᓐᓄᑦ ᑲᒪᔨᐅᑎᑦᓗᓂ, ᑕᑯᕙᓚᐅᕐᓯᒪᒃᒪᑦ ᐊᒥᓱᓂᒃ ᑐᒃᓯᕋᕐᑐᓂᒃ ᐳᓚᕋᕐᑎᓂᒃ ᐊᐅᓪᓚᕐᑎᑦᑎᔨᒃᓴᒥᒃ ᕿᓂᕐᒃᑐᓂᒃ, ᐊᐅᓪᓚᕆᐊᕐᑐᕈᒪᔪᓂᒃᓗ […]
March 4, 2024