ᐃᖃᓗᐃᑦ, ᓄᓇᕗᑦ, ᔪᓚᐃ 26, 2024 – ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ (ᕿᑭᖅᑕᓂᒃᑯᑦ) ᐊᒻᒪᓗ ᐹᕕᓐᓛᓐᑦ ᐅᔭᕋᖕᓂᐊᖅᑎᒃᑯᑦ (ᐹᕕᓐᓛᓐᑦ) ᑲᑎᒪᑎᑦᑎᓂᐊᕐᒪᑕ ᓄᓘᔮᓕᕆᓂᖅ ᐊᕐᕌᒍᑕᒫ ᐱᓕᕆᐊᒃᓴᖅ ᕿᒥᕐᕈᓂᖅ ᐃᒡᓗᓕᒃᒥᑦ ᓯᑎᐱᕆᒥᑦ 10, 11, ᐊᒻᒪᓗ 12, 2024. ᑕᒪᓐᓇ ᖃᓄᐃᓕᐅᕐᓂᐅᔪᖅ ᐋᔩᕋᕈᑕᐅᓯᒪᔪᖅ ᐱᕚᓪᓕᕈᑎᓄᑦ ᐃᓄᐃᑦ ᐊᒃᑐᖅᑕᐅᓯᒪᓂᖏᓐᓄᑦ ᐱᕚᓪᓕᕈᑎ ᐊᖏᕈᑎ (ᐊᖏᕈᑎ).
ᐊᕐᕌᒍᑕᒫ ᐱᓕᕆᐊ ᕿᒥᕐᕈᓂᖅ ᑲᑎᒪᓂᖅ ᓴᖅᑭᑎᑦᑎᕗᖅ ᐅᖃᓪᓚᖕᓂᕐᒥᑦ ᐱᓕᕆᐊᑦ−ᐱᔾᔪᑎᒋᓪᓗᒋ ᐱᔭᒃᓴᑦ ᓄᓘᔮᓕᕆᓂᖅ ᐱᓕᕆᐊᒃᓴᒥᑦ ᑕᓪᓕᒪᓄ ᐊᒃᑐᖅᑕᐅᔪᓄᑦ ᓄᓇᓕᐅᔪᓄᑦ. ᐃᓂᖃᕐᓂᐅᕗᖅ ᓄᓇᓕᖕᓂ ᑭᒡᒐᖅᑐᐃᔨᓂ ᐱᖃᖅᑎᑦᑎᓗᑎᒃ ᐅᖃᐅᓯᒃᓴᓂᒃ ᕿᑭᖅᑕᓂᒃᑯᓐᓄᑦ ᐊᒻᒪᓗ ᐹᕕᓐᓛᓐᑦᑯᓐᓄ ᐊᕙᑎᒧᑦ ᐊᒃᑐᖅᑕᐅᓂᖓᓄᑦ, ᐊᒃᑐᐃᓗᐊᖅᑕᐃᓕᑎᑦᑎᓂᖅ ᐊᒻᒪᓗ ᖃᐅᔨᓴᖅᐸᓪᓕᐊᓂᖅ ᐸᕐᓇᐅᑎᑦ, ᐊᒻᒪᓗ ᐱᑎᑦᑎᓗᓂ ᐊᑐᓕᖁᔭᐅᔪᓂᒃ ᐊᑕᖏᐅᒪᔪᒥᒃ ᐱᓕᕆᐊᖑᔪᒥᒃ ᐱᐅᓯᑎᑦᑎᓂᕐᒥᒃ.
ᕿᑭᖅᑕᓂᒃᑯᑦ ᐊᒻᒪᓗ ᐹᕕᓐᓛᓐᑦ ᕿᓂᖅᐳᑦ ᐃᓄᖕᓂ ᐱᖃᑕᐅᔪᒪᔪᓂ ᐃᓐᓇᕐᓂ ᐊᒻᒪᓗ ᒪᒃᑯᒃᑐᓂᑦ ᑭᒡᒐᖅᑐᐃᔨᒥᑦ ᑖᒃᑯᓂᖓ ᐊᒃᑐᖅᑕᐅᓯᒪᔪᓂᑦ ᓄᓇᓕᐅᔪᓂᑦ ᒥᑦᑎᒪᑕᓕᖕᒥᑦ, ᐃᒃᐱᐊᕐᔪᖕᒥᑦ, ᖃᖏᖅᖢᒑᐱᖕᒥᑦ, ᓴᓂᕋᔭᖕᒥᑦ, ᐊᒻᒪᓗ ᐃᒡᓗᓕᖕᒥᑦ. ᐅᑭᐅᖏ ᒪᒃᑯᖕᓂᖏᑦ 18−ᒥᑦ 30−ᒧᑦ ᐊᒻᒪᓗ ᐃᓐᓇᕐᓂᑦ 55−ᒥᑦ ᐅᖓᑖᓄᑦ.
ᐱᖃᑕᐅᔪᒪᓐᓂᕈᕕᑦ ᐃᓐᓇᕐᓄᑦ ᒪᒃᑯᒃᑐᓄᑦ ᑲᑎᒪᔨᐅᖃᑕᐅᓗᑎᑦ ᑲᑎᒪᔪᓄᑦ, ᑐᓂᓯᒐᔭᕋᕕᑦ ᐊᑎᖅᓯᓐᓂᒃ wᕿᑭᖅᑕᓂᒃᑯᓐᓄᑦ ᓄᓇᓕᔅᓯᓐᓂ ᑐᖅᑲᖅᑕᕐᕕᐅᔪᒧᑦ ᐅᕝᕙᓘᓐᓃᑦ ᐹᕕᓐᓛᓐᑦ ᓄᓇᓕᖕᓂ ᑐᖅᑲᖅᑕᕐᕕᒃ ᑎᑎᕋᕐᕕᓕᕆᔨᒧᑦ ᐊᓂᒍᓚᐅᖏᓐᓂᖓᓂ ᐋᒌᓯ 2, 2024.
ᐃᓄᐃᑦ ᐊᒃᑐᖅᑕᐅᓂᖏᓐᓄᑦ ᐱᕚᓪᓕᕈᑎᒃᓴᓄᑦ ᐊᖏᕈᑎ ᐊᑐᓕᖅᑎᑕᐅᔪᑦ ᐃᖅᑲᓇᐃᔭᖅᑎᑦ ᑕᒪᒃᑭᖕᓂ ᕿᑭᖅᑕᓂᒃᑯᓐᓂ ᐊᒻᒪᓗ ᐹᕕᓐᓛᓐᑦᑯᓐᓂ ᐃᓚᐅᖃᑕᐅᓂᐊᖅᑐᑦ ᓴᖅᑭᔮᖅᑎᑦᑎᓂᖃᕐᓗᑎᒃ ᐊᒻᒪᓗ ᑐᓴᕐᕕᖃᕈᒪᓪᓗᑎᒃ.
ᑐᓴᕆᐊᒃᑲᓐᓂᕈᒪᒍᕕᑦ, ᖃᐅᔨᒋᐊᕐᕕᒋᒍᒃ:
ᑭᐊᕋᓐ ᕙᓚᕋᑎ
ᑐᑭᒧᐊᒍᑎᒃᓴᓄᑦ ᑐᓴᐅᒪᖃᑦᑕᐅᑎᓕᕆᓂᕐᒧᑦ ᑐᑭᒧᐊᖅᑎᑦᑎᔨ
ᕿᑭᖅᑕᓂ ᐃᓄᐃᑦ ᑲᑐᔾᔨᖃᑎᒌᖏᑦ
(P) 867.975.8398 or toll-free 1.800.667.2742
kflaherty@qia.ca
